Өнөөдөр Засгийн газар хурал зарлаж Нийгмийн хамгаалал, хөдөлмөрийн сайд Т.Гандиг Унгарт суух элчин сайдаар томилох асуудлыг хэлэлцэх гэж байна. Өмнө нь Т.Гандиг Италид суух элчин сайдаар томилно гэж ярьж байсан ч тэрбээр татгалзсан юм. Харин ямар учраас Унгарын элчин сайд болохыг хүссэн нь тодорхойгүй байгаа. Түүнийг элчин сайд болгох асуудал дээгүүрээ яриад нэгэнт шийдэгдсэн тул тогтоол гаргахад л болно гэж манай эх сурвалж мэдээлсэн юм. Тиймээс Засгийн газарт нэг сайдын суудал эзгүйрч дахин шинэ сайд томилох асуудал яригдах болж байна. Мөн Италид суух элчин сайдаар ГХЯ-ны Европын газрын захирал Ш.Одонбаатар, Австралийн элчин сайдаар ГХЯ-ны Төрийн захиргааны удирдлагын газрын дарга Б.Баярсайхан нар нэр дэвшээд байгааг энэ хурлаар хэлэлцэх бололтой.