Дорнодын ураны ордыг эзэмшдэг Канадын хөрөнгө оруулалттай “Хан ресурс” компаний хувьцаа Торонтогийн хөрөнгийн бирж дээр буурч, үнэгүйдэж эхэлсэн тул биржээс шаардах бичиг хүргүүлсэн байна. “Ройтерс” агентлагийн мэдээлж байгаагаар сүүлийн гурван сард “Хан ресурс” өөрийн нийт хөрөнгийнхөө гуравны нэг буюу 25 хувийг алджээ. Тиймээс Торонтогийн хөрөнгийн биржийн зүгээс одоо эрхэлж байгаа бизнесийнхээ тухай үнэн, бодит мэдээллийг нэн даруй өгөх, үйл ажиллагаагаа тогтворжуулах хэрэгтэй гэж шаардсан байна. Уг бичигт “Танай компани өнгөрсөн оныхоо тайланг гаргахдаа “магадлалтай”, “төлөвтэй”, “ойролцоогоор” гэх зэрэг тодорхойгүй үг хэрэглэсэн байна. Үүнийгээ бидэнд тодруулж өгнө үү. Хэрэв 120 хоногийн дотор үйл ажиллагаагаа хэвийн болгож манай биржийн шаардлагад нийцүүлж чадахгүй бол Торонтогийн хөрөнгийн бирж дээр хувьцаагаа арилжаалах эрхийг хасах хүртэл арга хэмжээ авна” гэж мэдэгдсэн байна. Мөн “Хан ресурс” компаний хамгийн их найдвар тавьж байгаа Дорнод аймагт байдаг ураны орд ч бас эргэлзээтэй байдалд байна гэдгийг www.mineweb.com сайтад бичсэн байна. Монголын улс төр, нийгмийн байдал тогтворгүй, хөрөнгө оруулалт болон уул уурхайтай холбоотой хуулиуд нь өөрчлөгдөж, улам хатуу болох магадлалтай тул Торонтогийн биржийн тавьсан шаардлага тун зөв хэмээн бичжээ.
“Хан ресурс” өнгөрсөн онд Дорнодын ураны ордын лизенцийг авах гэж Монгол улсын Засгийн газар болон ОХУ-ын "Атомредметзолото" компанид улирал дамнасан зарга үүсгэж ялж байсан юм.
Б.Баяр
