Ясны хэврэгшил гэсэн ховор тохиолддог өвчний оноштой Н.Сод-Эрдэнэ охинд эмчилгээний зардал цуглуулах хандивын аянд 24tsag.mn сайт нэгдэж байна. Хоёр настай Н.Сод-Эрдэнэ охин эхээс төрөхдөө өрөөсөн гуян нь хавантай төрсөн бөгөөд рентген зураг авахуулахад гуяны хэсгээр хугаралттай байжээ. Төрснөөс нь хойш гурван хоногийн дараа Хүүхдийн гэмтлийн эмнэлэгт рүү авч явах үед охины яс хүрэх бүрт нэмэгдэж хугарсаар байжээ. Охин хоёр нас хүрч хөдөлгөөнтэй болох тусам яс нь хөндөгдөж, хугарч бэртдэг болсон тул байнга хатуу хавтан дээр шохой чиг тавиастай байдаг аж. Хоол идэхдээ ч өндийж болохгүй, мөлхөж, алхах нь хориотой байнгын асаргаа сувилгаанд байгаа Н.Сод-Эрдэнийн өвчинд монгол эмч нар “төрөлхийн ясны хэврэгшил, тархины даралт усжилттай гэсэн онош тогтоосон байна. Энэ өвчнийг Монголд эмчлэх боломжгүй тул гадаадын эмнэлгүүдэд хандахад Солонгосын Gandong дахь Kyunghee их сургуулийн эмнэлэг эмчлэх боломжтой гэсэн хариу илгээсэн юм. Охиныг эрүүл саруул болгох эмчилгээ болон замын зардал нь 70 сая гаруй төгрөг. Хэн нэгний хувьд унах машинтай нь тэнцэх энэ мөнгө бяцхан охины амьдралыг шийдэх болж байна. Та бүхнийг Н.Сод-Эрдэнийн эмчилгээний зардлыг цуглуулахаар зохион байгуулж байгаа хандивын тоглолтонд урья. Охины ээждээ тэврүүлж, энгийн хүүхэд шиг тоглож наадах, өсч бойжих боломж та бидний гарт байна.
Хандивын Данс:  
Хаан банк:  5360399971 /төгрөгийн/
Хаан банк: 5360400604 /долларын/
Голомт банк: 5405005585
Хадгаламж банк: 28170001180
   Тоглолт 2-р сарын долоонд 19 цагаас Монгол бөхийн өргөөнд болно. Холбоо барих утас: 96613233