Африкийн Кени улсад амьдардаг 91 настай эмэгтэй автын ослоос ёстой азаар амьд үлджээ. Эмгэн АНУ-ын ерөнхийлөгчийн эмэг эх байгаагүй бол энэ мэдээг хэн ч сонирхохгүй байсан биз.

   Африкийн Кени улсад амьдардаг 91 настай эмэгтэй автын ослоос ёстой азаар амьд үлджээ. Эмгэн АНУ-ын ерөнхийлөгчийн эмэг эх байгаагүй бол энэ мэдээг хэн ч сонирхохгүй байсан биз. Сара Обамагийн сууж явсан машин түүний амьдардаг Когело тосгоны ойролцоох зам дээр бүтэн хөрвөөсөн байна. Эсрэг урсгалын ачааны тэргээс зайлах гэсэн хижээл насны эмэгтэй жолооч хэтэрхий огцом эргэлт хийсэн бололтой.
   Барак Обамагийн өвөөгийн хоёр дахь эхнэр болох Сара Обама азаар зөвхөн хөнгөн гэмтэл авсан гэж Кенийн эмч нар мэдэгдэв. Машинд түүнээс гадна 4 хүн сууж явжээ. Тэдний хоёр нь ерөнхийлөгчийн эмээгийн бие хамгаалагчид байсан байна. Зорчигчдыг бүгдийг нь эмнэлэгт хүргэсэн ч удалгүй гэрт нь гаргажээ.
   -Ёстой бурхан л харж үзлээ. Машин ямар болсныг та нар харсан бол эсэн мэнд өнгөрсөнд маань гайхах биз гэж Сара эмээ сэтгүүлчдэд ярьсан байна. Саратай мах цусны шууд холбоогүй ч АНУ-ын ерөнхийлөгч  “Dreams from My Father” номондоо 1988 онд Кенид очихдоо түүнтэй уулзсанаа дурсан “эмээ минь” хэмээн ихэд халуун дотноор бичсэн байдаг билээ.