Өнгөрсөн долоо хоногт Монголын хөрөнгийн бирж дээр Багануурын уурхайн хувьцаа 13,5 хувиар буурсан байна. Мөн АПУ /9.8%/, Монголын цахилгаан холбоо /9.1%/, Могойн гол /7.1%/, Бэрх уул /6.4%/, УИД /5.0%/, Говь /3.8%/, Би Ди Сек /3.0%/, Хөх ган /2.2%/, Монгол шилтгээн /1.1%/, Таван толгой /0.9%/, Силикат /0.9%/ зэрэг ХК-ийн үнэт цаасны үнэлгээ багасжээ. Харин ханш нь хамгийн их өссөн үнэт цаасны тоонд Хар тарвагатай /52.0%/, Өндөрхаан /51.9%/, Харгиа /32.2%/, ханш нь хамгийн их буурсан үнэт цаасны тоонд Эрээнцав /54.7%/, Бишрэлт индастриал /18.2%/, Оллоо /17.9%/ зэрэг ХК-иудын үнэт цаас багтжээ. Тоо ширхгээр хамгийн олон ширхэг арилжигдсан үнэт цаас нь Гермес /831.5 мянган ширхэг/, Силикат /708.4 мянган ширхэг/, Хөх ган /648.8 мянган ширхэг/ компаниудынх байгаа юм.

   Энэ долоо хоногт МХБ дээр 5 удаагийн арилжааг явуулж, 82 ХК-ийн 3.1 сая ширхэг хувьцааг 939.3 сая төгрөгөөр арилжсан байна. Нийт 82 үнэт цаас арилжигдсанаас 41 үнэт цаасны ханш өсч, 27 үнэт цаасны ханш буурч, 14 үнэт цаасны ханш тогтмол байлаа.