Нийтийн тээврийн үйлчилгээ оройн цагаар тасалдаж байгаа тухай иргэдээс их гомдол ирсээр байна. Тухайлбал холын чиглэлүүдэд сүүлийн автобус нь явахгүй замаасаа буучихаад байна гэсэн мэдээлэл хотын удирдлагуудад гомдол мэдүүлээд байгаа юм.

Монгол улсаа төлөөлөн оролцсон сонсогч, бөх ОХУ-ын Москва хотод болсон “Оросын олон үндэстний уламжлалт бөхийн барилдаанд “Тэнгэрийн Модун” ТББ-ын тамирчин, Москва хотын “Цэргийн их сургуулийн 5-р курсын сонсогч, дэд ахлагч Галсандовжоо овогтой Гантулга 3-р байр эзэллээ.

Өнгөрсөн амралтын өдрүүдэд Москва хотын Иван Ярыгины нэрэмжит Бөхийн ордонд “Оросын олон үндэстний уламжлалт бөхийн барилдааны”-ы 11-р дугаар наадам амжилттай явагдаж өнгөрсөн юм.

Энэхүү тэмцээнд Казахстан, Кыргистан, Туркменистан, Азарбержан, Дагистан, Монгол, Орос гэсэн улс орноос Буриад, Кабардино-Балкар, Карачаево-Черкес, Халимаг, Дагестан, Тыва, Якут, Татарстан, Башкир, Чуваш, Ингушет болон Ханты Мансийскийн өөртөө засах тойргоос нийт 200 нэртэй тамирчин оролцсоны дотор урилгаар оролцсон Монгол, Таджикистан болон Гуржийн бөхчүүд багтсан юм.

Тус тэмцээнийг жил бүр явагддаг энэ тэмцээнд Оросын үндэстнүүдийн таван төрлийн барилдаан зохиогддог. Тухайлбал, буриадын бөхийн барилдаан, Орос үндэстний “За-вороток” барилдаан, татарын “Корэш”, Кавказын ард түмний барилдаан болон Якутын “Халсагай” барилдаан багтдаг гэдгийг хэллээ. Барилдаан 70,80 болон 80-аас дээш гэсэн гурван жинд барилддаг байна.

Энэ удаагийн тэмцээнд Монгол улсаа төлөөлөн уг тэмцээнд оролцсон Москва хотын “Цэргийн их сургуулийн 5-р курсын сонсогч, дэд ахлагч Галсандовжоогийн Гантулга нь буриад бөхийн барилдааны 80-аас дээш жинд барилдаж 3-р байр мөн уг наадмын “Уран гараа дэвээ” тусгай шагналын эзэн боллоо. Г.Гантулга нь сүүлийн таван жил энэ фестивальд болон Улаанталбай дээр зохиогддог Оросын бүр ард түмний наадамд, тасралтгүй ажилттай оролцог бөх юм.

Эрүүл мэндийн чиглэлээр үйл ажиллагаа явуулдаг ТББ-уудын өнгөрсөн онд хийсэн судалгаагаар халдварт өвчнөөр өвчлөгсдийн 24 хувийг 15-24 насны өсвөрийн залуус эзэлж байна гэсэн дүн гарчээ.

Хөвсгөл аймгийн хэмжээнд сүүлийн өдрүүдэд цас орж хальтиргаа гулгаа ихээхэн нэмэгдсэн тул аймгийн Онцгой комиссын хуралдааны шийдвэрээр хүүхдэд зориулсан нэмэлт хоёр автобусыг хичээл цуглах, тарах үед нэмэлтээр явуулж эхэллээ.

Дорноговь аймгийн Зүүнбаян тосгоныг сум болгох өөрчлөхөөр яригдаж байна. Нийт иргэд нь тосгоноо сум болгохыг дэмжиж байгаа ажээ.

Өнгөрсөн амралтын өдрүүдэд Өмнөговь аймгийн Цогцэций суманд газар хөдлөлт болсон талаар бид өмнө мэдээлсэн.

Оны шилдэг шүлэг шалгаруулах ”Болорцом” наадам нэгдүгээр сарын 28-ны өдөр Дорнод аймгийн төв Чойбалсан хотод зохион байгуулагдах тов гарчээ.

Монгол Улсын Ерөнхийлөгч Ц.Элбэгдоржийг огцруулах үндэслэлийг зарлаж ТусгаарТогтнол Эв Нэгдлийн Намаас маргааш 11 цагт Монгол Ньюс компанийн байранд хэвлэлийн хурал зарлаж байна.

ЗДХ-ийн сайд С.Бямбацогт энэ сарын 5-8-ны өдрүүдэд ОХУ-д ажлын айлчлал хийж байна. Айлчлалын бүрэлдэхүүнд ЦЕГ-ын дарга Р.Чингис, Гадаадын иргэн, харьяатын газрын дарга Д.Мөрөн, ХСИС-ийн захирал С.Баатаржав, ХЗДХЯ-ны Бодлогын хэрэгжилтийг зохицуулах газрын дарга Э.Энхтуяа болон яамны холбогдох мэргэжилтэн багтаж байгаа аж. ХЗДХ-ийн сайд С.Бямбацогтыг уг айлчлалын үеэр ОХУ-ын Хууль зүйн сайд Александр Владимирович Коновалов, Дотоод хэргийн сайд Владимир Александрович Колокольцев нар хүлээн авч уулзалт хийх юм байна.

Дорнод аймгийн Дашбалбар сумын нутаг дэвсгэрт үйл ажиллагаа явуулдаг БНХАУ-ын хөрөнгө оруулалттай “Шинь шинь” компанийн уурхайд дахин осол гарч, хүний амь эрсэджээ.

Сэлэнгэ аймгийн Хүдэр сумын Баянцагаан багийн Баруун моностой гэдэг газар самарт явж байсан иргэд сураггүй болсон гэх дуудлага Онцгой байдлын ерөнхий газарт энэ сарын 2-нд иржээ.

МАН-ын бүлэг мөн ордноос гадуур хуралдахаар шийджээ. Тусгаар тогтнолын ордонд өргөтгөсөн хурлаа хийж байна. Мөн л хаалттай энэ удаагийн хурлаар Засгийн газар эдийн засгийн хүндрэлийн үед хэрхэн ажиллах. Ямар арга хэмжээ авах, хүндрэлийг даван туулах, зах зээлд гэрэл тусгах боломж байгаа эсэхийг хэлэлцэж байна. Эрх баригч намын хувьд энэ л асуудлаас болж хэвлэлээр байнга шүүмжлүүлж байгаа.

Мөн сүүлийн үед Засгийн газрын дөрвөн сайдыг шүд сугалах замаар өөрчлөх тухай яриа гарсан. Энэ талаар ч яригдах сурагтай. Гэхдээ огцруулах бус Засгийн газрыг тогтвортой байлгаж шахаж ажиллуулах тухай ярьж байгаа гэдгийг зарим эх сурвалж хэлж байна. Ямар боловч нэр дурдагдсан сайд нар хатуухан банга хүртэж байгаа нь ойлгомжтой.

“Хар сарнай” хамтлагийн дуучин С.Амармандахын ар гэрийнхэн болон түүний урлагт хамтран зүтгэгчид өнөөдөр ОХУ-ын Элчин сайдын яамны өмнөх талбайд жагсаал хийхээр болжээ.

УИХ дахь МАН-ын бүлэг өнөөдөр өргөтгөсөн хуралдаан хийж байна.

Тус намын бүлэг даваа гараг бүрт Төрийн ордонд хуралдаж, тухайн долоо хоногт нэгдсэн чуулган болон байнгын хороодоор хэлэлцэх хууль тогтоолын төслүүд дээр байр сууриа нэгтгэдэг. Өнөөдрийн хувьд МАН-ын бүлэг Тусгаар тогтнолын ордонд Удирдах зөвлөлтэйгээ хамтарсан хуралдаан хийж байгаа аж.

Хуралдаан 10 цагт эхэлсэн ба хаалттай горимоор болж байна. МАН-ын бүлэг 2016 оны сонгуулийн дүнд 65 гишүүнтэйгээр байгуулагдсан буюу дийлэнх олонх болсон юм. Одоогоор ямар асуудал хэлэлцэж байгаа болон хуралдааны дараа хэвлэлийнхэнд мэдээлэл өгөх эсэх нь тодорхойгүй байна.

АРДЧИЛСАН НАМЫН VI ИХ ХУРАЛ УЛААНБААТАР ХОТ, СОЁЛЫН ТӨВ ӨРГӨӨ 2016.12.06-2016.12.07

Амралтын өдрүүдэд Замын цагдаагийн албаны ЖШУХ дээр нийт 533 дуудлага, мэдээ мэдээлэл хүлээн авснаас, зам тээврийн ослын 426 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 17 бүртгэгдэж, 1 хүний амь нас хохирч 20 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 3, явган зорчигч 3 өртсөн. Зам тээврийн осолд 4 хүүхэд өрсөн. Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 98 жолоочийг илрүүлж гарч болзошгүй осол хэргээс урьдчилан сэргийлж ажилласан байна.

ХУД-ийн нутаг Интермед эмнэлэгийн зүүн замд H.Sonata маркийн авто машины жолооч Б нь явган зорчигч 50 орчим насны нэр, оршин суух хаяг тодорхойгүй эрэгтэй хүнийг мөргөж амь насыг нь хохироожээ.

Мөн СБД-ийн нутаг Ногоон нуурын гудамж, 32-ын уулзварын замд T.Prius маркийн авто маүины жолооч нь явган зорчигч 09 настай эрэгтэй С-ийг мөргөж гэмтээгээд хэргийн газрыг орхиж явсан байна.

Монгол Улсын Ерөнхий сайд Ж.Эрдэнэбат захирамж гарган Эдийн засгийн бодлогын зөвлөлийн бүрэлдэхүүнийг шинэчлэн баталлаа. Тус зөвлөл Монгол Улсын дунд, урт хугацааны хөгжлийн бодлого, төр, хувийн хэвшлийн хамтын ажиллагаа, банк, санхүүгийн салбарын асуудлаар Засгийн газарт бодлогын зөвлөгөө өгөх, дэмжлэг үзүүлэх үндсэн чиг үүрэг хүлээнэ.



Тухайлбал эдийн засаг, банк, санхүүгийн тогтолцоонд тулгарч байгаа хүндрэлийг даван туулах, цаашид тогтвортой өсөлтийг хангах, макро эдийн засгийг тогтворжуулах, бизнес, хөрөнгө оруулалтын тааламжтай орчин бүрдүүлэх, гадаад, дотоодын хөрөнгө оруулалтыг татах зэрэг чиглэлээр оновчтой арга зам, арга, хэрэгслийг тодорхойлон, санал боловсруулж Засгийн газарт танилцуулж байх юм.



Орон тооны бус Зөвлөлийг Монгол Улсын Ерөнхий сайд ахлах бөгөөд гишүүдэд Үндэсний статистикийн хороо, Монголбанк, Банкны холбоо, МҮХАҮТ, Ажил олгогч эздийн нэгдсэн холбоо, Хувийн хэвшлийг дэмжих үндэсний зөвлөл, Эдийн засгийн судалгаа, эрдэм шинжилгээний хүрээлэн, МУИС зэрэг байгууллагын төлөөлөл багтсан байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхийлөгчийн 2016 оны 12 дугаар сарын 5-ны өдрийн 159 дүгээр зарлигаар Цэвэгмидийн Зоригийг Монгол Улсын Дээд шүүхийн Ерөнхий шүүгчээр томилсон байна. Ерөнхийлөгчийн зарлигийг танилцуулах ёслолын ажиллагаа Улсын Дээд шүүхэд 2016 оны 12 дугаар сарын 5-ны өдөр болж, Ерөнхийлөгчийн Тамгын газрын дарга Ц.Баярсайхан зарлигийг уншиж танилцуулав.

Монгол Улсын Дээд шүүхийн Ерөнхий шүүгчээр томилогдсон Ц.Зориг өөрийг нь дэмжиж, Ерөнхий шүүгчид дахин нэр дэвшүүлсэн Улсын Дээд шүүхийн шүүгчдэд талархаж буйгаа онцлоод хариуцлагатай ажиллахаа илэрхийллээ.

Ройтерс агентлаг 2016 оны шилдэг 100 зургийг нэрлэлээ

С.Амарааг зодсон дипломат гэр бүлээрээ оргохоор завдаж байна гэв
“Хар сарнай” хамтлагийн дуучин С.Амармандахыг зодож, хүндээр гэмтээсэн ОХУ-ын Элчин сайдын яамны дипломат ажилтан хуулийн хариуцлага хүлээлгүй оргон зугатахаар завдаж байна гэх мэдээлэл түгэж эхэллээ. Мэдээлэлд дурьдсанаар хэрэгт холбогдсон дипломат ажилтан гэр бүлээрээ зугатахаар бэлтгэж байгаа аж.
Хэрэгт холбогдсон дипломат ажилтаныг барьж хорих хууль, эрх зүйн орчин байхгүйгээс шалтгаалан асуудал хүндэрч магадгүй байгаа гэнэ. Учир нь манай улсын Эрүүгийн хуулийн 13.3-т ”Гадаад улсын дипломат дархан эрх, эрх ямба эдэлж байгаа этгээд ...Монгол Улсын нутаг дэвсгэрт гэмт хэрэг үйлдвэл түүнд эрүүгийн хариуцлага хүлээлгэх эсэх асуудлыг Монгол Улсын олон улсын гэрээний дагуу шийдвэрлэнэ” гэж заасан байдаг аж. Тиймээс “Хар сарнай” хамтлагийн дуучин С.Амармандахыг зодож гэмтээсэн дипломат ажилтныг баривчлан саатуулах боломжгүй юм байна.
Харин Гэмт этгээдийг эрүүгийн хэрэгт шалгахын тулд Дипломат харилцааны тухай хууль, Консулын харилцааны тухай Венийн конвенциудад заасан дархан эрх, эрх ямба эдлэх эрхийн хуульд зааснаар Олон Улсын цагдаагийн байгууллага болох “Интерпол” руу мэдэгдэж, тэндээс зохих зөвшөөрөл гарсны дараа дипломат ажилтанг баривчлан хорьж, мөрдөн шалгах эрх үүсдэг байна.
Дашрамд дурьдахад “Хар сарнай” хамтлагийн дуучин С.Амармандах тархиндаа хүнд гэмтэл авч 10 хоног ухаангүй байсан юм.