Ахмадын баярыг угтан НИТХ-ын төлөөлөгчид, Нийслэлийн Засаг даргын тамгын Газар, нийслэлийн Ахмадын хороо хамтран нийслэлд ажиллаж амьдарч буй ахмад настнуудын төлөөлөл болгон 1400 гаруй ахмадуудыг хүлээн авч хүндэтгэл үзүүллээ. Өнөөдрийн үйл ажиллагааны үеэр Баянгол дүүргийн ахмад настан н.Чуулган, Чингэлтэй дүүргийн ахмад настан н.Дариймаа нар Монголын ахмадын холбооны хүндэт тэмдэгээр шагнууллаа.
Нийслэлийн Засаг дарга бөгөөд Улаанбаатар хотын захирагч С.Батболд ахмадууддаа хандаж “Нийслэл, дүүргүүдийн, төр захиргааны байгууллагуудаас ахмад настанаа хайрлан, хүндэтгэж, аялан энэрч, эрхэмлэн дээдлэх нь төрийн бодлогын анхаарлын төвд байвал зохих амин чухал асуудлуудын нэг. Настанд үзүүлэх нийгмийн хамгаалал, нийгмийн халамж, эрүүл мэнд, урьдчилан сэргийлэх үйл ажиллагааны олон талт тусламж үйлчилгээний цогц асуудлуудыг, төрийн бодлогоос хөндийрүүлж, алсаас харж, тандах байдлаар дайвар асуудал мэт хандаж огтхон ч болохгүй. Энэ талаар Нийслэл, дүүргийн, төр захиргааны байгууллага, агентлагууд, аж ахуй нэгжүүд тэдгээрийн удирдлагууд онцлон анхаарч, ажиллах хэрэгтэй. Цаашид ахмад настны хөгжил хамгаалал, эрүүл мэнд, боловсрол, хөдөлмөр эрхлэлт, нийгмийн амьдралд оролцох оролцоог хангах талаар төр, засгаас гаргасан бодлого шийдвэрийн хэрэгжилтийг зохион байгуулж, гүйцэтгэлд нь хяналт тавих ажлыг эрчимжүүлэн ажиллана” гэсэн юм. Нийслэлийн хэмжээнд 106 мянган гаруй ахмад настан байдаг юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Төрийн мэдээлэл” эмхэтгэлийн шинэ дугаарт Монгол Улсын батлан хамгаалах тухай хууль /шинэчилсэн найруулга/-ийг нийтэлжээ.

Монгол Улсын батлан хамгаалах тогтолцоо, үйл ажиллагааг тодорхойлж, төрийн байгууллага, засаг захиргаа, нутаг дэвсгэрийн нэгжийн удирдлага, аж ахуйн нэгж, байгууллага, иргэний эрх, үүрэгтэй холбогдсон харилцааг энэхүү хуулиар зохицуулах бөгөөд дээрх хуулийн хамт өргөн мэдүүлсэн Дайчилгааны тухай хуульд өөрчлөлт оруулах тухай, Монгол Улсын Ерөнхийлөгчийн тухай хуульд өөрчлөлт оруулах тухай, Аж ахуйн үйл ажиллагааны тусгай зөвшөөрлийн тухай хуульд нэмэлт оруулах тухай, Дипломат албаны тухай хуульд өөрчлөлт оруулах тухай, Засгийн газрын тусгай сангийн тухай хуульд өөрчлөлт оруулах тухай зэрэг 11 хуулийг мөн нийтэлсэн байна.

Түүнчлэн тус дугаарт Зэвсэгт хүчний тухай хууль /шинэчилсэн найруулга/-ийг нийтэлжээ.

Монгол Улсын зэвсэгт хүчний байгуулалтын үндэс, зарчим, зэвсэгт хүчний чиг үүрэг, бүтэц, зохион байгуулалт, удирдлагын бүрэн эрхийг энэхүү хуулиар тодорхойлсон бөгөөд, тэдгээрийг хэрэгжүүлэхтэй холбогдсон харилцааг зохицуулах юм.

“Төрийн мэдээлэл” эмхэтгэлд Цэргийн албаны тухай, Цэргийн албан хаагчийн эрх зүйн байдлын тухай хуулиудыг мөн нийтэлсэн байна.

Монгол Улсын иргэн Монгол Улсын Үндсэн хуульд заасан үүргийнхээ дагуу эх орноо батлан хамгаалах бэлтгэл эзэмших, цэргийн алба хаахтай холбогдсон харилцааг Цэргийн албаны тухай хуулиар зохицуулах юм.

Харин Монгол Улсын цэргийн алба хаагчийн эрх зүйн байдал, үүргээ гүйцэтгэх нөхцөл баталгаа, эрхийн хязгаарлалтыг Цэргийн албан хаагчийн эрх зүйн байдлын тухай хуулиар тогтоосон юм хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Санхүүгийн зохицуулах хороо Монгол улсад банкнаас бусад санхүүгийн зах зээлийг хөгжүүлэхэд чиглэсэн одоо хэрэгжиж буй болон шинээр хэрэгжүүлж болох төсөл хөтөлбөрүүдэд ач холбогдол өгч байна. Үүнтэй холбоотойгоор хорооны дарга, удирдлагууд Люксембургийн Вант улсын Хөгжлийн агентлаг, Дэлхийн банк, Азийн хөгжлийн банк болон Японы Олон Улсын хамтын ажиллагааны байгууллага /JICA/-ын удирдах баг, зөвлөхүүдтэй удаа дараагийн уулзалт, зөвлөлгөөн хийгээд байна.

Үүний хүрээнд ЖАЙКА-тай 2014 оноос хамтран хэрэгжүүлж байгаа “Монголын хөрөнгийн зах зээлийн чадавхийг сайжруулах нь” төслийн явцыг Хорооны нийт удирдлага, мэргэжилтнүүдэд танилцуулах сургалтыг уг төслийн багаас зохион байгуулав. Сургалтыг төслийн зөвлөх, ноён Такаюүки Урадэ удирдаж, өнгөрсөн хугацаанд хийсэн ажлаа тайлагнахын зэрэгцээ Монголын хөрөнгийн зах зээлийн өнөөгийн нөхцөл байдал, үнэт цаасыг олон нийтэд санал болгон гаргах, төслийн техник туслалцаа, Японы туршлага, хөрөнгийн зах зээлийн бодлого гэх мэт өргөн хүрээний сэдвээр мэдээлэл өгч, харилцан санал солилцлоо.

Эдийн засаг хүнд байгаа ч ойрын үед төрийн болон хувийн хэвшлийн томоохон компаниуд IPO хийх боломж байгааг судалаачид хэлж буй. Тиймээс хувьцаат компани байхын давуу талыг ойлгуулсан сайн жишиг тогтоох чиглэлээр үлдсэн нэг жилийн хугацаанд бодит үр дүнтэй ажил хийхийг төсөл хэрэгжүүлэгчид зорьж буй юм.

Эверестийн ноён оргилд гарсан Монголын анхны эмэгтэй уулчин, гавьяат тамирчин Б.Гангаамаа өнөөдөр Аялал жуулчлалын тэргүүний ажилтан цол, тэмдгээр шагнууллаа. Тэрээр өөрийн цахим хуудаснаа ”Монголын аялал жуулчлалын салбарт буюу Монголиа экспедишнс компанид 10 жил тогтвор суурьшилтай ажилласаны үр дүнг үнэлж Дэлхийн аялал жуулчлалын өдрөөр салбарынхаа дээд шагнал болох ”Аялал жуулчлалын тэргүүний ажилтан” цол тэмдэгээр шагнагдлаа. Хамт олондоо баярлалаа.” хэмээжээ.

Савангаар бүтээсэн барималууд

Нийслэлийн статистикийн газраас есдүгээр сарын IV долоо хоногийн үнийн танилцуулгыг гаргажээ.

Махны дундаж үнэ

Хонины ястай нэг килограмм мах дунджаар 4800 төгрөг, үхрийн ястай мах нэг килограмм нь дунджаар 5905 төгрөгийн үнэтэй байна. Үхрийн ястай болон цул махны үнэ өмнөх долоо хоногтой харьцуулахад тогтвортой байна. Энэ 7 хоногийн ажиглалтаар үхрийн мах “Хүчит Шонхор” хүнсний захад хамгийн хямд буюу 5700 төгрөг, харин “Меркури” хүнсний захад хамгийн өндөр үнэтэй буюу 7500 төгрөг байна. Хонины ястай махны үнэ өмнөх долоо хоногтой харьцуулахад 1.4 хувиар буюу 70 төгрөгөөр, хонины цул махны үнэ 1.1 хувиар буюу 70 төгрөгөөр тус тус буурсан байлаа. Энэ долоо хоногийн ажиглалтаар хонины мах “Хар хорин” хүнсний захад хамгийн хямд буюу 4500 төгрөгөөр, харин “Меркури” хүнсний захад хамгийн өндөр үнэтэй буюу 6200 төгрөгөөр худалдаалж байна.

Гурилын үнэ

Хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1200-1500 төгрөг, 1-р зэргийнх 1000-1300 төгрөг, 2-р зэргийнх 800-900 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1150-аас 1300 төгрөгийн үнэ ханштай байна. Харин “Барс” хүнсний захад дээд зэргийн “Алтан тариа” гурил 1200 төгрөг, 1-р зэргийн гурил 1000 төгрөгөөр тус тус зарагдаж байна. “Атар” талх хүнсний зах, дэлгүүрт 1100-1210 төгрөгийн үнэтэй байна. “Бөмбөгөр”, “Барс”, “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Сансар” супермаркетад хамгийн өндөр үнээр буюу 1210 төгрөгөөр худалдаалж байна.

Төмс, хүнсний ногоо

Өмнөх долоо хоногтой харьцуулахад монгол төмс 2.3 хувиар буюу 20 төгрөгөөр, лууван 13.5 хувиар буюу 145 төгрөгөөр, байцаа 11.2 хувиар буюу 115 төгрөгөөр тус тус буурсан байна.

Монгол Улсад эмнэлэгийн техникийн боловсон хүчин бэлтгэж эхэлсний 20 жилийн ой энэ онд тохиож байгаа билээ. Энэ ойн хүрээнд “Эрүүл мэндийн технологи-2016” үзэсгэлэнг есдүгээр сарын 30-аас аравдугаар сарын хоёрны өдрүүдэд Мишээл экспо төв дээр эрүүл мэндийн сайдын ивээл дор зохион байгуулагдах аж.



Нийт 120 гаруй байгууллагууд “Эрүүл мэндийн технологи-2016” үзэсгэлэнд оролцох бөгөөд үзэсгэлэнгийн үеэр ард иргэдэд үнэ төлбөргүй хараа, сонсгол, даралт, сахарын шинжилгээ, эхо, эрүүл мэндийн боловсролын мэдээлэл, бараа бүтээгдэхүүний амталгаа хийгдэх тул өргөнөөр оролцохыг уриалж байна.



Мөн ирэх сарын нэгний өдөр Тайвань, Сингапур, Япон улсын төлөөлөгчид оролцох “Эмнэлэгийн инженерүүдийн гуравдугаар чуулган” гэсэн олон улсын хурлыг Монголд зохион байгуулахаар болжээ.

Монгол улсын хүн амын хоол тэжээл, өрхийн хүнсний баталгаат байдал, хоол тэжээлийн байдалд ядуурал, эдийн засгийн хямралын үзүүлэх нөлөөг судлах зорилгоор үндэсний “Хүн амын хоол тэжээлийн байдал” тавдугаар судалгааны багийнхан 9 сарын 28-нд өглөө 08.00 цагаас Улаанбаатар хот, Нийгмийн эрүүл мэндийн хүрээлэнгээс хөдөллөө.

Энэхүү судалгааг Нийгмийн эрүүл мэндийн хүрээлэн Эрүүл мэндийн яамны дэмжлэг, НҮБ-ын Хүүхдийн сангийн санхүүжилтээр тав дахь удаагаа зохион байгуулж байна.

Тус судалгаа таван жил тутам хийгддэг бөгөөд энэ удаагийн судалгаанд 8 багийн 40 хүн, 20-25 хоногийн хугацаанд 21 аймаг, 8 дүүрэг, 95 сумын 2250 өрх, 0-59 сартай 2250 хүүхэд, 6-11 насны 1750 хүүхэд, жирэмсэн эмэгтэй 2250, нөхөн үржихүй насны эмэгтэй 2250, 15-49 насны эрэгтэй 1750 нийт 10250 хүнийг хамруулах юм.

Тиймээс ард иргэд та бүхэн судалгаанд идэвхитэй оролцож, судалгааны багийханг дэмжиж, туслахыг уриалах юм.

Хүлээгдэж буй үр дүн:

-Тав хүртэлх насны хүүхдийн хооллолт, хоол тэжээлийн хамааралт эмгэг (УИД,цус багадалт, төмөр, А ба Д аминдэм дутал, илүүдэл жин, таргалалт)-ийн тархалтын түвшинг судлан тогтооно.

-6-11 насны хүүхдийн хоол тэжээлийн хамааралт эмгэг( илүүдэл жин, таргалалт, иод дутал)-ийн тархалтын түвшин, тэдний иод дутлын эмгэгийн талаарх мэдлэг, хандлага, эрүүл бус хүнс хоол болон давсны хэрэглээг судлан тогтооно.

-Жирэмсэн эмэгтэйчүүдийн цус багадалт, төмөр, “А”, “Д” аминдэм дутлын тархалтын түвшин, бичил тэжээлийн бэлдмэлийн хангамж, давсны хэрэглээг судлан тогтооно.

-Төрөх нас (15-49)-ны эмэгтэйчүүдийн хоол тэжээлийн хамааралт эмгэг (туранхай, илүүдэл жин, таргалалт, цус багадалт)-ийн тархалтын түвшин, бичил тэжээлийн бэлдмэлийн хангамж, давсны хэрэглээг судлан тогтооно.

-15-49 насны эрэгтэйчүүдийн хоол тэжээлийн хамааралт эмгэг (туранхай, илүүдэл жин, таргалалт, цус багадалт, “Д” аминдэм дутлын тархалтын түвшин, давсны хэрэглээг судлан тогтооно

Дугаарын хязгаарлалт аравдугаар сарын 15-ны өдрөөс өвлийн бүсчлэлд шилжинэ.



Нийслэлийн ИТХ-ын Тэргүүлэгчдийн 2014 оны 12 дугаар сарын 15-ны өдрийн 225 тоот тогтоолоор улсын дугаарын хязгаарлалтын цагийн хуваарь, замын бүсчлэлд өөрчлөлт оруулсан билээ. Уг шийдвэрээр дугаарын хязгаарлалтын цагийн хуваарийг улирал хамаарахгүй 08.00-20.00 цаг болгон өөрчилж, замын бүсчлэлийн хамрах хүрээг өвлийн улиралд багасгаж, зуны улиралд тэлэхээр зохицуулалт хийж байгаа юм.

Улсын Их Хурлын гишүүн, Төрийн байгуулалтын байнгын хорооны дарга Н.Энхболд, Байгаль орчин, хүнс, хөдөө аж ахуйн байнгын хорооны дарга Ц.Гарамжав нар өнөөдөр /2016.09.27/ Ардчилал болон сонгуулийн туслалцааны олон улсын хүрээлэнгийн Ази, Номхон далайн газрын Хөтөлбөрийн ахлах ажилтан Адхи Аман тэргүүтэй төлөөлөгчдийг хүлээн авч уулзлаа.

Ардчилал болон сонгуулийн туслалцааны олон улсын хүрээлэн буюу International IDEA нь 1995 онд 14 орны санал, санаачилгаар нэгдэн байгуулагдсан, одоогоор 29 орон гишүүнээр элсээд байна. Тус хүрээлэн нь дэлхий дахинд тогтвортой ардчиллын үйл явцыг хөгжүүлэх, сайн засаглалыг бэхжүүлэх, ардчиллын боловсролыг түгээн дэлгэрүүлэх, дэмжлэг үзүүлэх, сонгуулийн туслалцааны чиглэлээр үйл ажиллагаа явуулдаг Шведийн Стокгольм хотноо төвтэй олон улсын Засгийн газар хоорондын байгууллага юм.

Уулзалтын эхэнд Төрийн байгуулалтын байнгын хорооны дарга Н.Энхболд тус байгууллагын үйл ажиллагаатай өөрийн биеэр танилцаж байсан тухайгаа дурдаж, Ардчилал болон сонгуулийн туслалцааны олон улсын хүрээлэн нь Үндсэн хууль, Сонгуулийн хууль, ардчилал зэрэг таван сэдвээр судалгаа, шинжилгээ хийдэг төдийгүй сонгуулийн тогтолцоо, үндсэн хуулийг боловсронгуй болгох талаар ажилладаг болохыг цохон тэмдэглэсэн юм. Тэрээр Монгол Улс ардчиллыг сонгоод даруй 20 гаруй жил өнгөрсөн хэдий ч энэ хугацаанд бидэнд алдсан ба оносон зүйлс бий гэлээ.

Ази, Номхон далайн газрын Хөтөлбөрийн ахлах ажилтан Адхи Аман Улсын Их Хурлын Төрийн байгуулалтын байнгын хорооны дарга нарыг цаг, зав гарган хүлээн авч уулзсанд баяртай байгаагаа илэрхийлэв. Тэрээр 2016 онд Монгол Улс тус хүрээлэнгийн даргалагч орон болж, бүрэн эрхийнхээ хугацаанд бусад гишүүн орнуудтай туршлага хуваалцах зорилт тавьсан. Үүний дагуу та бүхний туршлагыг судлахын зэрэгцээ Монгол Улсын Сонгуулийн ерөнхий хороотой хамтран мэдээллийн технологийг сонгуульд ашиглах асуудлаар гарын авлага боловсруулахаар хамтран ажиллах хүсэлтэй байгаагаа илэрхийлсэн юм. Түүнчлэн Сонгуулийн ерөнхий хороотой хамтран маргааш сонгуульд мэдээллийн технологи ашиглах талаар дугуй ширээний ярилцлага зохион байгуулах гэж буйгаа дуулгалаа.

Уулзалтын үеэр талууд Монгол Улс болон гадаад улсад зохион байгуулагдсан сонгуулийн үйл ажиллагааны явц, үр дүнгийн талаар харилцан санал, мэдээлэл солилцсон юм.

Монгол Улс АСТОУХ-д 2011 онд гишүүнээр элссэн бөгөөд 2013 онд зохион байгуулагдсан гишүүн орнуудын Зөвлөлийн 22 дугаар хуралдаанаас Удирдах зөвлөлийн гишүүнээр сонгогдон ажиллаж байна. 2016 онд Монгол Улс тус хүрээлэнгийн даргалагч орон болж, хурлын үйл ажиллагааг удирдан зохион байгуулах төдийгүй жилийн Зөвлөлийн Ээлжит хуралдааныг эх орондоо зохион байгуулахаар төлөвлөн ажилласан. 2016 оны ээлжит хуралдаан, Зөвлөлийн Ээлжит 25 дахь удаагийн хуралдааныг “Ази, номхон далайн орнуудын ардчилсан шилжилтээс суралцах нь” сэдвийн хүрээнд энэ оны 8 дугаар сарын 25-26-ны өдрүүдэд Улаанбаатар хотноо зохион байгуулсан юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Улаанбаатар хотын гэр хорооллыг орон сууцжуулах төслийн хүрээнд хийгдэх бохирын шугам шинээр суурилуулах ажлыг 2016 оны 09 дүгээр сарын 28-ны 06:00 цагаас 2016 оны 10 дугаар сарын 04-ны 23:00 цаг хүртэл хийнэ.

Дээрх ажлын хүрээнд 7 буудлын эцсийн зогсоол хойноос урагш чиглэлийн нэгдүгээр эгнээг хаах тул зогсоолын байршлыг түр хугацаагаар өөрчлөөд байна. Иймд 7 буудал /баруун/ зогсоолоор үйлчлүүдэг иргэд дээрх зураглалын дагуу үйлчлүүлнэ үү гэж Нийслэлийн Тээврийн газраас мэдээллээ.

“Залуусын хөгжлийн санаачилга- ЗГ-ийн мөрийн хөтөлбөрт” зөвлөгөөн орон даяар эхэллээ

88 хувь нь шалгалтад унажээ

Буудлага спортын ахмадын улсын аварга шалгаруулах тэмцээн Батлан хамгаалахад туслах нийгэмлэгийн Техник спортын төвд өнөөдөр эхэллээ. Тэмцээн 40-49, 50-59, 60-69, 70-79, 80-с дээш гэсэн насны ангилалаар явагдах ба ахмад тамирчид хийн урт, гар буу, хэвтээ 60 сумны дасгалын эрэгтэй, эмэгтэй төрөлд өрсөлдөнө. Өнөөдөр тэмцээний урт бууны дасгалууд явагдах бол маргааш гар бууны төрөлд өрсөлдөнө.

УИХ-ын Тамгын газрын Ерөнхий нарийн бичгийн даргын захирамжаар Тамгын газрын бүтэц, зохион байгуулалтыг өчигдөр шинэчлэн баталжээ.

Ингэхдээ улс орны эдийн засгийн хүндрэлтэй нөхцөл байдлыг харгалзан шинэ бүтцээр Тамгын газрын нийт орон тоог 10 хувиар бууруулсан байна.

Өөрөөр хэлбэл УИХ-ын Тамгын газар өмнө нь 8 хэлтэс, 1 төв, нийт 197 орон тоотой ажиллаж байсан бол шинэ бүтэц, зохион байгуулалтаар 7 хэлтэс, нийт 178 орон тоотой ажиллахаар болжээ.

УИХ-ын Тамгын газар нь УИХ, түүний гишүүд, Байнгын, дэд, түр хорооны үйл ажиллагаанд мэргэжил, арга зүй, техник, зохион байгуулалтын туслалцаа үзүүлэх, ажиллах нөхцлөөр хангах үндсэн чиг үүрэгтэй. Хуулиар заасан энэхүү чиг үүргээ цомхон, чадварлаг бүтцээр шуурхай, чанартай гүйцэтгэх шаардлагыг үндэс болгон Тамгын газрын бүтэц, зохион байгуулалтыг ийнхүү шинэчилжээ. Тамгын газрын үйл ажиллагааны чиглэл, шинэ бүтэц, зохион байгуулалтыг өчигдөр нийт ажилтнууддаа танилцуулж, өнөөдрөөс шинэ бүтэц, зохион байгуулалтаар ажиллаж эхэлсэн аж.

107 тэрбумын өртэй 4000 аж ахуйн нэгжийн дансыг

Фото: Марсын гадаргуу

2017 онд БНСУ-ын их дээд сургуулиудад 4 жилийн баклавр болон 2 жилийн мэргэжлийн зэргээр суралцах оюутан залуусыг сонгон шалгаруулах БНСУ-ын Засгийн газрын тэтгэлэгт хөтөлбөр зарлагдлаа.

1992 онос хойш Монгол улсын нийт 178 хүн уг хөтөлбөрөөр БНСУ-д доктор, магистр баклаврын зэргээр суралцаж төгссөн байна. 2016 оны тэтгэлэгт хөтөлбөрт баклавраар 6 хүн, доктор болон магистрын зэргээр 17 хүн нийт 23 хүн Монголоос шалгарч БНСУ-д суралцаж байгаа юм байна.


Энэ жилийн хувьд Монгол улс дахь БНСУ-ын элчин сайдын яамаар дамжуулж 3 хүн баклаврын хөтөлбөрт шалгаруулж авах ба материалыг 2016 оны 9 дүгээр сарын 27-ны өдрөөс 10 дугаар сарын 4-ний өдрийн хооронд элчийн сайдын яаман дээр хүлээж авах юм байна. Харин байгалийн болон инженерийн мэргэжлээр орон нутгийн их дээд сургуулиудад суралцах 4 жилийн баклаврын хөтөлбөр, 2 жилийн мэргэжлийн коллежид суралцах залуусын материалыг тухайн сургуулиуд нь өөрсдийн хуваарийн дагуу хүлээн авч тодорхой тооны оюутнуудыг сонгон шалгаруулж авах юм байна.


Ерөнхий шаардлагын хувьд өргөдөл гаргагч нь өөрөө болон эцэг эх нь Монгол улсын иргэн байх, 25 нас хүрээгүй байх, дунд сургуулиа дүүргэсэн байх ёстой юм байна.


БНСУ-ын засгийн газрын тэтгэлэгээр төгсөгчдийн холбоо (KGSP Alumni Mongolia) өөрсдийн фэйсбүүк цахим хуудсаар дамжуулан мэдээлэл өгч уулзалт, семинар зохион байгуулж байгаа юм байна.


Дэлгэрэнгүй мэдээллийг та бүхэн доорх хаяг, холбоосоор аваарай.

БНСУ-ын Элчин сайдын яам: http://mng.mofa.go.kr/worldlanguage/asia/mng/bilateral/notice/index.jsp

БНСУ-ын Засгийн газрын тэтгэлэгээр төгсөгчдийн холбоо: https://www.facebook.com/KGSPAlumniMongolia

БНСУ-ын Засгийн газрын мэдээллийн сайт:

http://www.studyinkorea.go.kr/

Зарлагдсан тэтгэлэгт хөтөлбөрийн холбогдох материал татаж авах:

https://drive.google.com/drive/folders/0B5Z4raCaMzgfVmlSd0VEMm1ublU?usp=sharing

потектэй холбоотой өөр нэг мэдээлэл байна. Таван хувийн зээл авахаар нэгэнт хүсэлтээ өгсөн хүмүүст зээл олгохоор болжээ. Монголбанкны Захирлуудын зөвлөлөөс таван хувийн хүүтэй орон сууцны зээлийн санхүүжилтийг зогсоох шийдвэр гаргаж, 2016 оны есдүгээр сарын 5-ны өдөр бүх банкны гүйцэтгэх захирлуудад мэдэгдсэн байгаа. Тэгвэл уг мэдэгдэл хүргүүлэхээс өмнөх таван хувийн зээлүүдийн хүсэлтийг шийдвэрлэж өгөхийг банкууд хүсчээ. Төв банк уг хүсэлтийн дагуу 2016 оны есдүгээр сарын 14-ний байдлаар ирүүлсэн 1,948 зээлдэгчийн 92.2 тэрбум төгрөгийн зээлийг олгохоор шийдвэрлэжээ. Гэхдээ хоёр үе шаттайгаар олгохоор шийдвэр гарсан байна. Эхний ээлжид нэн тэргүүнд олгох үндэслэл бүхий 739 зээлдэгчийн 44.7 тэрбумыг олгохоор болжээ.

ОХУ-ын “РЖД” нийгэмлэгийн удирдлагууд УБТЗ-ын дарга, ерөнхий инженерийн асуудлыг хэлэлцэх шаардлагагүй гэж үзэн хэлэлцэх асуудлын жагсаалтаас хассаныг