Монгол Улсын ууган сургуулийн нэг III сургуулийнхан энэ жил шинэ байртай болж байгаа.

БНХАУ-ын Бээжин хотноо Чөлөөлөх дайны ялалтын 70-н жилийн ойг ёслол төгөлдөр тэмдэглэхээр зэхэж буй.

Өнөөдрийн гадаад валютын дуудлага худалдаагаар банкууд 1987.20-1990.10 төгрөгийн ханшаар 10.2 сая ам.доллар худалдан авах, 308.20-310.50 төгрөгийн ханшаар 114.5 сая юань худалдан авах санал тус тус ирүүлсэн байна.

Технологийн зах зээлд хүч түрэн орж ирсэн 3D принтерийн бүтээгдэхүүнүүдэд эргэлзэх тохиолдол элбэг байдаг. Гэвч Германы бохьны компани 3D хүнсний бүтээгдэхүүнийг үйлдвэрлэж эхэлжээ. Тодруулбал, “Katjes” компани өнгөрсөн баасан гарагт дэлхийн хамгийн анхны 3D бохийг Берлинд худалдаалж эхэлсэн байна.

Баянгол дүүргийн нэгдсэн эмнэлэг шинэ байранд орсон учир хуучин барилга нь орхигдоод байсан билээ.

“Монгол Улс Чөлөөлөх дайнд - 1945” түүхэн баримт - гэрэл зургийн цомгийг танилцууллаа

Эдийн засгийн ил тод байдлыг дэмжих тухай хуулийг хэрэгжүүлэх журмыг Засгийн газраас баталлаа. Хууль тогтоомжийн хэрэгжилтэд хяналт тавьж ажиллахыг Сангийн яам, Хууль зүйн яам, Хүн амын хөгжил, нийгмийн хамгааллын яам, Татварын ерөнхий газар, Гаалийн ерөнхий газар, Улсын бүртгэлийн ерөнхий газар, Нийгмийн даатгалын ерөнхий газарт тус тус даалгахаар шийдвэрлэлээ.

УИХ 2015 оны 8 дугаар сарын 7-ны өдөр Эдийн засгийн ил тод байдлыг дэмжих тухай хуулийг батлан гаргасан. Энэ хуулиар хувь хүн, хуулийн этгээд бусдын нэр дээр бүртгүүлсэн, нуун дарагдуулсан өөрийн өмчлөлийн хөдлөх болон үл хөдлөх эд хөрөнгө, түүнтэй адилтгах бусад хөрөнгө, олсон орлого, үзүүлсэн үйлчилгээгээ сайн дурын үндсэн дээр ил тод болгон үнэн зөв, шударгаар санхүү, татварын болон нийгмийн даатгалын тайланд тусгаж, шинээр тайлагнасан, гаалийн байгууллагад нөхөн мэдүүлсэн, улсын бүртгэлд шинээр бүртгүүлсэн тохиолдолд холбогдох хуулиар хүлээлгэх хариуцлагаас нэг удаа чөлөөлөхөөр шийдвэрлэсэн бөгөөд хууль хэрэгжүүлэх журмыг Засгийн газар батлан гаргахаар заасан байна.

Хуулийг хэрэгжүүлэх асуудлаар санхүү, татвар, гааль, улсын бүртгэлийн алба болон нийгмийн даатгалын газар нь харьяаллын дагуу иргэд, хуулийн этгээдтэй харилцаж, зөвлөгөө туслалцаа үзүүлж ажиллах бөгөөд уг хуулийг хэрэгжүүлэх асуудлаар тусгай сургалтад сууж, нууцын баталгаа гаргасан томилогдсон албан тушаалтан ажиллана. Хуулийн хэрэгжилтийг хурдан шуурхай явуулах зорилгоор хууль хэрэгжих хугацаанд буюу 2015 оны 12 дугаар сарын 31-ний өдрийн 24 цаг хүртэл ажлын цаг харгалзалгүйгээр цахим бүртгэл явуулахаар журамд тусгаснаас гадна интернет сүлжээгээр бүртгэл хийлгэх боломжгүй тохиолдолд цаасаар мэдээлэл авах салбарыг нийтэд зарлах юм байна.

Журмаар ил тод болгож байгаа мэдээллийг нууцлах, мэдээлсэнтэй холбогдуулж иргэн, хуулийн этгээдэд захиргааны болон эрүүгийн хэрэг үүсгэхгүй байх, гүйцэтгэх ажиллагаа явуулахгүй байх, ил болгосон мэдээллийг нотлох баримтаар авч үзэхгүй байх, бүртгэлийг баталгаажуулж хүлээн авсан тохиолдолд албан тушаалтныг гүйцэтгэсэн ажилтай нь холбогдуулан байцаах, хэргийн оролцогчоор татах зэрэг ажиллагааг хориглосон. Түүнчлэн иргэн, хуулийн этгээдийн гаргаж өгсөн мэдээллээс өөр мэдээлэл нэмж шаардахыг хориглолоо.
- See more at: http://zasag.mn/news/view/10755#sthash.V3kwnUG5.dpuf

Жил бүр уламжлал болон зохион байгуулагдаж буй “Монголын мистер” тэмцээний энэ оны шалгаруулалт энэ сарын 5-нд болно.



Монголын Бодибилдинг, Фитнессийн Холбооноос зохион байгуулж улсын аварга шалгаруулах энэхүү тэмцээнд үе үеийн “Мистер” цолтнууд болон шинээр хүч түрэн гарч ирж буй шилдэг тамирчид 13 жингийн ангиллаар өрсөлдөж аваргуудаа тодруулах аж.



Мөн улсын аваргаас медаль байранд шалгарсан тамирчид тив, дэлхийн аварга шалгаруулах тэмцээнд оролцох эрхээ олж авах юм байна.

БНХАУ-аас Монголын дайчдад ойн медаль гардуулжээ

Есдүгээр сарын 1 буюу өнөөдрөөс эхлэн өрхийн эмнэлэгтээ цус, шээсний шинжилгээ өгдөг боллоо. Одоогоор 142 өрхийн эмнэлэгт шинжилгээний аппаратыг суурилуулан, иргэдэд үйлчилж эхлээд байгаа аж.



Мөн өрхийн эмч нарыг ч аппараттай ажиллах, шинжилгээ авах хэд хэдэн удаагийн сургалтад хамруулжээ.

ОБЕГ-ын дарга, бригадын генерал Т.Бадрал, Гал унтраах техникийн олон төрөлт спортын /ГУТОТС/ Дэлхийн аварга шалгаруулах тэмцээнд Монгол Улсаа төлөөлөн оролцох үндэсний шигшээ багийн тамирчдыг өнөөдөр хүлээн авч уулзлаа.
2015 онд ОБЕГ-ын даргын тушаалаар ГУТОТС-ын үндэсний шигшээ багийг байгуулсан бөгөөд тамирчдын хувьд тус спортоор үндэсний шигшээ баг байгуулагдсаны анхных нь тэмцээн юм.
ОБЕГ-ын дарга, бригадын генерал Т.Бадрал шигшээ багийн тамирчдад хандан, Монгол Улс болон Онцгой байдлын албаны нэр хүндээ өндөрт өргөж, тэмцээндээ амжилт гарган оролцохыг хүсээд Онцгой байдлын албаны тугийг гардуулан өглөө.
Мөн энэ үеэр Монголын Гал унтраах техникийн олон төрөлт спортын холбооны тугийг тус холбооны удирдлага тамирчдад гардуулсан юм.

”Оюутан тээвэр” энэ сарын 5-ныг хүртэл үргэлжилнэ.



Шинэ хичээлийн жил эхлэх гэж буйтай холбогдуулан Автотээврийн үндэсний төв, ЦЕГ хамтран “Оюутан тээвэр-2” нэгдсэн арга хэмжээг хэрэгжүүлж эхэлсэн юм.



Уг арга хэмжээ өнгөрсөн наймдугаар сарын 12-ноос энэ сарын 5-ныг дуустал үргэлжилнэ.



Одоогийн байдлаар нийслэл, орон нутгийн 55 чиглэлд, 1740, нэмэлтээр 672, нийт 2412 тээврийн хэрэгсэл гарган ажиллаж байна.

Ерөнхий сайд Ч.Сайханбилэг оюутны тангарагийн баярт оролцлоо
1 цаг 7 минутын өмнө
Print Zasag and PDF

Энэ хичээлийн жилд их, дээд сургуульд 19300 оюутан элсэн суралцаж байна. Эдгээр оюутнуудын төлөөлөл өнөөдөр Чингисийн талбайд цуглаж, оюутны тангарагаа өргөлөө. Тав дахь удаагийн тангарагийн баярт Монгол Улсын Ерөнхий сайд Ч.Сайханбилэг, Боловсрол, соёл, шинжлэх ухааны сайд Л.Гантөмөр, Ерөнхий сайдын зөвлөх Б.Ургамалцэцэг болон их дээд сургуулиудын захирлууд оролцож, мэндчилгээ дэвшүүллээ.

Ерөнхий сайд Ч.Сайханбилэг улс орны хөгжил дэвшил бол боловсролын тогтолцоо, түүний хүртээмжинд суурилсан хүний хөгжлөөс шалтгаалдаг. Тиймээс Монгол Улсын Засгийн газар “Зөв монгол хүн” хөтөлбөрийн дор боловсролын салбарын шинэчлэлт, өөрчлөлт, хөгжил дэвшлийн арга хэмжээнүүдийг зохион байгуулж байгааг онцлон хэллээ.

Мөн Монгол Улсын Засгийн газар, Боловсрол, соёл, шинжлэх ухааны яамнаас их, дээд сургуульд бүтцийн болон хөтөлбөрийн өөрчлөлтүүдийг хийх, багшлах боловсон хүчний ур чадварыг сайжруулах, ижил төрлийн мэргэжлийг нэгтгэн зах зээлийн эрэлттэй уялдуулах, төгсөгчдийн ажлын байрны хангамжийг дээшлүүлэх чиглэлээр олон төрлийн арга хэмжээнүүдийг авч хэрэгжүүлж байна. 1000 инженерийг дэлхийн өндөр хөгжилтэй оронд бэлтгэх, өндөр хөгжилтэй орнуудад Монголын шилдэг оюутнуудыг бакалаврын сургалтад хамруулах, их сургуулийн дэргэд эмнэлэг байгуулах, үндэсний тэтгэлэгийг сургалтын чанартай хослуулан олгох, оюутны эрүүл мэндийн даатгалыг төрөөс бүрэн хариуцах, нийтийн тээврээр үнэ төлбөргүй зорчуулах, орон нутагт амралтаараа ирж, очих замын зардлыг төр хариуцах асуудлуудыг хариуцах зэрэг олон ажлыг хийж хэрэгжүүлж байгаагаа хэллээ.

Засгийн газрын тэргүүн ажил, амьдралынхаа гарааг оюутан залуучуудын байгууллагаас эхэлж байснаа дурсаад цаашид оюутны байгууллагуудын өөрөө удирдах чадварыг дээшлүүлэх, оюутны нийгмийн идэвхийг сайжруулах чиглэлээр Монгол Улсын Засгийн газар, Боловсрол, соёл, шинжлэх ухааны яам Монголын Оюутны холбоотой хамтран ажиллаж, бүхий л үйл ажиллагааг нь дэмжих болно гэдгээ илэрхийллээ.

Өнгөрсөн онд оюутнууд амжилт бүтээлээр дүүрэн байж, дэлхийн оюутны универсиад 2015 наадмаас жүдо бөх, буудлагын төрлөөр Монголын оюутнууд 2 алт, 1 мөнгө, 2 хүрэл, нийт 5 медаль авч, дэлхийн 137 орноос 24 дүгээр байрт оржээ. Мөн Ази номхон далайн орнуудын оюутны математикийн анхдугаар олимпиадыг Монгол улсдаа амжилттай зохион байгуулж тэргүүн байрын шагналуудыг хүртсэн байна. Энэ хичээлийн жилд эдгээр амжилтаа үргэлжлүүлнэ гэдэгт эргэлзэхгүй байна гэж Ерөнхий сайд хэлээд оюутнуудад улс эх орон, аав ээж, өөрсдийнхөө өмнө өргөсөн тангарагаа үнэнч байж, эрдмийн олон оргилыг эзлэхийг хүслээ гэж Засгийн газрын Хэвлэл мэдээлэл олон нийттэй харилцах албанаас мэдээллээ.

Чөлөөлөх дайны ялалтын 70 жилийн ойг тохиолдуулж ӨМӨЗО-ы Хөххотноо 2015 оны 08 дугаар сарын 30-нд Монгол, Хятад, Орос 3 улсын уран бүтээлчдийн “Хамтын ялалт” нэртэй уран зураг болон гэрэл зургийн үзэсгэлэнгийн нээлт боллоо.
Энэхүү арга хэмжээний нээлтэд Монгол Улсаас Хөххотод суугаа Ерөнхий консулын газар, Монголын Урчуудын эвлэлийн хорооны гишүүн уран бүтээлч, цэргийн түүх судлаач нар, хятадын талаас Өвөрмонголын Соёлын тэнхим, Музей, Утга зохиол, урлагийн холбоо, Баяннуур хотын Суртал, ухуулгын хэлтэс болон бусад соёл урлагийн холбоо, нийгэмлэгийн төлөөлөл уригдан оролцлоо.
Үзэсгэлэнд Чөлөөлөх дайн, Халхын голын байлдаан болон цэргийн сэдэвт баримтат кино, уран зураг, гэрэл зургаас бүрдсэн нийтдээ 200 орчим бүтээлийг дэлгэн үзүүлэв. Арга хэмжээ 7 хоногийн туршид үргэлжилнэ.

Улаанбаатар смарт карт компани оюутнуудад зориулан 110 мянган карт хэвлэсэн. Харин МОХ өнгөрсөн хавар мөн төдий тооны оюутнаас мөнгийг нь хураан авч Төрийн банкны карт хэвлүүлснээс болоод хичээлийн шинэ жил эхэлчихээд байхад оюутнууд аль картаар зорчих нь тодорхойгүй гэсэн шалтгаанаар бэлэн мөнгөөрөө зорчиж байгаа юм.

Гэтэл өнөөдрөөс эхлээд карт худалдан аваагүй иргэд нийтийн тээврийн унаанд 1000 төгрөгөөр зорчиж эхлээд байгаа. Хэрвээ оюутнуудыг цахим картаар зорчуулах шийдвэр гаргавал тухайн картаар өдөрт зөвхөн хоёр удаа үнэ төлбөргүй зорчих юм. Энэ шийдвэрийг МОХ эсэргүүцэхдээ “Нийтийн тээврийн талаар нийслэлээс гаргасан журам бий. Энэ журамд оюутнуудыг нийтийн тээврийн хэрэгслээр үнэ төлбөргүй зорчуулна гэсэн” хэмээсэн.

Тиймээс энэ асуудал шийдэгдтэл МОХ-ны зүгээс оюутнуудыг бэлэн мөнгөөр зорчихдоо баримтаа хэвлүүлж аваад хадгалж үлдэхийг сануулж байгаа юм.

Наймдугаар сарын 22-30-ны өдрүүд БНХАУ-ын нийслэл Бээжин хотноо Хөнгөн атлетикийн ДАШТ болж өнгөрлөө. Тэмцээнд 210 гаруй орны шилдэг тамирчид өрсөлдснөөс Монголоос анх удаа гурван тамирчин оролцож дэлхийн шилдгүүдтэй өрсөлдсөн юм. Тэмцээний үеэр Монгол улсыг төлөөлөн явсан төлөөлөгч, баг тамирчид, Ямайкийн домогт тамирчин Усайн Болттой уулзсан байна. Усайн Болтыг Монгол Улсад хөнгөн атлетикийн спортыг хөгжүүлэхэд дэмжлэг үзүүлэх зорилгоор айлчлахыг албан ёсоор урихад Усайн Болт урилгыг хүлээн авч, хүрэлцэн ирэхээ илэрхийлсэн байна.

Э.Бат-Үүл: Ирээдүйн Монгол иргэдийг боловсролтой, зөв хүн болгон хүмүүжүүлэх үйлсэд хамтран зүтгэе

Хичээлийн шинэ жилийн баярыг тохиолдуулан УИХ-ын гишүүн Д.Ганхуяг, Баянзүрх дүүргийн ИТХ-ын дарга Ц.Батхүү, Засаг дарга Д.Пүрэвдаваа болон бусад албаны хүмүүс Баянзүрх, Налайх дүүргийн I-II ангийн 10 мянган хүүхдийн төлөөлөл болох 100 гаруй хүүхдэд хичээлийн хэрэгсэл, ширээний цаг гардууллаа.

2015-2016 оны хичээлийн шинэ жилд Улаанбаатар хотын хэмжээнд 25000 орчим хүүхэд сургуулийн алтан босгоор алхаж 1-р ангид элсэн орж байна. Үүнээс Баянзүрх дүүрэгт таван мянга гаруй, Налайх дүүрэгт нэг мянга орчим хүүхэд 1-р ангид элсэн орж байгаа юм.

НИТХ-ын Тэргүүлэгчдийн ээлжит хуралдаан өнөөдөр болж хуралдаанаар “Нийслэлийн өмчийн концессын зүйлийн жагсаалт”-д өөрчлөлт оруулах тухай хэлэлцэн баталлаа. Хуралдаанд асуудлыг нийслэлийн Засаг даргын Санхүү эдийн засгийн асуудал хариуцсан орлогч Н.Батаа танилцууллаа. Тэрээр концессын зүйлийн жагсаалтад өөрчлөлт оруулахдаа нийслэлийн ЗДТГ-ын харъяа агентлаг, албан тушаалтнаас ирүүлсэн саналыг үндэслэж, зургаан төслийг нэмэхээр, мөн зургаан төслийг хасахаар санал оруулсан гэдгийг онцлов.

Нэмэх төслүүдэд Налайх дүүрэгт Захирагчийн ажлын албаны оффис үйлчилгээний барилга барих, Сүхбаатар дүүргийн 19-р хороо Салхитын амны 1,9 км хатуу хучилттай автозам барих, Шадивлан, Яргайтын чиглэлийн автозамын өргөтгөл шинэчлэл барих болон Налайх дүүргийн нутаг дэвсгэрт 60 ортой Ахмадын сувилал барих зэргийг тусгажээ.

Харин концесийн зүйлийн жагсаалтаас Улиастайн уулзвараас Баянзүрхийн шалган бүртгэх товчоо хүртэлх 3,4 км авто зам болон Баянзүрхийн 288 у/м төмөр бетон гүүр барих, Баянзүрхийн товчоо-Налайх-Чойрын уулзвар хүртэлх 17,5 км авто зам барих төслийг хасахаар оруулсан байна. Энэ нь Монгол Улсын Засгийн газрын 2015 оны 07 дугаар сарын 27-ны өдрийн 309 дүгээр тогтоолоор БНХАУ-ын зээлийн хөрөнгөөр хэрэгжүүлэх төслүүдийн жагсаалтад туссан ажил юм байна.

Түүнчлэн, Баянгол дүүргийн 11 дүгээр хороонд Сэтгэмж сургуулийн барилгыг буулгаж шинээр 640 хүүхдийн сургууль барих, Хан-Уул дүүргийн 10 дугаар хороонд спортын төрөлжсөн сургалттай 920 хүүхдийн сургууль барих төслүүдийг хасахаар санал оруулсан байна. Энэ нь Монгол Улсын Засгийн газарт БНХАУ-ын Засгийн газраас өгөх буцалтгүй тусламжаар хэрэгжүүлэх ажлын жагсаалтад багтсан аж.

Хятад Шаньдун мужийн Дунин хотноо байрлах нэгэн үйлдвэрт хүчтэй дэлбэрэлт болжээ.