Энэ сарын 8-ны өдөр Дархан-Уул аймгийн Хонгор сумын гурван иргэн учир битүүлэг шалтгаанаар нас барсан билээ. Тус сумын эмч нар талийгаачдыг архинд хордож нас барсан гэдэг онош тавьсан нь иргэдийн бухимдлыг ихэд төрүүлсэн байна. Учир нь иргэд хэргийг дарахаар ийм онош тавьсан хэмээж байгаа аж. Мөн аймгаас сонгогдон гарсан Д.Хаянхярваа сайд уг асуудалд анхаарал тавихгүй байгаад ихэд дургүйцжээ. Саяхан тэрбээр ерөнхийлөгчийн тушаалаар Хонгор суманд очиж ажилласан. Тэр үедээ "Ерөнхийлөгч та нарт мөнгө өгөхгүй шүү дээ. Харин Засгийн газраас нөхөн олговор өгөх хууль гаргадаг. Би нарын асуудлыг цааш ярина" хэмээн хулхидаж, сумынхаа иргэдийг чимээгүй байлгаж чадахгүй нь үү хэмээн Засаг даргыг нь зад загначихаад ирсэн байна. Ер нь Дархан-Уул аймгийн Хонгор сумтай холбоотой асуудлыг Д.Хаянхярваа гэлтгүй МАН-ын удирдлагууд удаа дараалан нууж, дарахаар оролдож ирсэн. Тухайлбал С.Баярын засгийн газрын үед тус сумын иргэд химийн бодисонд олноороо хордож амьгүй ураг төрүүлэх, учир битүүлгээр үхэх зэрэг олон асуудал босч ирэхэд тус сумын эмч нар та нар тэмбүүрснээс болж ийм зүйл гарсан хэмээн хуурамч онош тавьж асуудлыг намжаах оролдлогыг хийсэн бөгөөд ерөнхий сайд байсан С.Баяр тус сумынхантай уулзах үеэрээ ”Би та нарт нөхөн олговор олгуулна” хуурч байсан юм.
Б.Чимэг
