Дуучин Лэди Гага өөрийн гэсэн "LittleMonsters" нийгмийн сүлжээтэй болжээ. "Бяцхан мангасууд" гэж нэрлэсэн нь өөрийн шүтэн бишрэгчдийг хэлж байгаа бололтой. Уг цахим хуудас туршилтын шатанд яваа бөгөөд туршилтад оролцох гэсэн хэн ч мэйл хаягаар хандаж болох аж. Сайтад бүртгэгдвэл урилга бүхий шуудан ирэх гэнэ. Бүртгэгдсэн хүмүүс бие биетэйгээ гэрэл зураг болон дүрс бичлэгээ солилцож, сонирхол татсан газар болон объектуудын талаар тэмдэглэх боломжтой. 2012 оны дөрөвдүгээр сарын сүүлээр Лэди Гага аялан тоглолтоо Сөүлээс эхлэхээр болжээ. Нийт 11 концерт хийхээр болсон байна. Түүний цахим хуудсанд мэдээлснээр, «Born This Way Ball» концерт 2013 онд дуусах аж. Концерт товлогдсон өдрүүдийг хожим зарлах юм байна.