Засгийн газар болон УИХ-ын чуулганы үйл ажиллагааг гацаанд оруулаад байгаа шинэ сайд нарын асуудлаар АН-ын гишүүд МАН-д дахин бичиг хүргүүлжээ. Өмнө нь шадар сайдуудын орон тоо байх хэрэггүй мөн УИХ-ын гишүүдийг сайдын ажил хийлгэхгүй байхыг хүссэн юм. Тэгвэл дөнгөж сая тэд МАН-ын удирдах зөвлөлд нааштай хариу бичиг илгээсэн байна. Үүнд МАН-ын сайдын суудалд нэр дэвшүүлсэн гурван УИХ-ын гишүүнийг Засгийн газрын бүрэлдэхүүнд оруулж болох юм хэмээн зөвшөөрсөн байна. Тодруулбал, Сангийн сайдад УИХ-ын гишүүн Д.Хаян­хярваа, Зам тээ­вэр барилга хот бай­гуу­лал­тын сайдад УИХ-ын гишүүн Ц.Дашдорж, Батлан хам­гаалахын сайдад УИХ-ын гишүүн Ж.Энхбаяр нарыг томилоход эсэргүүцэхгүй гэдгээ ийнхүү мэдэгдлээ. Тиймээс энэ бичгийг хүлээж авсан МАН-ын удирдах зөвлөлийн гишүүд яг одоо ямар хариу өгөхөө шийдэхээр хуралдаж байгаа. АН бага ч гэсэн буулт хийсэн болохоор МАН ч мөн тохиролцоонд хүрэхийн тулд нааштай хариу өгөх хэрэгтэй болоод байна.