Онцгой байдлын үед хүүхдийг хэрхэн хамгаалах талаарх сургалтыг Хүүхдийн төлөө газар, Хүүхдийг ивээх сангийн ажилтнуудад зориулан хийжээ. Хүүхдийн хамгаалал, гамшиг онцгой байдлын үед хүүхдэд учирч болох эрсдэл, хүүхдийн байгууллагын оролцоо болон бусад олон асуудлаар хичээл заажээ. Нийт 16 цагийн сургалтад 40 орчим хүн хамрагдсан байна. Тэдэнд бүгдэд нь сургалтын гэрчилгээ олгосон бөгөөд гамшгийн үед хүүхдэд тохиолдох эрсдлээс урьдчилан сэргийлэх, бэлэн байдлын төлөвлөгөө боловсруулах, нийгэм сэтгл зүйн дэмжлэг, сэтгэл зүйн анхны тусламж үзүүлэх зэргийг суралцлаа. Бүлгээр ажиллаж, санал солилцох зарчмаар сургалтыг явуулжээ.