Хүйтний эрч эрс чангарч зарим нутгаар шөнөдөө хасах 48 хэмд хүрнэ хэмээн Ус цаг уурын хүрээлэнгээс мэдээлж байна. Энэ сарын 29-нөөс 30-ны хооронд манай ихэнх нутгаар бага зэргийн цас орж, цасан шуурга шуурна. Увс нуур, Дархадын хотгор, Идэр, Тэс голын хөндийгөөр шөнөдөө 43-48, өдөртөө 29-34 хэм хүрч хүйтрэх төлөвтэй байна. Хангай, Хөвсгөлийн уулархаг нутаг, Хараа, Ерөө, Онон, Халх голын сав газраар шөнөдөө 36-41, өдөртөө 24-29 хэмд хүрнэ. Бусад нутгаар шөнөдөө 28-33, өдөртөө 21-26 хэм хүйтэн байна. Хүйтний эрч ирэх долоо хоногоос багасах бөгөөд малчид ард иргэдийг энэ өдрүүдэд сэрэмжтэй байхыг анхааруулж байна.