Өчигдөр Израйлийн цэргүүд Палестинийн гурван босогчийг буудсаны улмаас хоёр талын энхийн хэлэлцээрийн дөрөв дэх уулзалтыг цуцалсан хэмээн мэдээлсэн билээ. Тэгвэл дөрөв дэх уулзалт товлогдсон ёсоор даваа гарагт болсон тухай “Сяньхуа” агентлаг мэдээллээ.

Поп од Мадонна өнгөрсөн жилд ашиг орлогоороо тэргүүлсэн алдартан болсон тухай “Форбс” сэтгүүл зарлалаа. Тэрээр Опра Уинфри, Стивен Спилберг нарыг гүйцсэнээр ашиг орлогоороо тэргүүлж чадсан байна.

Диснейлендийн гайхамшгийн орныг байгуулж ихээхэн хэмжээний мөнгө олж буй орнууд олон. Тэгвэл Зимбабве улсын эрх баригчид Африкийн Диснейлендийг байгуулахаар төлөвлөж байгаа тухай эх сурвалж мэдээллээ.

Өнөөдөр Филиппинд 10 мянга гаруй иргэн төрийн албан хаагчдын авлигыг эсэргүүцэж Манила хотын төвд жагссан байна. Энэхүү жагсаал бусад хотуудад ч болжээ.