МАХН-ын Гүйцэтгэх зөвлөл өнөөдөр 18:00 цагт хуралдах бөгөөд намын даргаа Шадар сайд болгох эсэх талаар ярилцах юм байна. МАХН-ын дарга Н.Энхбаяр өнгөрсөн долоо хоногийн пүрэв гаригт БНСУ руу явсан ч, яаралтай буцаж иржээ.

“Оскар”-т өрсөлдөх баримтат 15 киног тодруулав
Америкийн кино урлагийн ака- деми “Оскар”-т өрсөлдех баримтат бүтээлүүдийг сонгон, шалгаруулснаа зарлалаа. Энэ төрөлд олон улсаас 124 кино ирүүлснээс 15-ыг нь “ал- тан хүний” төлөө зүтгүүлэх нь. Тэдгээрийн дотор Эми Уайнхаусын дурс- галд зориулсан “Эми”, 2013-2014 онд Украинд болсон бослого, үймээн, тэмцлийн тухай “Дөлтэй өвлүүд” зэрэг бүтээл багтсан аж. 88 дахь удаагийн “Оскар”-ын шагнал гардуулах ёслол 2016 оны хоёрдугаар сарын 28-нд Лос- Анжелесийн “Долби” театрт болно.

Хурд хэтрүүлсэн 73 зөрчил бүртгэгджээ

ийслэлийн ИТХ-ын ээлжит 32 дугаар хуралдаанаар нийслэлийн өмчөөс 2016 онд хувьчлагдах хуулийн этгээд, эд хөрөнгийн жагсаалтыг баталсан. Хувьчлагдах эд хөрөнгийн жагсаалтад Сүхбаатар дүүргийн 6 дугаар хороонд байрлах Хүүхдийн урлан бүтээх төвийн барилга орсон. Энэ талаар нийслэлийн Өмчийн харилцааны газрын дарга Ш.Төмөрбаатараас тодрууллаа.
- Хүүхдийн урлан бүтээх төвийг ямар шалтгааны улмаас хувьчлах эд хөрөнгийн жагсаалтад оруулсан юм бол ?
Хүүхдийн урлан бүтээх төвийн барилга 1958 онд ашиглалтад орсон. Барилгыг мөнх цэвдэгтэй хөрсөн дээр барьж, барилгын суурийг чанарын муу түвшинд гүйцэтгэсэн учир ашиглалтын явцад зарим хэсгээрээ цууралт үүссэн. Мэргэжлийн хяналтын байгууллагаас ашиглах боломжгүй гэсэн дүгнэлт 2 удаа гарсан. Уг барилга нь газар хөдлөлтийн таван баллыг тэсвэрлэхгүй, аюултай, ашиглалтын шаардлага хангахгүй барилгуудын жагсаалтад орчихсон байгаа.
- Барилгыг хувьчлахгүйгээр нурааж, дахин шинээр барих бололцоо байхгүй юу ?
Хүүхдийн урлан бүтээх төвийн барилгыг нурааж, дахин шинээр барих төсвийн бололцоо байхгүй. Энэхүү барилга нь нийслэлийн өмчөөс 2016 онд хувьчлагдах эд хөрөнгийн жагсаалтад л орсон байгаа. Энэ нь өнөө маргаашгүй хувьчлана гэсэн үг биш. Хэрэв хувьчлах болбол өмч хувьчлалын комиссын хурлаар оруулж, хөндлөнгийн үнэлгээний компаниар хөрөнгийн үнэлгээ хийлгэж, үнийн дүнг өмч хувьчлалын хурлаар батлах бөгөөд 5-6 үе шат дамжиж, дуудлага худалдааг зохион байгуулдаг юм. Одоогийн байдлаар зөвхөн хувьчлах жагсаалтад л оруулсан байгаа гэдгийг дахин хэлье.
- Хэрэв хувьчлах болбол тэнд сурч байсан хүүхдүүд хаачих вэ ?
Хүүхдийн дугуйланг сургууль бүрт хичээллүүлж байна. “Нью капитал” төслөөр дүүрэг, хороодод олон нийтийн үйлчилгээний зориулалтаар барилга ашиглалтад оруулсан. Эдгээр барилгад хүүхдийн дугуйлан хичээллүүлэх бүрэн боломжтой. Мөн “Хүүхдийн ордон”-д зарим дугуйланг шилжүүлж болно. Ашиглалтын шаардлага хангахгүй болсон барилгад хүүхдүүдийг хичээллүүлэх нь өөрөө хууль зөрчсөн үйлдэл. Төр иргэнийхээ аюулгүй, эрүүл орчинд амьдрах эрхийг хангах үүрэгтэй гэж хуульд заасан байдаг. Хуулийн дагуу албадан нураах арга хэмжээ авах эрхтэй гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг дарга бөгөөд Улаанбаатар хотын захирагч Э.Бат-Үүл Парис хотын дарга Анн Идалгогийн урилгаар тус хотод зохион байгуулагдаж буй Нэгдсэн Үндэсний Байгууллагын уур амьсгалын өөрчлөлтийн суурь конвенцийн талуудын 21-р бага хурлын (СОР-21) өндөр дээд хэмжээний уулзалтын Хотын дарга нарын чуулга уулзалтад оролцлоо. Чуулга уулзалтад дэлхийн 600 гаруй хотын дарга оролцож цаг агаарын дулаарлын нөлөөгөөр бий болж буй хот суурин газрын тогтвортой хөгжлийн хүндрэлтэй асуудлуудыг шийдвэрлэх, хүн амын эрүүл аюулгүй орчинд амьдрах боломжийг хангах үр дүнтэй арга замыг илэрхийлж, ногоон хөгжлийг дэмжих, эрчим хүчний хэмнэлтийг нэмэгдүүлэх, байгалийн нөөцийг зүй зохистой ашиглах, агаар хөрсний бохирдлыг бууруулахад чиглэсэн бодит төлөвлөгөөг боловсруулан хэрэгжүүлэх зэрэг асуудлаар харилцан ярилцаж, туршлагаас хуваалцаж, хамтран ажиллах хүсэл эрмэлзлээ нэгэн дуу хоолойгоор санал нэгдэн илэрхийллээ. Мөн тус хуралдааны үеэр, дэлхийн томоохон хотуудын 15 хувь нь 2050 он гэхэд хорт хий, бохирдлыг 70 хувиар бууруулах зорилтоо илэрхийлэв.

Мөн айлчлалын үеэр, Нэгдсэн Үндэсний Байгууллагын Ерөнхий нарийн бичгийн дарга Бан Ки-Мун удирдсан “Хотын цаг уурын санхүүжилт” сэдэвт тайлант хуралдаанд панелистаар оролцож, хөгжиж буй хот суурин газрын эрүүл, аюлгүй орчныг бүрдүүлэх, ногоон хөгжлийг дэмжих, санхүүжүүлэх, цэвэр эрчим хүчийг нэвтрүүлж, эрчим хүчний хэмнэлтийг нэмэгдүүлэх, байгаль орчинд ээлтэй дэд бүтцийг бий болгох хөрөнгө оруулалт зэрэг асуудлаар хуралдаж харилцан санал солилцлоо.

COP-21 хурлын хүрээнд 2015 оны 12 дугаар сарын 09-ний өдөр GEF болон Дэлхийн Банкнаас хамтран зохион байгуулах “Тогтвортой хотуудын уялдаатай хамтын ажиллагаа аргачлал” сэдэвт хуралдаанд панелистаар оролцож тогтвортой хөгжлийг хангах, хот тус бүрийн байгаль орчны тулгамдсан асуудлуудыг шийдвэрлэхэд хотууд хамтран ажилласнаар үр дүнд хүрэх талаар ярилцаж, санал солилцоно. Тогтвортой байдлын төлөөх нутгийн захиргаа (ICLEI) Олон улсын байгууллагаас зохион байгуулах TAP2015 хуралдаанд оролцож хотын тогтвортой ногоон хөгжлийг хангах зорилтын хүрээнд төрийн өмчийн сургууль, цэцэрлэгийн байшин, барилгууд болон хувийн орон сууцны дулаан алдагдлыг бууруулж, дулаан техникийн шинэчлэлт хийх төсөл хөтөлбөрийн талаар танилцуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Улаанбаатар хотын нийтийн тээвэрт ашиглагдаж буй том оврын автобусны техникийн бүрэн бүтэн байдалд үзлэг хийх“ Авто тээврийн хөдлөх бүрэлдэхүүний техникийн байдалд тавих шаардлага” MNS- 4598:98, нийтийн зорчигч тээврийн MNS-5012:2001 зэрэг стандартуудын хэрэгжилтийг хангах зорилгоор Улаанбаатар хотын тээврийн газрын нийтийн тээврийн улсын байцаагч нарыг оролцуулан зорчигч тээврийн чиглэлээр үйлчилгээ үзүүлдэг нийт 22 аж ахуйн нэгжүүдэд Замын хөдөлгөөний аюулгүй байдлыг хангах хэлтсийн дүүрэг дэх Замын цагдаагийн тасгийн алба хаагч нар нь 2015 оны 12 дугаар сарын 04-ний өдрийн өглөөний 05.30 цагаас 08.00 цагийн хооронд хяналт шалгалтыг зохион байгуулан явууллаа.

”Мишээл экспо”-оос энэ оны хамгийн сүүлийн ”CHRISTMAS SALE” зарлаж байгаа юм байна.



100 гаруй байгууллагын нэгдсэн өвлийн хувцас, шинэ жилийн баярын бэлтгэлд зориулан ”ӨВЛИЙН ГОЁЛ 2015” үзэсгэлэн худалдааг энэ сарын 11-13 өдрүүдэд зохион байгуулна.

Зохиолч Хишигнямын Дуламсүрэн энэхүү шүлгийн түүвэртээ амьдралын баяр жаргалтай мөчүүд, хайрын үнэ цэнэ, хорвоо дэлхийн гайхамшиг, хүний мөн чанар тэдгээрийн гэгээ гэрэлтэй талыг түлхүү гаргаж өгөхийг хичээсэн. Тиймдээ ч нарны мутраар бичиж, сарны нүдээр тольдсон хэмээн шүлэгнүүдээ нэрлэсэн.

Үхрийг хулгайлан бэлчээрт махалж байсан хэрэгтнүүдийг үйлдэл дээр нь барьжээ.

А.Баярсайхан хүүхэд, ар гэрийн асуудлаа зохицуултал Консулын газраа байрлана
Эрээний дэд консул А.Баярсайхантай холбоотой маргаан гарч, түүнийг албан тушаалаас нь чөлөөлөөд байгаа. Гэтэл манай сурвалжлах баг Эрээн дахь Монголын консулын газарт очиход тэрбээр Консулын газар байрласан хэвээр байсан юм. Тиймээс түүнээс тодорхой асуудлын хүрээнд мэдээлэл авая гэсэнч тэрбээр татгалзсан.

Харин албан тушаалаасаа буусан ч Консулын газарт байсаар байгаа А.Баярсайханы талаар ГХЯ-ны Бодлого, төлөвлөлт зохицуулалтын газрын дарга Г.Амартүвшин “Дэд консул А.Баярсайхан гурван долоо хоногийн өмнө ажлаа хүлээлгэж өгсөн. Тухайн газар ажиллана гэдэг гэр бүлээрээ очиж амьдардаг. Ажлаа хүлээлгэж өгсөн хэдий ч гэр орноо нааш нь нүүлгэх зэрэг хувийн ажлаа амжуулах шаардлагатай байгаа байх. Түүнээс биш одоог хэр нь ажлаа хийж байгаа зүйл байхгүй” гэлээ.
Оронд нь хэнийг томилох вэ?
-А.Баярсайханы оронд хэн нэгнийг томилоогүй байна.
-Хуулиараа хэдий хугацааны дотор дараагийн хүнийг үүрэгт ажилд нь томилох ёстой байдаг юм бэ?
-Дипломат албаны тухай хуулийр Дипломат төлөөлөгчийн газарт ажиллах хүний хугацааг нь маш тодорхой зааж өгсөн байдаг. Энэ ч утгаараа тухайн албан тушаалтныг гурван жилийн хугацаатай томилдог.


Мөн ГХЯ-ны Бодлого, төлөвлөлт зохицуулалтын газрын дарга Г.Амартүвшин Т.Муратын оронд Эрээний консулаар томилогдсон гэх н.Золзаяагийн тухай товчхон мэдээлэл өглөө. Тэрбээр н.Золзаяа гэх эрэгтэйн хувьд ажлын туршлагатай, төрийн албанд 20 гаруй жил ажиллаж байсан гэдгийг онцоллоо.
Энэ талаар түүнээс зарим зүйлийг тодрууллаа.
-Шинээр томилогдсон Золзаяа гэх хүний хувьд улсын мөнгөөр зочид буудалд байрлаж байгаа гэх мэдээлэл байна. Үүнд ямар тайлбар өгөх вэ?
-Тийм зүйл байхгүй. Ямарваа нэг дипломат төлөөлөгчийн газар ажиллаж байгаа иргэд зочид буудалд байрладаггүй. Өөрсдийн гэсэн орон гэртэй, эсвэл улсын өмчийн байранд түрээсээр амьдардаг. Энэ ч утгаараа хэн нэгэнд зориулж улсаас ямар нэгэн санхүүжилт, илүү зардал гаргах ойлголт байхгүй.
-Золзаяагийн тушаал нь яг гарсан юм болов уу?
-Гарсан.
-Түүнийг ажлаа авсан даруйдаа үндэслэлгүйгээр ажилчдаа халж байна гэж эх сурвалж хэлж байна. Энэ үнэн үү?
-Тухайн газарт ажиллаж байгаа ажилчдыг Дипломат төлөөлөгчийн газрын тэргүүн нь томилж, чөлөөлдөггүй. Тийм ч үндэслэл байхгүй. Энэ бол хуулиараа Гадаад хэргийн яамны салбар зөвлөл гэж байдаг. Түүгээр бүх ажилчдын халах, томилох асуудлыг шийддэг.






Эрээний дэд консул А.Баярсайхантай холбоотой маргаан гарч, түүнийг албан тушаалаас нь чөлөөлөөд байгаа. Гэтэл манай сурвалжлах баг Эрээн дахь Монголын консулын газарт очиход тэрбээр Консулын газар байрласан хэвээр байсан юм. Тиймээс түүнээс тодорхой асуудлын хүрээнд мэдээлэл авая гэсэнч тэрбээр татгалзсан.

“Засгийн газар манай компанийн үйл ажиллагааг дэмжихгүй дарж байна” гэсэн үндэслэлээр “Эрдэнэс тавантолгой” компанийн ажилтан С.Эрдэнэ өөрийгөө шатааж, эрүүл мэндээ хохироосон явдал өнгөрсөн сард гарсан.

Гэмтэл судлалын үндэсний төвд эмчлүүлж байсан тэрээр өчигдөр гэр бүлийнхний хамтаар БНСУ-ыг зорьжээ. С.Эрдэнийг дагаж эхнэр нь, хоёр хүүхэд нь мөн эмч дагалдаж явсан байна. Эмчилгээний зардал хийгээд, байрлах буудлын зардал, онгоцны тийз зэрэг нь нийлээд 130 орчим сая төгрөг болсон аж. Эдгээр зардлыг бүгдийг “Эрдэнэс тавантолгой” компаниас гаргуулж авсан гэх мэдээлэл байна.

Уг нь С.Эрдэнийг Монголдоо эмчлэх бүрэн боломж байсан ч өөрөө БНСУ-д очиж эмчлүүлэх хүсэлт гаргасан тул “Эрдэнэс тавантолгой” компани бүхий л боломжоор хангаж, дагалдаж яваа бүхий л хүмүүсийнх нь зардлыг хүртэл даасан нь энэ бололтой. Хүний эрүүл мэнд нэгдүгээрт тавигдах асуудал тул зардлыг нь даасан нь тэр биз. Гэхдээ ухаангүй үйлдэл нэгэн гэр бүлийг хүнд байдалд оруулаад зогсохгүй төрийн өмчит компанийн санхүүд ч хүндрэл учруулж байгааг ойлгох ёстой. Хэрвээ тэр өөрийгөө шатаах алхмыг сонгоогүй бол өнөөдөр эрүүл саруул байх байлаа. Алдагдал хүлээн хүндхэн нөхцөлд ажиллаж байгаа “Эрдэнэс тавантолгой” компани ч 130 сая төгрөгийг ийм байдлаар зарлагдаж, үрэн таран хийхгүй байв. Эцсийн дүндээ энэ зардал татвар төлөгчдийн халааснаас л гарч байгаа шүү дээ.

Хувь хүн, хуулийн этгээдийн нуун дарагдуулсан хөрөнгө, орлого, үйл ажиллагааг ил болгон мэдүүлэхэд дэмжлэг үзүүлэх, мэдээллийг бүртгэх асуудлыг нэгдсэн байдлаар зохицуулах зорилгоор УИХ-аас батлан гаргасан Эдийн засгийн ил тод байдлыг дэмжих тухай хуулийг хэрэгжүүлэх журмыг Засгийн газрын 348 дугаар тогтоолоор баталсан.

Монгол Улсаас БНХАУ-ын Бээжин хотод суугаа ЭСЯ-ны консулын газрын ажилтнууд Монгол улсад нэвтрэх визийг дамлан худалддаг тухай яриа байдаг. Гэтэл энэ хэргийн гардан гүйцэтгэгч, зохион байгуулагчаар УИХ-ын гишүүн асан А.Мурат ажилладаг байсан мэдээллийг иргэд хууль хяналтын байгууллагад мэдээлжээ.



А.Мурат нь 2014 оны зургадугаар сард Монгол Улсаас Эрээн хотод суух консулаар томилогдсон даруйдаа манай улсад нэвтрэх визийг дамлан худалдах, хууль бусаар их хэмжээний орлого олох ажлыг зохион байгуулах болсон байна. Тэрбээр өөрийн эхнэр С.Кулзада хүргэн дүү С.Сапарбек нарыг виз олгох ажилд томилжээ. Харин ГХЯ-аас томилсон ажилтнуудыг үйлчилгээний ажилд томилсон байна.



Иргэдийн гомдлын дагуу А.Муратыг хууль хяналтын байгууллагаас шалгахаар болж ажлын өрөөнд нь ороход нь виз дамлах ажлыг эхнэрийн хамт хийж байсан байна. Үйлдэл дээрээ баригдсан тэрбээр шалгалтын явцад захиа үлдээгээд эхнэр С.Кулзада хүргэн дүү С.Сапарбек нарыг дагуулан Казахстан руу зугтаажээ. Тэрбээр захидалдаа ”Би сарын дараа эргэж ирнэ” гэж бичсэн байна. Түүний хувьд ирэх 2016 оны сонгуульд Баян-Өлгий аймгаас бие дааж нэр дэвшихээр төлөвлөж байжээ.



Уг нь ГХЯ-ын сайд Л.Пүрэвсүрэн виз олгох журмыг шинэчлэн тогтоох 01 албан тоот гаргасан. Мөн Бээжинд суугаа ЭСЯ-ны консулын газрын дарга, ажилтнуудыг хүртэл эргүүлэн, татсан нь тусыг эс олж, виз дамлан худалддаг явдал улам нэмэгдсэн нэг жишээ энэ болж байна. Ерөнхий консул нь хүртэл хууль бус ажиллагаанд оролцож улмаар зугтаж алга болсон уг хэргийн талаар бид эргэн мэдээлэх болно.

онгол Улсын Шадар сайдын баталсан Газрын бүтээгдэхүүний агуулах, шатахуун түгээх станц, шингэрүүлсэн хийн түлшний станцуудад гамшгаас хамгаалах болон гал түймрийн улсын хяналтыг хэрэгжүүлэх гүйцэтгэлийн шалгалтыг хийжээ.

Шалгалтад нийт 132 объект хамрагдаж, галын аюулгүйн дүрэм, норм, стандартын холбогдох заалтыг зөрчсөн 818 зөрчил илрүүлж, 291 зөрчил буюу 35.5 хувийг газар дээр нь арилгуулан, бусад зөрчлүүдийг арилгуулахаар Гал түймрийн улсын хяналтын байцаагчийн заавал биелүүлэх албан шаардлага 7, мэдэгдэл 41, танилцуулга 8, ажиллагаа зогсоох тогтоол 5, дүгнэлт 41-ийг бичиж, байгууллагын шийдвэр гаргах эрх бүхий албан тушаалтанд хүргүүлж, хэрэгжилтэд нь хяналт тавьж ажиллажээ.

Монгол Улсын Галын аюулгүй байдлын тухай хуулийн 6 дугаар зүйлийн 6.1.5 дахь заалтыг үндэслэн шалгалтын явцад галын аюулгүй байдлын норм, нормативын баримт бичгийн шаардлагыг зөрчсөн “Петростар” ХХК-ийн шатахуун түгээх станц 9, 14, 23 дугаар салбар, “Магнай трейд” ХХК-ийн шатахуун түгээх станц 80, 161 дүгээр салбар зэрэг нийт 5 объектыг үйл ажиллагааг түр зогсоох арга хэмжээг авч, зөрчлийг арилгуулж, мэргэжлийн заавар зөвлөгөөг өгч ажилласан талаар Нийслэлийн онцгой байдлын газраас мэдэгдсэн юм.

Монгол Улсын Захиргааны хариуцлагын тухай хуулийн 25 дугаар зүйлийн 251 дэх заалтыг үндэслэн нийт 9 объектыг хоёр сая төгрөгөөр торгож захиргааны арга хэмжээ авсан байна.

Зам, тээврийн яам нь “Оросын төмөр замууд” НХН-тэй 2014 оны 2 дугаар сараас эхлэн хэлэлцээ хийж, “Улаанбаатар төмөр замын шинэчлэл, хөгжлийн стратегийн түншлэлийн хэлэлцээр”-ийн төслийг бэлтгэн, 2014 оны 9 дүгээр сард баталгаажуулсан.
Хэлэлцээрээр “Улаанбаатар төмөр зам” ХНН-ийн төмөр замын сүлжээг анх удаа эдийн засгийн үндэслэлтэй үндсэн 4 чиглэлээр өргөжүүлэн, хөгжүүлэх, дамжин өнгөрөх тээврийн хэмжээг үлэмж нэмэгдүүлэх чиглэлээр зохион байгуулах төсөл, арга хэмжээнүүдийг тохиролцож чадсан юм.
“Улаанбаатар төмөр замын шинэчлэл, хөгжлийн стратегийн түншлэлийн тухай хэлэлцээр”-ийг хэрэгжүүлэх зорилгоор байгуулагдсан монгол, оросын хоёр талын ажлын хэсгийн анхны хамтарсан хурал 2015 оны 12 дугаар сарын 07-ны өдөр Улаанбаатар хотноо зохион байгуулагдлаа.
Энэ удаагийн Ажлын хэсгүүдийн хамтарсан хурлаар “Улаанбаатар төмөр замыг 2015-2016 онуудад шинэчлэх болон хөгжүүлэх төслүүдийг хэрэгжүүлэх арга хэмжээний төлөвлөгөө”-г хэлэлцэн, баталж, дараагийн хуралдааны товыг тохиролцсон юм.
Монголын талын Ажлын хэсгийн бүрэлдэхүүнийг Зам, тээврийн яамны Төрийн нарийн бичгийн дарга Ж.Бат-Эрдэнэ ахлаж, бүрэлдэхүүнд Зам, тээврийн сайдын зөвлөх Л.Хангай, Зам, тээврийн яамны Төмөр зам, далайн тээврийн бодлогын хэрэгжилтийг зохицуулах газрын холбогдох мэргэжилтнүүд, “УБТЗ” ХНН-ийн Замын нэгдүгээр орлогч дарга, Замын ерөнхий инженер, Тээвэр, хөдөлгөөн хариуцсан Замын орлогч дарга болон бусад мэргэжлийн хүмүүс ажиллалаа.
Оросын талын Ажлын хэсгийн бүрэлдэхүүнийг “РЖД” НХН-ийн Ерөнхийлөгчийн ахлах зөвлөх, “УБТЗ” ХНН-ийн Ерөнхий Хорооны гишүүн, В.Н.Морозов ахлан, бүрэлдэхүүнд “РЖД” НХН-ийн Олон улсын хамтын ажиллагааны газрын дарга С.А Столяров, “Тээврийн эдийн засаг, хөгжлийн хүрээлэн” НХН-ийн Ерөнхий захирлын орлогч Ю.В Чепуркин нар ажилласан юм.

Нийслэлийн Онцгой байдлын газар өнөөдөр 2015 оны үйл ажиллагаагаа дүгнэж, ажил мэргэжлээрэ хамт олноо хошуучлан манлайлсан шилдэг албан хаагчдаа шагнаж урамшууллаа.

Нийслэлийн иргэдийг авран хамгаалах хариуцлагатай үүрэгтэй нийслэлийн Онцгой байдлын газрынхан 2015 онд аюулт үзэгдэл техникийн холбогдолтой ослын 3840 дуудлагаар шуурхай ажиллаж, 685 иргэний амь нас, 5,6 тэрбум төгрөгийн өмч хөрөнгийг авран хамгаалсан байна. Нийслэлийн 9 дүүргийн иргэдэд болзошгүй гамшгийн эрсдэлээс урьдчилан сэргийлэх, хамгаалах арга хэмжээ авах нэгдсэн “Иж бүрэн сургууль-” ийг НЗДаргын захирамжаар жилд 2-3 дүүрэгт тогтмол зохион байгуулж нийслэл болон дүүргийн гамшгаас хамгаалах албадын бэлэн байдал, дүүрэг, хороодын иргэд, аж ахуйн нэгж байгуулагын ажилтан албан хаагчид, гамшгийн үед хэрхэн хамтран ажиллаж тохиолдсон гамшгийг хэрхэн хор хохирол багатай даван туулах аргыг сургалтын явцад олгож гамшигтай тэмцэх чадавх хэрхэн дээшилсэн талаар туршлага солилцож ажиллалаа.

Мөн нийслэлийн хөрөнгө оруулалтаар Ой хээрийн түймэр унтраах тусгай зориулалтын автомашин 2 ш, Аврах хийлдэг дэвжээ 1 ш, Тийрэлтэт завь 1 ширхэг Нийт 650сая төгрөгийн техник, багаж зэвсэглэмж худалдан авч гамшгийн голомтонд үүрэг гүйцэтгэх чадавхийг нэмэгдүүлэн, “Улаанбаатар хотын үерийн эрсдлийн менежментийг сайжруулах төсөл”-ийн хүрээнд хэрэгжсэн 45 нэр төрлийн 8487 ширхэг 1 тэр бум 24 сая төгрөгийн багаж хэрэгсэл, тоног төхөөрөмжийг хүлээн авч Аврах анги, Гал унтраах, аврах ангиудад хуваарилж үерийн үед үүрэг гүйцэтгэх чадавхийг дээшлүүлж ажиллалаа.

Онцгой байдлын ерөнхий газрын хөрөнгө оруулалтаар техник хэрэгсэл-176,0 сая (Квадратцикл-2ш, Аврах ажиллагааны автомашин 5ш) Бусад хангамжийн материал- 437,2 сая Нормын хувцас-127,8 сая төгрөгийн хэрэгсэл олгогдсон байна.

Нийслэлийн Засаг даргын 2013-2016 оны мөрийн хөтөлбөрт тусгагдсаны дагуу 2014-2015 онд нийслэлийн хөрөнгө оруулалтаар Нийслэлийн иргэдэд гамшгаас хамгаалах мэдлэг дадлага олгох Сургалт арга зүйн төв, Аврах ангийн барилгыг шинээр барих ажлыг эхлүүлж Барилга угсралтын ажлын явц дуусаж, дээвэр цонхны ажлын гүйцэтгэл 100%-тай, гадна дулааны ажлын явц 100% хийж гүйтэтгэсэн байна. Дотор шаврын ажил хийгдэж байгаа, дулааны узель, ЦТП баригдаж дулааны болон цахилгаан эрчим хүчний хангалт авсан, Барилгын нийт явц одоогийн байдлаар 90%-тай явагдаж байна. Гадна зам талбай 80 хувийн цутгалттай, 2016 оны 1 сард ашиглалтанд орж үйл ажиллагаагаа эхлүүлэхээр төлөвлөж байна.

Улирч буй онд ажил хөдөлмөрөөрөө хамт олноо хошуучлан ажилласан зарим албан хаагчдыг салбарын болон бусад шагналаар шагнасан. Тухайлбал Онцгой байдлын ахмад 2, Онцгой байдлын ерөнхий газрын “Жуух бичиг” 1, Сайшаалын үнэмлэх 10, Баярын бичиг 11, Хөдөлмөрийн аварга 5, Шилдэг албан хаагч 10, Онцгой байдлын ахлах ахлагч цолоор 10 албан хаагчид шагнуулсан юм.

Нийслэлийн Онцгой байдлын газрын 2015 оны тайлангийн хуралд ОБЕГ-ын дарга бригадын генерал Т.Бадрал оролцож нийт бие бүрэлдэхүүнд хандаж баярын мэнд дэвшүүлэн, амжилт хүссэн.

Нийслэлийн Онцгой байдлын газрын харьяа хэлтсүүдээс ажлын амжилтаараа Хан-Уул дүүрэг тэргүүлж, Баянгол дүүрэг удаалж, Чингэлтэй дүүрэг 3 дугаарт орсныг удирдлагууд шагналыг гардуулан өгсөн юм.

Эрүүгийн хуулийн шинэчилсэн найруулга болон Зөрчлийн тухай хуулиуд батлагдсантай холбогдуулан мэдээлэл хийлээ

Улсын Их Хурлын гишүүн, Хууль зүйн байнгын хорооны дарга Д.Ганбат, Засгийн газрын гишүүн, Хууль зүйн сайд Д.Дорлигжав нар Эрүүгийн хуулийн шинэчилсэн найруулга болон Зөрчлийн тухай хууль батлагдсантай холбогдуулан өнөөдөр /2015.12.08/ сэтгүүлчдэд мэдээлэл хийлээ.


Монгол Улсын Засгийн газраас 2015 оны 02 дугаар сарын 05-ны өдөр Улсын Их Хуралд өргөн мэдүүлсэн Эрүүгийн хуулийн шинэчилсэн найруулгын төслийг Хууль зүйн байнгын хорооны хуралдаанаар 6 удаа, Улсын Их Хурлын нэгдсэн хуралдаанаар 4 удаа тус тус хэлэлцэж, Улсын Их Хурал 2015 оны 12 дугаар сарын 03-ны өдөр Эрүүгийн хууль /Шинэчилсэн найруулга/-ийг баталсан юм.
Улс орны нийгэм, эдийн засгийн хөгжил, өдрөөс өдөрт өөрчлөгдөж байгаа нийгмийн хэрэгцээ, шаардлага болон хүмүүсийн амьжиргаанд гарч буй нийтлэг өөрчлөлтүүдийг даган гэмт хэргийн нөхцөл байдал өөрчлөгдөж байгаатай холбоотойгоор Эрүүгийн хуулийг шинэчлэх шаардлага үүссэн. Энэ шаардлагад нийцүүлэн Улсын Их Хурал Эрүүгийн хуулийн шинэчилсэн найруулгыг баталсан гэдгийг Хууль зүйн байнгын хорооны дарга Д.Ганбат онцлов.

Хууль зүйн сайд Д.Дорлигжав Эрүүгийн болон Зөрчлийн тухай хууль хэрэгжихэд хэд хэдэн хуулиуд батлагдах ёстой. Эрүүгийн хэрэг шалган шийдвэрлэх тухай, Зөрчил шалган шийдвэрлэх тухай, Хохирлын сангийн тухай хуулиуд батлагдсаны дараа Эрүүгийн болон Зөрчлийн тухай хуулиуд 2016 оны 9 дүгээр сарын 1-ний өдрөөс хэрэгжиж эхэлнэ гэдгийг танилцууллаа.


Эрүүгийн хуулийн шинэчилсэн найруулга нь бүтцийн хувьд ерөнхий анги, тусгай ангитай, 30 бүлэг, 273 зүйлтэй бөгөөд Эрүүгийн хуулийн ерөнхий анги нь 9 бүлэг, 68 зүйлтэй.
1.Олон Улсын Эрүүгийн шүүхийн Ромын дүрэм, Үндэстэн дамнасан зохион байгуулалттай гэмт хэргийн эсрэг конвенци, Авлигын эсрэг НҮБ-ын конвенцид заасны дагуу ял оногдуулахад ялгаварлахгүй байх, нэг гэмт хэрэгт нэг удаа ял оногдуулах, ял халдаан хэрэглэхгүй байх зарчмыг Эрүүгийн хуулийн Ерөнхий ангийн хууль ёсны болон шударга ёсны зарчимд тусгасан. Түүнчлэн хуулийг төсөөтэй хэрэглэхгүй байх, гэмт хэргийн шинжийг тодорхойлох, тайлбарлахад хууль, Монгол Улсын хуулиар соёрхон баталсан, нэгдэн орсон олон улсын гэрээнд заасан тодорхойлолт, хэм хэмжээг баримтлах, хуулийн нэр томьёо, ухагдахууныг тайлбарлахад хуулиар тусгайлан эрх олгож хэм хэмжээ тогтоосон захиргааны актыг ашиглаж болохоор хуульчилсан.
2.Эрүүгийн хуульд гэмт хэргийн талаарх ойлголтыг өргөн хүрээтэй болгож, хүн, нийгэм, төрд учруулах хор аюулын шинж чанараас хамааруулан гэмт хэргийг зөрчлөөс үйлдлийн шинжээр нь тодорхой ялган заагласан.
3.Онц аюултай гэмт хэрэгтэн, ялтай байдал гэж нэрлэн заасан, хууль зүйн үр дагавар үүсгэдэг ойлголтыг өөрчилж, Тусгай ангийн хүндрүүлэх бүрэлдэхүүнд оруулаагүй. Ял, шийтгэл нь гарцаагүй байх ёстой боловч давтан гэмт хэрэг нэрээр ялыг хүндрүүлдэг байдлыг халж гэмт хэрэг тус бүрд нь ял оноохоор хуульд тусгасан.
4.Хуульд ялын төрлийг дараах байдлаар тусгажээ. Үүнд:
-Уламжлалт хорих, торгох ялаас гадна нийтэд тустай ажил хийлгэх, зорчих эрхийг хязгаарлах, эрх хасах ялыг шинээр нэмэж, Монгол Улс цаазаар авах ялыг халах тухай олон улсын гэрээнд нэгдсэний хувьд энэ ялыг халсан.Одоо хэрэглэж байгаа баривчлах ял үр нөлөөгүй байгааг харгалзан үзэж хорих ялыг долоо хоногоос хорин жил хүртэл хугацаатай байхаар, эсхүл бүх насаар нь хорих ял оногдуулахаар хуульчилсан.Хорих ялын доод хэмжээг таван жилээс дээш хугацаагаар тогтоосон гэмт хэргийг тэнсэх боломжгүй, харин гэмт хэрэг үйлдсэн хүн гэм буруугаа хүлээн зөвшөөрч гэмт хэргийн улмаас учруулсан хохирлоо нөхөн төлж хор уршгийг арилгасан, эсхүл гэмт хэргийн улмаас учруулсан хохирлоо нөхөн төлөхөө илэрхийлсэн тохиолдолд гэмт хэрэг үйлдсэн нөхцөл байдал, гэмт хэрэг үйлдсэн хүний хувийн байдлыг харгалзан ял оногдуулахгүйгээр тэнсэж болохоор заасан. Торгох ялын илтгэлцүүрийг өөрчилж, хөдөлмөрийн хөлсний доод хэмжээгээр тооцдог байсныг өөрчилж, “хоёр мянган төгрөг”-тэй тэнцэх “нэгж” гэсэн хэмжигдэхүүнээр тооцохоор болсон. Учир нь хөдөлмөрийн хөлсний доод хэмжээг Улсын Их Хурал ч, Засгийн газар ч тогтоодоггүй, харин Засгийн газар, ажил олгогч, үйлдвэрчний эвлэлийн гурвалсан хэлэлцээрээр тогтоодог учраас хэзээ ч өөрчлөлт орох боломжтойгоос гадна хөдөлмөрийн хөлсний доод хэмжээг өөрчилсөн тохиолдолд хуульд заасан илтгэлцүүр өөрчлөгдөж, хуулийг зүйл, заалт бүрээр өөрчлөлт оруулах шаардлагатай болох учраас тухайн үеийн төгрөгийн ханштай уясан “нэгж” гэдэг илтгэлцүүрийг авсан байна. Ханшийн өөрчлөлт гарсан, инфляц үүссэн тохиолдолд Улсын Их Хурал зөвхөн “нэгж”-ийг хэдэн төгрөгтэй тэнцүүлэх вэ гэдгээ эргэж харахаас өөрөөр хуулийн зүйл, заалт болгонд өөрчлөлт оруулах шаардлага үүсэхгүй юм.
5.Хуульд гэмт хэрэг үйлдсэн хүнийг хүмүүжүүлэх, нийгэмшүүлэх, дахин гэмт хэрэг, зөрчил үйлдэхээс урьдчилан сэргийлэх зорилготой албадлагын арга хэмжээний төрлийг шинээр хуульчилсан. Үүнд: шүүх гэмт хэрэг үйлдсэн хүнд оногдуулсан ял дээр нь нэмж дараах албадлагын арга хэмжээг хэрэглэж болно:

-үүрэг хүлээлгэх, эрх хязгаарлах албадлагын арга хэмжээ
-эмнэлгийн чанартай албадлагын арга хэмжээ
-хөрөнгө, орлого хураах албадлагын арга хэмжээ.

6.Хуульд хүүхдийн эсрэг гэмт хэргийг тусад нь бүлэг болгож, гэмт хэрэг үйлдсэн өсвөр насны хүнд нийтэд тустай ажил хийлгэх, зорчих эрхийг хязгаарлах, сургалт-хүмүүжлийн тусгай байгууллагад хорих ял оногдуулахаар хуульчилсан. Эрүүгийн хариуцлага нь гэмт хэрэг үйлдсэн өсвөр насны хүн бүрд хорих ял оногдуулах зорилгогүй бөгөөд хүүхдийн хүмүүжил, нас бие, сэтгэхүйн онцлогт тохирсон ял шийтгэл оногдуулах, хүүхдийг аль болох хорих бус хүмүүжүүлэх, гэмт хэрэг үйлдэхээс урьдчилан сэргийлэх шинжтэй байх зохицуулалтыг тусгаж өгсөн.
7.Хуульд хуулийн этгээдэд хүлээлгэх хариуцлагыг тусад нь бүлэг болгож, хуулийн этгээдийн өмнөөс хувь хүн хариуцлага хүлээдэг байсныг өөрчлөн байгаль орчинд хохирол учруулсан, мөнгө угаасан, терроризмыг санхүүжүүлсэн зэрэг Эрүүгийн хуулий тусгай ангид заасан тодорхой төрлийн гэмт хэргийг хуулийн этгээдийг төлөөлөн, түүний ашиг сонирхлын төлөө үйлдсэн бол хуулийн этгээд өөрийнхөө хөрөнгөөр хариуцлага хүлээдэг байхаар хуульчилсан.
Хуулийн этгээдэд торгох, эрх хасах, татан буулгах ял оногдуулах бөгөөд Террор үйлдэх, Террор үйлдэхэд бэлтгэх гэмт хэрэгт хуулийн этгээдийг татан буулгах ял оногдуулна хэмээн заажээ.
Зөрчлийн тухай хуулийн төслийн анхны болон эцсийн хэлэлцүүлгийг чуулганы нэгдсэн хуралдаанаар хийх явцад зарчмын зөрүүтэй 156 санал /77 санал нь анхны хэлэлцүүлгийн явцад, 79 санал нь эцсийн хэлэлцүүлгийн явцад гарсан/, найруулгын 58 санал нийт 214 санал, харин Зөрчлийн тухай хуулийн төслийг дагалдах холбогдох бусад хуулийн төслүүдийн талаар зарчмын 31, найруулгын 25 санал, нийт 56 саналыг Ажлын хэсгээс тус тус гаргаж, хэлэлцүүлэн батлуулсан байна.

Эрүүгийн хуульд заасан хариуцлага болон Захиргааны хариуцлагын тухай хууль, холбогдох бусад 210 гаруй хуульд заасан захиргааны зөрчил, түүнд оногдуулах захиргааны хариуцлагыг тодорхойлсон хэм хэмжээ нь Монгол Улсын Үндсэн хуулиар хамгаалсан үнэт зүйл, хууль ёсны ашиг сонирхлыг хамгаалах, ялгамжтай бөгөөд тохирсон хариуцлага тооцох асуудалд учир дутагдалтай явж ирсэн бөгөөд захиргааны хариуцлага оногдуулахтай холбоотой хууль, эрх зүйн зохицуулалт давхардал, зөрчилтэй байсныг Зөрчлийн тухай хуулиар төрөлжүүлэн нэгтгэж, нэгдсэн стандартад оруулаад байна.


Мэдээллийн төгсгөлд Хууль зүйн байнгын хорооны дарга Д.Ганбат, Хууль зүйн сайд Д.Дорлигжав нар сэтгүүлчдийн сонирхсон асуултад хариулт өглөө хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Авлигатай тэмцэх газраас нийслэлийн Сүхбаатар дүүргийн авлигын эсрэг хууль тогтоомжийн хэрэгжилттэй танилцаад тус дүүргийн ИТХ-ын Тэргүүлэгчдийн тогтоолоор дүүргийн нутаг дэвсгэрт худалдаа, үйлдвэрлэл, үйлчилгээ эрхлэх аж ахуйн нэгж, иргэнтэй байгуулах гэрээ, тамхи худалдах тусгай зөвшөөрлийн гэрчилгээний хураамж, нийтийн эзэмшлийн гудамж талбайд худалдаа, үйлчилгээ эрхлэхэд төлөх хураамжийн хэмжээ тогтоосныг болон дүүргийн газрын төлбөрийн итгэлцүүрийг хэрэглэх зааг, хязгаар, түүний зургийн хамт баталсан нь холбогдох хууль тогтоомжоор дүүргийн Тэргүүлэгчдэд олгогдоогүй эрхийг хэрэгжүүлсэн гэж үзэж, хүчингүй болгуулах саналаа хүргүүлсэн юм.

Нийслэлийн Сүхбаатар дүүргийн ИТХ-ын Тэргүүлэгчид Авлигатай тэмцэх газраас хүргүүлсэн саналын дагуу дээрх асуудлуудаар гаргасан шийдвэртэй холбогдох зөрчлийг арилгаснаа мэдэгдэв.

МАН-ын бүлэг завсарлага авлаа

Батлан хамгаалах яамны сайд Ц.Цолмон эхнэрээ тансаглуулсан мөнгөө эргэн төлөхөөр болжээ.