Английн хөл бөмбөгийн шигшээ багийн дасгалжуулагч Фабио Капелло өнөөдрөөс шигшээ багийн дасгалжуулагчийн ажлаа орхиж буйгаа илэрхийллээ.

   Английн хөл бөмбөгийн шигшээ багийн дасгалжуулагч Фабио Капелло өнөөдрөөс шигшээ багийн дасгалжуулагчийн ажлаа орхиж буйгаа илэрхийллээ. Тэрээр өөрийн хүсэлтээр үүрэгт ажлаасаа чөлөөлөгдөж буйгаа илэрхийлж байгаа ч хөл бөмбөгийн мэргэжилтнүүд түүнийг Английн шигшээгийн ахлагч Жон Территэй холбоотой хэмээн үзэж байгаа юм. Жон Терриг Английн хөл бөмбөгийн холбооноос талбайд арьс өнгөний ялгаварлан гадуурхах асуудал гаргасан хэмээх шалтгаанаар багийн ахлагчийн туузыг нь хураан авсан билээ.
   Үүнээс болж Фабио Терриг өмөөрсөн олон зүйлийг ХМХ-үүдээр ярьсан. Юутай ч английн шигшээг дасгалжуулан ОУ-ын хэмжээний 42 тоглолт хийхдээ 28 ялж, 8 тэнцэж, 6 хожигдож английн шигшээгийн түүхэнд 2 дугаар дайнаас хойш хамгийн өндөр амжилтыг үзүүлээд байсан дасгалжуулагч ажлаа өглөө. Харин дараагийн дасгалжуулагчаар хэн тодрох нь тун сонирхолтой бөгөөд хамгийн өндөр магадлалтай нь “Тоттенхэм” клубын менежер Харри Реднапп юм.

Б.Ням