-Саяхан АТГ-аас тэмцэх газраас таныг улс төрийн зорилгоор шалгаагүй. Хуулийн дагуу шалгаж байна хэмээн мэдэгдсэн. Ер нь таны хэрэг юу болж байна вэ?
-Саяхан АТГ-аас тэмцэх газраас таныг улс төрийн зорилгоор шалгаагүй. Хуулийн дагуу шалгаж байна хэмээн мэдэгдсэн. Ер нь таны хэрэг юу болж байна вэ?

-Ер нь аливаа нэг хэргийг шалгаж тогтооход цаг хугацааны асуудал чухал. Намайг янз бүрийн асуудлаар, янз бүрийн аргаар гурван жилийн турш шалгаж байна. Миний хамт ажиллаж байсан туслахыг саатуулж, хүүхдийг маань шалгалаа. Мөн эргэн тойрны хүмүүсийг маань хүртэл шалгасан. Хэрвээ би хууль зөрчсөн бол гурван жилийн хугацаанд илрээд нотлогдох хугацаа өнгөрлөө. Тиймээс миний гэм буруугүй гэдгийг хууль хяналтын байгууллагынхан өөрсдөө мэдэж байгаа.

-Юу гэсэн үг вэ? Мэдэж байгаа юм бол шалгах хэрэг байна уу?

-Хууль хяналтын байгууллагынхантай уулзахад дээрээс өгсөн даалгавраар өөрийн эрхгүй ийм бусармаг үйл ажиллагаанд татагдан ороод байна аа уучлаарай гэж хэлдэг. Дээрээс бүр онилж өгсөн даалгавраар бид ажиллаж байгаа шүү гэж дунд шатны хүмүүс нь ярьж байна. Мэдээж та нарт тэр зүйлээ хэлэхгүй. Тийм учраас надад хууль зөрчсөн юм ерөөсөө байхгүй. Намайг 2009 оны намраас эхэлж шалгасан. Энэ хугацаанд би огт дугараагүй. Шалгавал шалга, үнэн зөвийг нь тогтоовол тогтоо л гэдэг. Харин сүүлийн хагас жилийн хугацаанд дугарч эхэллээ. Цаг хугацааны явцад дээрээс өгсөн даалгавраар шалгасан эсэх нь тогтоогдох биз. Хэрвээ та бүхэн ажиглавал, УИХ-ын сонгууль дөхөж байна. Энэ үед МАХН гайгүй нэр хүндтэй, намайг бас ганц хоёр хүн дэмжээд байх шиг байна. Тэгэхээр намайг сонгуульд оруулахгүйн тулд гурван жилийн турш шалган, ямар нэгэн зохиомол хэрэгт холбогдуулах улайрсан ажиллагаа явагдаж байна.

-Ер нь таниас хэдэн удаа мэдүүлэг авсан бэ?

-Зөндөө зөндөө.

-Таныг “Улаанбаатар таймс” сонины байрыг хууль бусаар хувьчилсан гэдэг. Гэвч та өөрөө би буруугүй гээд байх юм. Ямар нэгэн нотолгоо байна уу?

-Нөгөө талаас нь хараад үз. Хэрвээ хууль бусаар хувьчилсан байсан бол тогтооход амархан шүү дээ. Шалгаад л тогтоочихно. Харин хууль бусаар хувьчилсан гэдгийг нотолж чадахгүй байгаа учраас гурван жилийн турш шалгаж байна.

-Та ХЗДХЯ-ны сайд Ц.Нямдоржоос 100 сая төгрөг нэмэмжилсэн байгаа. Харин Сүхбаатар дүүргийн шүүх нэхэмжлэлийг харьяаллын бус гээд Чингэлтэй дүүргийн шүүхэд шилжүүлсэнээс хойш энэ хэрэг нам жим боллоо?

-Гомдол  гаргасан нь үнэн. Тухайн үед Ц.Нямдорж надтай холбоогүй, миний хийж байсан ажил үүрэгтээ холбоогүй асуудлаар мэдэмхийрч, үндсэн хуулийг зөрчин, миний нэр төрд халдсан. Үндсэн хуульд шүүх шийдвэр гаргаагүй байхад тухайн хүн гэм буруугүй гэж заасан байдаг. Түүнийг мэдсээр байж, Ц.Нямдорж албан тушаалаа ашиглаж, гэм буруутай юм шигээр олон дахин мэдэгдсэн учир би нэр төрөө сэргээлгэхийн тулд гомдол мэдэгдэл гаргасан. Шүүх шударгаар шийдэх байх хэмээн найдаж байгаа.