УИХ-ын 2015 оны намрын ээлжит чуулганы эхний долоо хоногийн үйл ажиллагааны хуваарь /2015.10.01-02/

Улсын Их Хурлын даргын дэргэдэх Зөвлөлийн 2015.09.28-ны өдрийн хурлаар батлав.

2015 ОНЫ 10 ДУГААР САРЫН 01, 02-НЫ ӨДРҮҮДЭД НАМ, ЭВСЛИЙН БҮЛЭГ, БАЙНГЫН ХОРОО БОЛОН ЧУУЛГАНЫ НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

10 дугаар сарын 01-ний Пүрэв гарагт 09.00 цагаас:

НЭГ.УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ НЭЭЛТ

ХОЁР.УЛСЫН ИХ ХУРАЛ ДАХЬ НАМ, ЭВСЛИЙН БҮЛГИЙН ХУРАЛДААН 10.00 ЦАГААС:

Улсын Их Хурал дахь Ардчилсан намын бүлгийн хуралдаан “А” танхимд;

Улсын Их Хурал дахь Монгол ардын намын бүлгийн хуралдаан “Б” танхимд;

Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.

ГУРАВ.БАЙНГЫН ХОРООНЫ ХУРАЛДААН:

1.Төрийн байгуулалтын байнгын хорооны хуралдаан 14.00 цагаас “А” танхимд:

Хэлэлцэх асуудал:

Засгийн газрын гишүүнийг огцруулах тухай асуудал;

Монгол Улсын Их Хурлын тухай хуулийн 7 дугаар зүйлийн 7.1.12 дахь заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 11 дүгээр дүгнэлтийг хэлэлцэх.

2.Хууль зүйн байнгын хорооны хуралдаан 14.00 цагаас “Б” танхимд:

Хэлэлцэх асуудал:

Монгол Улсын Их Хурлын тухай хуулийн 7 дугаар зүйлийн 7.1.12 дахь заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 11 дүгээр дүгнэлтийг хэлэлцэх;

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай хуулийн төслийг хэлэлцэх.

ДӨРӨВ.ЧУУЛГАНЫ НЭГДСЭН ХУРАЛДААН:

10 дугаар сарын 02-ны Баасан гарагт 09.00 цагаас:

Засгийн газрын гишүүнийг огцруулах тухай асуудал;

Монгол Улсын Их Хурлын тухай хуулийн 7 дугаар зүйлийн 7.1.12 дахь заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 11 дүгээр дүгнэлтийг хэлэлцэх;

Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд нэмэлт, өөрчлөлт оруулах тухай хуулийн төслийг хэлэлцэх;

Монгол Улсын Төрийн цэргийн бодлогын үндсийг батлах тухай Улсын Их Хурлын тогтоолын төсөл /Монгол Улсын Ерөнхийлөгч 2015.04.14-ний өдөр өргөн мэдүүлсэн, анхны хэлэлцүүлэг үргэлжилнэ/;

Монгол Улсын Ерөнхий сайдын мэдээлэл: “Өвөлжилтийн бэлтгэл ажлыг хангах арга хэмжээний талаар”.

БНХАУ-ын Засгийн газраас Монголын таван ахмад дайчныг шагналаа

Э.Бат-Үүлийн 3 жилд 802.5 тэрбум төгрөг зарцуулжээ

“Нийслэлийн Бүтээн Байгуулалтын Дээд Шагнал”-д нэр дэвшигчдийг бүртгэж эхэллээ

Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Улаанбаатар хотын цэвэр, бохир усны хоолойг шуудуу ухалгүйгээр доторлох” төсөл хэрэгжүүлэх тухай А/760 дугаар захирамж гаргалаа.

МАН-аас МАХН-руу орох дараагийн хүн Д.Загджав уу

“I Love Mongolia 2015” түншлэлийн баг Монгол орныхоо хөгжил цэцэглэлтээс гадна орон нутгийн төсөвт үнэтэй хувь нэмэр оруулдаг “Шилдэг татвар төлөгчид”-ийг онцлон ярилцаж буй. Энэ удаад Ховд аймгийн бүтээн байгуулалт, барилгын салбарт тэргүүлэх үйл ажиллагаа явуулдаг “Ховдын Хаш Өргөө” ХХК-ийг онцоллоо. Ингээд тус компанийн захирал А.Пүрэвдоржтой цөөн хором ярилцсанаа хүргье.

Тэрбээр барилгын салбарт 40 гаруй жил ажилласан нэгэн аж. Анх сантехникчээс ажлын гараагаа эхэлж танилын хүрээгээ тэлсээр өдгөө барилгын салбарт өрсөлдөхүйц томоохон компанийн захирал болжээ.



- Шилдэг татвар төлөгч “Ховдын Хаш Өргөө” ХХК-ийн талаар танилцуулахгүй юу?

- Манай компани барилга, угсралтын чиглэлээр үйл ажиллагаа явуулдаг. Анх 1990 онд “Ховдын Өргөө” ХХК гэсэн нэртэйгээр байгуулагдаж, 2008 онд “Хаш өргөө” нэртэй болж өргөжсөн.

- Энэ хугацаанд ямар, ямар ажил хийж гүйцэтгэсэн бэ?
- Манайх Ховд аймгийн төвд 2007 оноос хойш Стандарт хэмжил зүйн газрын шинэ барилга, Хар ус тусгай хамгаалалттай газрын конторын барилгыг аймгийн төв дээр, хөдөө орон нутагт Баян-Өлгий аймгийн Улаан-Ус суманд 150 хүүхдийн дотуур байрны барилга, Ховд аймгийн Алтай суманд 400 хүний суудалтай соёлын төвийн барилга, Манхан суманд 100 хүүхдийн цэцэрлэг, 15 ортой эмнэлгийн барилга, 2014 онд Ховд аймгийн Булган суманд 320 хүүхдийн хичээлийн шинэ байр, Дөргөнө суманд 250 хүүхдийн сургуулийн барилгыг тус, тус чанарын өндөр түвшинд барьж, ашиглалтанд оруулсан.

- Жилдээ аймаг, орон нутагт хэдэн төгрөгний татвар төлж байна вэ?

- Сүүлийн 5 жилийн дотор 6 тэрбум орчим төгрөгийн ажил хийсэн. Үүнээс 282 сая төгрөгийг аймаг орон нутагт төвлөрүүлсэн байна. Мөн нийгмийн даатгалд 71.1 сая төгрөг, ажилчдын цалинд 844, 5 сая төгрөгийг тус тус төлсөн байдаг.



Эдийн засгийн хүндрэлтэй ороо бусгаа цаг үед зөв менежменттэй, сайн түнштэй хамтарч чадвал бизнес ганхахгүй гэж А.Пүрэвдорж захирал ярилцлагын үеэр дурдсан юм.

Түүний байгуулсан “Ховдын Хаш Өргөө” ХХК нь 2008 онд 10 барилгын засварын ажил авч, чанартай хийж гүйцэтгэсний эцэст томоохон бүтээн байгуулалтын тендерт оролцох эрхтэй болжээ.



-Өрх толгойлсон эмэгтэй ажилтандаа жилд 2 тонн нүүрс олгодог-

- Нийгмийн хариуцлагын хүрээнд ямар, ямар ажил хийсэн бэ?

- Ажилчдаа орон сууцаар хангахын тулд бодит тусламж үзүүлдэг. Мөн барилгын чиглэлээр суралцаж байгаа ажилтныхаа хүүхдийн сургалтын төлбөрийг төлж байна. Мөн өрх толгойлсон эхчүүдийнхээ амжиргаанд дэмжлэг үзүүлж, жилдээ хоёр тонн нүүрсний урамшуулал олгодог.

- Боловсон хүчнээ хэрхэн бэлтгэж байна вэ?

- Мэргэжлийн 20 гаруй ажилтантай. Харин шинэ залуу боловсон хүчнээ МСҮТ-ийн төгсөгч болон хөдөлмөрийн хэлтсээс ирсэн хүмүүсээр бүрдүүлж байна. Мөн ахмад ажилчдаа дагалдуулж, дадлагажуулж мэргэшүүлж авдаг. Зарим инженер ажилчдыг курс сургалтад суулгадаг. Тухайлбал өнгөрсөн онд компанийхаа инженерүүдийг Шанхай, Шинжань Уйгарт нэг жилийн сургалтад хамруулж 5 сая төгрөгөөр суралцуулсан.

- Тендер хэр үнэн бодит байдаг вэ? Ер нь концессийн гэрээгээр ажиллаж байв уу?

- Концессийн гэрээгээр ажиллаж байсангүй. Харин хөдөө орон нутаг гэдэг утгаараа тендер шударга явагддаг гэж үздэг. Манайх олон жил барилга угсралтын чиглэлээр үйл ажиллагаа явуулсан дадлага туршлагатай, инженер техникийн ажилчидтай учраас тендерийн хувьд бэрхшээл байдаггүй. Түүнчлэн авсан төслөө цаг хугацаанаас нь өмнө ашиглалтад оруулж, хүлээлгэж өгдөг учраас манайд том давуу тал болдог.

Тухайлбал, өнгөрсөн онд 350 сая төгрөгөөр улсаас санхүүжүүлэх ёстой Булган сумын 320 хүүхдийн хичээлийн шинэ байрыг бид өөрсдийн хөрөнгөөр барьж байгуулсан. Харин сая векселийн гэрээгээр жилийн дараа оруулсан хөрөнгөө авлаа. Мөн 1 тэрбум 40 сая төгрөгийн өртөгтэй 100 хүүхдийн барилгыг ашиглалтад оруулахаар энэ жил тендерт шалгарч, 700 сая төгрөгөөр барьж долоодугаар сард ашиглалтад оруулсан. Одоо 350 сая төгрөгийг төрөөс авах дутуу байна. Гэсэн хэдий ч хичээлийн шинэ жил эхлээд дотуур байр маань 150 хүүхдийг хүлээж аваад хичээллэж байна.

- Зөвхөн барилга угсралт гэлтгүй өөр ямар салбарт үйл ажиллагаагаа эрхэлж байна вэ?

- Ер нь барилга угсралт ч гэлтгүй, дотооддоо барилгын материал үйлдвэрлэлийн чиглэлээр ажиллаж эхэлж байгаа. Тухайлбал замын бордурь, худгийн кальцо зэрэг жижиг хийцүүдийг талбай дээрээ хийж эхэлж байна. Энэ жил компанийхаа дотоод нөөц бололцоог ашиглаад 50 ортой зочид буудлын барилгыг ашиглалтанд оруулсан төдийгүй аймаг орон нутагтаа өнгө нэмж, 30 хүнийг ажлын байраар хангах нөхцлийг бий болгосон.

- Эдийн засгийн хямрал аймаг нутагт хэрхэн нөлөөлж байна вэ?

- Гайгүй дээ. Хямраад байна л гээд байдаг. Манай компаний хувьд хямрал төдийлөн нөлөөлөхгүй байна. Урьдчилж аймаг орон нутаг, хятадын компаниудтай түншлэлийн гэрээтэй ажилладаг учраас эрсдлийг харьцангуй бэрхшээл багатай давж гарч байна. Ер нь тендер авбал барилгын материал нь бэлэн учраас эхний ээлжинд өөрийнхөө хөрөнгөөр, хятадын компанийн тусламж дэмжлэгээр 50 хувийг нь барих боломжтой.

- Цаашдын зорилго, зорилт?

- Нийгмийн хариуцлагын хүрээнд компанийхаа ажилчдыг орон сууцаар хангах зорилго тавиад байна. Ингэснээр ажилчдаа тогтвортой ажиллах нөхцлөөр хангах төдийгүй цаашид ажлын үр бүтээмжийг ч нэмнэ гэдэгт итгэлтэй байна.

- Ярилцсанд баярлалаа.

“Ховдын Хаш Өргөө” ХХК нь эдийн засгийн хямралтай үед ажилчдадаа 50-80 сая төгрөгийн хөнгөлөлт үзүүлж, орон сууцжуулсан байна. Мөн аймгийн болон бусад байгууллагын тэмдэглэлт арга хэмжээнд хандив, тусламж өгөх зэргээр ажилладаг аж. Түүнчлэн 2011 онд Ховд аймгийн БОАЖГ, Хар ус нуурын УТХГН хамгаалалтын захиргааны шинэ барилгын ажлыг гүйцэтгэсэн нь “Аймгийн шилдэг барилга”-аар шалгарсан байна.

Нэрт зохиолч Л.Ванганы нэрэмжит Завхан аймгийн Хөгжимт драмын театрт “Алтан намар” урлагийн их наадам зохион байгуулагдлаа. Наадамд Завхан аймгийн бүх сумдын авьяастнууд оролцож, гоцлол дуу, хамтлаг дууны төрөлд өрсөлдлөө. Мөн наадмын үеэр нэрт хөгжмийн зохиолч “Цэвээнравдангийн дууг хэн сайн дуулах вэ” тэмцээн зохиогдсон нь олны анхаарлыг ихэд татсан юм. Тэмцээнд оролцогчдын ихэнх нь түүний зохиосон сүүлийн үеийн хит дуу болох “Хоёр маргаз уул” дууг тайзнаа эгшиглүүлж байлаа.

Мөн аль хэдийнээ олон түмний сонсох дуртай аялгуу болсон “Бүстийн цэнхэр нуур”, “Багшийн алдар” зэрэг дуунуудыг ихэнх оролцогчид сонгон тайзнаа амилуулсан юм. Гурав дахь жилдээ зохион байгуулагдаж буй наадамд оролцогчдын ур чадвар нэмэгдсэн гэдгийг наадмын ерөнхий шүүгч онцолж байлаа. Мөн тэрбээр оролцогчид “Алтан намар” урлагийн наадамд ихээхэн ач холбогдол өгч, сайтар бэлтгэн оролцсоныг дахин дахин онцолсон. Урлагийн наадмын үеэр хамтлагийн төрөлд оролцсон үндэсний хөгжмийн “Хөсөгтөн Монгол” хамтлагийн “Хөсөгтөн Монгол” дуу, Хилчин хамтлагийн дуулсан “Жамаас” зэрэг дуунууд олны таашаалд ихэд нийцсэн юм.

Тариалангийн бүс нутгаар хүйтэрнэ

Бумбатын рашааны зүүн талд газар эзэмших эрх олголоо

Б.Бямба сайханыг

Хөдөлмөрийн Үндэсний нам Сэлэнгэ аймагт салбар хороогоо байууллаа

НИТХ-ын тэргүүлэгчдийн хууль бус шийдвэрийн дагуу 2015 оны хоёрдугаар сарын 28-ны байдлаар 11746 тээврийн хэрэгслийн дугуйг түгжиж нийт 234,9 сая төгрөгний орлогыг хууль бусаар төвлөрүүлж, иргэдэд онц их хэмжээний хохирол учруулсан болохыг ШӨХТГ-ын улсын байцаагчийн дүгнэлтээр тогтоосон.

Үүнээс хамгийн эхэнд тэрбээр шатахууны татварыг нэмж, төрийн өндөр албан тушаалтнуудын цалинг 30 хувиар бууруулах ажлыг хэрэгжүүлэх гэнэ. Ерөнхий сайдыг уг мэдээллийг хийсний дараагаар олон нийтийн дунд “Төрийн албан хаагчдын цалинг 30 хувиар бууруулах нь” гэсэн ойлголт төрсөн. Тэгвэл төрийн энгийн албан хаагчдын цалинг бууруулахгүй бөгөөд зөвхөн өндөр албан тушаалтнуудад уг шийдвэр нь хамаатай юм. Гэхдээ ирэх 12 дугаар сар буюу гурван сарын хугацаанд л энэ шийдвэр хэрэгжих аж. Харин томчуудын цалинг хасч танах ажлыг Сангийн яам гардан гүйцэтгэх бөгөөд одоогоор ажлын хэсгийг байгуулаад судалгааны ажилдаа оржээ.

Ордуудын зурхай: Өнөөдөр таны ажил ямар байх вэ?

30-нд төв, говь, зүүн зүгийн нутгаар, 10 дугаар сарын 1-нд нутгийн хойд хэсгээр, 2-нд нутгийн зүүн хэсгээр хур тунадас, нойтон цас орно. Салхи 30-нд ихэнх нутгаар, 1, 2-нд нутгийн зүүн хэсгээр секундэд түр зуур 18-20 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 9-14 градус хүйтэн, өдөртөө 0-5 градус дулаан, говийн нутгийн өмнөд хэсгээр шөнөдөө 1 градус хүйтнээс 4 градус дулаан, өдөртөө 11-16 градус дулаан, бусад нутгаар шөнөдөө 2-7 градус хүйтэн, өдөртөө 5-10 градус дулаан байна.

Завхан аймгаас бэлтгэн хүргэж буй цуврал сурвалжлагууд маань үргэлжилж байна. Энэ удаад Монголдоо хоёрт орох томоохон үйлвэрийн нэг Завхан аймгийн Мах комбинатын үйл ажиллагаатайтай танилцлаа.

Балжинням, Дашням давхацсан өдөр.

Үс шинээр үргээлгэх буюу засуулахад тохиромжгүй

БАРУУН АЙМГУУДЫН НУТГААР: Үүлэрхэг. Зарим газраар хур тунадас орно. Салхи баруун хойноос секундэд 5-10 метр, зарим газраар түр зуур секундэд 16-18 метр хүрч, зөөлөн цасан шуурга шуурна. Хүйтэрч Алтай, Хангайн уулархаг нутгаар шөнөдөө 5-10 градус хүйтэн, өдөртөө 1 градус хүйтнээс 4 градус дулаан, Алтайн өвөр говиор шөнөдөө 6-11 градус, өдөртөө 11-16 градус дулаан, бусад нутгаар шөнөдөө 1-6 градус хүйтэн, өдөртөө 4-9 градус дулаан байна.



ТӨВИЙН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө зарим газраар хур тунадас орно. Салхи зүүн өмнөөс хойш эргэж секундэд 5-10 метр, зарим газраар секундэд 12-14 метр хүрч ширүүснэ. Хангай, Хөвсгөлийн уулархаг нутгаар шөнөдөө 5-10 градус хүйтэн, өдөртөө 3-8 градус дулаан, бусад нутгаар шөнөдөө 2 градус хүйтнээс 3 градус дулаан, өдөртөө 9-14 градус дулаан байна.



ЗҮҮН АЙМГУУДЫН НУТГААР: Үүлшинэ. Хур тунадас орохгүй. Салхи баруун өмнөөс секундэд 7-12 метр. Шөнөдөө нутгийн хойд хэсгээр 2 градус дулаанаас 3 градус хүйтэн, бусад нутгаар 0-5 градус дулаан, өдөртөө бүх нутгаар 13-18 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Бороо орохгүй. Салхи баруун өмнөөс секундэд 4-9 метр. Шөнөдөө 1-3 градус, өдөртөө 15-17 градус дулаан байна.



ГОВИЙН АЙМГУУДЫН НУТГААР: Үүлшинэ. Бороо орохгүй. Салхи баруун өмнөөс секундэд 6-11 метр, өдөртөө зарим газраар секундэд түр зуур 16 метр хүрч ширүүснэ. Дундговийн нутгаар шөнөдөө 1 градус хүйтнээс 4 градус дулаан, өдөртөө 12-17 градус, бусад нутгаар шөнөдөө 3-8 градус, өдөртөө 15-20 градус дулаан байна.



УЛААНБААТАР ХОТ: Үүлшинэ. Шөнөдөө хур тунадас орохгүй. Өдөртөө хур тунадас орно. Салхи зүүн өмнөөс баруун хойш эргэж секундэд 5-10 метр, өдөртөө секундэд 12-14 метр хүрч ширүүснэ. Шөнөдөө 1-3 градус, өдөртөө 12-14 градус дулаан байна.