Сурагчдын улирлын амралтыг сунгахгүй
2016 / 01 / 19 | 17:36 | Нийтэлсэн: Ж.Болор | 0

Сүүлийн үед хүйтний эрч чангарсантай холбогдуулан сурагчдын амралтын хугацааг сунгахаар болсон гэх мэдээлэл гарсан.

Үүнийг албаны эх сурвалжаас тодруулахад “Сурагчдын улирлын амралтыг сунгахгүй. Хичээл ирэх долоо хоногт эхэлнэ” гэв. Өөрөөр хэлбэл хуваарийн дагуу ирэх даваа гарагт бүх ангийнхны хичээл эхлэх юм.

ЕБС-ийн бага ангийн сурагчид 5 долоо хоног, дунд ангийнхан 3 долоо хоног, ахлах ангийнхан нь 2 долоо хоног тус тус амраад ийнхүү гуравдугаар улирлын хичээл эхлэх гэж байна.

Дахин төлөвлөлтийн компаниуд айлган сүрдүүлж дарамталж голомтыг нь эзэлдэг үү?
Улаанбаатар хотын гэр хорооллыг барилгажуулах зүй ёсны шаардлага бий ч иргэд хохирох ёсгүй. Тэр тусмаа иргэдийн өмч болсон газрыг иргэдтэй харилцан тохиролцож тодорхой шийдэлд хүрсний үндсэн дээр барилгажуулах ажлыг хийх ёстой. Гэтэл дахин төлөвлөлтөд газраа өгөхгүй гэснийх нь төлөө иргэдийг дарамталсан, айлган сүрдүүлсэн асуудлууд гарсаар байна.
Бүр сүүлдээ гэр орон, бие махьбоди руу хүч хэрэглэн халдсан хэргүүд ч гарч эхэлжээ. Бид төлөвлөлтийн маргааны асуудлаас болж мэдээллийн мөрөөр бид Гэр хороолол хүүхэд хөгжил төв ТББ-ын тэргүүн, хохирогч Ж.Туултай уулзаж ярилцсан юм.
-Таныг дахин төлөвлөлтийн асуудлаас болж гэр орон, бие махбодиороо хохирсон гэх мэдээлэл байна. Энэ үнэн үү?
-2014 оны аравдугаар сарын 7-ний өдөр “Бэрин” ХХК-ийн хуулийн зөвлөх н.Сүх-Очир гэдэг хүнээр удирдуулсан 5-6 хүн манайд ирсэн. Бидний зүгээс халдлагад өртөнө гэж санаа зовсон учир хаалга үүдээ түгжээд оруулаагүй. Гэтэл тэд трактортой ирж хашаа эвдсэн. Улмаар манай хүүхдийн хоолойг боож ухаан алдуулж унагасан. Тухайн үед бид айж, сандарч цагдаагийн алба хаагчдад дуудлага мэдээлэл өгсөн. Гэтэл тэд цагдаа дуудах сургаар зугтсан.
Тухайн өдрийн маргааш нь буюу аравдугаар сарын 8-ний өглөө тухайн компанийн төслийн удирдагч н.Эрдэмсайхан , хуулийн зөвлөн н.Сүх-Очир нар дүрэмт хувцастай 30 гаруй залуусыг дагуулж ирээд хашаа байшин эвдүүлсэн. Үүнээс хойш манайхруу удаа дараа халдах гэж оролдсон.
-Тухайн компанийн зүгээс таньд яг ямар шаардлага тавьсан бэ?
-Удаа дараа нүүхийг шаардсан. Миний зүгээс “0.47 метр квадрат газрыг 2 өрөө байраар солихгүй” гэсэн. Манайх Сүхбаатар дүүрэг, 100 айлын “А” зэрэглэлийн байрлалд байдаг. Гэтэл тэд “Танайд ийм боломж олдож байгаа нь их юм. Иргэдийг битгий турхир. Ийм байдлаар байвал газрын хөрснөөс арчина” гэж сүрдүүлж, халдсан.
70 жил болсон өвөг дээдсийн гал голомтоо зүгээр өгчихмөөргүй байна. Дахин төлөвлөлт буруу явагдаж байна.
-Тань руу халдсан асуудлаар та хууль хяналтын байгууллагад хандсан уу?
-Сүхбаатар дүүргийн хоёрдугаар хэлтэст өргөдөл өгч, шүүх эмнэлгийн дүгнэлт хүртэл гаргуулсан. Хохирогчоор тогтоогдсон байсан. Гэвч биеийн байдлаас шалтгаалаад эмнэлэгт хэвтээд гараад ирэхэд бид шүүх хурлын өмнө сэжигтэн бас яллагдагч болчихсон байсан.
-Хохирогчоос ялтан болсон гэдэг чин юу гэсэн үг вэ?
-Тийм. Хохирогчоос сэжигтэн. Сэжигтнээс ялтан болчихоод байна. Биднийг нотлох баримтгүй болгосон. Манай хүүхэд хоёр гар утсаар бичлэг хийсэн. Тэгэхэд “Бэрин” компанийн хамгаалалтын албаны залуус утсыг нь булааж авч эвдээд мемори, сим карт бүгдийг нь аваад алга болгосон. Тухайн утасны бичлэгт манай гэр рүү дайрч орж ирж байгаа, гар бариад цохиж, өшиглөж байгаа бүх зүйлс байсан.
Гэтэл “Бэрин” компанийн зүгээс өөрсдийнхөө эвлүүлж, мантажилсан бичлэгээ цагдаагийн байгууллагад баримт болгож өгсөн байна лээ. Тухайн бичлэгийн цаг, үйл явдал бүгд зөрж байгаа. Улмаар намайг эмнэлгээс гараад ирэхэд нөхөр, хүүхэдтэйгээ нийлж залуус руу хүч хэрэглэсэн гэж мэдүүлсэн байсан. Ингээд биднийг нотлох баримтгүй гэх шалтгаанаар 99.2 буюу хүч хэрэглэсэн, бүлэг хэргээр ял оноосон.
Бидэнрүү дайрч, хүч хэрэглэснийг гэрчлэх маш олон гэрч байсан. Айл хөршөөс эхлээд гудамжны бүх хүн тэр бүхнийг харж байсан. Гэтэл зөвхөн “Бэрин” гэх компанийн ажилчдаас гэрчийн мэдүүлэг тайлбар аваад өнгөрсөн. Тэд бүгд нэг төрлийн мэдүүлэг өгсөн байгаа юм. Гэрчүүд бүгд зодоон болсоныг үгүйсгэсэн байсан. Тэр олон хүн нэг мэдүүлэг өгнө гэдэг байж боломжгүй зүйл шүү дээ.
Манай гэр бүлийн зүгээс нэг ч хүн рүү дайрч давшлаагүй.
-Таны зүгээс шүүх эмнэлгийн дүгнэлт өөр холбогдох баримт нэгийг ч цагдаагийн байгууллагад өгч чадаагүй юм уу?
-Шүүх эмнэлгээр явсан нотлох баримт, дүгнэлт, эмчилгээний төлбөрийн баримт зэргийг өгч, хавтаст хэрэгт тусгуулсан. Гэвч энэ бүхнийг харгалзаж үзээгүй. Сүүлд нь тухайн баримтууд ч алга болсон байсан. Мөн биднийг буруутай гэж нотлох юу ч байгаагүй.
-Танай дүүрэг хороонд дахин төлөвлөлтөд хамрагдаагүйгээсээ болоод хохирч буй айлууд хэр байна вэ ?
-Байгаа. Ганцхан жишээ дурдахад, миний таних нэг айлыг нэг өдрийн дотор нүү гэсэн байгаа юм. Улмаар хашааг нь хүчээр буулгаж, байшинг нь нураасан. Ингээд айлын хоосон буурин дээр буулгасан байгаа юм. Тэр айл ганцхан шөнийн дотор байшинч үгүй, хашаа ч үгүй болсон. Хашааныхаа тал банзыг л авч чадсан байна лээ.
Тэр айл айсандаа л гэрээ хийсэн байсан.Тэднийг “Улсын хөгжилд саад хийж байгаад та нар байр ч үгүй, байшин ч үгүй болно шүү” хэмээн заналхийлсэн байсан.
-“Бэрин” компанийн дахин төлөвлөлтөөр барьсан байр ашиглалтанд орчихсон уу?
-Энэ компани айлуудтай жилийн гэрээ хийгээд хүчингүй болж байсан. Улмаар гурван жилийн дараа гэрээгээ шинэчилсэн болоод 2014 оны арванхоёр сард айлуудаа байранд нь оруулсан байсан. Бид удаа дараа шаардах хуудас өгч асуудал болсоны эцэст ийн байранд нь оруулсан.
Гэрээнүүдийг иргэн хооронд хийснээс биш албан ёсны гурвалсан гэрээ хийгээгүй.
-Дахин төлөвлөлтийн асуудлаар холбогдох байгууллагууд руу хандсан уу?
-Маш хэцүү юм билээ. Иргэдийг хүлээн авах төв гээч зүйлрүү олон удаа очсон. Хотын дарга Э.Бат-Үүлтэй уулзах гэж хүсэлт гаргасан. Хүсэлтүүдийг маань ч хүлээж аваагүй.
Хохирсон иргэдийн зүгээс дахин төлөвлөлт явуулсан бүх албан тушаалтнуудыг шүүхэд өгнө гэж байгаа. Дахин төлөвлөлтийг буруу явуулсан. Иргэдийн газрыг аваад өгсөн байр нь алга дарам жижиг. Тухайлбал, 19-41 мкв орон сууц л өгч байна. Гал тогоо, тагт, аваарын шат, угаалтуур ч байхгүй байгаа юм. Баян айлын томхон хөрөгч шиг л галын өрөөтэй. Ариун цэврийн өрөөний хэмжээг хүртэл та бүхэн хараарай.
Дахин төлөвлөлтөөр баригдсан орон сууцыг “Амьдралын төвшингөөс дунд болон доогуур иргэдэд зориулсан орон сууц” гэж нэрлээд байна шүү дээ.
-Дахин төлөвлөлтөд хохирсон иргэд эрх ашгаа хамгаалуулахаар албан байгууллагуудад хандсан уу?
-Хүний эрхийн хороонд хандсан. Мөн Нийтийн эрхийг хамгаалах холбоонд хандаж, хууль эрхзүйн зөвлөгөө аваад, эрх ашгаа хамгаалуулахын төлөө нэгдэн ажиллаж байгаа.






Улаанбаатар хотын гэр хорооллыг барилгажуулах зүй ёсны шаардлага бий ч иргэд хохирох ёсгүй. Тэр тусмаа иргэдийн өмч болсон газрыг иргэдтэй харилцан тохиролцож тодорхой шийдэлд хүрсний үндсэн дээр барилгажуулах ажлыг хийх ёстой. Гэтэл дахин төлөвлөлтөд газраа өгөхгүй гэснийх нь төлөө иргэдийг дарамталсан, айлган сүрдүүлсэн асуудлууд гарсаар байна.


Бүр сүүлдээ гэр орон, бие махьбоди руу хүч хэрэглэн халдсан хэргүүд ч гарч эхэлжээ. Бид төлөвлөлтийн маргааны асуудлаас болж мэдээллийн мөрөөр бид Гэр хороолол хүүхэд хөгжил төв ТББ-ын тэргүүн, хохирогч Ж.Туултай уулзаж ярилцсан юм.

...ZTE олон улсад нэр хүнд муу. Энэ компанийг Хятадын Ардын чөлөөлөх арми, харилцаа холбооны хангамжийн чиглэлээр байгуулсан байдаг. Армиа харилцаа холбооны тоног төхөөрөмжөөр хангадаг гэх боловч энэ нэрийн дор огт өөр зорилго нуугдаж байхыг үгүйсгэх аргагүй юм. Иракт Каддафийн дэглэмийнхэн интернэтээр сөрөг хүчнээ тагнаж байсан гэх хэрэгт энэ компанийн нэр холбогдож байсан тухай Америкийн нэртэй сэтгүүл нийтэлж байлаа. ZTE компанийг ХАЧА байгуулсан, одоо ч нягт хамтран ажилладаг гэдгийг бүү МАРТ...

АН-ын ҮЗХ-ны 46 дугаар ээлжит хуралдаан өнөөдөр болно. Намын гишүүдийг удтал хүлээлгэсэн уг хуралдаанаар ирэх сонгуульд хэрхэн, яаж оролцох болон намын дүрэмд өөрчлөлт оруулах, гишүүний татварыг нэмэх, сонгуульд ИЗНН, МҮАН-тай хамтарч оролцох, ротацаар нэмэгдсэн шинэ гишүүний батламжлах, Ерөнхий нарийн бичгийн даргын үүрэг гүйцэтгэгч Л.Эрхэмбаярыг жинхлэх эсэх гэх мэт асуудлыг хэлэлцэх аж.

Байнгын хорооны өнөөдрийн хуралдааны хуваарь, хэлэлцэх асуудлууд /2016.01.20/

МОНГОЛ УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ 2016 ОНЫ 01 ДҮГЭЭР САРЫН 20-НЫ ӨДӨР /ЛХАГВА ГАРАГ/-ИЙН АЖЛЫН ХЭСЭГ БОЛОН БАЙНГЫН ХОРООГООР ХЭЛЭЛЦЭХ АСУУДАЛ

НЭГ.АЖЛЫН ХЭСГИЙН ХУРАЛДААН:

01 дүгээр сарын 20-ны Лхагва гарагт:

Эрдэс баялгийн салбарын ил тод байдлын тухай хуулийн төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан 14.00 цагаас 334 тоот өрөөнд;

Органик хүнсний тухай хуулийн төслийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын хэсгийн хуралдаан 14.00 цагаас “Г” танхимд.

ХОЁР. БАЙНГЫН ХОРООНЫ ХУРАЛДААН:

01 дүгээр сарын 20-ны Лхагва гарагт:

1.Эдийн засгийн байнгын хорооны хуралдаан 09.00 цагаас “А” танхимд:

Хэлэлцэх асуудал:

Жижиг, дунд үйлдвэрлэлийн хөгжлийн дэд хорооны даргыг сонгох тухай;

Ирээдүйн тэтгэврийн нөөц сангийн тухай болон холбогдох бусад хуулийн төслүүд /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг, санал, дүгнэлтээ Нийгмийн бодлого, боловсрол, соёл, шинжлэх ухааны хороонд хүргүүлнэ/;

“Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, эцсийн хэлэлцүүлэг/.

3.Төсвийн байнгын хорооны хуралдаан 11.00 цагаас “Б” танхимд:

Хэлэлцэх асуудал:

Ирээдүйн тэтгэврийн нөөц сангийн тухай болон холбогдох бусад хуулийн төслүүд /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг, санал, дүгнэлтээ Нийгмийн бодлого, боловсрол, соёл, шинжлэх ухааны хороонд хүргүүлнэ/;

“Тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг/;

Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон “Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 06 дугаар сарын 03-ны өдрийн 27 дугаар тогтоолд өөрчлөлт оруулах тухай Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;

Хүний хөгжил сангийн тухай хуульд нэмэлт, өөрчлөлт оруулах тухай хуулийн төсөл /Засгийн газар 2016.01.08-ны өдөр өргөн мэдүүлсэн, хэлэлцэх эсэх/;

Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ны өдөр өргөн мэдүүлсэн, хэлэлцэх эсэх/.

4.Хууль зүйн байнгын хорооны хуралдаан 14.00 цагаас “А” танхимд:

Хэлэлцэх асуудал:

Дэд хорооны даргыг сонгох тухай;

Эрүүгийн хэрэг шалган шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.04.30-ны өдөр өргөн мэдүүлсэн, анхны хэлэлцүүлэг/;

Захиргааны хэрэг шүүхэд хянан шийдвэрлэх тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.12.07-ны өдөр өргөн мэдүүлсэн, анхны хэлэлцүүлэг/;

Монгол Улсын Ерөнхийлөгчийн хоригийг хүлээн авсантай холбогдуулан Улсын Их Хурлын 2015 оны 11 дүгээр сарын 19-ний өдрийн 94 дүгээр тогтоолд өөрчлөлт оруулах тухай асуудал;

Бусад.

5.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Б” танхимд:

Хэлэлцэх асуудал:

Ирээдүйн тэтгэврийн нөөц сангийн тухай болон холбогдох бусад хуулийн төслүүд /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, анхны хэлэлцүүлэг/;

Эмнэлгийн тусламж, үйлчилгээний тухай болон холбогдох бусад хуулийн төслүүд /Засгийн газар 2016.01.15-ны өдөр өргөн мэдүүлсэн, хэлэлцэх эсэх/;

Эм, эмнэлгийн хэрэгслийн тухай /шинэчилсэн найруулга/ болон холбогдох бусад хуулийн төслүүд /Засгийн газар 2016.01.14-ний өдөр өргөн мэдүүлсэн, хэлэлцэх эсэх/.

6.Байгаль орчин, хүнс, хөдөө аж ахуйн байнгын хорооны хуралдаан 15.00 цагаас “В” танхимд:

Хэлэлцэх асуудал:

“Зарим газар нутгийг улсын тусгай хамгаалалтад авах тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, анхны хэлэлцүүлэг/;

Тариалангийн тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.10.13-ны өдөр өргөн мэдүүлсэн, анхны хэлэлцүүлэг/;

Агаарын бохирдлыг бууруулах асуудлын дэд хорооны бүрэлдэхүүнд өөрчлөлт оруулах тухай.

Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр бурхныг тахих, хишиг даллага авахуулах, наминчлах, бэр авах, нүүдэл суудал хийх, мод босгох, газрын үүд боох, тангаргаас няцах, зэтгэрийг дарах, сайн үйлсийг бүтээх, баяр хурим хийх, их хэргэм зүүх, хувцас өмсөх, чимэг зүүх, бүжиг наадгай хийх, гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Хир буртаг, бузарт ойртох, өс санах, байшингийн суурь тавих, өс дарах, угаал үйлдэх, залбирал тавихад муу. Өвдвөл найм, арав хоногтоо хүчир, түүнээс хэтэрвэл амархан амирлана. Зам гарвал эд олно, тус бүхэн бүтнэ. Зүүн нүд татвал хувцас олно, баруун бол жуулчин ирнэ. Баруун чих хангинавал баясгалантай, зүүн бол муу. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал эрхтэн хурц болно. Их хүйтэн 23:55 цагт эхэлнэ.

2016 оны 01 дүгээр сарын 19-ний 20 цагаас 01 дүгээр сарын 20-ны 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлэрхэг. Зарим газраар бага зэргийн цас орж, явган шуурга шуурна. Салхи баруун хойноос секундэд 5-10 метр. Идэр, Тэс голын хөндий, Завхан голын эхээр шөнөдөө 43-48 градус, өдөртөө 29-34 градус, Увс нуурын хотгор, Хүрэн бэлчир орчмоор шөнөдөө 35-40 градус, өдөртөө 23-28 градус, Алтайн өвөр говиор шөнөдөө 18-23 градус, өдөртөө 10-15 градус, бусад нутгаар шөнөдөө 27-32 градус, өдөртөө 17-22 градус хүйтэн байна.

ТӨВИЙН АЙМГУУДЫН НУТГААР: Үүлшинэ. Зарим газраар бага зэргийн цас орж, явган шуурга шуурна. Салхи баруун хойноос секундэд 6-11 метр. Дархадын хотгороор шөнөдөө 41-46 градус, өдөртөө 29-34 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 35-40 градус, өдөртөө 23-28 градус, бусад нутгаар шөнөдөө 27-32 градус, өдөртөө 17-22 градус хүйтэн байна.

ЗҮҮН АЙМГУУДЫН НУТГААР: Үүлшинэ. Зарим газраар бага зэргийн цас орж, явган шуурга шуурна. Салхи баруун хойноос секундэд 7-12 метр. Хэрлэн, Халх голын сав газар, Дарьгангын тал нутгаар шөнөдөө 34-39 градус, өдөртөө 23-28 градус, бусад нутгаар шөнөдөө 28-33 градус, өдөртөө 18-23 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 30-32 градус, өдөртөө 21-23 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 7-12 метр, явган шуурга шуурна. Өмнөговийн нутгаар шөнөдөө 20-25 градус, өдөртөө 13-18 градус, бусад нутгаар шөнөдөө 25-30 градус, өдөртөө 18-23 градус хүйтэн байна.

УЛААНБААТАР ХОТ: Үүлшинэ. Цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 36-38 градус, бусад хэсгээр 29-31 градус, өдөртөө 20-22 градус хүйтэн байна.

“Мон дулаан трейд” компани хууль бусаар алт олборлож байна гэв
Түгээх
2016-01-19 13:46:31 - Нийслэл

Zaamar

Зураг: Алт олборлолт (Төв аймгийн Заамар сум)

Төв аймгийн Заамар сумын Улаан шивэртийн аманд алт олборлох үйл ажиллагаа явуулдаг “Авдар баян” компанийн ерөнхий захирал Ц.Ганхуяг өнөөдөр сэтгүүлчдэд мэдээлэл хийлээ.

Тэрээр “Манай компани нь 1995 оноос Төв аймгийн Заамар сумын Улаан Шивэртийн аманд алт олборлох үйл ажиллагааг ашиглалтын тусгай зөвшөөрлийн дагуу явуулж ирсэн. 2012 оны тавдугаар сарын 15-ны өдөр “Гол мөрний урсац бүрэлдэх эх, усны сан бүхий газарт ашигт малтмал хайх, ашиглахыг хориглох тухай” хуулийн 4 дүгээр зүйлийн 4.1 дэх заалтыг үндэслэн ашигт малтмал ашиглахыг хориглосон талбайтай хэсэгчлэн давхцалтай манай тусгай зөвшөөрлийн 55,46 гетар талбайг Геологи уул уурхайн кадастрын хэлтсийн даргын шийдвэрээр цуцласан. Харин 2012 оны 194, 2015 оны 289 дугаар тогтоолоор тус тус батлагдсан гол мөрний урсац бүрэлдэх эх, усны сан бүхий газрын хамгаалалтын бүс, ойн сан, улсын тусгай хамгаалалттай газар нутагтай давхцалгүй гэсэн лавлагааг БОНХАЖЯ-наас гаргуулан авсан юм. Үүний дагуу хасалт хийлгэсэн дээрх талбайг шинээр ашиглах ашиглалтын тусгай зөвшөөрөл авах хүсэлт гарган хөөцөлдөж байна. Энэ хугацаанд “МОН ДУЛААН ТРЕЙД” компани нь уг талбайд өнгөрсөн оны арванхоёрдугаар сарын 4-ний өдрөөс ямар ч бичиг баримт, АШИГЛАЛТЫН ТУСГАЙ ЗӨВШӨӨРӨЛГҮЙ ХӨРС ХУУЛАЛТ ЯВУУЛЖ ЭХЛЭЭД БАЙНА. Уг компанийн хууль бус үйл ажиллагаа явуулж байна хэмээн Төв аймгийн Засаг дарга Д.Баярбат болон Мэргэжлийн хяналтын газраас 13 сая төгрөгөөр торгосон боловч үйл алттай шороог тээвэрлэн зөөж, угааж эхлээд байна. Иймээс төрийн болон мэргэжлийн байгууллагын тушаал шийдвэрийг үл ойшоон хууль бус үйл ажиллагаа явуулж буй энэ компанийн талаар Уул уурхайн яам болон төр засгийн холбогдоох байгууллагуудад мэдэгдэхийг хүсч байна” гэлээ.

Нийслэлийн Засаг даргын Тамгын газар, Улаанбаатар хотын Худалдааны танхимтай хамтран зохион байгуулж байгаа “Улаанбаатар худалдан авалт - 2016” бизнес чуулга уулзалт маргааш буюу Лхагва гарагт Шангри-Ла зочид буудалд 9 цагаас эхэлнэ. Нэгдсэн хуралдаан 12:00 цаг хүртэл үргэлжилж, 14:00-17:00 цагийн хооронд салбар хуралдаан болно.
“Улаанбаатар худалдан авалт - 2016” бизнес чуулга уулзалтаар нийслэл энэ онд хэрэгжүүлэх бүтээн байгуулалтын томоохон төсөл, хөтөлбөр, тендерүүдээ танилцуулж, эдгээрт хувийн хэвшлийнхэн хэрхэн оролцох, хамтран ажиллах талаар харилцан санал солилцоно. Мөн хувийн хэвшлийн санаачилга аль салбарт чухал байна, хууль эрх зүйн хүрээнд хот хэрхэн дэмжин ажиллах боломжтойг форумын хүрээнд ярих юм. Чуулга уулзалтад оролцох хүсэлтэй нийслэлд үйл ажиллагаа явуулдаг бизнес эрхлэгчид www.ubchamber.mn цахим хуудас болон 77003883 утсанд хандаж бүртгүүлэх боломжтой гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Өмнөговь аймгийн хэмжээнд өвөлжилт хүндэрсэн сумын малчдад аймгийн нөөцөнд байсан өвчийг үнэгүй тарааж эхэлжээ.

МАН-ын бүлэг завсарлага авлаа

Улсын Дээд шүүх 2015 онд эрүү, иргэн, захиргааны нийт 2349 хэрэг хүлээн авч шүүх хуралдаанаар 1953 хэрэг хянан шийдвэрлэсэн байна. Хянан шийдвэрлэсэн хэргийн 61.8 хувь нь иргэний , 19.6 хувь нь эрүүгийн, 18.5 хувь нь захиргааны хэрэг байна.

Эрүүгийн шүүн таслах ажлын талаар

Улсын Дээд шүүхийн Эрүүгийн хэргийн танхим нийт 520 хэрэг хүлээн авч, 383 хэргийг шүүх хуралдаанаар хянаж шийдвэрлэж, 87 хэргийг хянан буцааж, 43 хэргийг Ерөнхий шүүгчийн ажлын албанд шилжүүлжээ. Эрүүгийн хэргийн танхимын хяналтын шатны шүүх хуралдаан нийт 54 өдөр хуралдаж, өдөрт дунджаар 7 хэрэг хэлэлцсэн аж.

Эрүүгийн хэргийн танхим хяналтын шатны журмаар хүлээн авсан хэргээс нэг шүүгчид 67 хэрэг ногдож байна.

Хяналтын журмаар хэлэлцэгдсэн эрүүгийн 383 хэргийн 50.1 хувь буюу 192 хэргийн тогтоол, магадлалыг хэвээр үлдээж, гомдол, эсэргүүцлийг хэрэгсэхгүй болгож, 29.5 хувь буюу 113 хэргийн тогтоол, магадлалд өөрчлөлт оруулж, 20.3 хувь буюу 78 хэргийн тогтоол, магадлалыг хүчингүй болгожээ.

Хүчингүй болгосон 78 тогтоол, магадлалтай хэргээс 51.2 хувь буюу 40 хэргийг нэмэлт хэрэг бүртгэлт, мөрдөн байцаалт хийлгэхээр прокурорт, 25.6 хувь буюу 20 хэргийг шүүхээр дахин хэлэлцүүлэхээр буцааж, 11.5 хувь буюу 9 хэргийн шийтгэх тогтоолыг хэвээр үлдээж, магадлалыг хүчингүй болгож, 8.9 хувь буюу 7 хэргийг хэрэгсэхгүй болгож, 2.5 хувь буюу 2 хэргийн шийтгэх тогтоолыг хүчингүй болгож, магадлалыг хэвээр үлдээжээ.

Өмнөх онтой харьцуулахад хүлээн авсан эрүүгийн хэрэг 119-аар буюу 18.8 хувиар, хяналтын шатны шүүх хуралдаанаар шийдвэрлэсэн хэрэг 101-ээр буюу 20.8 хувиар, нэг шүүгчид ногдох хэрэг 32-оор буюу 32.3 хувиар тус тус буурсан байна.

Мөн Танхимын тэргүүний “шүүхийн харьяалал тогтоох тухай” захирамж 58, бусад захирамж 286, мэдэгдэх хуудас 107 гарсан ажээ. .

Иргэний шүүн таслах ажлын талаар

Улсын Дээд шүүхийн Иргэний хэргийн танхим нийт 1435 хэрэг хүлээн авч, 1155 хэргийг шүүх хуралдаанаар хянан шийдвэрлэж, 157 хэргийг Ерөнхий шүүгчийн ажлын албанд шилжүүлж, 53 хэргийг шинээр илэрсэн нөхцөл байдалд тооцуулахаар хэлэлцэж, 13 хэргийг хяналтын журмаар хэлэлцэхээс татгалзаж, 17 хэргийн харьяаллыг тогтоосон байна.

Иргэний хэргийн танхимын хяналтын шатны шүүх хуралдаан нийт 84 өдөр хуралдаж, өдөрт дунджаар 14 хэрэг хэлэлцжээ.

Иргэний хэргийн танхимд хяналтын шатны журмаар ирүүлсэн хэргээс нэг шүүгчид 151 хэрэг ногдож байна.



Хяналтын журмаар хэлэлцэгдсэн иргэний 1155 хэргийн 55.7 хувь буюу 643 хэргийн шийдвэр, магадлалыг хэвээр үлдээж, гомдлыг хэрэгсэхгүй болгож, 12 хувь буюу 139 хэргийн шийдвэр, магадлалыг хүчингүй болгож, 21.7 хувь буюу 250 хэргийн шийдвэр, магадлалд өөрчлөлт оруулж, 10.6 хувь буюу 123 хэргийн шийдвэрийг хэвээр үлдээж, магадлалыг хүчингүй болгосон байна. Хүчингүй болгосон 139 шийдвэр, магадлалтай хэргээс 74.1 хувь буюу 103 хэргийг шүүхээр дахин хэлэлцүүлэхээр анхан шатны шүүхэд буцааж, 25.9 хувь буюу 36 хэргийг буюу нэхэмжлэлийг хэрэгсэхгүй болгожээ.



Өмнөх онтой харьцуулахад хүлээн авсан иргэний хэрэг 375-аар буюу 26.8 хувиар, хяналтын шатны шүүх хуралдаанаар шийдвэрлэсэн хэрэг 330-аар буюу 27.3 хувиар, нэг шүүгчид ногдох хэрэг 33-аар буюу 22.5 хувиар тус тус өссөн байна.



Хяналтын шатны иргэний хэргийн шүүх хуралдаанаар шийдвэрлэсэн 1155 хэргийг эрх зүйн төрлөөр авч үзвэл Иргэний хуулиар 772, Хөдөлмөрийн тухай хуулиар 247, Гэр бүлийн тухай хуулиар 44, Шүүхийн шийдвэр гүйцэтгэх тухай хуулиар 41, Иргэний хэрэг шүүхэд хянан шийдвэрлэх тухай хуулиар 5, бусад хуулиар 46 хэргийг хянан шийдвэрлэжээ.



Захиргааны шүүн таслах ажлын талаар



Улсын Дээд шүүхийн Захиргааны хэргийн танхим нийт 464 хэрэг хүлээн авч, 362 хэргийг хяналтын шатны захиргааны хэргийн шүүх хуралдаанаар, 17 хэргийг хуралдаанд оролцуулахгүйгээр, шинээр илэрсэн нөхцөл байдлын улмаас хянуулах тухай 14 хүсэлтийг шийдвэрлэж, 48 хэргийг Ерөнхий шүүгчийн ажлын албанд шилжүүлжээ.



Захиргааны хэргийн танхимын хяналтын шатны шүүх хуралдаан нийт 50 өдөр хуралдаж, өдөрт дунджаар 7.5 хэрэг хэлэлцжээ.



Захиргааны хэргийн танхимд хяналтын шатны журмаар ирүүлсэн хэргээс нэг шүүгчид 56.1 хэрэг ногдож байна.



Хяналтын шатны журмаар хэлэлцэгдсэн 362 хэргийн 65.7 хувь буюу 238 хэргийн шийдвэр, магадлалыг хэвээр үлдээж, гомдлыг хангахгүй орхиж, 16.5 хувь буюу 60 хэргийн шийдвэр, магадлалд өөрчлөлт оруулж, 17.6 хувь буюу 64 хэргийн шийдвэр, магадлалыг хүчингүй болгожээ.



Өмнөх онтой харьцуулахад хүлээн авсан захиргааны хэрэг 54-өөр буюу 12.2 хувиар, хяналтын шатны шүүх хуралдаанаар шийдвэрлэсэн хэрэг 56-ээр буюу 18.3 хувиар, нэг шүүгчид ногдох хэрэг 12-оор буюу 27.3 хувиар тус тус өссөн байна.



Хяналтын шатны захиргааны хэргийн шүүх хуралдаанаар шийдвэрлэсэн 362 хэргийг эрх зүйн төрлөөр авч үзвэл Төрийн албаны маргаан 100, Газрын маргаан 88, Татварын маргаан 38, Ашигт малтмалын маргаан 16, Шүүхийн Ёс зүйн хорооны магадлалтай 12, Төрийн хяналт шалгалттай холбоотой 10, Үл хөдлөх эд хөрөнгийн улсын бүртгэлтэй холбоотой 9, Орон сууц хувьчлалтай холбоотой 6, Төрийн болон орон нутгийн өмчийн тухай 2, Сонгуулийн маргаан 1, бусад маргаан 80 байна.

Хоёр нарны хооронд Цагаан дарь эх бүтээнэ

Насны бурхан хэмээгддэг Цагаан дарь эхийг нэг өдрийн дотор бүтээж, засал хийдэг уламжлал бий. Өндөр гэгээн Г.Занабазарын тигээр бурхан бүтээхийн зэрэгцээ хаврын тэргүүн сарын шинийн 8-нд монголчуудынхаа буян заяаг тэгшлэн, биет бус соёлын өвийг сурталчлах зорилгоор Богд хааны ордон музейн хамт олон “Нэг өдрийн Цагаан дарь эх бүтээх үйл ажиллагаа”-г дөрөв дэх жилдээ зохион байгуулж буй.

Өмнөх жилүүдэд бүтээсэн Цагаан дарь эхийн хөрөг болон тус музейн сан хөмрөгт хадгалагддаг олон янзын Цагаан дарь эхийг энэ өдөр үзэх боломжтой байдаг. Хоёрдугаар сарын 17-нд энэ арга хэмжээ болно. Бурхан бүтээхийг харж бүтэн өдрийн турш амжихгүй бол ядаж л бурхан бүтээх тиг ямар байдаг, монгол урчууд хэрхэн хөдөлмөрлөдгийг үзэх боломжтой.

Энэ удаа урлаач Т.Жамъянсүрэн болон “Цаглашгүй гэрэлт пгүтээн” урлалын төвийн оюутнууд хамтран мухар тохойн чинээ буюу 30x40 см хэмжээтэй Цагаан дарь эхийг хоёр нарны хооронд бүтээх юм.


Хоёр нарны хооронд Цагаан дарь эх бүтээнэ

Олон улсын театрын өдрөөр попера шоутай

Дуурь бүжгийн эрдмийн театрын уран бүтээлчид өвөрмөц, сонирхолтой тоглолтоор үзэгчдээ урин дуудахаар зэхжээ. Гуравдугаар сард Л.Минкусын “Дон Кихот” балет, Ц.Нацагдоржийн “Гүнгэрийн гүнж” дууриа үзэгчдийн хүртээл болгоно. Олон улсын эмэгтэйчүүдийн баяртай давхацсан эл үзвэрээс гадна тухайн сард үзэгчдэд хүрэх шинэ уран бүтээл нь попера шоу гэсэн. “Авьяаслаг монголчууд” шоуны шилдэг оролцогчдын нэг “Консонанс” хамтлагийнхан тус театрт ажилладгийг хүмүүс мэдэх байх. Тэгвэл авьяаслаг залуу дуучид болон попера урсгалаар дуулдаг бусад дуучдаа хамтатган Олон улсын театрын өдөр буюу гуравдугаар сарын 27-нд тоглолт хийх төлөвлөгөөтэй байгаагаа ДБЭТ-ын захирал Ч.Мөнхзул дуулгав.

Жүжигчин Л.Цэмидбаатар эхнэртэйгээ хамтран тоглоно

Улсын драмын эрдмийн театрын жүжигчин Л.Дэмидбаатар театрынхаа 85 жилийн ойг тохиолдуулан үзэгчдэдээ нэгэн содон бэлэг барихаар бэлтгэжээ. Тодруулбал, тэрбээр ”Оршихуй” нэртэй бие даасан тоглолтоо гэргий болох Улаанбаатар чуулгын гоцлол дуучин М.Анхтуяатай хамтран толилуулах гэж байгаа юм байна. Л.Дэмидбаатарын хувьд урлагт 27 жил зүтгэсэн хугацаандаа 80 гаруй жүжиг, 30 гаруй уран сайхны кино, 200 гаруй хошин урлагийнжүжигг тогложээ. Тоглолт энэ сарын 27-нд Драмын театрт болох юм байна.

“Засаглалыг дэмжих, төвлөрлийг сааруулах” хөтөлбөрийн ажлын хэсгийн хурал боллоо

”Увертюра” хамтлагийн мөрөөцөл ”Надад үлдсэн найз” мюзикл
Монголын урлагт опера урлагийн өнгийг тодорхойлж, өерсдийн орон зайг бий болгосон ”Увертюра” хамтлагийнхан тун удахгүй сонсогч фенүүддээ бэлэг барих гэж байгаа билээ. Тэд өөрсдийн мөрөөдлийн чухал хэсэг болох ”Надад үлдсэн найз” мюзиклээ тоглох гэж байгаа бөгеөд тоглолтэнэ сарын 22,23,24-ний өдрүүдэд болох юм. Тус мюзиклийн хэвлэлийн хурал өчигдер “Улсын драмын эрдмийн театр”-ын тайзнаа болно.

Монгол Улсаас суух онц бөгөөд бүрэн эрхт элчин сайдуудыг томилуулах саналыг Монгол Улсын Ерөнхийлөгчид Засгийн газраас өргөн мэдүүлэхээр болжээ.

Буриадын гавьяат жүжигчин, дуучин Б.Амархүү анхны бие даасан тоглолтоо ”Тэртээд хүрэх зам” нэртэйгээр хийж, түүний дараа төрсөн өдрөөрөе “Birthday VIP live concert” зохион байгуулж байсан.

Тэрбээр Дубайд үзэглэсэн Оюутолгойн гэрээг буруутган Ерөнхий сайдыг огцруулах тогтоолын төслийг санаачилж гишүүдийн гарын үсгийг цуглуулж байсан юм.