-
2015 оны 9 сарын 14
Томоохон зах, худалдааны төвүүдийн ажлын цагийн хуваарийг түр өөрчиллөө
-
2015 оны 9 сарын 14
Сар гаруйн хугацаанд эзэнгүй байсан зарим яамны сайд нарыг өнгөрсөн долоо хоногт томилсон билээ.
-
2015 оны 9 сарын 14
Засгийн газрын үйл ажиллагааны хөтөлбөрийн хэрэгжилтийг хэлэлцэнэ
2015 / 09 / 14 | Нийтэлсэн: Ч.Ариунболд | 0
Засгийн газрын ээлжит хуралдаан өнөөдөр 16.00 цагт эхэлж, 10 асуудал хэлэлцэхээр төлөвлөсөн байна. Хуралдаанаар хэлэлцэх асуудлыг жагсаалтаар хүргэж байна.
1.Орон сууцны хорооллын санхүүжилтийн тухай- Сангийн сайд Б.БОЛОР танилцуулна.
2. Монгол, Унгарын Засгийн газар хоорондын комиссын хуралдааны тухай- БОНХАЖ-ын сайд Н.БАТЦЭРЭГ танилцуулна.
3.Ази, Номхон далайн худалдааны хэлэлцээрт нэгдэн орох тухай- Аж үйлдвэрийн сайд Д.ЭРДЭНЭБАТ танилцуулна.
4.Монгол, Чехийн Засгийн газар хоорондын комиссын хуралдааны тухай- БХБ-ын сайд З.БАЯНСЭЛЭНГЭ танилцуулна.
5. Шинжлэх ухаан, технологийг хөгжүүлэх тэргүүлэх чиглэл, цөм технологийн жагсаалт батлах тухай- БСШУ-ны сайд Л.ГАНТӨМӨР танилцуулна.
6. Тогтоолд өөрчлөлт оруулах тухай- ЭМС-ын сайд Г.ШИЙЛЭГДАМБА танилцуулна.
7.Засгийн газрын 2012-2016 оны үйл ажиллагааны хөтөлбөрийн хэрэгжилтийн тухай- ЗГХЭГ-ын дарга С.БАЯРЦОГТ танилцуулна.
8. Монгол Улсын Ерөнхий сайдын орон нутагт ажилласан дүнгийн тухай- ЗГХЭГ-ын дарга С.БАЯРЦОГТ танилцуулна.
9. Шилэн дансны тухай хуулийн хэрэгжилтийн явц, дүнгийн тухай- Сангийн сайд Б.БОЛОР танилцуулна.
10. Бусад асуудал- Ерөнхий сайд Ч.САЙХАНБИЛЭГ танилцуулна.
Засгийн газрын ээлжит хуралдаанаар хэлэлцсэн асуудлын талаар маргааш буюу энэ сарын 15-нд Ерөнхий сайдын хэвлэлийн төлөөлөгч Ц.Мөнхтөр дэлгэрэнгүй мэдээлэл хийнэ.
-
2015 оны 9 сарын 14
Монгол Улсын Ерөнхийлөгч өө
Монгол Улсын Ерөнхий сайд аа,
Улсын Их Хурлын эрхэм гишүүд ээ,
1990 оны Ардын Их Хурлын дарга, орлогч дарга нар аа,
Улсын Бага Хурлын гишүүд,
Хүндэт зочид, хатагтай, ноёд оо
-
2015 оны 9 сарын 14
Өнөөдөр УИХ дахь нам эвслийн бүлгүүд хуралдана. Хуралдаанаар Өршөөлийн хуульд тавьсан Ерөнхийлөгчийн хоригийн асуудлыг хэлэлцэх юм. Бүлгүүдийн хуралдаан 10.00 цагт Төрийн ордонд эхэлнэ
-
2015 оны 9 сарын 13
Улсын Их Хурлын даргын дэргэдэх Зөвлөлийн 2015.09.11-ний өдрийн хурлаар батлав.
-
2015 оны 9 сарын 13
Монгол Улсын Их Хурлын дарга З.Энхболд Хүндэтгэлийн хуралдаан зарлан хуралдуулах тухай захирамж гаргасан бөгөөд Монгол Улсад байнгын ажиллагаатай парламент байгуулагдсаны 25 жилийн ойд зориулан есдүгээр сарын 13-ны ням гаригт буюу маргаашийн 11.40 цагаас УИХ-ын хүндэтгэлийн хуралдааныг зарлан хуралдуулахаар болсон. Тэгвэл эл хүндэтгэлийн хуралдаан маргааш болно.
-
2015 оны 9 сарын 13
Монгол Улсад байнгын ажиллагаатай парламент байгуулагдсаны 25 жилийн ойг тохиолдуулан Монгол Улсын Их Хурлын дарга Зандаахүүгийн Энхболд Улсын Бага Хурлын нийт 62 гишүүнд “Улсын Бага Хурлын гишүүн” тэмдэг, үнэмлэхийг өнөөдөр /2015.09.13/ гардууллаа.
-
2015 оны 9 сарын 12
ЕАБХАБ-ын Парламентын Ассамблейн хурал Монголд болно
-
2015 оны 9 сарын 12
Монгол Улсад байнгын ажиллагаатай парламент үүсэн байгуулагдсаны 25 жилийн ой энэ өдрүүдэд тохиож байна. Түүхт энэхүү ойтой холбоотойгоор маргааш 11.40 цагт УИХ-ын хүндэтгэлийн чуулганыг хуралдуулахаар товложээ.
Одоогоос 25 жилийн өмнө Монгол Улсын хамгийн анхны байнгын ажиллагаатай парламент Улсын Бага Хурал бүрэн эрхээ хэрэгжүүлж эхэлсэн түүхтэй. Үндсэн хуульд оруулсан нэмэлт өөрчлөлтийн дагуу Улсын Бага Хурал нь хууль тогтоох, хянан шалгах чиг үүрэгтэй төрийн эрх барих дээд байгууллага нэртэйгээр үндсэн чиг үүргээ хэрэгжүүлж эхэлсэн юм. Энэ үед 53 гишүүнтэй, таван жилийн бүрэн эрхтэйгээр сонгогдон ажлаа эхлүүлж байжээ. Тухайн үеийн Улсын Бага хурлын гишүүдээс өнөөдрийн парламентад УИХ-ын дэд дарга Р.Гончигдорж, Д.Лүндээжанцан, УИХ-ын гишүүн, Засгийн газрын хэрэг эрхлэх газрын дарга С.Баярцогт тэргүүтэй гишүүд ажиллаж байгаа юм
-
2015 оны 9 сарын 12
“Парламент 25” шатрын тэмцээн эхэллээ
-
2015 оны 9 сарын 12
УИХ-ын гишүүн Л.Болд ууртай явна
-
2015 оны 9 сарын 12
Япон Улсын Олон улсын хөдөлмөрийн сангийн үйл ажиллагаатай танилцана
-
2015 оны 9 сарын 12
“Парламент 2015” шатрын тэмцээн болно
Монгол Улсад байнгын ажиллагаатай Парламент байгуулагдсаны 25 жилийн ойн баярыг тэмдэглэн өнгөрүүлэх ажлын хүрээнд Улсын бага хурал болон Улсын Их Хурлын үе үеийн гишүүд, түүний Тамгын газрын ажилтнуудын дунд шатрын тэмцээн зохион байгуулагдах гэж байна. Уг тэмцээн Бямба гарагийн /2015.09.12/ 09.00 цагт Төрийн ордонд эхлэх бөгөөд тэмцээн швейцарь системээр 8 өрөг тоглох юм.
Тэмцээнийг гишүүдийн болон ажилтнуудын гэсэн 2 ангиллаар, нээлттэй (эмэгтэй оролцогчийг хамтатгаад) төрлөөр явуулна.
Ангилал тус бүрт эхний 5 байр эзэлсэн оролцогчид Улсын Их Хурлын даргын өргөмжлөл, мөн Улсын Их Хурлын Тамгын газрын Ерөнхий нарийн бичгийн даргын өргөмжлөлийг тусгай байр эзэлсэн 2 эмэгтэй оролцогчид олгох юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 9 сарын 11
Ерөнхий сайд Ч.Сайханбилэг: БНХАУ-ын Далянь хотноо хийсэн ажлын айлчлал амжилттай боллоо
2 цаг 33 минутын өмнө
Print Zasag and PDF
Шинэ манлайлагчдын уулзалт - Зуны Давос
Монгол Улсын Ерөнхий сайд Ч.Сайханбилэг 9 дүгээр сарын 8-11-нд БНХАУ-ын Далянь хотод ажлын айлчлал хийж, Шинэ манлайлагчдын уулзалт - Зуны Давосын чуулга уулзалтад оролцлоо. Айлчлалын дараа Засгийн газрын тэргүүн сэтгүүлчидтэй уулзалт ярилцлага хийсэн юм.
Ирээдүй рүү харсан, ялангуяа, инноваци, улс орны хөгжлийн ойрын үеийн хэтийн зорилтын түлхүү ярилцдаг Зуны Давосын чуулга уулзалтын үеэр Монгол Улсын Ерөнхий сайд Ч.Сайханбилэг хэд хэдэн нэгдсэн хуралдаанд панелистаар оролцлоо.
Энэ өдрүүдэд Ерөнхий сайд олон чухал уулзалт хийсний эхнийх нь Дэлхийн эдийн засгийн форумыг үндэслэгч, гүйцэтгэх захирал ноён Клаус Швабтай хийсэн уулзалт байлаа. Хоёр талын харилцаа, 2017 онд Монгол Улсад зохион байгуулах Дэлхийн эдийн засгийн чуулганы бүсийн уулзалт, мөн Дэлхийн эдийн засгийн форумын бүрэлдэхүүнд Монгол хүмүүсийн төлөөллийг оролцуулах боломжийн талаар ярилцжээ. Монгол Улсын Ерөнхийлөгч Ц.Элбэгдорж өнгөрсөн гуравдугаар сард ноён Клаус Швабтай уулзахдаа манай улсад зохион байгуулах бүсийн уулзалтын талаар хөндөж байжээ.
Ерөнхий сайд Ч.Сайханбилэг ОХУ-ын Шадар сайд Юрий Петрович Трутнев, Гүржийн Ерөнхий сайд Иракли Гарибашвили нартай мөн уулзалт хийсэн юм. уулзсан. ОХУ-д мах, махан бүтээгдэхүүн экспортлох асуулаар тус Шадар сайдтай санал сонилцсон бөгөөд ОХУ-ын Засгийн газар бололцоотой бүхий л дэмжлэгийг үзүүлнэ гэдгээ илэрхийлжээ.
Гүржийн Ерөнхий сайд Иракли Гарибашвилитай уулзах үеэр Гүрж Монгол хоорондын хамтын ажиллагаа өргөжүүлэх, харилцан визгүй зорчих, эхний ээлжинд дипломат албан паспорттай иргэдийг визний нөхцөлөөс чөлөөлөх болон тодорхой салбарт хөрөнгө оруулалт татах, эдийн засгийн хамтын ажиллагааг идэвхжүүлэхээр ярилцсан байна. Мөн Энэтхэг болон Хятад улсын хөрөнгө оруулалтын зарим компани, хөрөнгө оруулагчидтай Ерөнхий сайд уулзалт хийсэн юм.
Дэлхийн эдийн засгийн форумаас шалгаруулдаг шилдэг өсөлттэй 130 компанийн нэгээр Худалдаа хөгжлийн банк шалгарсан нь байна. “Дэлхийн эдийн засгийн форумын үйл ажиллагаанд Монгол Улсаас оролцох оролцоо буурах хандлагатай байсан ч энэ оролцоо, идэвх сэргэж байна. Манай улсын банк нэр хүнд бүхий ийм шагнал авч байгаа нь бид зөв зүг рүүгээ явж байна гэсний дохио боллоо” гэж Ерөнхий сайд Ч.Сайханбилэг сэтгүүлчидтэй уулзахдаа онцолж байлаа.
БНХАУ-ын Төрийн зөвлөлийн Ерөнхий сайд Ли Көцянтай уулзлаа
Ерөнхий сайд Ч.Сайханбилэг айлчлалын гол уулзалтын нэг нь БНХАУ-ын Төрийн зөвлөлийн Ерөнхий сайд Ли Көцянтай хийсэн уулзалт байлаа.
Эхний ээлжинд мега төслүүд, Тавантолгойн төсөл, төмөр замын асуудлыг аль аль тал нь хөндөж, ойрын хугацаанд гэрээ хэлцэл хийх талаар ярилцсан байна. Синопек корпорацитай сүүлийн хугацаанд нэлээн эрчимтэй ярьж байгаа хүрэн нүүрс боловсруулж хий болгон Хятад руу гаргах төслийг урагшлуулах, Шивээ-Овоод өндөр хүчдэлийн цахилгаан станц барих, түүнийг тогтмол гүйдлийн шугамаар БНХАУ- руу экспортлох асуудлууд хөндөгдсөн байна.
Мөн Эгийн голын усан цахилгаан станц, Хятадын Экзим банкны нэг тэрбум ам.долларын зээлийн нөхцөлийг эцэслэн шийдэх яриа хэлэлцээрийг хийжээ. Монголоос нэг тэрбум ам.доллартой тэнцэх хэмжээний мах, махан бүтээгдэхүүн экспортлох саналыг Ерөнхий сайд тавьжээ.
Монгол Улсаас шүлхий гарч байгаагүй аймаг, бүс нутгуудаас мах авах асуудлаар хоёр талын хорио цээрийн байгууллага болон бусад байгууллага нэлээн түлхүү ажиллая гэсэн тохиролцоонд хүрч чаджээ. Уулзалтад Хүнс, хөдөө аж ахуйн сайд Р.Бурмаа сайд оролцож, энэ асуудлыг цаг хугацааны хувьд урагшлуулахаар Хятадын талын холбогдох хүмүүстэй ярилцжээ. Хятадын Ерөнхий сайд өөрийн орны стандарттай холбоотойгоор тэдний махны үйлдвэрийн тоног төхөөрөмжийг ашиглах, энэ чиглэлд Монгол Улсын Засгийн газар анхаарлаа хандуулж өгөөч гэж хүссэн байна. Манай улс хоёр хөршдөө мах экспортлох асуудал ажил хэрэг болох боломжтой боллоо.
“Энэ удаагийн ажлын айлчлал амжилттай болж манай хоёр улс стратегийн иж бүрэн түншлэлийн хүрээнд харилцаагаа тодорхой, эдийн засгийн төсөл хөтөлбөр, мөнгө санхүүтэй холбоотой асуудлаар яаж хэрхэн урагшлуулах тал дээр ахиц дэвшил гарахад чухал ач холбогдолтой боллоо” гэж Ерөнхий сайд Ч.Сайханбилэг дүгнэж байна.
“Орчин цагийн торгоны зам” хуралдаанд панелистаар оролцож байр бууриа илэрхийллээ
Ерөнхий сайд Ч.Сайханбилэг Шинэ манлайлагчдын уулзалт-Зуны Давосын чуулга уулзалтын “Орчин цагийн торгоны зам” хуралдаанд оролцож, байр сууриа илэрхийлсэн. Торгоны зам бол хоёр цэгийг холбох гэж байгаа, хоёр улсыг дайрах замын асуудал бус том сүлжээ. Монголд ч гэсэн Талын зам гэж өөрийн торгоны зам бий. ЕвроАзийг холбосон эдийн засгийн коридор, Хятадын ярьж байгаа шинэ торгоны замыг нэмээд бид өөрсдийн Торгоны замын асуудлыг бий болгох бололцоотой. Энэ чиглэлээр өнгөрсөн долдугаар сард гурван улсын Төрийн тэргүүн нар тодорхой баримт бичигт гарын үсэг зурж, хөтөлбөр хийж гүйцэтгэх ажлынхаа чиглэл рүү орсон тухайгаа тус хуралдааны үеэр илэрхийлсэн гэдгээ Ерөнхий сайд тодотголоо.
Манай улсад торгоны замын энэ сүлжээ төдийгүй бус эрчим хүчний салбарт ч нүүрс, төмөр зам, газрын тосны хоолойн асуудлаар шинэ сүлжээнд нэгдэх бололцоо бий. Зөвхөн хоолойн асуудлыг ярихаас гадна үүнийг хэрэгжүүлэх санхүүжилтийн эх үүсвэрийн талаар ярих шаардлагатай байна. БНХАУ-ын санаачилсан Азийн дэд бүтэц, хөрөнгө оруулалтын банк, Японы талаас гарч байгаа адил хэмжээний санхүүжилттэй санаачилга болон Дэлхийн банк, Азийн хөгжлийн банк зэрэг санхүүгийн гурван чиглэлийн бололцоог хангахад бид бүс нутагтаа дэд бүтцийн чиглэлээр тодорхой амжилтад хүрэх санхүүгийн боломжтой гэдэг нь харагдаж байна гэж Ерөнхий сайд сэтгүүлчидтэй хийсэн уулзалтынхаа үеэр ярьж байлаа.
Эрчим хүчний төсөл хөтөлбөрүүд урагшиллаа
Зуны Давос чуулга уулзалтын үеэр Монголын “Бодь” групп, “Могул пауэр” компани Бөөрөлжүүтийн болон Тэвшийн говийн цахилгаан станцын хөрөнгө оруулагчтай төслийн санхүүжилтийн гэрээ хэлэлцээр байгууллаа.
Монгол Улсын “Могул пауэр”, БНХАУ-ын “Сэнко III” компаниуд Дундговь аймгийн Сайнцагаан суманд орших Тэвшийн говийн хүрэн нүүрсний ордод түшиглэсэн 600 MBт хүчин чадал бүхий цахилгаан станцыг барих төслийг хамтран хэрэгжүүлж байгаа бөгөөд дөрвөн жилийн хамтын ажиллагааны дүнд өнөөдөр хөрөнгө оруулалт хамтын ажиллагааны гэрээг байгууллаа. Нэг тэрбум гаруй ам.долларын хөрөнгө оруулалтын энэ ажил удахгүй эхэлнэ гэдгийг “Могул пауэр” ХХК-ийн зөвлөх Б.Батмөнх гарын үсэг зурах ёслолын үеэр хэлсэн.
Бөөрөлжүүтийн цахилгаан станцын төслийг хэрэгжүүлэх хөрөнгө оруулалтын гэрээнд Бодь групп, БНХАУ-ын Пауэр Чайна компанийн удирдлагууд гарын үсэг зурлаа. Хүрэн нүүрсний уурхайд түшиглэсэн энэхүү төсөл мөн нэг тэрбум гаруй ам.долларын хөрөнгө оруулалтаар хийгдэх бөгөөд 31 жилийн турш хэрэгжинэ.
Монгол Улсын эрчим хүчний өсөн нэмэгдэж буй хэрэгцээг хангахад эдгээр төсөл чухал үүрэг гүйцэтгэх бөгөөд төслүүд хэрэгжсэнээр эрчим хүчний хэрэглээ найдвартай, баталгаатай болно гэж Эрчим хүчний сайд Д.Зоригт хэлж байна. Мөн Синопек корпорацитай нүүрснээс хий гаргах төсөл дээр хамтрахаар ярилцсан байна. Багануурын нүүрсний уурхай дээр түшиглэсэн нүүрснээс хий гаргах, Улаанбаатар хотын хэрэгцээг хангах, агаарын бохирдлыг бууруулах төсөлд хөрөнгө оруулах асуудлаар Хятадын хувийн хэвшлийнхэнтэй ярилцжээ.
Ерөнхий сайд Ч.Сайханбилэг “Азийн эрчим хүчний төлөв байдал” хуралд оролцож, өөрийн байр суурийг илэрхийллээ. Монголчуудад уламжлалт аргаар боловсруулах нүүрсний уурхай байна. Монгол Улс жилийн 270-300 өдөрт нь нартай өөрөөр хэлбэл нарны эрчим хүчтэйн дээр нутаг дэвсгэрийн 10 хувь нь салхины эрчим хүч ашиглахад тохиромжтой. Байгалийн эдгээр боломжийг ашиглах, нүүрсээ хийжүүлэх, шингэрүүлэх технологийг нэвтрүүлэх зэрэг эрчим хүчний эх үүсвэрийн арвин баялаг нутагтай гэдгийг Ерөнхий сайд хуралдаанд оролцохдоо онцолж байлаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 9 сарын 11
УИХ-ын гишүүн Ц.Оюунгэрэл Билл, Мелинда Гейтс санд зочиллоо
-
2015 оны 9 сарын 11
Япон улсын Элчин сайд Такэнори Шимизүг хүлээн авч уулзав
-
2015 оны 9 сарын 11
Жан Дөзян мэндчилгээ дэвшүүлэв
-
2015 оны 9 сарын 11
Далянь хотноо ажлын айлчлал хийсэн Монгол Улсын Ерөнхий сайд Ч.Сайханбилэг БНХАУ-ын Төрийн зөвлөлийн Ерөнхий сайд Ли Көцянтай албан ёсны уулзалт хийлээ.
-
2015 оны 9 сарын 11
ОХУ-ын Холбооны Хурлын Төрийн Думын дарга С.Е.Нарышкин мэндчилгээ дэвшүүлэв
