Саяхан БНХАУ-ын Шанхай хотноо Монгол улсын урлагийн гавьяат зүтгэлтэн, найруулагч Ч.Найдандорж тэргүүтэй Монголын уран бүтээлчид, Манжуур хотын дэд дарга Рэн Гүөфэн тэргүүтэй тус хотын захиргааныхан, Шанхай хотын Жями компанийн төлөөлөгчид ”Дэлхийн Манжуур” төслийг хамтран хэрэгжүүлэхээр санамж бичигт гарын үсэг зурлаа.



Монгол, Орос, Хятад гурван улсын хил залгах Манжуур хот бол БНХАУ-ын хуурай газрын хамгийн том боомт, гурван улсын эдийн засгийн чөлөөт бүс билээ. Манжуурт зундаа 5-7 сая жуулчин ирдэг бөгөөд тус хотын захиргаа жуулчдад мартагдашгүй дурсамж үлдээх урлагийн тоглолт хийж, Манжуур хотын брэнд шоутай болох замаар улам олон жуулчин татах санаачилга гаргасан нь энэ оны 6 дугаар сараас эхлэн хэрэгжихээр болоод байна.



”Дэлхийн Манжуур” төслийн монгол талын удирдагчаар найруулагч Ч.Найдандорж ажиллаж байгаа юм. Тэрээр: ”Энэ тоглолтын зохиолыг урлагийн гавьяат зүтгэлтэн Ш.Гүрбазар маань бичсэн. Г.Ган-Очир бүжиг дэглэж, Д.Эрдэнэжаргал ерөнхий зураачаар ажиллаж байна. Монголын талаас 20 гаруй уран сайханчид голлон тоглож, орон нутгийн жүжигчид туслах дүр бүтээх юм. Тоглолтын үйл явдлын хувьд эртний тэнгэр шүтлэг, бөө мөргөл, аян дайн, нүүдэл суудал, ан ав, хурим найрын сэдэвтэй. Энэ шоуны үзэгчид олон газраас ирсэн жуулчид байх учир харилцан яриа оруулахгүй, өөрөөр хэлбэл үггүй жүжиг байна гэсэн үг. Үйл явдлыг хөгжим, бүжиг, хөдөлгөөн, дуу авиа, нүүрний хувирал, тайз гэрлийн шийдлээр илэрхийлнэ. Гэхдээ уртын дуу, үндэсний хөгжим, хөөмий гэх мэт язгуур урлагийн элемент оруулна” хэмээн ярьж байлаа.





БНХАУ-ын төрийн шагналт хөгжмийн зохиолч, Бүх Хятадын дуу хөгжмийн клубийн дэд тэргүүн Д.Энхбаяр: Миний бие ”Дэлхийн Манжуур” төслийн хятад талын удирдагч, хөгжмийн зохиолчоор ажиллаж байгаа юм. Манай шоу тоглолт хөгжмийн хувьд симфониор гол болгоно. Мөн киноны болон тайзны хөгжмийн хэв маягийг хослуулж, хөөмий, уртын дуунаас улируулж өнөөгийн рок поп хөгжмийг ч оруулах юм. Бид жүжгийн хувьд ч, хөгжмийн хувьд ч, тайз гэрлийн хувьд ч Лас Вегасын шоу шиг дэлхийн хэмжээний шоу хийх зорилго тавьсан. Одоо бүх боломж бүрдчихлээ. Манай багийн уран бүтээлчид тавьсан зорилгодоо хүрэхийн тулд хамаг ур ухаан, авьяас чадвар, хүч чадлаа дайчлан ажиллах болно” гэсэн юм.





Харин Жями компанийн захирал Юй Цун-И: ”Бид театрыг орчин үеийн 4D, 5D технологийн дагуу тоноглоно. Тайзны тоноглол, гэрлийн шийдэл, шинэ технологиор үзэгчдийг алмайруулж, үзэж байгаа дүрс нь бодит байдал уу, хуурмаг үзэгдэл үү гэдэгт эргэлзэхэд хүргэнэ. Тоглолтын хөдөлгөөн, өнгө дүрс ганц тайзаар хязгаарлагдахгүй, зрител дундуур, үзэгчдийн дэргэд ч үйл явдал өрнөх юм” хэмээн ярьж байлаа.



Энэ төслийг санаачлагч Манжуур хотын захиргааныхан тус хотод аялал жуулчлалын үйл ажиллагаа эрхэлдэг компаниудаар дамжуулан жуулчдад тасалбар борлуулах, уран сайханчдын виз, орон сууц, нийгмийн асуудлыг бүх талаар шийдвэрлэх үүрэг хүлээж байгаа юм. Манжуурын театр 3000 хүний суудалтай бөгөөд нэг тогтлолтыг наад зах нь 2000 хүнд үзүүлнэ гэж төлөвлөөд байгаа юм байна.

До.Болдхуяг

УИХ-ын ээлжит бус чуулган гуравдугаар сарын 6-нд хуралдахаар товлогджээ.

Ким Чен Намын эцэг нэгт ах Ким Чен Нам Малайзад байхдаа амиа алдсан хэрэг Хойд Солонгос, Малайз улсын харилцаанд нөлөөлөөд байгаа билээ. Тэгвэл Хойд Солонгосын иргэн амиа алдсан гэх мэдээлэлтэй

Н.Алтанхуяг: Надад идсэн уусан зүйл байхгүй болохоор ”но” илрэхгүй

Засгийн газар өнөөдөр ээлжит бус хуралдаан зарлажээ. Одоогоор ямар асуудал хэлэлцэх нь тодорхойгүй байгаа ч төсвийн тодотголыг хэлэлцэж магадгүй гэсэн таамаг байна.

Судлаачид дэлхийтэй төстэй долоон гараг олж нээснээ танилцууллаа. Нарны аймгаас 40 гэрлийн жилийн зайтай орших, TRAPPIST-1 гэдэг одыг тойрон эргэдэг долоон гараг нь дэлхийтэй хэмжээ болон жингээрээ ойролцоо аж.

Азийн 8-р Өвлийн наадамд оролцож буй манай уулын цанын шигшээ баг өчигдөр анхны уралдаанаа хийлээ. Жиант слалом буюу туг сүлжих төрөлд нийт 22 орны 44 тамирчин уралдахаар бүртгүүлсэн. Манай улсыг төлөөлөн Г.Буянт уралдаанаа хийж, 2 гарааны нийлбэр дүнгээр 3:17,5 секундын амжилтаар 29-р байрт орлоо.

Уг уралдаанд манай улсаас Ч.Баярзул, Б.Орхонтамир нар мөн өрсөлдөх учиртай байсан ч техникийн асуудлаас шалтгаалан уралдаанаа хийж чадсангүй. Энэ зайд Японы тамирчид алт, хүрэл медалийг хүртэж, БНСУ-ын тамирчин мөнгөн медалийн эзэн болжээ.

Энэ үеэр Монголын багийн ахлагч Ч.Насантогтох болон МҮОХ-ны ерөнхий нарийн бичгийн дарга Ж.Отгонцагаан тэргүүтэй албаны төлөөлөгчид тэмцээн уралдаанд оролцож буй Д.Чагнаа дасгалжуулагчтай шигшээ багт амжилт хүсч, тодорхой асуудлууд дээр санал солилцсон юм.

LIVE: Н.Алтанхуяг АТГ-т байцаалт өгөхөөр ирлээ

Газар хөдлөлт

Нийслэлийн Давж заалдах шатны шүүх энэ сарын 9-ны өдөр дөрвөн настай охиноо хойд эхтэй нь нийлж, удаа дараа зодож аминд нь хүрсэн хэрэгт буруутгагдсан

Хятадын хууль тогтоох байгууллага болох БХАТИХ-ын Байнгын хороо өнөөдөр Бээжинд ”Шударга бус өрсөлдөөний тухай хууль”-д өөрчлөлт оруулах төслийг хянан хэлэлцсэнээр Хятад улс уг хуульд 24 жилийн дараа томоохон өөрчлөлт оруулах болж байна. Хуулийн шинэ төсөлд одоогийн хэрэгжүүлж байгаа хуульд хамрагдаагүй асуудлууд багтаж, шударга бус өрсөлдөөний тухай хууль зүйн ”зааг шугам”-ыг улам боловсронгуй болгосон бөгөөд интернетийн шударга бус өрсөлдөөн болон бизнесийн салбарын авилгын хэрэгт чиглэсэн агуулгыг нэмж оруулснаар хууль зөрчсөн үйл ажиллагааг залхаан цээрлүүлэх болон засаг захиргааны торгууль оноох эрч хүчийг нэмэгдүүлсэн байна.

”Зах зээлийн эдийн засгийн үндсэн хууль” хэмээгдсэн шударга бус өрсөлдөөний тухай хуулийг анх 1993 онд хэрэгжүүлж эхэлсэн бол тус хууль нь голч шударга өрсөлдөөнийг хамгаалж, социалист зах зээлийн эдийн засгийн эрүүл хөгжлийг батлахад маш чухал үүрэг гүйцэтгэсэн байна. Гэсэн хэдий ч Хятад улсын зах зээлийн эдийн засгийн хөгжлийг дагалдан, шинэ төлөв байдал, худалдааны шинэ хэв загвар үүсэхийн хирээр уг хуульд зохимжгүй буюу доголдолтой асуудлууд илэрсэн байна. Хятадын Үйлдвэр худалдааны засаг захиргааны удирдлагын үндэсний газрын дарга Жан Мао хэлэхдээ: нэгд, практикт шинээр гарч байгаа дэг журмыг эвдэх, шударга бус өрсөлдөөний шинжтэй үйл ажиллагааны талаар одоогийн мөрдөж байгаа хуульд дурдаагүй юм. Одоогийн мөрдөж байгаа хуульд дурдсан шударга бус өрсөлдөөний үйл ажиллагаа, түүний шинж тэмдгийн өөрчлөлт хувиралт нь шударга бус өрсөлдөөний хууль хэрэгжилтэд бүрэн гүйцэд үндэслэл болж чадахгүй байна. Хоёрт, шударга бус өрсөлдөөний ажиллагааны тухай дүрэм тогтоол болон түүнийг засах механизм нь боловсронгуй бус байна. Иргэний хэргийн хохирол төлөх хэмжээний шударга бус өрсөлдөөний үйл ажиллагааг засан цэгцлэх явц дахь үүргийг цаашид эрчимжүүлж, засаг захиргааны шалган шийтгэх арга хэмжээг цаашид шинэчлэх хэрэгтэй байна. Хэргийн явцад болон хэргийн дараа хяналт тавих шаардлагын дагуу иргэний хэргийн хариуцлага болон засаг захиргааны шийтгэлийг бодитоор уялдуулах шаардлагатай байгаа бөгөөд эрүүгийн хариуцлагыг хамгийн эцэст нь авах арга хэмжээ болгох хуулийн тогтолцоог боловсронгуй болгох хэрэгтэй байна.

Хуулийн цоорхой нь бизнесийн эмх замбараагүй өрсөлдөөнийг хурцдуулж байна. Үүнд олон нийтийн анхааралд орсон Тенсент компани болон 360 компанийн маргааныг дурдаж болно. Энэ нь аж ахуй эрхлэгчдийн шударга өрсөлдөөний ойлголт дутуу байгаа болон одоогийн мөрдөж байгаа хууль иймэрхүү шинэ байдлыг зохицуулах арга байгааг харуулж байна. Нийслэлийн эдийн засаг худалдааны их сургуулийн хууль зүйн дээд сургуулийн дэд профессор Жоу Шүжүн хэлэхдээ,

Тенсент компани болон 360 компанийн маргаанд хоёр тал нөгөө нэг талынхаа программ хангамжийг хаасан боловч тэдний программ хангамж маш өргөн хэрэглээтэй байсан. Харилцан бие биеийнхээ программ хангамжийг хаах нь ерөнхийлөн ашиглах боломгүй болгож, хэрэглэгчид зөвхөн нэгийг нь сонгохоос өөр аргагүй болжээ. Гэвч одоогийн мөрдөж байгаа шударга бус өрсөлдөөнийг эсэргүүцэх хуульд интернет сүлжээний салбарын шинэ хэлбэрийн шударга бус өрсөлдөөний тухай агуулга байхгүй юм.

Интернетийн салбарт гарч буй асуудлуудад чиглүүлэн хуулийн төсөлд шударга бус өрсөлдөөнийг хориглох хуулийн заалт нэмж сайжруулжээ. Эзэгнэгчид техникийн арга хэлбэрийг ашиглан интернетийн салбарт саад хийх мэтийн хэрэглэгчийн сонголтыг өөрчилөх, бусад эзэгнэгчдийн хэвийн үйл ажиллагаанд нөлөөлөх үйлдэл хийхгүй байхыг дурджээ. Нэгд, хууль ёсны интернетийн үйлчилгээнд зөвшөөрөлгүйгээр холбоос оруулан, өөрийн нүүр хуудас руу хүчээр шилжүүлэх. Хоёрт, хэрэглэгчийг хуурах, албадах зэргээр хууль ёсны интернет үйлчилгээг хаалгах, урсгах, өөрчлөх. Гуравт, бусад хүмүүсийн хууль ёсны интернетийн бүтээгдэхүүн, үйлчилгээний хэвийн ажиллагаанд хөндлөнгөөс оролцох буюу хохироох. Дөрөвт, бусдын хууль ёсны интернетийн бүтээгдэхүүн болон үйлчилгээг ёс бусаар хаах зэрэг болно. Хятадын үйлдвэр худалдааны захиргааны дарга Жан Мао:

”Интернетийн салбар шударга бус өрсөлдөөнийг эсэргүүцэх шаардлагыг үндэслэн энэ төслийг нэмж боловсруулан, аж ахуй эрхлэгчид технологийн арга барилаар бусдад нөлөөлөх үйл ажиллагааг хориглохыг зорьсон”. Хуулийн төсөлд мөн худалдааны хээл хахуульд цохилт өгөхийг тогтоосон. Аж ахуй эрхлэгчид худалдаанд нөлөөлж мэдэх гуравдагч талд хээл хахууль өгөхгүй байж, гуравдагч тал авилга авахгүй байхыг заасны зэрэгцээ худалдаанд нөлөөлж мэдэх гуравдагч тал гэдэг нь албан тушаал эрх мэдэлдээ ашиглан худалдаанд нөлөөлж мэдэх албан нэгж болон хувь хүнийг зааж байна хэмээн тодотгосон байна.

УИХ дахь Ардчилсан намын бүлэг хий хоосон бархирахаас хэтрэхгүй болжээ. 2016 оны сонгуульд МАН олонх болж, Ардчилсан нам арай гэж бүлэг байгуулах хэмжээний суудал авсан. Тэд Намрын чуулган завсарлах хүртэл сөрөг хүчний үүргийг төдийлөн сайн гүйцэтгэж дөнгөсөнгүй. Үүнд олон шалтгаан бий. МАН-ынхан аливаа асуудалд хэт олонхоороо түрэмгийлж, АН-ынханг үл тоомсорлож буй. Мөн Ардчилсан намаас УИХ-д суудал авсан эрхмүүд нь хэт фракцилж, тус тусын амбикцийг хөөсөн нь энэ бүхний гол буруутан болж байна гэж дүгнэх хүн олон байна.

Жүжигчин СТА, Г.Золбоот МУГЖ цолоор энгэрээ мялаахаар болжээ.



Энэ талаар жүжигчин Г.Золбоотоос тодруулахад “Үнэхээр сайхан санагдаж байна. Энэ ганцхан миний баяр, миний шагнал биш. Олон хүн намайг МУГЖ цол хүртээсэй, цаг нь болсон байтал энэ хүн яагаад авахгүй байна вэ гэж миний өмнөөс дуугарч байсанд би үнэхээр их талархдаг. Олон хүний ерөөл буян, сайхан үгс биелэлээ олж байгаад баяртай байна. Түмэн олондоо баярлалаа. Хүнд хайрлагдаж, хүндлэгдэх хувь тохиол байж дээ л гэж баярлаж сууна” хэмээн баярын сэтгэгдлээ хуваалцлаа.



Тэрбээр МУГЖ цол тэмдгээ энэ сарын 24-нд буюу ирэх баасан гарагт 11.00 цагт Төрийн ордноос гардан авах юм байна.

БИД НЭГЭН ЦАГТ ИЙМ СҮЛД ДУУЛАЛТАЙ БАЙЖ

Оросын төрийн сүлд дуулал болох Бурхан эзэн хааныг минь өршөө дууг дууриалгаж, А.Кадлиц гэх Марийнскийн театрын 1 дүгээр хийлч монголын төрийн сүлд гэх дууг зохиож өгчээ.

Зуун лангийн жороо луусыг
Жуузан дундаа хөлөглөнөө хө
Зураг болсон Богд ламыгаа
Зонховын ширээнээ залав аа хө

Мөнгөн амсартай бүрээ бишгүүрээ
Мөрөн дундаа хангинуулаад
Мөнхийн настай Богд ламыгаа
Мөргөлийн ширээнээ залав аа хө

Бид ийнхүү дуулсаар хужаа шиг луус унаж, жуузанд сууж, ламаараа төр засуулж байсан үеийг германы философич субъектив идиализмийн эцэг Гегель хүн төрөлхтний мөрөөдлийн төр бол ТЕОКРАТ буюу монгол шиг үзэл санааныхаа эцгийг хаанд өргөмжилсөн төр гэж теологи талаас нь дахин дахин жишээ татжээ.

Ингээд эцэст нь монголчууд Богд Жавзандамбынхаа ялгадасыг хүртэл хаяулдаггүй болсон гэнэлээ.
Коммунизмаас үлдсэн зарим өв зөв гэмээр санагдана.
Шар шувталсан, иргэний сургууль байгуулсан, маарамба,оточ залахыг болиулсан нь зэрэг нь зөв байж.
Ер нь шинэ үзэл суртлыг шингээхээд хүчирхэгүүд хүч хэрэглэж байсан нь оносийм бишүү.

Түмэдийн Алтан хан шарын ёсыг нэвтрүүлэхдээ. 1000 бөөг цаазалж ”Шарын ёсыг дагавал 3 жил өөдлөнө,харын ёсыг дагавал 3 жил уруудна” гэсэн гэнлээ.

Жинхэндээ шары ёсыг дагаснаас 300 жил уруудаж, харын ёстой байхдаа 500 жил өөдөлсөн түүхтэй шүүдээ. Алдас муу үг чалчсан бол бурхан өршөөх болтугай.

09.00 цагт Хууль зүйн үндэсний хүрээлэнд ”Хохирогчдод ээлтэй үйлчилгээ” хэлэлцүүлэг болно.

09.00 цагт Мэдээллийн технологийн үндэсний паркт ”Мэдээллийн технологийн аудитын тогтолцоо, эрхзүйн орчинг бий болгох нь” сэдэвт уулзалт семинар болно.

10.00 цагт Нийслэлийн хэвлэл мэдээллийн төвд Нийслэлийн цэргийн штабаас ”Оюутан цэрэг” хөтөлбөрийн талаар мэдээлэл хийнэ.

10.00 цагт Төрийн ордонд ”Иргэдийн эдийн засаг, санхүүгийн боловсролыг дэмжих нь” хэлэлцүүлэг болно.

10.00 цагт Шүүхийн ерөнхий зөвлөлийн байранд ”Иргэний хэрэг хянан шийдвэрлэхэд тулгамдаж буй асуудал” сэдэвт хэлэлцүүлэгтэй.

10.00 цагт Замын цагдаагийн албанд ”Сар шинэ” нэгдсэн арга хэмжээний талаар мэдээлэл хийнэ.

11.00 цагт ”Ажлын байрыг минь буцааж өгөөч?” эсэргүүцлийн хөдөлгөөн ШУА-ийн 8-р байр буюу Геологи, палеонтологийн хүрээлэнгийн гаднах талбайд болно.

11.00 цагт “Монгол ньюс” мэдээллийн төвд “Нүүдэлчдийн өвөл-2017” наадмын талаар мэдээлэл хийнэ.

12.00 цагт “Үндэсний мэдээллийн төв”-д “Номтой нөхөрлөе” клубээс “Эрээний бэлэгнээс эрдмийн бэлэг” уриалгын талаар мэдээлэл хийнэ.

19.00 цагт Монголын хөгжмийн зохиолчдын холбооноос жил бүр зохион байгуулдаг “Морин хуур-2016” наадмын шалгаруулалт УДБЭТ-т болно.

Өнгөрсөн 11 дүгээр сарын найманд Zaluu.com сайт “Н.Алтанхуягийн эхнэрийн дансанд их хэмжээний мөнгө шилжиж оржээ”, “Н.Алтанхуяг дараагийн Н.Энхбаяр болох уу” зэрэг нийтлэлүүд нийтэлсэн билээ.

Ерөнхий сайд асан Н.Алтанхуяг АТГ-т шалгагдаж байгаа. Түүнийг өнгөрсөн мягмар гаригт байцаалт өг хэмээн АТГ-аас зарлан дуудах хуудас хүргүүлсэн ч тэрбээр Хөвсгөл аймагт яваа учир очиж чадахгүйгээ хэлж, өнөөдөр 10.00 цагт байцаалт өгөхөөр тохирчээ.

АТГ-ынхныг “Эрх баригчдад үйлчилдэг” гэх хардлага сэрдлэгэ байнга дагадаг. Учир нь төрийн эрхийг атгасан улс төрийн хүчин нь нөгөөхөө намнадаг үзэгдэл бараг ёс юм шиг болсон нь үүний тайлал. Сонгуульд ялагдсан л бол гишүүд нь гутлаа үдээд, зангиагаа засаад АТГ-аас дуудагдах ээлжээ хүлээдэг, овсгоотой хэд нь зугтаадаг, оффшор данстангууд нь элдвээр балбуулдаг нь манай улс төрийн тогтсон “соёл” гэлтэй.

Таны зөн билэг хурцдаж, ер бусын онгод, сэтгэлийн хөөрөлд автана. Та хүсвэл бүхний учрыг олж чадна. Маань тарни унших, бясалгал үйлдэх, бурханд мөргөх, мацаг барихад сайн. Харьцаа холбоо идэвхижин, санхүүгийн байдал сайжирна.

2017.2.23, ПҮРЭВ ГАРАГ / БИЛГИЙН ТООЛЛЫН: 27

ӨВЛИЙН ДУНД ЦАГААН ХУЛГАНА САР
ХОЁР ХАР МЭНГЭТЭЙ ЦАГАГЧИН МОГОЙ ӨДӨР

Аргын тооллын: 2017.2.23, Пүрэв гараг
Наран ургах шингэх: 07.45-18.27
Үс засуулбал: Өлзийтэй сайн
Барилдлага: Үл тохирох
Шүтэн барилдлага: Хуран үйлдэхүй
Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үсэг зурхайд суралцах, бэрийн болон буяны үйл, дайсныг дарахад сайн. Зүүн нүд татвал үзэсгэлэн болох, баруун нүд татвал үйл өчүүхэн бүтэх, баруун чих хангинавал гоо болох, зүүн чих хангинавал сайн. Нохой уливал хааны хэрэг болох, хэрээ дуугарвал өөрийн цусыг үзэх, тагнай загатнавал гэрт үзэсгэлэн болох, бүх бие татвал эд алдах, хөлийн мах татвал сайн гэдэг. Өдрийн сайн цаг нь үхэр, луу, морь, хонь, нохой, гахай болой.