Өнгөрсөн амралтын өдрүүдэд нийслэлд гал түймрийн долоон дуудлага иржээ. Галын ихэнх дуудлагын хогийн цэг шатаж байгаа дуудлага эзэлж байгаа аж. Тодруулбал, Налайх дүүргийн хоёрдугаар хороонд, Сүхбаатар дүүргийн есдүгээр хорооны Алтайн 15 дугаар гудамжинд, Баянзүрх дүүргийн 18 дугаар хороонд, Сонгинохайрхан дүүргийн 19 дүгээр хороо 62 дугаар дунд сургуулийн урд дулааны шугамын худагт хогийг цэг шатсан байна.Энэ мэтчилэн Сар шинийн баяр ойртож айл өрх, албан байгууллагууд цэвэрлэгээ хийж хог ихээр үүсч, хог шатсан галын дуудлага ихсэх хандлагатай байгаа тул галын аюулгүй байдлыг хангаж, анхаарал болгоомжтой байхыг Нийслэлийн Онцгой байдлын газраас анхааруулж байна.
Б.Чимэг
