Охидын боловсролыг дэмжсэнийхээ төлөө өнгөрсөн жил талибуудад буудуулснаас хойш олон улсын анхаарлыг татах болсон Пакистаны Малала Юсуфзай охинд Олон улсын хүүхдийн энх тайвны шагнал олгохоор болжээ.

Монголын ашигт малтмалын газраас “Саус говь ресурс” компанид гурван олборлолтын лиценз нэмж олгосон талаар гадны эх сурвалж мэдээллээ. Зөвшөөрлийг энэ сарын 14-ний өдөр олгосон хэдий ч Монголын хэвлэлүүдээр мэдээлээгүй өнгөрсөн юм.

Энэ оны эхний зургаан сард дэлхийн орнуудын Засгийн газар, тусгай албадууд “Фэйсбүүк” компаниас шаардлагатай хэрэглэгчдийн тухай мэдээллийг өгөхийг албан ёсоор олон удаа хүссэн байна. Нийт 74 орны Засгийн газар 38 мянган фэйсбүүк хэрэглэгчийн мэдээллийг өгөхийг тус компанийн удирдлагуудаас хүсчээ.

Боко Харам бүлэглэлийн зэвсэгт этгээдүүд цээрлүүлэгч бүлгийн 20 гаруй гишүүнийг хөнөөсөн тухай “BBC” мэдээллээ. Цээрлүүлэгч бүлгийн гишүүд Нигерийн зүүн хойд хэсэгт орших Борно муж улсад бүлэглэлийн үйл ажиллагааг эсэргүүцэж эхэлсэн нь амиа алдах шалтгаан болжээ.