-
2016 оны 1 сарын 15
Үндсэн хуулийн уг эхийг Ерөнхийлөгчийн албан өрөөнд буцааж залав
-
2016 оны 1 сарын 15
Монгол Улсын сайд, ЗГХЭГ-ын дарга С.Баярцогт “Санхүүгийн зах зээлийн хөгжил” үндэсний форумд оролцож байна
44 минутын өмнө
Print Zasag and PDF
ShareThis Facebook Tweet LinkedIn Email
Монгол Улсын санхүүгийн зах зээлийг иж бүрнээр нь хамруулан, банк, бичил санхүү, даатгал, хөрөнгийн зах зээл зэрэг санхүүгийн бүх салбарын харилцан уялдсан цогц хөгжил, тогтвортой байдал, эдийн засгийн өсөлтийн үр нөлөө, хүртээмжийг нэмэгдүүлэх, хууль эрх зүйн орчныг шинэчлэх талаар хэлэлцэж тулгамдсан асуудал, боломж, гарцыг тодорхойлох зорилгоор Санхүүгийн зохицуулах хорооноос “Санхүүгийн зах зээлийн хөгжил” үндэсний форумыг зохион байгуулж байна. Тус форумын нээлтэд Монгол Улсын сайд, ЗГХЭГ-ын дарга С.Баярцогт оролцлоо.
Монгол Улсад зах зээлийн харилцаа гүнзгийрэхийн хэрээр улс орны эдийн засаг, нийгмийн хөгжилд санхүүгийн зах зээлийн гүйцэтгэх үүрэг улам бүр ач холбогдолтой болж, дэлхийн санхүүгийн зах зээлтэй хөл нийлүүлэн алхах, гадны болон үндэсний хөрөнгө оруулагчдыг бий болгох зайлшгүй шаардлага тавигдаж байна. Улс орны нийт хүн амын үндсэн хэрэгцээг тогтвортой хангахуйц, өөрийгөө тэтгэх чадвар бүхий олон улсын зах зээлд өрсөлдөх чадвартай эдийн засгийг бүрдүүлэхэд чиглэгдсэн төсөв, санхүү мөнгөний бодлогыг хэрэгжүүлэх нь макро эдийн засгийн хүрээний гол зорилт болж байна. 2015 онд Хөрөнгийн бирж дээр нийт 546,4 төгрөгийн арилжаа хийгдсэн нь Хөрөнгийн бирж байгуулагдсан цагаас хойших хамгийн өндөр арилжаа хийгдсэн жил. Засгийн газраас үнэт цаасны зах зээлийг бодлогоор дэмжиж Засгийн газрын бондыг биржээр дамжуулан арилжаалж байгаа бөгөөд 2015 онд нийт 510 тэрбум төгрөгийн үнийн дүн бүхий бонд арилжигдсан гэдгийг Монгол Улсын сайд С.Баярцогт онцоллоо.
Мөн Санхүүгийн зохицуулах хорооны зүгээс үнэт цаасны зах зээлийн харилцааны зохицуулалтыг олон улсын түвшинд хүргэх, дэд бүтэц, зах зээлийн сонгодог оролцогчдыг бий болгох нөхцөлийг бүрдүүлэх, улмаар зах зээлийн хөгжлийг дэмжиж хувьцаат компаниудын улс орны эдийн засагт гүйцэтгэх үүргийг нэмэгдүүлэх үндсэн зорилтын хүрээнд олон ажлуудыг хийж хэрэгжүүлж байгааг тодотгосон юм. “Үнэт цаасны зах зээлийн тухай хууль” шинэчлэгдэн батлагдсанаас хойш 2 жилийн хугацаанд үнэт цаасны зах зээл дээр хөрөнгө оруулалтын менежментийн 7 компани, 3 кастодиан банк, хувийн хөрөнгө оруулалтын 2 сан байгуулагдан үйл ажиллагаагаа эхлүүлсэн. Энэ нь үнэт цаасны зах зээлд мэргэжлийн хөрөнгө оруулагчид орж ирэх суурь нөхцөлүүд бүрдсэний тод жишээ гэж үзэж байна гэлээ.
Анх удаа зохион байгуулагдаж буй “Санхүүгийн зах зээлийн хөгжил” үндэсний форумд үнэт цаасны компани, арилжааны банк, даатгагч, бичил санхүүгийн байгууллага, хөрөнгө оруулагч, харилцагч, мэргэжилтэн, компаниудын 600 гаруй төлөөлөгчид оролцож байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11884#sthash.Kh5bMIoL.dpuf
-
2016 оны 1 сарын 15
С.Эрдэнэ: Найман сар хүртэл хүүхдийн мөнгийг асуудалгүй олгоно
-
2016 оны 1 сарын 15
“Санхүүгийн зах зээлийн хөгжил” үндэсний форум болж байна
-
2016 оны 1 сарын 15
З.Энхболд: МАН-ынхан хүүхдийн мөнгийг эсэргүүцэхээ болъё
-
2016 оны 1 сарын 15
С.Баярцогтыг хууль бус орлоготой, эх орноосоо урвасан гэв
УИХ, Засгийн газрын гишүүн С.Баярцогт 2013 онд нэг сая ам.доллараа Швейцарын дансанд хадгалуулаад түүнийгээ мартсан хэмээн мэдэгдэж тухайн үедээ нэлээд шуугиан дэгдээж байсан. Мөн тухайн байршуулсан дансаа нээлгэхдээ өөрийгөө Хятадын Монгол хэмээн бичсэн байсанд олон нийт ихээхэн эгдүүцэж байсан юм. Үүний дараа С.Баярцогт тодорхой тайлбар хэлээгүй бөгөөд санаандгүй бөглөчихсөн гэх зүйлийг хэлснээр эл асуудал тэгсхийгээд өнгөрсөн.
Тэгвэл сонгууль дөхсөн энэ үед түүнд саналаа өгч, төрд төлөөлүүлэхээр илгээсэн Сэлэнгэ аймгийн нэгэн иргэн өнөөдөр хэвлэлийнхэнд хандаж С.Баярцогтыг дахин сонгуульд сонгохгүй байхыг уриаллаа. Үүгээр ч зогсохгүй түүний хийсэн гэмт үйлдлийг дахин сэргээн шалгаж, зохих ёсны ял шийтгэлийг хүлээлгэх ёстой гэлээ.
Тодруулбал иргэн Т.Бат-Эрдэнэ хэлэхдээ “ Монгол улсын их хурал, Засгийн газрын гишүүн С.Баярцогт нь Монгол улсын сайд байхдаа Швейцарын банкинд нэг сая ам.доллар хадгалсан байдлаа, мөн мөнгөнийхээ эх үүсвэрийг бүрэн тайлбарлаагүй нь санаатайгаар хууль зөрчсөн үйлдэл гэж миний бие үзэж байна. Шууд хэлэхэд С.Баярцогтын орлогоо нуун дарагдуулсан нь гэмт хэрэг, олсон орлого нь хууль бус учир бас л гэмт хэрэг, хууль бусаар олсон орлогоо дээрх оффшор дансанд хийхдээ Хятадын Монгол хэмээн өөрийгөө бичсэн нь МУ-ын төрийн өндөр албан тушаалтны хувьд эх орноосоо урвасан гэмт хэрэг. Мөн Хятадын Монгол гэдэг итгэл үнэмшилтэй, өөрийгөө Монгол хүн гэж боддоггүй С.Баярцогт Монгол төрийг удирдаж, иргэдийн татвараар бий болсон Улсын төсөв, Монгол улсын байгалийн баялгийн хувь заяаг өнөөдөр шийдэж байна. Тиймээс энэ хүний энэ хариуцлагагүй үйлдэлд заавал хариуцлага тооцож, Монгол төрөөс холдуулах ёстой” гэлээ.
Хэвлэлийн хурлын үеэр түүнээс зарим нэг асуултад хариулт авснаа хүргэж байна.
-С.Баярцогтын оффшор дансанд байршуулсан нэг сая ам.долларыг хууль бусаар олсон гэдгийг та яаж нотолж байгаа вэ?
-С.Баярцогт энэ нэг сая ам.доллараа хэрхэн яаж олсон талаараа тодорхой тайлбар хийгээгүй. Хаанаас яаж олсон мөнгө вэ гэдгээ нотлоогүй. Тиймээс хардах үндэслэл бий. Хэрэв хууль бусаар олсон мөнгө биш л бол үүнийгээ нотлох ёстой.
-Аль 2013 оны хэргийг гурван жилийн дараа сөхөж байгаа чинь улс төрийн зорилготой юм биш үү?
-Тэр тусмаа бид энэ хэргийг сонгуулийн жил хөндөх ёстой. С.Баярцогтод саналаа өгсөн хүн бол би. Гэтэл тэр хүн өөрийгөө өнөөдөр Хятадын Монгол хэмээн танилцуулж ард иргэдийн амьдрал туйлдаж гүйцсэн байхад нэг сая ам.долларыг гадаадын дансанд хийгээд мартсан гэж хэлээд хээв нэг явж байна. Тиймээс л бид ийм хүнийрхүү сэтгэлтэй хүсүүсийн Монголын төрөөс явуулах ёстой юм. 2016 оны сонголтондоо алдах вий гэдгээс сэрэмжлүүлж энэ асуудлыг хөндөж байгаа юм.
-
2016 оны 1 сарын 15
УИХ-ын чуулганы нэгдсэн хуралдаан өнөөдөр хуралдана. Өнөөдрийн хуралдаанаар дараах асуудлуудыг хэлэлцэнэ.
1.“Тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх үргэлжилнэ/:
2.Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, эцсийн хэлэлцүүлэг/:
-Хууль зүйн байнгын хорооны танилцуулгыг Улсын Их Хурлын гишүүн Р.ГОНЧИГДОРЖ танилцуулна.
3.Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, анхны хэлэлцүүлэг/
-Хууль зүйн байнгын хорооны санал, дүгнэлтийг Улсын Их Хурлын гишүүн Р.ГОНЧИГДОРЖ танилцуулна.
4.Сонгогдсон болон томилогдсон төрийн өндөр албан тушаалтанд хариуцлага хүлээлгэх тухай болон холбогдох бусад хуулийн төслүүд /Монгол Улсын Ерөнхийлөгч 2015.01.14-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.
5.Улс төрийн намын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.01.04-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн Н.БАТБАЯР танилцуулна.
6.Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/:
-Эдийн засгийн байнгын хорооны санал, дүгнэлтийг Улсын Их Хурлын гишүүн Ж.БАТСУУРЬ танилцуулна.
7. Эрүүл ахуйн тухай болон холбогдох бусад хуулийн төслүүд /Засгийн газар 2015.06.15-ны өдөр өргөн мэдүүлсэн, анхны хэлэлцүүлэг/;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.
8.“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн М.БАТЦЭРЭГ танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн М.БАТЧИМЭГ танилцуулна.
9.Мэргэжлийн боловсрол, сургалтын тухай хуульд нэмэлт, өөрчлөлт оруулах тухай хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Я.СОДБААТАР танилцуулна.
10.Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
11.Эрүүгийн байцаан шийтгэх хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 16 дугаар дүгнэлт үргэлжилнэ:
12.Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн, анхны хэлэлцүүлэг/:
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн Г.БАТХҮҮ танилцуулна.
14.00 цагаас:
Монгол Улсын Ерөнхий сайдын мэдээлэл: Монгол Улсын Засгийн газраас 2015 онд Эрчим хүчний салбарт авч хэрэгжүүлсэн арга хэмжээний талаар мэдээлэл хийнэ.
-
2016 оны 1 сарын 14
Ардчилсан намын Үндэсний зөвлөлдөх хорооны /ҮЗХ/ 46 дугаар ээлжит хуралдаан энэ сарын сүүлчээр хуралдана.
ҮЗХ-ын хуралдаанаар энэ удаад нөхөн сонгуульд ялалт байгуулсан гишүүдийг ҮЗХ-ны гишүүнээр батламжлах, мөн намын Ерөнхий нарийн бичгийн даргыг батламжлах, сонгуульд хэрхэн оролцох талаар ярилцах төлөвтэй байгаа аж. Тодруулбал Ардчилсан намын Гүйцэтгэх зөвлөлийн хурлаар тус нам сонгуульд ИЗНН болон МҮАН-тай нэгдэн оролцох талаар хэлэлцсэн бөгөөд энэ талаар ҮЗХ-ны гишүүдээс санал сонсохоор төлөвлөж байгаа юм байна.
Ардчилсан намын ҮЗХ нийт 228 гишүүнтэй бөгөөд өмнөх хурал нь 2014 оны 11 дүгээр сард болж байсан. Үүнээс хойш тус намын ҮЗХ хуралдаагүй учир энэ удаагийн хурлаар намын дүрэм, бүтэц зохион байгуулалтын талаар ярилцах магадлалтай байгаа юм.
-
2016 оны 1 сарын 14
“Сайдын цаг” уулзалтад Хүнс, хөдөө аж ахуйн сайд Р.Бурмаа оролцлоо
55 минутын өмнө
Print Zasag and PDF
ShareThis Facebook Tweet LinkedIn Email
Төрөөс хүнс, хөдөө аж ахуйн чиглэлээр баримталж буй бодлогын хүрээнд мал аж ахуйн салбарт үхэр, хонины аж ахуйг махны чиглэлээр эрчимтэй хөгжүүлж, махны экспортын нөөцийг нэмэгдүүлэн, бүсчлэн эрүүлжүүлэх бодлого барьж байна. Газар тариалангийн салбарт хөрсний үржил шимд ээлтэй таримал сортын технологийг нутагшуулах, сортын тариалан үрийн аж ахуйн тогтолцоог сэргээн хөгжүүлэх, бүс нутгийн онцлогт тохирсон баталгаажсан таримлын үрийн хэрэгцээг дотоодын үйлдвэрлэлийн үрээр хангах, хөрс боловсруулах элдэншүүлгийн технологийг үйлдвэрлэлд үе шаттайгаар бүрэн нэвтрүүлэхээр ажиллаж байна.
Хүнсний салбарт импортыг орлох хүнсний үйлдвэрлэл, үйлдвэрийн аргаар боловсруулсан мах, сүүн бүтээгдэхүүнийг дэмжих, хүний эрүүл мэндэд сөргөөр нөлөөлөх үйлдвэрлэл, импортыг хязгаарлахад анхаарч байгааг Хүнс, хөдөө аж ахуйн сайд Р.Бурмаа онцоллоо.
Мөн 2016 оны хаврын тариалалтыг хэвийн явуулахад шаардагдах хөрөнгийн эх үүсвэр 100 тэрбум төгрөгийг Хөгжлийн банкнаас эргэн төлөгдөх нөхцөлтэй зээлээр олгохоор шийдвэрлэсэн бол тариалалтад дутагдах 20.0 мян тн үрийн улаанбуудайг импортын гааль, НӨАТ-аас чөлөөлүүлэхээр болсон. Манай улс 2015 оны мал тооллогын дүнгээр 56 сая толгой малд хүрч өмнөх оныхоос 3975 толгой малаар өсч, 18 сая төл хүлээн авсан нь түүхэндээ хамгийн их төл хүлээн авсан жил боллоо гэв.
Цаашид махны нөөцийг нэмэгдүүлж, экспортод гаргахад анхаарч ажилалж байгаа төдийгүй махны нөөц бүрдүүлэхэд 80 тэрбум, экспортод гаргах мах, махан бүтээгдэхүүн бэлтгэхэд 100 тэрбум төгрөгийг төсөвлөжээ. 2014 онд Монгол Улс ОХУ-ын нэг мужид мах экспортолж байсан бол өнөөдрийн байдлаар ОХУ-ын 8 муж, БНХАУ, БНСВУ зэрэг улсуудад дулааны аргаар боловсруулсан мах экспортлохоор болсон байна.
Сүүлийн жилүүдэд малчин өрхийн тоо нэмэгдэж байгаа ч 150 мянган малчин өрхийн 80 мянга орчим нь ямар нэг хэмжээгээр зээлтэй, өндөр хүү төлж байгаа тул Засгийн газраас малчдаа дэмжиж зээлийн хүүг жилийн 1 оронтой тоонд хүргэх үүргийг Ерөнхий сайд өгсөн. Энэ ажлыг ойрын үед шийдэхээр Сангийн яамтай хамтран ажиллаж байна. Ингэснээр малчид зээлийн хүүний дарамтнаас салж, зээлээ мал, малын гаралтай түүхий эдээр төлөх бизнесийн харилцааг зохицуулах боломж бүрдэнэ гэж Хүнс хөдөө аж ахуйн сайд Р.Бурмаа онцоллоо. Тэрээр дараа нь сэтгүүлчдийн сонирхсон асуултад хариулт өглөө гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
- See more at: http://zasag.mn/news/view/11872#sthash.L5zyWvqU.dpuf
-
2016 оны 1 сарын 14
Төрийн шагналын тухай хуулийн төслийг өргөн мэдүүлэв
-
2016 оны 1 сарын 14
Улсын Их Хурлын гишүүн М.Сономпилийг байнгын хорооны даргаар сонгохыг дэмжив
-
2016 оны 1 сарын 14
АЭХ-ны тэргүүнд нэр дэвшигчдэд батламж гардууллаа
-
2016 оны 1 сарын 14
Ипотекийн зээл хэвийн үргэлжлэх эрх зүйн орчинг бүрдүүлэхээр болов
-
2016 оны 1 сарын 14
УИХ-ын чуулганы хуралдаанаар УИХ-ын гишүүн Д.Ганбат нарын 27 гишүүний өргөн барьсан Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүдийг хэлэлцэж эхэлээ. Уг хууль батлагдвал орон сууцны 8 хувийн зээл хэвийн үргэлжлэх боломжтой болохоос гадна хүү буурч 5 хувь хүрэх боломжтой болно. Цаашилбал 530 мянган төгрөгийн орлоготой айл, өрх орон сууцанд орох боломжтой болно гэж хууль санаачлагчид хэлж байгаа юм.
-
2016 оны 1 сарын 14
АН-ын дэргэдэх Ардчилсан эмэгтэйчүүдийн холбооны дөрөвдүгээр дээд чуулган энэ сарын 18-нд Төрийн ордонд болно.
-
2016 оны 1 сарын 14
Зассгийн газраас санаачолан болоьвсруулж өргөн \мэдүүлсэн эмнэлэгийн тусаож үйлчилгээний тухай хуулийг эргүүлэн татаж авлаа. Ажлын хэсэг дээр олон санал гарсан учир тэдний саналыг тусгаад эргүүлэн оруулж ирэахээр болсон тус татаж авлаа.
-
2016 оны 1 сарын 14
Чуулганы өнөөдрийн хуралдаан эхэллээ. Өнөөдрийн хуралдаанаар 14 хууль, тогтоомжийг хэлэлцэж шийдвэрлэхээр төлөвлөсөн. Хэлэлцэх асуудалтай холбогдуулан УИХ-ын гишүүн Н.Батцэрэг, УИХ-ын гишүүн Г.Батхүү нар саналаа хэллээ.
Н.Батцэрэг ”Аюулгүй байдал, гадаад бодлогын байнгын хороог үдээс хойш хуралдуулж өгөх товыг гаргаж өгөөч. Уг байнгын хорооны даргаар манай бүлгээс хүн нэр дэвшүүлсэн. Нэр дэвшүүлж буй хүнийхээ нэрийг солихоор болсон юм. Би Н.Энхбаяр даргатай энэ асуудлаар ярилцаж өөр хүний нэр оруулж ирэхээр болсон юм. Тэгэхээр байнгын хорооны хуралдааны товыг гаргаж өгнө үү” гэв.
Түүний хүсэлтийн дагуу УИХ-ын дарга З.Энхболд Аюулгүй байдал, гадаад бодлогын байнгын хорооны хуралдааны товыг өнөөдөр үдээс хойш зарлалаа.
Харин УИХ-ын гишүүн Г.Батхүү ”Хяналтын тухай болон холбогдох бусад хуулийн төслийг маргаашийн хуралдааны хамгийн сүүлд оруулж өгнө үү. Өчигдөр байнгын хороо шөнө болтол хуралдаад асуудлаа бүрэн цэгцэлж дуусаагүй байгаа учир маргааш хэлэлцэхээр боллоо” гэв.
Түүний хүсэлтийн дагуу уг асуудлыг маргааш хэлэлцэхээр хойшлууллаа.
Ингээд байнгын хорооны бүрэлдэхүүнд өөрчлөлт оруулах тухай асуудлыг одоо чуулганы хуралдаанаар хэлэлцэж байна.
Т.Энхэлээ
-
2016 оны 1 сарын 14
Засгийн газраас баталсан “Монгол цэрэг бүтээн байгуулалтад” хөтөлбөрийн хүрээнд цэргийн алба хаагчдыг мэргэшүүлэх сургалт өчигдрөөс албан ёсоор эхэлж байна. Сургалтын нээлтийг өнөөдөр Налайх дахь МСҮТ-д хийж, Хөдөлмөрийн сайд Г.Баярсайхан, Батлан хамгаалахын сайд Ц.Цолмон болон албаны бусад хүмүүс, “Монгол цэрэг бүтээн байгуулалтад” хөтөлбөрт шаардлагатай ажиллах хүчнийг бэлтгэх сургалтад хамрагдаж буй Ахлагч бэлтгэх төвийн сонсогчид, МСҮТ-ийн сурагч, багш нар оролцлоо.
Монгол Улсын Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд ”Батлан хамгаалах бодлогын хүрээнд цэргийн алба хаагчдыг шинэ бүтээн байгуулалтад оролцуулах арга хэмжээ авах” зорилтыг тусгасан. Энэ дагуу 2013 онд “Монгол цэрэг бүтээн байгуулалтад” хөтөлбөрийг баталсан бөгөөд хөтөлбөрийг хэрэгжүүлэхдээ Зэвсэгт хүчний үндсэн болон тайван цагийн үүрэг гүйцэтгэх чадвар, бэлэн байдлыг алдагдуулахгүйгээр улс орны томоохон бүтээн байгуулалтын ажилд цэргийн алба хаагчдыг оролцуулахдаа тэднийг шаардлагатай мэргэжлээр сургаж, дадлагажуулах үүргийг Хөдөлмөрийн яам хүлээсэн.
Сургалтын нээлтэд зориулж Батлан хамгаалахын сайд Ц.Цолмон, Хөдөлмөрийн сайд Г.Баярсайхан нар үг хэлж мэргэжил эзэмшихээр сурч буй цэргийн алба хаагчид, тэднийг сургаж дадлагажуулах багш мэргэжилтнүүдэд хандаж үг хэлсэн юм.
-
2016 оны 1 сарын 14
Өнөөдөр Хууль зүйн байнгын хороо, Аюулгүй байдал, гадаад бодлогын байнгын хорооны хуралдаан тус тус болно.
1. Хууль зүйн байнгын хорооны хуралдаан “А” танхимд:
Хэлэлцэх асуудал: Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, эцсийн хэлэлцүүлэг/;
Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, анхны хэлэлцүүлэг/.
2. Аюулгүй байдал, гадаад бодлогын байнгын хорооны хуралдаан “Б” танхимд:
Хэлэлцэх асуудал: Байнгын хорооны даргыг сонгох тухай;
Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл /Засгийн газрын 2015.12.11-ний өдөр өргөн мэдүүлсэн, зөвшилцөх/;
“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;
Монгол Улс байнга төвийг сахих тухай болон холбогдох бусад хуулийн төслүүд /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/;
Нууц асуудал /хаалттай/;
Бусад.асуудлыг хэлэлцэхээр товложээ. Байнгын хороодын хуралдаан эхлэх цагийг жич зарлах юм байна.
-
2016 оны 1 сарын 14
МОНГОЛ УЛСЫН ИХ ХУРЛЫН НАМРЫН ЭЭЛЖИТ ЧУУЛГАНЫ 2016 ОНЫ 01 ДҮГЭЭР САРЫН 14-НИЙ ӨДӨР /ПҮРЭВ ГАРАГ/-ИЙН БАЙНГЫН ХОРОО БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ
НЭГ:ЧУУЛГАНЫ НЭГДСЭН ХУРАЛДААН:
09.00 цагаас:
1.Байнгын хорооны бүрэлдэхүүнд өөрчлөлт оруулах тухай:
2.Байнгын хорооны дарга нарыг сонгох тухай:
-Өргөдлийн байнгын хорооны санал, дүгнэлтийг Улсын Их Хурлын гишүүн С.ОДОНТУЯА танилцуулна.
3.Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн Д.ГАНБАТ танилцуулна;
-Хууль зүйн байнгын хорооны санал, дүгнэлтийг Улсын Их Хурлын гишүүн Ц.ОЮУНГЭРЭЛ танилцуулна.
4.“Гацууртын ордын төрийн эзэмшлийн хувь тогтоох тухай” Улсын Их Хурлын тогтоолын төсөл /Засгийн газар 2015.10.23-ны өдөр өргөн мэдүүлсэн, анхны хэлэлцүүлэг/:
-Эдийн засгийн байнгын хорооны санал, дүгнэлтийг Улсын Их Хурлын гишүүн Д.ГАНХУЯГ танилцуулна.
5.Ирээдүйн тэтгэврийн нөөц сангийн тухай болон холбогдох бусад хуулийн төслүүд /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх/:
-Хууль санаачлагчийн илтгэлийг Хүн амын хөгжил, нийгмийн хамгааллын сайд С.ЭРДЭНЭ танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн С.ОДОНТУЯА танилцуулна.
6.“Тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2016.01.08-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх/:
-Хууль санаачлагчийн илтгэлийг Хүн амын хөгжил, нийгмийн хамгааллын сайд С.ЭРДЭНЭ танилцуулна;
-Төсвийн байнгын хорооны санал, дүгнэлтийг Улсын Их Хурлын гишүүн Я.САНЖМЯТАВ танилцуулна.
7.Сонгогдсон болон томилогдсон төрийн өндөр албан тушаалтанд хариуцлага хүлээлгэх тухай болон холбогдох бусад хуулийн төслүүд /Монгол Улсын Ерөнхийлөгч 2015.01.14-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн А.БАКЕЙ танилцуулна.
8.Хяналтын тухай болон холбогдох бусад хуулийн төслүүд /Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/:
/Улсын Их Хурлын гишүүн А.Бакей нарын 9 гишүүн 2014.06.10-ны өдөр өргөн мэдүүлсэн анхны хэлэлцүүлэг/:
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн ….........................танилцуулна.
9.Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/:
-Эдийн засгийн байнгын хорооны санал, дүгнэлтийг Улсын Их Хурлын гишүүн Ж.БАТСУУРЬ танилцуулна.
10.“Монгол Улсын урт хугацааны тогтвортой хөгжлийн үзэл баримтлал /2016-2030 он/ батлах тухай” Улсын Их Хурлын тогтоолын төсөл /Улсын Их Хурлын гишүүн Б.Гарамгайбаатар, С.Бямбацогт, Н.Батцэрэг нарын 10 гишүүн 2016.01.04-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Улсын Их Хурлын гишүүн М.БАТЦЭРЭГ танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн М.БАТЧИМЭГ танилцуулна.
11.Улс төрийн намын тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2016.01.04-ний өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Монгол Улсын Ерөнхийлөгчийн Хүний эрх, хуулийн бодлогын зөвлөх Ч.ӨНӨРБАЯР танилцуулна;
-Төрийн байгуулалтын байнгын хорооны санал, дүгнэлтийг Улсын Их Хурлын гишүүн Н.БАТБАЯР танилцуулна.
12.Эрүүгийн байцаан шийтгэх хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 16 дугаар дүгнэлт үргэлжилнэ:
13.Мэргэжлийн боловсрол, сургалтын тухай хуульд нэмэлт, өөрчлөлт оруулах тухай хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Я.СОДБААТАР танилцуулна.
14.Хөдөлмөр эрхлэлтийг дэмжих тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Засгийн газар 2015.12.30-ны өдөр өргөн мэдүүлсэн, хэлэлцэх эсэх/:
-Хууль санаачлагчийн илтгэлийг Хөдөлмөрийн сайд Г.БАЯРСАЙХАН танилцуулна;
-Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн А.ТЛЕЙХАН танилцуулна.
ХОЁР. БАЙНГЫН ХОРООНЫ ХУРАЛДААН ЧУУЛГАНЫ НЭГДСЭН ХУРАЛДААНЫ ДАРАА /цагийг жич зарлана/:
01 дүгээр сарын 14-ний Пүрэв гарагт:
1.Хууль зүйн байнгын хорооны хуралдаан “А” танхимд:
Хэлэлцэх асуудал:
Монгол Улсын Үндсэн хуулийн цэцийн тухай хуульд өөрчлөлт оруулах тухай, Үндсэн хуулийн цэцэд маргаан хянан шийдвэрлэх ажиллагааны тухай хуульд нэмэлт, өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Х.Тэмүүжин 2015.12.18-ны өдөр өргөн мэдүүлсэн, эцсийн хэлэлцүүлэг/;
Иргэний хуульд нэмэлт оруулах тухай болон Үл хөдлөх эд хөрөнгийн барьцааны тухай хуульд өөрчлөлт оруулах тухай хуулийн төслүүд /Улсын Их Хурлын гишүүн Д.Ганбат нарын 27 гишүүд 2016.01.08-ны өдөр өргөн мэдүүлсэн, анхны хэлэлцүүлэг/.
2.Аюулгүй байдал, гадаад бодлогын байнгын хорооны хуралдаан “Б” танхимд:
Хэлэлцэх асуудал:
Байнгын хорооны даргыг сонгох тухай;
Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл/Засгийн газрын 2015.12.11-ний өдөр өргөн мэдүүлсэн, зөвшилцөх/;
“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;
Монгол Улс байнга төвийг сахих тухай болон холбогдох бусад хуулийн төслүүд /Монгол Улсын Ерөнхийлөгч 2015.10.20-ны өдөр өргөн мэдүүлсэн, хэлэлцэх эсэх үргэлжилнэ/;
Нууц асуудал /хаалттай/;
Бусад.
