Оюутнууд хулгайлах гэмт хэргийг шуурхай илрүүлжээ

Нийслэлийн Засаг даргын зөвлөлийн ээлжит хуралдаанаар “Улаанбаатар: Аз жаргалтай хот” брэндийг танилцуулж,

2017 оны 9-р сарын 18-ны Даваа гарагт Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 42 жолоочийг илрүүлэн саатуулж, хуулийн дагуу хариуцлага тооцон ажиллаа.
Тухайн өдөр Замын цагдаагийн албаны ЖШУХ нийт 383 дуудлага, мэдээ мэдээлэл хүлээн авснаас, зам тээврийн ослын шинжтэй 283 дуудлага бүртгэгдсэн бөгөөд осол, хэргийн улмаас 1 хүний амь нас хохирч 16 хүн гэмтэж бэртсэнээс 4 хүүхэд бага насны хүүхэд байсан байна.
Бүртгэгдсэн осол, хэргийг гарсан хэлбэрээр нь авч үзвэл явган зорчигчийг мөргөж гэмтээсэн 5 осол, мөргөлдөх хэлбэрээр 7 осол, үл хөдлөх зүйл мөргөсөн 2 осол тус тус бүртгэдсэнийг ЗЦА шалгаж байна.
Тухайлбал:
1. ЧД-ийн нутаг Тасганы овооны уулзварын замд H.Grace маркийн автомашины жолооч О нь T.Prius маркийн Л жолоочтой автомашинтай мөргөлдөж, зорчигч 20 настай Т, 19 настай Э, 35 настай Б, 31 настай Ж, 5 настай О, 48 настай П, 14 настай Ж нарын нийт 7 хүн гэмтсэн ослыг Чингэлтэй дүүрэг дэх Замын цагдаагийн хэлтэст шалгаж байна.
2. БГД-ийн нутаг TBD андуудын урд замд амины T.Kluger маркийн автомашины жолооч А нь явган зорчигч, 69 настай эмэгтэй И мөргөж амь насыг нь хохироосон хэрэг гарсан байна.

Монгол Улсын Ерөнхийлөгч болон Ерөнхийлөгчийн Тамгын газрын талаар ор үндэслэлгүй мэдээлэл олон нийтийн сүлжээ болон мэдээллийн цахим хуудсуудаар нийтлэгдэж байгаад харамсч байна.

Нийслэлийн Газрын албанаас газар эзэмших, ашиглах эрхийн дуудлага худалдааг зарлалаа. Газар эзэмших, ашиглах эрхийн дуудлага худалдаа Нийслэлийн Төр захиргааны Хангарди ордны 14 давхрын хурлын зааланд ирэх сарын 6-ны өдөр нээлттэй явагдана.

Нийслэлийн Газрын албанаас иргэдэд оршин суугаа газраа өмчлөхөд дэмжлэг үзүүлэх зорилгоор гурван сарын аяныг эхлүүлсэн. Энэ сарын 4-ий өдөр эхэлсэн аян Сонгинохайрхан дүүргийн 1, 3, 4, 20, 22, 23, 27, 30, 31 дүгээр хороонд явагдаж энэ долоо хоногт дуусна. Өнөөдрийн байдлаар Сонгинохайрхан дүүргийн найман хорооны 350 иргэний эзэмшил газраа өмчлөх хүсэлтийг хүлээн аваад байна. Нийслэлийн Газрын албаны мэргэжилтнүүд ирэх долоо хоногт буюу 2017 оны есдүгээр сарын 25-наас аравдугаар сарын 28-ы өдөр хүртэл Баянзүрх дүүргийн 2, 4, 5, 8, 9, 10, 12, 13, 14, 16, 17, 19, 22, 24, 27 дугаар хороодод ажиллаж, иргэдэд эзэмшил газраа өмчлөхөд нь дэмжлэг үзүүлнэ. Тиймээс Баянзүрх дүүргийн иргэд дараах бичиг баримтыг бүрдүүлсэн байх шаардлагатай.



Үүнд:

1.Газар өмчлөхийг хүссэн өргөдлийн маягт бөглөнө.
2.Хорооны Засаг даргын тодорхойлолт
3.Газар эзэмших эрхийн гэрчилгээ /эх хувыг хавсаргана/
4.Иргэний үнэмлэхний хуулбар
5.Газрын кадастрын зураг /эх хувь/
6.Газрын төлбөр төлсөн баримт



Гурван сарын хугацаанд хэрэгжүүлэх аяны хүрээнд нийслэлийн төвийн 6 дүүргийн 43 хорооны 3442 нэгж талбарт иргэний ахуйн зориулалтаар газар эзэмшиж буй иргэдэд газраа өмчлөхөд нь дэмжлэг үзүүлэх юм. Аянд хамрагдсан 3442 нэгж талбарт Сонгинохайрхан дүүргийн 1, 3, 4, 20, 22, 23, 27, 30, 31 дүгээр хорооны 366, Хан-Уул дүүргийн 10,11 дүгээр хорооны 13, Баянзүрх дүүргийн 2, 4, 5, 8, 9, 10, 12, 13, 14, 16, 17, 19, 22, 24, 27 дугаар хорооны 2251, Баянгол дүүргийн 9, 10, 11, 16, 20, 21, 22 дугаар хорооны 269, Чингэлтэй дүүргийн 8, 9, 10, 11, 12, 13 дугаар хорооны 209, Сүхбаатар дүүргийн 9, 11, 12, 13 дугаар хорооны 334 нэгж талбар багтаж байна гэж нийслэлийн Газрын албанаас мэдээллээ.

Картаар зорчоогүй иргэдийг торгоно

АНУ-ын Нью-Йорк хотноо НҮБ-ын Ерөнхий ассамблейн 72 дугаар чуулган өнөөдөр эхэлж байна. Гадаад харилцааны сайдын үүрэг гүйцэтгэгч

Бүгд найрамдах Өмнөд Судан улсад явагдаж буй НҮБ-ын Энхийг сахиулах “UNMISS” ажиллагаанд Монгол Улсын Зэвсэгт хүчнээс VI мотобуудлагын батальоны бүрэлдэхүүнд Онцгой байдлын албанаас үүрэг гүйцэтгээд ирсэн алба хаагчдыг хүлээн авах ёслол өнөөдөр боллоо.

Өчигдөр өглөө 07 цагийн үед Нийслэлийн Чингэлтэй дүүргийн нутаг дэвсгэр,

Хөвсгөл аймгийн Тариалан сумын Сэлэнгэ багийн “Нүхтийн үзүүр” гэдэг газар /сумын төвөөс урд зүгт 28 км-т/ иргэн 33 настай эрэгтэй С Сэлэнгэ мөрөнд 2017.09.17-ны өдрийн 09 цагт осолдсон тухай дуудлагыг 2017.09.17-ны өдрийн 09:30 цагт хүлээн авч тус аймгийн Онцгой байдлын газрын 13 алба хаагч, 2 автомашинтай, орон нутгийн 36 иргэн долоон морь, таван мотоцикльтой, нийт 49 хүн, долоон техник хэрэгсэлтэйгээр эрэн хайх ажиллагааг зохион байгуулж байна.

Эмэгтэй хүн бүрийн амьдралд урилгагүй зочилдог өвчин бол үтрээний үрэвсэлт мөөгөнцөр юм. Тиймээс бүсгүйчүүддээ мөөгөнцөр өвчнөөс урьдчилан сэргийлэх, эмчлэх талаар Төрийн тусгай алба хаагчдын нэгдсэн эмнэлгийн Эх барих эмэгтэйчүүдийн эмч, анагаах ухааны доктор, дэслэгч Г.Гэрэлцэцэгээс тодрууллаа.
-Мөөнгөнцөр өвчин юунаас болж үүсдэг юм бэ?
Үтрээний хэвийн орчинд мөөгөнцөр тодорхой хэмжээгээр байдаг. Харин тоо нь ихсээд ирэхээрээ зовиурлаж эхэлдэг. Юунаас болж мөөгөнцөрийн тоо ихсэж байна вэ гэхээр антибиотикын замбараагүй хэрэглээ болон эмэгтэйчүүдийн савангийн хэт их хэрэглээнээс шалтгаална. Мөн стресстэж ядарснаас болж хүний дархлаа сулрах үед мөөгөнцөрийн тоо ихсэдэг. Мөөгөнцөр өвчин жирэмсэн эмэгтэйчүүдэд түлхүү тохиолддог. Учир нь жирэмсэн болмогц ихэс үүсч, түүнд даавар их хэмжээгээр ялгарна. Дааврын түвшин өөрчлөгдөхөд мөөгөнцөр үржих нь элбэг. Үүнээс гадна согтууруулах ундаа ихээр хэрэглэх, өтгөн хар цай, кофе, кола уухад мөөгөнцөр сэдэрдэг. Түүнчлэн хэт таргалалттай хүмүүст ч мөөгөнцөр өвчин тохиолдох нь бий.
-Илрэх шинж тэмдгийн хувьд?
Эмэгтэй хүн хоёр өндгөвчтэй. Түүний үйл ажиллагааны явцад даавар ялгарч байдаг тул үтрээнээс тодорхой хэмжээний ялгадас гарч, хэвийн орчинг нь хангаж байдаг. Эрүүл эмэгтэйн биеэс сарын тэмдгийн гол хэсэгт өнгөгүй цэлцгэнэсэн, сарын тэмдэг ирэх дөхөхөөр шаргал, бусад үед саарал ялгадас гарч байдаг.
Харин үрэвсэлт өвчний үед өнгө, үнэр, хэмжээнд өөрчлөлт гардаг. Тиймээс бүсгүйчүүд маань мазокны шинжилгээгээр бактерын гаралтай үрэвсэл, мөөгөнцөрийн гаралтай үрэвсэл, бэлгийн замын халдварт өвчин байна уу гэдгийг тодорхойлуулаад түүнд нь тохирсон эмчилгээг хийлгэх нь зөв юм. Мөөгөнцөр өвчний үед доошоо тараг шиг өнгөтэй ялгадас гарч, загатнах шинж тэмдэг илэрдэг.
-Хилийн заставуудад үзлэгээр явж байхад мөөгөнцөр өвчин хэр их байна вэ?
Заставуудаар явж байхад ээжүүд “Манай хүүхдээс доошоо юм гараад байна” гэж их асуудаг. Бага насны хүүхдээс цагаан юм гарах нь ямар нэгэн бэлгийн замын халдварт өвчин биш. Энэ нь цагаан хорхойн шинж тэмдэг. Хүүхдийг унтаж байх үед бөгснөөс нь гарсан цагаан хорхой үтрээгээр орж бактер тараадаг. Тэгэхээр үтрээ баасны бактераар бохирдчихоор доошоо ногоон шаргал ялгадас гардаг. Үүнийг ээжүүд сайн ялгаж салгаж ойлгох хэрэгтэй.
-Мөөгөнцөр өвчнийг бүрэн эмчилж болох уу?
Юунаас болж мөөгөнцөр өвчин сэдрээд байгаагаа тодорхойлох хэрэгтэй. Тэгж байж л энэ өвчнөөс сэргийлж чадна. Тухайлбал, ядарч сульдсанаас болж дархлаа суларч мөөгөнцөр өвчин нь сэдэрдэг хүн байлаа гэхэд хавар намартаа дархлаагаа дэмжих витамин ууж, амралт ачааллаа тэнцүүлж байх хэрэгтэй. Хүн бүр мөөгөнцөр өвчнөөс урьдчилан сэргийлэх боломжтой.
-Бид ямар нэгэн өвчин туслаа гэхэд шууд л дур мэдэн антибиотик уудаг. Тэгвэл мөөгөнцөрийн эсрэг эмийг антибиотик ууж байх үедээ давхар хэрэглэх шаардлагатай юу?
Шаардлагатай тохиолдолд эмчийн заавраар антибиотик уувал давхар мөөгөнцөрийн эсрэг эмийг тохиорох тунгаар хүүхэд, эмэгтэйчүүд, эрчүүд гээд бүгд уух ёстой. Бүсгүйчүүдээс гадна эрчүүд ч мөөгөнцөртдөг шүү дээ.
Эрчүүдэд улайж, загатнах шинж тэмдэг илэрдэг. Эрчүүд мөөгөнцөртсөн үед 500 мл буцалсан усанд нэг хоолны халбага хүнсний сода хийгээд долоо хоногт хоёр удаа угаагаад, зориулалтын тос, эмийг хэрэглэх шаардлагатай.
-Мөөгөнцөр өвчний үед хүний биед илрэх шинж тэмдэг зовиураасаа гадна, үлдэх хор уршиг бий юу?
Харьцангуй хор нөлөө бага. Гэхдээ мөөгөнцөр өвчин хүний биеийн дархлаа сул байгааг илтãэж, эрүүл мэнддээ анхаарах шаардлагатай гэсэн дохиог өгч байдаг.

Нийслэлийн Онцгой байдлын газрын бүтцийн нэгжүүд энэ оны эхний есөн сард хийж гүйцэтгэсэн ажлын тайлангаа хэлэлцлээ.

НОБГ-ын харьяа бүтцийн нэгжүүдийн дарга, захирагч нар офицерын бүрэлдэхүүнд мэдээллийг хүргэсэн юм.

Нийслэлийн Засаг Даргын 2017 оны эдийн засаг нийгмийн зорилт, Онцгой байдлын асуудал эрхэлсэн байгууллагын 2017 онд дэвшүүлсэн зорилтын хэрэгжилт, бүтцийн нэгжүүдийн хэрэгжүүлэхээр төлөвлөсөн ажлуудын гүйцэтгэлийн чанар, хүртээмжийн талаар тэд онцолж байлаа.

НОБГ-ын бие бүрэлдэхүүн нь энэ оны эхний есөн сарын байдлаар ой, хээрийн түймрийн 18, объектын гал түймрийн 1934, техникийн холбогдолтой осол, аврах ажиллагааны 223 удаагийн дуудлагаар үүрэг гүйцэтгэжээ.

Дээрх дуудлагыг өнгөрсөн оны мөн үетэй харьцуулахад нийт аюулт үзэгдэл техникийн холбогдолтой ослын тоо 7,5 хувиар буурсан үзүүлэлттэй байна.

Нийслэлийн хэмжээнд гарсан аюулт үзэгдэл, техникийн холбогдолтой ослоос 693 хүний амь бие, аж ахуйн нэгж байгууллага, төр, иргэний 1,4 тэрбум төгрөгийн өмч хөрөнгийг авран, хамгаалж ажилласан байна гэж нийслэлийн Онцгой байдлын газраас мэдээллээ.

Баянхонгор аймагт Хавдрын эсрэг аяны хүрээнд энэ сарын 18-20-ны хооронд хавдрын үзлэг, оношилгоо, сургалтыг үнэ төлбөргүй хийж байна.
Хавдрын өвчнөөс хэрхэн урьдчилан сэргийлэх талаар зөвлөгөөг нутгийн иргэдэд өгөх юм.
Хавдар судлалын үндэсний төв, Хаан банк, МҮОНТ-ээс хамтран хавдрын өвчлөлийг эрт илрүүлж иргэдийн амь насыг аврах зорилгоор энэ аяныг зохион байгуулдаг.
Жил дараалан явуулж ирсэн хавдрын эсрэг үндэсний аяны нээлт есдүгээр сарын 17-нд Баянхонгор аймагт боллоо.
Хавдрын эсрэг аян эхлээд долоон жил болж буй бөгөөд өнөөдрийг хүртэл 60 мянган км явж, 100 мянган иргэнд хавдрын үзлэг оношилгоо, сургалтыг үнэгүй хийжээ.

МАН үеийн үед нэг л зүйлээр гайхуулж ирсэн нь өнөө цагт тэр нь зовлон болж буй. Боловсон хүчин гэдэг нэрийн дор төрийн бүхий л халаа сэлгээнд өөрсдийн хүмүүсээ шургуулж ирсэн тэд одоо олонхийн зовлонг эдлэж, хэнийг нь хаана суулгахаа мэдэхгүй өдөр, шөнөгүй хуралдаж сууна. Нэг тохироон дээрээ арай хийж тогтож байтал нөгөө хэсэг нь эсэргүүцсээр өвөлд бэлтгэх намрын урт өдрүүдийг өнөөх л албан тушаал ярьсаар өнгөрөөх нь.

Нийслэлийн Засаг даргын 2017 оны А/594 дүгээр захирамж, дүүргийн Засаг даргын 2017 оны А/184 дүгээр захирамжаар нийслэл, дүүрэгт байгалийн голомтот болон мал амьтнаас хүнд халдварладаг өвчин зөөгдөн орохоос сэргийлэх, гамшгаас хамгаалах албадын харилцан ажиллагааг сайжруулах зорилгоор тарваган тахал өвчнөөс урьдчилан сэргийлэх дадлага сургуулийг 2017 оны 09 дүгээр сарын 15-ны өдөр Багахангай дүүрэгт зохион байгууллаа.
Тус дадлага сургуулийн үйл ажиллагаанд мэргэжлийн чиг үүргийн дагуу НОБГ-ын хурандаа А.Дашням, Э.Эрдэнэбаатар, НЭМГ-ын мэргэжилтэн Ж.Энхцэцэг, Э.Навчаа, НЦГ-ын ахмад Ганбаяр, дүүргийн онцгой комиссын дарга С.Эрдэнэбаяр болон онцгой комиссын гишүүд оролцсон ба дүүргийн Эрүүл мэндийн төв, Онцгой байдлын хэлтэс, Мэргэжлийн хяналтын тасаг, цагдаагийн тасаг, Нийслэлийн зоонозын өвчин судлалын төв хамтран тарваган тахалын шинж тэмдэг илэрсэн үед авах арга хэмжээ, ариутгал халдваргүйжүүлэлт, автомашин сэжигтэй мах тээвэрлэсэн тохиолдолд ямар арга хэмжээ авах талаар дадлага сургуулийг хийлээ.

Дадлага сургууль бүрэн явагдаж дууссаны дараа НОБГ-ын хурандаа А.Дашням, НЭМГ-ын мэргэжилтэн Ж.Энхцэцэг, Нийслэлийн мэргэжлийн хяналтын газрын мал эмнэлэгийн хяналтын улсын байцаагч У.Жавхлант, НЦГ-ын ахмад Ганбаяр нар мэргэжлийн заавар зөвлөмж, санал дүгнэлт өгч ажиллалаа.

10:10 цагт: 3х3 Оюутны Дэлхийн аварга баг тамирчид эх орондоо ирнэ.

11:00 цагт Монголбанкны хурлын зааланд Үл хөдлөх хөрөнгийн ”Тэнхлэг Зууч” ХХК-иас 2017 оны наймдугаар сарын орон сууцны үнийн индексийг танилцуулна.

11:00 цагт: МУИС-байгуулагдсаны 75 жилийн ойн хурал уулзалт МУИС-н 1-р байрны дугуй танхимд болно.

11:00 цагт: Монголын Бурхан шашинтны төв Гандантэгчэнлин хийдийн сургалтын танхимд ”Соёлын өвийн хадгалалт хамгаалалтад шашны байгууллагын үүрэг оролцоо” сэдэвт сургалтыг МХЕГ-аас зохион байгуулна.

11:00 цагт: МҮЭХ-ны хурлын танхимд Зорчигч тээврийн нэгтгэлийн удирдлагууд ажилчдынхаа эрх ашгийг үл хүндэтгэж хууль бус үйл ажиллагаа явуулж байгаа талаар Тээвэр, холбоо, газрын тосны ҮЭ-ийн холбоо, гишүүдээс мэдээлэл хийнэ.

1:40 цагт: Сүхбаатарын талбайд Сүхбаатар дүүргийн нутгийн захиргааны байгууллагууд ажлаа танилцуулах нээлттэй хаалганы өдрийн нээлт болно.

12:00 цагт: СУИС хичээлийн нэгдүгээр байрны “Эрдмийн өргөө”-нд Монгол улсын Хөдөлмөрийн баатар, Ардын жүжигчин, СУИС-ийн хүндэт доктор, профессор, монголын дуурийн урлагийн дэг сургалтыг үндэслэгч Гонгорын ХАЙДАВ-ын 90 насны ойн хүрээнд болох ”Монголын дуурийн хан хүү” сонгодог урлагийн баярын талаарх хэвлэлийн хурал болно.

13:30 цагт: 116 дугаар сургууль дээр НЗДТГ-ын Нийгмийн бодлогын хэлтэс, Дэлхийн зөн олон улсын байгууллагатай хамтарч харааны бэрхшээлтэй хүүхдүүдэд зориулсан брайл бичиг бүхий ном гардуулна.

Ахлах ангийн сурагчдад эх оронч хүмүүжил олгож, бие бялдар, сэтгэлзүйн бэлтгэлийг дээшлүүлэх зорилготой ”Дөл” тэмцээн Тавантолгой дахь сургалтын нэгдсэн төвд нээлтээ хийнэ.

Хүнс, хөдөө аж ахуй, хөнгөн үйлдвэрийн яам, нийслэлийн Засаг даргын Тамгын газар хамтран хүн амын хүнсний хангамжийг сайжруулах, үндэсний үйлдвэрлэгчид, тариаланчдын шилдэг бараа бүтээгдэхүүн, шинэ ургацын дээжийг хэрэглэгч түмэнд хүргэх зорилгоор “Эрүүл хүнс-Эрүүл Монгол хүн” уриан дор “Намрын ногоон өдрүүд” нэгдсэн арга хэмжээг өнөөдөр зохион байгуулах гэж байна.

Өнөөдөр буюу 2017 оны есдүгээр сарын 19-ны мягмар гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

Монгол Улсын Ерөнхийлөгч Х.Баттулга тангараг өргөөд хоёр сар гаруйн хугацаа өнгөрч байна. Тэрбээр ард түмнийхээ итгэлийг хүлээж, Ерөнхийлөгч болсон даруйдаа нэлээд хэдэн асуудалд нухацтай хандаж ажиллахыг холбогдох албаныханд үүрэгдсэн ч түүний үг амьдрал бус цаасандаа тамгалагдан үлдэх төлөвтэй болоод явчихлаа.