Хятадын генералын өсвөр насны хүү бүлэглэн хүчирхийлсэн хэрэгт холбогдож, өчигдөр шүүх хурал нь өндөрлөлөө.

ОХУ-ын Сибирийн баруудыг судлахаар тавьсан камерт нэгэн сонирхолтой үйл явдал бичигдсэн байна. Алтан бүргэд буга барьж буйг судлаачид фото зургуудар нь үзүүлжээ. Лондонгийн амьтан судлалын нийгэмлээс эдгээр зургуудыг сэтгүүлчдэд тараасан аж.

Лондон хотын Брикстоны шоронгийн хоригдлууд ресторан нээж ажиллуулахаар болжээ. Энэ нь тэднийг хүмүүжихэд сайнаар нөлөөлнө хэмээн шоронгийн удирдлага үзэж байна.

Суданд өчигдрөөс эхлэн интернэт сүлжээг бүхэлд нь шахуу салгажээ. Шатахууны үнийг нэмсэнийг эсэргүүцэгчдийн жагсаал ширүүсч, нийслэл хотод цагдаа нартай гурав дахь өдрөө мөргөлдсөний дараа эрх баригчид ийм шийдвэр гаргасан хэмээн таамаглаж байна.

Өчигдөр Иракын нийслэл Багдад хотын ойролцоох тосгонуудад дараалсан бөмбөг дэлбэлснээр багадаа 23 хүн амиа алдаж, олон арван хүн гэмтэж бэртжээ. Энэ нь ойрын саруудад болсон хамгийн үхэлт халдлагуудын нэг хэмээн тооцогдож байна.