Үндэсний их баяр наадмыг угтаж маргааш буюу 2016 оны 06 дугаар сарын 25-нд нийслэлийн хэмжээнд бүх нийтийн их цэвэрлэгээ зохион байгуулна. Цэвэрлэгээгээр нийтийн эзэмшлийн гудамж, зам талбайд хийгдсэн засвар, тохижилтын ажлуудыг дуусгаж, үлдэгдэл хог хаягдал, шороо чулууг цэвэрлэх, гудамж талбайн хогийн сав, хайс хашлага, гэрэлтүүлгийн шонг угаан, аж ахуйн нэгж, иргэд орчныхоо 50 метр газрыг цэвэрлэнэ.

Баянзүрх, Сүхбаатар, Чингэлтэй, Сонгинохайрхан, Баянгол, Хан-Уул, Налайх, Багануур, Багахангай дүүргийн нутаг дэвсгэрийг хамарна. Нийслэл, дүүргийн харьяа хэлтэс, алба, газруудаас гадна Улаанбаатар хотын 2016 оны хот тохижилт, ногоон байгууламж, инженерийн шугам сүлжээ, зам, засварын ажилд хяналт тавих Хотын Ерөнхий менежерийн тушаалаар байгуулагдсан 22 ажлын хэсэг, нийтийн инженер хангамжийн байгууллагууд хөндлөнгийн хяналт тавих төрийн бус байгууллагууд, аж ахуйн нэгж, иргэд цэвэрлэгээнд оролцоно.

Мөн зуслан, ногоон бүсийн зам дагуу болон уулын бэл, модон дотор үүссэн хог хаягдлыг цэвэрлүүлэх, байгууллага аж ахуйн нэгжүүдийн 50 м орчмын цэвэрлэгээ үйлчилгээнд анхаарч ажиллана. Нийслэлийн авто замын газар авто замын засварын ажлаас гарсан хог хаягдлыг цэвэрлүүлэх, хийгдэж байгаа ажлыг эрчимжүүлэхэд хяналт тавина. Харин Нийслэлийн хөрөнгө оруулалтын газар хөрөнгө оруулалтаар хийгдэж дууссан барилга байгууламжаас үлдсэн хог хаягдлыг цэвэрлүүлэх, хийгдэж байгаа ажлыг эрчимжүүлэхэд анхаарч ажиллах юм гэж Улаанбаатар хотын Захирагчийн ажлын албанаас мэдээллээ.

УИХ-ын сонгуулийн 56-р тойрогт МАХН-аас нэр дэвшигч доктор Бадарчийн Хэрлэн сонгогч олонтойгоо уулзаж, мөрийн хөтөлбөрөө танилцуулан, ард түмнийхээ санал сэтгэгдлийг сонгож, урмын үгээр тэтгэгдэж явна. Сонирхлоор бус мэдлэгээр, сургаар бус судалгаагаар түмнээ түшиж, төрдөө зүтгэх түүнийг ч ард түмэн дэмжиж буйгаа уулзалтын үеэр илэрхийлж байлаа.

“Би өөрчилнө” гэж зоримог дуугаран УИХ-ын сонгуулийн 74-р тойрогт Ардчилсан намаас нэр дэвшсэн Б.Ургамалцэцэг өчигдөр тойргийнхоо иргэдтэй нэгдсэн уулзалт хийлээ.

Уулзалтынхаа үеэр нэр дэвшигч Б.Ургамалцэцэг “Сонгуулийн сурталчилгаа эхэлснээс хойшхи 13 өдөрт би 150 км алхаж, 7800 айлд очиж, 12 мянган хүнтэй уулзлаа. Юуг, яаж өөрчлөх хэрэгтэйг нарийвчлан тодруулахын тулд би ингэж амарчлалгүй, алагчлалгүй, залхууралгүй явлаа. Нүдээр харж, сэтгэлээр мэдэрсэн асуудлуудаа шийдэхийн тулд 5 том зорилт дэвшүүлж, нэр бүхий 25 ажил хийхээ өөртөө зорилго болгон тавьж байна. Өөрчлөлт өнөөдрөөс эхэлнэ” гэлээ.

Намын арын фронтод 20 жил зүтгэсэн хамгийн туршлагатай, хамгийн няхуур хүн гэгддэг Б.Ургамалцэцэг Ардчилсан намын бодлогын гол хөтөлбөрүүдийг бичсэн нэгэн юм. Ингэхдээ тэр аймаг, сум болгоноор орж, асуудал бэрхшээлийг газар дээр нь очиж үзэж судалсны үндсэн дээр шийдэх гарц, гаргалгааг намын мөрийн хөтөлбөрт тусгасаар ирсэн байдаг. Тэр ажлууд нь өнөөдөр Засгийн газрын бодлого болон хэрэгжиж байгаа юм.

УИХ-ын дарга З.Энхболд Япон Улсад 100.000 дадлагажигч гаргах болсон тухайгаа хэвлэл мэдээллийн хэрэгслээр нийтэд зарласан.

Нийслэлийн хэмжээнд өмнө нь эзэмшиж байсан зуслангийн газрыг өмчлүүлэх ажлыг 2016 оны 04-р сарын 18-нд албан ёсоор эхлүүслэн.

Төрийн албан тушаалуудыг ингэж үнэлж, тари тогтоож зарах замаар санхүүждэг талаар ярьж байгаа бичлэг. Энэ бол монгол улсын хууль тогтоомжуудыг бүхэлд нь зөрчиж, СЕХ-ноос тогтоосон сонгуулийн санхүүжилтийн хэмжээг хэдэн арав дахин өсгөсөн дүнгээр мөнгө босгодог болохыг илчилсэн баримт.

Хотын дарга Э.Бат-Үүл, НИТХ-ын дарга Д.Баттулга нар хотын газрыг хууль бусаар олгосон талаарх хөдлөшгүй баримт нотолгоотой мэдээллийг дэлгэсэн нь өнөөдрийг хүртэл иргэдийн дунд ам дамжин яригдсан хэвээр байна. Олон хүний мэдээгүй байсан уг мэдээлэлд багтсан, гарын үсгээр олгогдсон газрын үнэ нийт 26.9 их наяд. Энэ мөнгө хэрэв нийслэлийн төсөвт орсон бол асар их зүйлийг бүтээн босгож болох байсан. Харамсалтай нь, энэ мөнгө цаасан дээрх тооцоо төдий болоод өнгөрч байна.
Газрын хууль бус олголттой холбоотой энэхүү асуудалд одоогийн байдлаар таван хүний нэр холбогдоод байгаа. Тэд бол 2012 оноос өмнө нийслэлийг удирдаж байсан хүмүүс болох хотын дарга асан М.Энхболд, Ц.Батбаяр, Г.Мөнхбаяр, Т.Билэгт нар юм. Мөн тэднийг дарга байх үед газар олголтын асуудлыг нь хариуцан ажиллаж байсан Ц.Сандуй нартай холбоотой баримтыг өнөөдөр ч хууль бус газар олголтоос болж эрх ашиг нь хохирсон иргэдийн дэлгэсэн үзэсгэлэнгээс бэлээхэн харж болохоор байна.
Зарим нь Ц.Сандуйд асуулга тавьж, мэдэгдэл хүртэл хүргүүлсэн. Тэрээр ард түмний асуусан асуултад албан ёсны хариулт хэлээгүй ч өөрийг нь болон дарга нарыг нь илт гүтгэсэн мэтээр ухуулга яриа хийсээр явна. Түүгээр барахгүй МАН-ын нарийн бичгийн дарга, НИТХ дахь МАН-ын бүлгийн ахлагч Д.Амарбаясгалан дээрх асуудлаар мэдээлэл хийхдээ Дэлхийн банкны гаргасан судалгааг эрс үгүйсгэж, Дэлхийн банк захиалгаар ажилласан хэмээн хэний ч санаанд багтамгүй зүйлийг ярьсан.
Мөн тэрээр Дэлхийн банкны тогтоосон 26.9 их наядыг үгүйсгээд, газрын үнэлгээг тухайн үеийнх нь ханшаар тооцоогүй гэсэн юм.
Гэхдээ их, бага аль нь ч бай ямар нэгэн байдлаар газар олгогдсон л бол нийслэлийн төсөвт мөнгө нь орох л ёстой. Харамсалтай нь яагаад нэг ч төгрөг төсөвт ороогүй талаараа тайлбарлаж чадахгүй л мунгинаж явна даа тэд. Үүнийгээ далдлахын тулд хаа байгаа Дэлхийн банк, учир утгагүй гүтгэлэг гэсэн шал өөр зүйл ярьж иргэдийн анхаарлыг татах гэж оролдож байгаа нь өрөвдөлтэй. Дэлхийн банк Э.Бат-Үүлийн захиалгаар ажиллана ч гэж юу байхав дээ.

ШӨХТГ-аас Туул голын сав газрын дагуу аж ахуй эрхлэгчдийн үйл ажиллагаанд хяналт шалгалт хийжээ. Шалгалтаар дараах зөрчлүүд тогтоогдож, улсын байцаагчийн дүгнэлт гарчээ.

ШӨХТГ-аас Улаанбаатар хот болон хот хоорондын төлбөр хураах төвүүдийн үйл ажиллагаанд хяналт шалгалт хийжээ. Шалгалтаар дараах хэд хэдэн зөрчил илэрчээ.

Ардчилсан намаас Сонгуулийн ерөнхий хороонд тойргуудад нүүж очсон “царцаа”-нуудыг буцаахыг шаардсан албан бичиг хүргүүллээ. Томоохон аж ахуйн нэгж, байгууллагууд ажилчдаа амраах нэрийдлээр орон нутагт олноор нь шилжүүлж, тухайн тойрогт санал өгүүлэхээр бүртгүүлсэн билээ. Тухайлбал, Баянхонгор аймагт 2000 гаруй сонгогч шилжин очиж санал өгөхөөр бүртгүүлсэн. Эдгээр хууль бус шилжилт хөдөлгөөнийг зогсоож, зорилготойгоор санал өгөхөөр очсон “царцаа”-нуудыг эргүүлэн татахыг Сонгуулийн ерөнхий хорооноос шаардлаа.

“Зүтгэл, сэтгэл, итгэл-Эх орон” төрийн бус байгууллага “Газраа алдвал бүхнийг алдана” нэртэй үзэсгэлэнг төв талбай дээр гаргаж байгаа. Тэд үзэсгэлэндээ 2012 оноос өмнө хууль бусаар олгосон газрыг авсан эзэн, олгосон албан тушаалтны гарын үсэгтэй нь дэлгэжээ. Үзэсгэлэн энэ сарын 21-нээс эхэлсэн бөгөөд газраа булаалгасан, газрын эрхээ баталгаажуулж чадахгүй байгаа гээд эрх нь зөрчигдсөн олон иргэнээр хүрээгээ тэлжээ. Учир нь иргэд газартай холбоотой маш олон гомдол, саналаа тэдэнд илэрхийлж байгаа юм байна.

Үзэсгэлэн нээсэн өдрөөс хойш л гэхэд 100 гаруй иргэн газартай холбоотой гомдлоо бичгээр гаргажээ. Мөн 258 иргэн амаар гомдол гаргаж нийт 300 гаруй иргэний гомдлыг тус төрийн бус байгууллагынхан хүлээн авчээ. Энэ мэтчилэн газрын харилцаатай холбоотой маш олон хохирсон иргэд бий. Иргэдээс гадна аж ахуйн нэгж, албан байгууллага ч олноор ханддаж буй гэнэ.

Тиймээс “Зүтгэл сэтгэл, итгэл-Эх орон” ТББ-ынхан олон улсын хүний эрхийн байгууллага болон Өмгөөлөгчдийн холбоонд хандахаар төлөвлөжээ. Учир нь тэд газартай холбоотой асуудлыг хөндөж ил гаргаж тавьснаар янз бүрийн эрсдэлтэй учирч болзошгүй гэж болгоомжилж байгаа аж. Иргэд ч нийтийн эрх ашгийн төлөө үйл ажиллагаагаа илүү өргөжүүлэх хүсэлт гаргажээ. Тиймээс нийгэмд ил ч дуугардаг нь цөөн энэ сэдвийг олон хүнд хүртээмжтэй байлгахын тулд үзэсгэлэнгээ дүүрэг бүрт аялуулахаар болжээ. Үүний тулд санхүүгийн эх үүсвэр шаардлагатай учраас хандивын данс нээснээ С.Отгонцэцэг өнөөдөр мэдээлэв. Мөн олон жил ажилласан газрын албаны дарга, газар олголтын асуудал хариуцсан мэргэжилтнүүдийг Авлигатай тэмцэх газарт шалгуулахаар материал бүрдүүлж байгаа талаар ч дуулгав.

Дээрх төрийн бус байгууллагын тэргүүн С.Отгонцэцэг 400 ам.метр газрынхаа төлөө 12 жил тэмцэж байж эргүүлж авч байжээ. Энэ хооронд эрүүл мэнд болон эдийн засгийн хувьд их хэмжээний хохирол амссан. Тиймээс өөртэйгээ адилхан хохирсон олон хүнд газрын харилцаатай холбоотой зөвлөгөө мэдээлэл өргөх зорилгоор ТББ-аа нээж ажиллуулсан байна. Үзэсгэлэн энэ сарын 27-ны өдөр хүртэл үргэлжлэх бөгөөд маргаашаас бусад дүүрэгт дэлгэгдэх аж. Тэд энэ асуудлаа сонгуулийн үеэр дэлгэж байгаагаа улстөрчид сонгуулийн үеэс бусад цагт чих нь таглаатай байдагтай холбоотой гэж тайлбарлаж байв.

Монголын тамирчдын баярыг жил бүр долдугаар сарын эхний ням гарагт тэмдэглэж заншсан бөгөөд 7 дугаар сарын 3-нд зохион байгуулахаар болжээ.

Ингэхдээ “Азийн хүүхдүүд-2016” олон улсын хүүхдийн спортын наадамд оролцох өсвөрийн тамирчдыг үдэн гаргах ёслолтой хамтатган тэмдэглэх тухай Эрүүл мэнд, спортын сайдын тушаал гарсан байна. Олимпийн жилтэй давхцаж байгаа гэдгээрээ өндөр ач холбогдол өгч байгаа юм. Тамирчдын баярын өдөр биеийн тамир, спортын салбарын зүтгэлтнүүдийн хүндэтгэлийн жагсаал, спорт, урлагийн арга хэмжээ, эрдэм шинжилгээний бага хурал зэрэг олон арга хэмжээ зохион байгуулж өргөн тэмдэглэнэ.

Нийслэлийн нутгийн захиргааны байгууллага, агентлагууд ажил үйлчилгээгээ танилцуулах зорилгоор нээлттэй өдөрлөг зохион байгуулж байгаа юм. Энэ долоо хоногт Улаанбаатар хотын Захирагчийн ажлын алба, Нийслэлийн Боловсролын газар, Нийслэлийн Өмчийн харилцааны газар, Нийслэлийн Тээврийн газар, Нийслэлийн Орон сууцны корпораци зэрэг байгууллагууд Нийслэлийн үйлчилгээний нэгдсэн төвүүдэд нээлттэй хаалганы өдөрлөг зохион байгуулж, ажил үйлчилгээгээ танилцуулсан. 2016 оны 06 дугаар сарын 27-ны өдөр буюу ирэх даваа гарагт Нийслэлийн Худалдан авах ажиллагааны газраас Нийслэлийн үйлчилгээний Дүнжингарав төвд “Нээлттэй өдөрлөг” зохион байгуулахаар болсон байна.

Энэ өдрийн 09:00-11:00 цагийн хооронд “Худалдан авах ажиллагааны чанар ба тэгш өрсөлдөөн” сэдэвт нээлттэй хэлэлцүүлэг зохион байгуулахаас гадна тендерт оролцсон туршлага багатай аж ахуйн нэгжүүдэд зориулсан үнэ төлбөргүй сургалт хийхээр болсон байна.

Хэлэлцүүлэг нь нийслэлийн бүтээн байгуулалт, худалдан авалтад гар бие оролцож байгаа аж ахуйн нэгж байгууллагад худалдан авах ажиллагаатай холбоотой хүндрэл бэрхшээл үүсч байгаа эсэхэд дүгнэлт хийх, асуудлыг тодорхойлох, шийдвэрлэх зорилготой юм. Иймд аж ахуйн нэгжүүдэд худалдан авах ажиллагааны мэргэжлийн байгууллагад тавих санал хүсэлт, шаардлага болон зөвшилцөх, хэлэлцэх асуудлаа тодорхойлж ирэх хэрэгтэй юм байна. Аж ахуйн нэгжээс тендерийн баримт бичиг бэлтгэдэг ажилтнуудаа үнэ төлбөргүй сургалтад хамруулахаас гадна мэргэшсэн ажилтнуудаас тендерийн бичиг баримт, хууль журмын талаар заавар зөвлөгөө авах боломжтой юм. Мөн энэ үеэр 2016 онд хэрэгжиж буй хөрөнгө оруулалтын нарийвчилсан мэдээлэл өгөхөөс гадна компанийн гэрчилгээ, тусгай зөвшөөрлийн хуулбар, бүтээгдэхүүн үйлдвэрлэлийн товч танилцуулга, авч ирсэн тохиолдолд Үндэсний үйлдвэрлэгч, аж ахуйн нэгжийн бүртгэлд хамруулах юм. Уг бүртгэлд хамрагдсанаар дотоодын давуу эрх тооцох, сонгон шалгаруулалтыг худалдан авах ажиллагааны онцгой журмаар зохион байгуулах, худалдан авах ажиллагаатай холбоотой зар мэдээлэл цахимаар хүлээн авах зэрэгт үйл ажиллагааны мэдээллийг оруулах боломжтой болно. Сургалт болон Хэлэлцүүлэг оролцох аж ахуйн нэгж, иргэн 75757810 утсаар холбогдож бүртгүүлэх юм байна гэж Нийслэлийн ЗДТГ-ын Хэвлэл мэдээдэл, олон нийттэй харилцах хэлтсээс мэдээллээ.

Тулгар төрийн 2225, Их Монгол Улсын 810, Ардын хувьсгалын 95 жилийн ойн баяр наадмын нээлт 7-р сарын 11-ний өдөр болох бол хүчит бөхийн барилдаан 7-р сарын 12, 13-нд болно.

Тэгвэл хөдөө орон нутгийн наадмын тов гарсан байна. Ингээд аймгуудын баяр наадмын хуваарьтай танилцана уу.

№

Аймгийн нэр


Хугацаа

1


Архангай


21-22/VII

2


Архангай- Цэцэрлэг сумын 90 жилийн ой


15-17/VII

3


Баян-Өлгий


16-17/VII

4


Баянхонгор


19-20/VII

5


Булган


15-16/VII

6


Говь-Алтай, Баруун бүсийн даншиг наадам


30-31/VII

7


Говьсүмбэр


22-23/VII

8


Дархан-Уул


18-20/VII

9


Дорноговь-Сайншанд хотын 50 жилийн ой


20-21/VII

10


Дорнод


20-21/VII

11


Завхан


8-9/VII

12


Өвөрхангай


19-20/VII

13


Өмнөговь


9-10/VII

14


Сүхбаатар


22-23/VII

15


Сэлэнгэ


15-16/VII

16


Төв


20-22/VII

17


Ховд


18-19/VII

18


Хөвсгөл-Мөрөн хот


15/VII

19


Хөвсгөл-Хатгал тосгон


11-12/VII

20


Хэнтий-Батширээт сум


17-19/VII

МАН-ын сонгуулийн сурталчилгаагаар “АН ингэж ч алдсан, МАН тэгж ч гийгүүлнэ” гэж чихэн дээр цэцэг ургуулахаар арга ядна. ТВ асаана МАН, нэт ухна МАН, радио сонсоно МАН, сонин гарчиглана МАН...

Хотын дарга Э.Бат-Үүл, НИТХ-ын дарга Д.Баттулга нар хотын газрыг хууль бусаар олгосон, газрын наймааны талаарх хөдлөшгүй баримт нотолгоотой мэдээллийг дэлгэсэн нь өнөөдрийг хүртэл иргэдийн дунд ам дамжин яригдсан хэвээр байна. Олон хүний мэдээгүй байсан уг мэдээлэлд багтсан, зарагдсан газрын үнэ нийт 26.9 их наяд. Энэ мөнгө хэрэв нийслэлийн төсөвт орсон бол асар их зүйлийг бүтээн босгож болох байсан. Харамсалтай нь, энэ мөнгө цаасан дээрх тооцоо төдий болоод өнгөрч байна.
Газрын хууль бус олголт, наймаатай холбоотой энэхүү асуудалд одоогийн байдлаар таван хүний нэр холбогдоод байгаа. Тэд бол 2012 оноос өмнө нийслэлийг удирдаж байсан хүмүүс болох хотын дарга асан М.Энхболд, Ц.Батбаяр, Г.Мөнхбаяр, Т.Билэгт нар юм. Мөн тэднийг дарга байх үед газар олголтын асуудлыг нь хариуцан ажиллаж байсан Ц.Сандуй нартай холбоотой баримтыг өнөөдөр ч хууль бус газар олголтоос болж эрх ашиг нь хохирсон иргэдийн дэлгэсэн үзэсгэлэнгээс бэлээхэн харж болохоор байна.


Зарим нь Ц.Сандуйд асуулга тавьж, мэдэгдэл хүртэл хүргүүлсэн. Тэрээр ард түмний асуусан асуултад албан ёсны хариулт хэлээгүй ч өөрийг нь болон дарга нарыг нь илт гүтгэсэн мэтээр ухуулга яриа хийсээр явна. Түүгээр барахгүй МАН-ын нарийн бичгийн дарга, НИТХ дахь МАН-ын бүлгийн ахлагч Д.Амарбаясгалан дээрх асуудлаар мэдээлэл хийхдээ Дэлхийн банкны гаргасан судалгааг эрс үгүйсгэж, Дэлхийн банк захиалгаар ажилласан хэмээн хэний ч санаанд багтамгүй зүйлийг ярьсан.
Түүнээс гадна “нуухаа авах гэж байгаад нүдээ” сохлов гэдэг шиг мэдээлэл хийх үеэрээ өөрсдийгөө илчилсэн ноцтой үг хэлчихсэн юм. Тэрээр Дэлхийн банкны тогтоосон 26.9 их наядыг үгүйсгэх үедээ “Дэлхийн банк өмнөх 26.9 их наяд төгрөг гэсэн дүнг гаргахдаа өмнөх ханшаар нь биш яг одоогийн ханшаар тооцсон. Өмнөх ханшаар нь тооцвол шал өөр дүн гарах байсан юм” гэсэн утгатай зүйл хэлсэн. Түүний хэлснээр бол тухайн үеийн ханшаар тооцвол 26.9 их наяд төгрөгийн газар биш 5 их наяд төгрөгийн газрыг дээрх нэр бүхий хүмүүс зарсан болж таарах гээд байна.


Товчхондоо, “Би ховдог биш. Би 100 бууз идээгүй, 99-ийг л идсэн” гэдгээ өөрсдөө хүлээн зөвшөөрлөө. Ам алдвал барьж болдоггүй ээ гэж ардын сайхан үг бий дээ...


Дэлхийн банкны гаргасан 26.9 их наяд ч бай, өөрсдийнх нь хэлснээр 5 их наяд төгрөгийн газар ч бай зарагдсан л бол нийслэлийн төсөвт мөнгө нь орох л ёстой. Харамсалтай нь яагаад нэг ч төгрөг төсөвт ороогүй талаараа тайлбарлаж чадахгүй л мунгинаж явна даа тэд. Үүнийгээ далдлахын тулд хаа байгаа Дэлхийн банк, учир утгагүй гүтгэлэг гэсэн шал өөр зүйл ярьж иргэдийн анхаарлыг татах гэж оролдож байгаа нь өрөвдөлтэй. Ер нь яаж ч бодсон Дэлхийн банк Э.Бат-Үүлийн захиалгаар ажиллана ч гэж юу байхав дээ.



Эх сурвалж: Нийслэлийн Ардчилсан нам

Камертон хамтлаг өнөөдөр 21 нас хүрлээ. Тус хамтлагийнхны зүгээс фэйсбүүк хуудсаараа дамжуулан, ”Энэ бүх хугацаанд КАМЕРТОН хамтлагтай хамт байсан нийт фэнүүддээ баярын мэнд хүргэе. Цоо шинэ цомгийн маань хамгийн эхний дуу ”Хүлээсийг минь тайл” удахгүй та бүхний сонорт хүрэх болно” хэмээх бас нэгэн баяртай мэдээг дуулгасан байна.

Дашрамд дурдхад, Тэдний анхны уран бүтээл алдар монгол хүн бүрийн аманд хүлхэгдэж байдаг “Маамуу нааш ир” дуу байсан бөгөөд энэхүү дууг тэд хөгжимгүйгээр дөрвөн хоолой салган дуулсан нь хэн хүний анхаарлыг татсан юм.

Улаанбаатарт хотноо 7 дугаар сарын 15-16-нд болох Ази-Европын Дээд түвшний 11 дүгээр уулзалтыг дамжуулахад Европын өргөн нэвтрүүлгийн холбоотой хамтран ажиллах дотоодын телевизүүдийн инженер техникийн ажилтнуудыг АСЕМ-ын Хэвлэл мэдээлэл, сурталчилгаа хариуцсан ажлын хэсгийнхэн 6 дугаар сарын 23-нд Гадаад хэргийн яаманд хүлээн авч уулзлаа.

Уулзалтаар АСЕМ-ын дээд түвшний уулзалтын шууд нэвтрүүлэг, сурвалжлагыг дамжуулах телевизүүдийн хуваарилалт, зохион байгуулалт, ерөнхий төлөвлөгөө, техникийн нөхцлийн талаар санал солилцлоо. Бэлтгэл ажлын хуваарийн дагуу телевизүүд 6 дугаар сарын 24-нөөс АСЕМ-ын үйл ажиллагааг дамжуулах цэгүүдэд ажиллаж, тоног төхөөрөмжийн бэлтгэлээ хангахаар болов.

АСЕМ-ын дээд түвшний уулзалтыг олон нийтэд шууд дамжуулах, Монгол Улсыг сурталчлахад дотоодын 9 телевиз хамтран ажиллаж байна.

Монгол Улсын иргэн бүр “Эрдэнэс Таван толгой” ХК-ийн 1072 ширхэг хувьцаа эзэмшиж байгаа. 18-аас дээш насны иргэд хувьцааныхаа 30 хувийг борлуулах эрх энэ сарын 13-наас нээгдсэн.

Тулгар төрийн 2225, Их Монгол Улсын 810, Ардын хувьсгалын 95 жилийн ойн баяр наадмын нээлт 7-р сарын 11-ний өдөр болох бол хүчит бөхийн барилдаан 7-р сарын 12, 13-нд болно.


Наадмын тасалбарыг ирэх сарын 6-ны өдрөөс худалдаанд гаргахаар болжээ.

Саравчгүй суудлын тасалбар 16 мянган төгрөг,
Саравчтай суудлынх 25 мянган төгрөг,
Жуулчдад 25 ам.доллараар Бөхийн өргөө болон Соёлын төв өргөөний кассуудаар тус тус худалдах аж.