Ардчилсан намын ҮЗХ-ны хуралдаанаар “Алтангадас” хүчирхэг гэдгээ харуулан тэргүүнээ тэргүүн хэвээр нь үлдээж чадсан. Тэгвэл саяхан “Монголоо шинэчилье” уриан дор анхдугаар чуулганаа Ардчилсан хүчний холбооныхон “Алтангадас”-аас дутуугүй, дундуургүй нэгэн фракцийг гарган ирж буйгаа албан ёсоор зарласан.

   Ардчилсан намын ҮЗХ-ны хуралдаанаар “Алтангадас” хүчирхэг гэдгээ харуулан тэргүүнээ тэргүүн хэвээр нь үлдээж чадсан. Тэгвэл саяхан “Монголоо шинэчилье” уриан дор анхдугаар чуулганаа Ардчилсан хүчний холбооныхон “Алтангадас”-аас дутуугүй, дундуургүй нэгэн фракцийг гарган ирж буйгаа албан ёсоор зарласан. Тэр нь сүр ихт нэгэн шувуугаар нэрийдсэн “Шонхор” фракц юм. Үлгэр эндээс эхлэв.
   Эрт урьдын бус цагт “Ардчилсан хүчний холбоо” хэмээх “Болдоггүй бор өвгөн”-өөр ахлуулсан ТББ байгууллага амьдран суудаг байжээ. Тэрээр нисдэг бор морь, нисдэггүй бор морьдтойгоо ярилцаад нэгэн “Шонхор”-ын зулзага өргөж авахаар болов. Нисдэггүй бор морь нь нисдэг бор мориороо өргүүлэн өндөрт гарч ирснээ “Их эзэн Чингис хаан минь эрт дээр үеэс л шонхор шувууг дээдэлдэг байсан, насан туршдаа ганцхан ханьтай байдаг үнэнч шувуу” тиймээс түүнийг бид сонгож өөрсдийгөө ч “Шонхор”-ынхон гэж нэрлэлээ” гэв.
   Гэтэл эсрэг талаас өөр нэг өвгөнөөр ахлуулсан хэсэг нөхдүүд “Та нар мөн яриваа, нэр чинь хэтэрхий хүндэдчихэж. Та нар үнэнч амьтад биш шүү дээ. Саяхан лусын хааны гурван сая орчим малыг хамт хариулж байгаад хаяад явсан биз дээ. Бид нар тэр малнуудыг чинь тэр өдөр хариулах гэж бөөн юм болсон, хийх юм аа олж ядах юм. Өөр тайлбар байна уу? Та нар яагаад биднийг хаяад явсан юм бэ ер нь?
-    Өөр тайлбар байна. Бид та нарыг хаяагүй, бид та нартай хуурамчаар нэгдсэн байсан юм. “Шонхор”-ынхныг битгий доромжил. Тэгээд ч яагаад та нарыг хаях шалтгааныг та нар мэдэх үү? Лусын хааны гурван сая малыг та нар яаж хуурснаа мэдэж байна уу, тэдэнд 1.5 сая боодол өвс өгнө гэчихээд одоо хүртэл өгөөгүй байгаа биз дээ, ийм найдваргүй амьтадтай цаашид хамт мал хариулж чадашгүй нь. Сорри.
-    Хоёр өвгөн бие биенийхээ өтөлснийг гайхав гэгчээр та нар ч гэсэн 1 сая боодлыг өгнө гээд л байсан биз дээ, тэр чинь яасан. Биднийг ер нь юу гэж бодоод байгаа юм?
-    Та нарыг “Шонхор”-ынхон болох бид нар “Тагтаа”-нууд гэж бодож байна. Барууны улс төрийн онол номд барууны үзэлтэй бид нар шиг улсуудыг “Шонхор”, та нар шиг зүүний үзэлтэй юмнуудыг “Тагтаа” гэдэг. Тиймээс та нар ч бас “Тагтаа” фракцийг байгуулаад бидэнтэй үзэлцэж болно шүү дээ.
-    Өө за бид тагтаа болж таарч байна уу, лусын хаан малаа хариулах дараагийн малчингаа хэдхэн сарын дараа сонгох гэж байгааг далимдуулан сүрийг үзүүлж, нүдэнд нь өртөх гээд  та ийм юм хийж байгаа юм байна. Хоншоортойхон шиг малчин “МАНАН”-гаараа л бай л даа. Тагтааны талаар бид ярилцана. Тагтаа ч бас баруун тийшээ байж болдог юм шүү.
Харж л байя!   
   “Шонхор” фракцид одоогоор З.Энхболд, С.Эрдэнэ, Г.Баярсайхан, Д.Одхүү, Д.Ганхуяг гэсэн таван гишүүн багтдаг бөгөөд цаашид олон гишүүн нэмэгдэж, нэгдэнэ гэдэгт итгэлтэй байгаагаа тус фракцийн гишүүн Г.Баярсайхан хэлсэн. Мөн АХХ-нд өөр намын ардчилсан үзэлтэй гэх хүмүүс ч элсэх боломжтой гэж мэдэгдсэн ба гишүүнчлэлийн татварыг жилд 500 мяган төгрөгөөр тогтоожээ.