19-нд баруун болон төвийн нутгийн зарим газраар, 20-нд төвийн нутгийн зүүн хэсэг, зүүн зүгийн нутгийн зарим газраар хур тунадас орно. Салхи ихэнх хугацаанд зарим газраар секундэд түр зуур 16 метр хүрч шороон шуурга шуурна. Алтай, Хангай, Хөвсгөл, Хэнтэйн уулархаг нутгаар шөнөдөө 10-15 градус хүйтэн, өдөртөө 2 градус хүйтнээс 3 градус дулаан, говийн бүс нутгийн өмнөд хэсгээр шөнөдөө 2 градус дулаанаас 3 градус хүйтэн, өдөртөө 9-14 градус дулаан, бусад нутгаар шөнөдөө 3-8 градус хүйтэн, өдөртөө 4-9 градус дулаан байна.

Үс шинээр үргээлгэх буюу засуулбал бие эрхтний хүч сайжирна

БАРУУН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун хойноос секундэд 6-11 метр. Баян-Өлгий, Завханы нутаг, Баянхонгорын хойд хэсгээр шөнөдөө 10-15 градус хүйтэн, өдөртөө 2 градус хүйтнээс 3 градус дулаан, Говь-Алтай, Баянхонгорын өмнөд хэсгээр шөнөдөө 2 градус хүйтнээс 3 градус дулаан, өдөртөө 8-13 градус дулаан, бусад нутгаар шөнөдөө 5-10 градус хүйтэн, өдөртөө 2-7 градус дулаан байна.

ТӨВИЙН АЙМГУУДЫН НУТГААР: Үүлэрхэг. Шөнөдөө зарим газраар хур тунадас орно. Өдөртөө хур тунадас орохгүй. Салхи баруун хойноос секундэд 7-12 метр. Хүйтэрч Хангай, Хөвсгөлийн уулархаг нутгаар шөнөдөө 10-15 градус хүйтэн, өдөртөө 3 градус хүйтнээс 2 градус дулаан, бусад нутгаар шөнөдөө 4-9 градус хүйтэн, өдөртөө 0-5 градус дулаан байна.

ЗҮҮН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө нутгийн өмнөд хэсгээр хур тунадас орно. Салхи баруун өмнөөс хойш эргэж секундэд 6-11 метр, зарим газраар түр зуур секундэд 16-18 метр хүрч шороон шуурга шуурна. Хүйтэрч нутгийн хойд хэсгээр шөнөдөө 1-6 градус хүйтэн, өдөртөө 2 градус хүйтнээс 3 градус дулаан, бусад нутгаар шөнөдөө 1 градус хүйтнээс 4 градус дулаан, өдөртөө 1-6 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бага зэргийн хур тунадас орно. Салхи баруун хойноос секундэд 7-12 метр. Шөнөдөө 3-5 градус хүйтэн, өдөртөө 5-7 градус дулаан байна.

ГОВИЙН АЙМГУУДЫН НУТГААР: Үүлэрхэг. Шөнөдөө нутгийн хойд хэсгээр хур тунадас орно. Өдөртөө хур тунадас орохгүй. Салхи баруун хойноос секундэд 6-11 метр, зарим газраар түр зуур секундэд 16-18 метр хүрч шороон шуурга шуурна. Хүйтэрч Дундговийн нутгаар шөнөдөө 0-5 градус хүйтэн, өдөртөө 1-6 градус, бусад нутгаар шөнөдөө 0-5 градус, өдөртөө 4-9 градус дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруун хойноос секундэд 7-12 метр. Хүйтэрч шөнөдөө 4-6 градус хүйтэн, өдөртөө 2-4 градус дулаан байна.

2016 оны төсвийн тухай хуулийн төслийг хэлэлцэж дэмжив

Энэ сарын 13-ны өдрийн Санхүүгийн зохицуулах хорооны ээлжит бус хуралдаанаар Монголын хөрөнгийн биржийг өөрийгөө зохицуулах байгууллагаар бүртгэх шийдвэрийг гаргалаа.

Улаанбаатар Замын-Үүдийн чиглэлд том оврын тээврийн хэрэгсэл бараг зорчдоггүй байсан.

Ерөнхийлөгчийн Тамгын газрын хамт олон “1000 төгрөг” аянд нэгдлээ

ХБНГУ-ЫН ХОЛБООНЫ ЕРӨНХИЙЛӨГЧ И.ГАУКИЙН МОНГОЛ УЛСАД ХИЙСЭН ТӨРИЙН АЙЛЧЛАЛ ӨНДӨРЛӨВ PDF Хэвлэх И-мэйл
2015 оны 10-р сарын 16, Баасан гариг, 16:47

ХБНГУ-ын Холбооны Ерөнхийлөгч И.Гаукийн 2015 оны 10 дугаар сарын 14-16-нд Монгол Улсад хийсэн төрийн айлчлал амжилттай өндөрлөв. Энэхүү айлчлал нь “Иж бүрэн түншлэл”-ийн түвшинд хөгжиж буй хоёр орны харилцааг бэхжүүлэх, ялангуяа эдийн засаг, батлан хамгаалах, соёл, боловсрол, шинжлэх ухааны салбарын хамтын ажиллагааг идэвхжүүлэхэд чухал ач холбогдолтой айлчлал боллоо.

Айлчлалын хүрээнд хийсэн албан ёсны уулзалт хэлэлцээний үеэр Холбооны Ерөнхийлөгч И.Гаук Монгол Улсын ардчиллыг өндрөөр үнэлдгээ илэрхийлээд, Монголд ардчиллыг улам төгөлдөржүүлэхэд ХБНГУ-ын зүгээс үргэлжлүүлэн дэмжихээ мэдэгдэв. Мөн хоёр орны харилцааг өргөжүүлэх, тэр дундаа хоёр орны Ерөнхийлөгч нарын ивээл дор явагддаг археологийн салбарын хамтын ажиллагааг цаашид ч дэмжихээ нотлов.

Тус айлчлалын үеэр Монгол, Германы шинжлэх ухааны салбарын хамтын ажиллагааг өргөжүүлэх тухай баримт бичгүүдэд хоёр тал гарын үсэг зурлаа. Мөн ашигт малтмал, аж үйлдвэрийн салбарт хамтран ажиллах монгол, германы хувийн хэвшлийнхэн хамтын ажиллагааны санамж бичиг байгуулав.

28 байршилд тоглоомын талбай, тохижилт бүхий газар доорх авто зогсоолыг төлөвлөөд байна

БХБ-ын яамныхан өнөөдөр Цус сэлбэлт судлалын үндэсний төвтэй хамтран “цус бэлэглэх” арга хэмжээг зохион байгууллаа. З.Баянсэлэнгэ сайдын санаачилгаар “Амьдрал бэлэглэе” уриатай хийгдсэн энэ арга хэмжээнд БХБ-ын яам, Геодези зурагзүйн газар, Барилга хөгжлийн төвийн нийт 70-аад хүн цусаа бэлэглэсэн юм.
“Нэг хүн 350-400 мл цус өгдөг бөгөөд энэ нь 3 бүтээгдэхүүн болон задарч, 3 хүний амь аврах боломжтой юм” гэдгийг Цус сэлбэлтийн төвийн мэргэжилтэн хэлсэн юм.
Сүүлийн таван жилд нас баралтын шалтгаанд хорт хавдар, осол гэмтэл орж байгаа нь цус цусан бүтээгдэхүүний хэрэгцээг эрс нэмэгдүүлж байгаа гэнэ. Тиймээс манай улсын хэмжээнд жилдээ дунджаар нийт хүн амын 0.7 хувь нь буюу 22 мянган хүн цусаа хандивладаг нь хангалтгүй үзүүлэлт юм байна.
”Хүний амь аварна гэдэг өгүүлшгүй сайхан хэрэг” хэмээн цусаа хандивласан хүмүүс өөртөө сэтгэл хангалуун баяртай байгаагаа илэрхийлж байлаа. “Цусаа хандивлах нь хүмүүнлэгийн маш чухал ажил юм” гэдгийг ухамсарлан, нийгмийн өмнө хүлээсэн үүргээ биелүүлж, сайхан сэтгэлээр цус бэлэглэх үйл ажиллагаанд оролцохыг Барилгын яамныхан уриалсан юм.

Х.Баянмөнх аваргын нэрэмжит улс, аймаг, цэргийн алдар цолтой 224 бөхийн барилдаан ирэх сарын 07-нд Монгол бөхийн өргөөнд болно.

Богдхан Ууланд түймэр гарчээ.

Ерөнхий сайдын мэдээллийг хаалттай горимоор сонсч байна

2015 оны 10 дугаар сарын 19-ний өдөр дор дурдсан цагийн хуваарийн дагуу Засгийн газрын 11-р байранд Ерөнхий мэдлэгийн болон Ур чадварын шалгалтыг цахим хэлбэр (компьютер)-ээр авна:

Зарласан хугацаанаас хоцорсон иргэнийг уг шалгалтад оруулах боломжгүй гэдгийг анхаарна уу.
Ерөнхий мэдлэгийн шалгалт эхлэхээс 15 минутын өмнө бэлэн байна уу.
Ерөнхий мэдлэгийн шалгалтад орох иргэн Иргэний үнэмлэхтэйгээ ирнэ үү.

10 дугаар сарын 19-ны өдрийн 09.00 цагт

Дашчирэв Нацагдорж
Цэрэндорж Дэнсмаа
Чимидравдан Батсайхан
Адьяажав Оюунчимэг
Халтархүү Гантөмөр
Лхавгаа Цэрэнбат
Чойдогсүрэн Батмөнх
Балжинням Амараа
Жигжидсүрэн Эрдэнэбаяр
Батмөнх Батням
Дагвасүрэн Батням
Норовцэрэн Нандинчимэг
Түмэндэмбэрэл Төгсбаатар
Амарсайхан Ханбаяр
Дорж Энхцогт
Жаргал Баасангарьд
Лхамдаш Булган
Амарсанаа Дэлгэрсайхан
Осоржам Мөнхгал
Баттөмөр Батбаяр
Лувсандоной Баянзул
Цэвэлмаа Буянхишиг
Лувсан Түвшинцэнгэл

Дорнод аймгийн прокурорын газраас орон нутгийн Цагдаагийн газарт өөрийн харъяалах нутаг дэвсгэр, газар орны онцлогийг тусгасан гэмт хэрэгтэй тэмцэх, нийтийн хэв журам хамгаалах ажлыг эрчимжүүлэх ажлыг зохион байгуулахад нь мэргэжил арга зүйн зөвлөгөө өгөх, түүнчлэн иргэд, байгууллага, аж ахуйн нэгжийн талаар цуглуулж боловсруулсан мэдээллийн орон зай, цаг хугацааг нарийвчлан тогтоох зорилгоор 2015 оны эхний 09 сарын байдлаар аймаг орон нутагт үйлдэгдсэн гэмт хэргүүдийн объектийн судалгааг хийж гүйцэтгэлээ.

Судалгаагаар тус аймгийн хэмжээнд 2015 оны 8 дугаар сарын байдлаар 435 эрүүгийн хэрэгт, 352 хүн холбогдож, эрүүгийн хэрэг үүсгэн шалгасан нь өмнөх оны мөн үетэй харьцуулахад 11 хэргээр буюу 2,2 хувиар өссөн байх ба үйлдэгдсэн гэмт хэргийн дийлэнх хувь нь орой, үдшийн цагаар буюу 18:00-22:00 цагийн хооронд, гудамж талбайд үйлдэгдсэн байна. Ялангуяа аймгийн төв Хэрлэн сумын 1,3, 4, 5, 6, 7, 9 дүгээр багуудад болон Халхгол, Хөлөнбуйр, Булган суманд гэмт хэрэг гаралт өссөн бөгөөд эдгээр хэргүүдээс албан тушаалын эсрэг гэмт хэрэг, нийгмийн аюулгүй байдлын эсрэг гэмт хэрэг, хүн амын эрүүл мэндийн эсрэг гэмт хэрэг, байгал хамгаалах журмын эсрэг гэмт хэрэг, тээврийн хэрэгслийн хөдөлгөөний аюулгүй байдлын журмын эсрэг гэмт хэрэг, захиргааны журмын эсрэг гэмт хэрэг тус тус нилээдгүй хувиар өссөн болох нь тогтоогдсон байна.

Дээрх судалгааны үр дүнд тус прокурорын газраас дүн шинжилгээ хийж аймгийн Цагдаагийн газраас харъяалах нутаг дэвсгэрийнхээ өөрчлөгдөж буй нөхцөл байдлыг цаг тухай бүр нь зөв үнэлж, гэмт хэрэгтэй тэмцэх өдөр тутмын ажлаа зөв оновчтой төлөвлөн, тохиромжтой арга тактик сонгон хэрэглэж, нийтийн хэв журам хамгаалах, гэмт хэрэгтэй тэмцэхэд холбогдох хууль хүчний болон төрийн байгууллагууд, иргэдийг татан оролцуулж, тэдэнтэй хамтран ажиллах зүй зохистой орчинг бүрдүүлэх, түүнчлэн объектын судалгаанд үндэслэн сум, багийн ард иргэдийн ахуй амьдрал, тэдний явуулж буй үйл ажиллагааг тодорхой хугацаатайгаар тогтмол судалж, криминологи судалгааны мөрөөр шинэлэг бодитой ажлуудыг зохион байгуулж, үр дүнг тооцох, гэмт хэрэгтэй тэмцэх, урьдчилан сэргийлэх ажлыг эрчимжүүлж бодит үр дүн гаргаж ажиллах, эрүүгийн болон хэв журмын нөхцөл байдал, газар нутгийн онцлог, хүн амын тоо, насны ангилал, ёс заншил, гэмт явдлын шинж чанар, гэмт хэргийн гаралт, төрөл ангилал зэргийг нарийвчлан судлаж, гэмт хэргийг бүрэн дүүрэн илрүүлэх, хүний эрхийг бодитой хангаж ажиллах шаардлагатай байгаа талаар аймгийн Цагдаагийн газарт мэдээлэл бичиж хүргүүлэн ажиллалаа.

Мөн Аймгийн прокуророос Цагдаагийн газрын удирдлага, эрх бүхий албан тушаалтнуудад дээр дурьдсан мэдээлэлд дурьдсан арга хэмжээнүүдийг нэн даруй авч хэрэгжүүлж, гэмт хэрэг, зөрчил гарч буй шалтгаан нөхцлийг арилгаж, гэмт хэргээс урьдчилан сэргийлэх ажлыг эрчимжүүлж, бодит үр дүн гарган ажиллах үүрэг, чиглэлийг өгч, хийж гүйцэтгэсэн ажлынхаа талаар дэлгэрэнгүй мэдээллийг 2015 оны 12 дугаар сарын 15-ны дотор албан бичгээр ирүүлэхийг даалгасан байна.

Нийслэлийн МАН онц хүнд гэмт хэрэгт гүтгэлээ

Энэ аравдугаар сарын 17-ны бямба гарагт газар доороос аймшигтай хүч бүхий түлхэлт болж асар их цунами үүсэн 40 сая хүний аминд хүрнэ гэсэн аймшигт таамаглалыг британий цөмийн эрдэмтэн Мехрана Кеше нийтэлсэн байна.
Лондоны их сургуулийн цөмийн физикч түүнийхээр бол рихтерийн шаталбараар хэмжихийн аргагүй хүчтэй энэ газар хөдлөлийн уршгаар Умард, өмнөд Америк хоёр салж түлхэлтийн хүчээр аймшигт цунами Карибын тэнгисийн орнуудыг арчиж, Хятад Японд хүрэн Ази, Америкийн нийт 40 сая хүний амийг авч одно гэжээ.
Мехран Кеш энэ тухайгаа америкчуудад анхааруулга болгож дүрс бичлэг болгон интернетэд оруулсан гэнэ.
Энэ таамаглала тэрээр өөрийн хувийн таамаг, судалгаан дээр үндэслэн гаргасан гэдгээ ч бичжээ. Лондоны инженерийн энэ таамаглалыг үндэслэлгүй хэмээн Express хэвлэл бичсэн байна. Гэхээ АНУ-ын баруун эрэг орчмоор газрын доороос түлхэх нь олширсоор байгааг анхааруулсан байна.

Эх сурвалж: www.assa.mn

Нийслэлийн Баянгол дүүрэгт 1700 иргэнийг ажлын байраар хангасан, 19000 м2 талбай, 700 автомашины зогсоол, зоорийн 7 давхар барилга бүхийгурав дахь Хархорин шинэ худалдааны төвийн нээлтээ хийлээ. Нээлтэнд Нийслэлийн Иргэдийн Төлөөлөгчдийн Хурлын дарга Д.Баттулга, Нийслэлийн Засаг даргын Хөдөлмөрэрхлэлт, нийгмийн хамгааллын асуудал хариуцсан орлогч Ц.Буяндалай, Хотын Ерөнхий менежер Б.Бадрал, Захирагчийн ажлын албаны Хүнс худалдаа, үйлчилгээний хэлтсийн дарга О.Нарантуяа нар оролцсон.
Нээлтийн үеэр нийслэлийн удирдлагууд “Ил задгай худалдаагхорин жил эрхэлж, өвлийн хүйтэнд даарч, зуны халуунд халж ар гэрээ авч яваа олон худалдаа эрхлэгчдийн хүчээршинэ худалдааны төв боссонд баяртай байна.
Энэхүү худалдааны төв нь цэвэр бохир усны системд бүрэн холбогдсон бөгөөд нийт барилга байгууламжид 38 тэрбум, гаднах тохижилтондоо 2.5 тэрбум төгрөг зарцуулжээ. Энэ нь эдийн засаг хүндэрсэн үед иргэдийн амьдралыг дээшлүүлэхийн төлөө хийж буй хамгийн том хөрөнгө оруулалт болсон” гэдгийг онцолсон. Хотын Ерөнхий менежер Б.Бадрал” Нийслэлийн зүгээс орц гарцыг шийдэх талаар ярилцаж байгаа” гэдгийг хэллээ.
Түрээслэгчид 2015 онд шат дараатайгаар 2 худалдааны төв ашиглалтанд оруулсан. Одоо гурав дахь төвийн нээлтээ хийж байгаад баяртай байна. Биднийг дулаан тохилог орчинд ажиллах нөхцөл бололцоогоор хангасан захын удирдлагууддаа баярлалаа” гэж хэллээ Улаанбаатар хотын Захирагчийн ажлын албанаас мэдээллээ.

Нийслэлийн ИТХ ээлжит 25 дугаар хуралдаанаар нийслэлийн эдийн засгийн дэд бүтцийг тэнцвэртэй хөгжүүлэх, хүн амын хэт төвлөрөл болон хотын хангамж, үйлчилгээ, аж ахуйн үйл ажиллагааг зохицуулах, оршин суугчдын нийгмийн асуудлыг шийдвэрлэх, байгаль орчны зохистой харьцааг хадгалах зорилгоор нийслэлийн дагуул Багануур хотыг Багануур дүүрэгт, нийслэлийн дагуул Налайх хотыг Налайх дүүрэгт байгуулах тухай асуудлыг хэлэлцэн баталсан билээ. Налайх хотын Захирагчаар тус дүүргийн ИТХ-аас нэр дэвшигч Ш.Хаан сонгогдсон юм.
Харин Багануур хотын Захирагчийн сонгууль 10 дугаар сарын 18-ны өдөр буюу ням гарагт болох бөгөөд Ш.Отгонбаяр, Н.Тавинбэх, Б.Ганбаатар, Ц.Цогбаяр нар бие даан нэр дэвшиж байна. Багануурын иргэд Та бүхэн 07:00-22:00 цагийн хооронд харьяа хороон дээрээ очиж сонгуульдаа идэвхитэй оролцоно уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

2015 онд төсвийн хэмнэлт эрүүл мэндийн салбарыг дайрсан бөгөөд багахан төсөвтөө тааруулж тусламж үйлчилгээгээ үзүүлж ирсэн ч чанар хүртээмжийн хувьд буурсан гэдгийг албаны хүмүүс хэлж байна. Одоогийн байдлаар эмнэлгүүд 10 гаруй тэрбум төгрөгийн өрөнд ороод байна. Учир нь эмийн төсвөөс 8 тэрбум төгрөгийг хассанаар эмнэлгүүд өвчтөнөөсөө эм тариа нэхэх тохиолдол нэмэгдсэн. Дээр нь хүн амын тоо, өвчлөл нэмэгдэж валютын ханш өсөж байхад эмийн төсвөө танасан нь ийм байдалд хүргэжээ.

Харин сүүлийн хагас жилд эмийн компаниуд зээлээр үйлчлэхээ больж эхэлснээр Засгийн газраас шийдвэр гаргаж 2015 оны 4-р улиралд ашиглах 13 тэрбум төгрөгийг 3-р улиралд хэрэглэхээр болсон. Гэсэн ч одоог хүртэл төсвийн мөнгө эмнэлгүүдэд хүргэгдээгүй байгаа.

2016 оны төсөвт эрүүл мэндийн салбарын төсвийг 82 тэрбумаар оруулж өгч байгаа. Үүнийг салбарынхан сайшааж байгаа бөгөөд сүүлийн таван жилийн хугацаанд 60 тэрбум төгрөгөөр баталдаг байсан нь эрүүл мэндийн салбарыг бүсээ чангалахад хүргэсэн юм.

Эх сурвалж: NTV мэдээ