-
2017 оны 12 сарын 04
“Зорчигч тээврийн нэгтгэл”-ийн 2 дугаар баазын урлаг наадам амжилттай зохион байгуулагдлаа. Урлагийн наадам багийн мэндчилгээ, гоцлол дуу, бүжиг, уран уншлага,жүжигчилсэн тоглолт гэсэн 4 төрлөөр зохион байгуулагдсан юм. Тэмцээнийг СУИС-ийн багш СТА морин хуурч М.Алтанбат, Хүүхдийн ордоны драмын багш Б.Тунгалаг, 2 дугаар баазын дарга Д.Батбаяр нар шүүсэн. Урлагийн наадам өрсөлдөөнтэй болж нэгдсэн дүнгээр 2 дугаар баазын Техник технологийн албаны засварчдын баг түрүүлсэн.
1. Багийн мэндчилгээгээр:
- Нэгдүгээр байр - ТҮА-ны 2 дугаар хэсэг
- Хоёрдугаар байр – Захиргаа, ИТА
- Гуравдугаар байр – ТҮА-ны 3 дугаар хэсэг
2.Гоцлол дууны төрөлд:
- Нэгдүгээр байр - ТТА-ны засварчин Ж.Болор-Эрдэнэ
- Хоёрдугаар байр – Захиргаа, ИТА багийн О.Алтанбаяр
- Гуравдугаар байр – ТҮА-ны 1 дүгээр хэсгийн Ц.Дайрийжав
3.Бүжгийн төрөлд:
- Нэгдүгээр байр - ТТА-ны засварчдын баг
- Хоёрдугаар байр – ТҮА-ны 3 дугаар хэсэг
- Гуравдугаар байр –Захиргаа, ИТА
4. Жүжигчилсэн тоглолт, уран уншлагын төрөлд:
- Нэгдүгээр байр - ТҮА-ны 3 дугаар хэсэг /жүжигчилсэн тоглолт/
- Хоёрдугаар байр – ТҮА-ны 1 дүгээр хэсгийн жолооч Д.Нэргүй
/уран уншлага/
- Гуравдугаар байр – ЦХА-ны ТДС-ын цахилгаанчин С.Сүхням
/уран уншлагаар тус тус байр эзэллээ.
-
2017 оны 12 сарын 04
Нийслэлийн иргэдийн Төлөөлөгчдийн Хурлын ээлжит бус 2 дугаар хуралдаанаар “Нийслэлийн 2018 оны төсөв”-ийг баталлаа. Тус хурлаар “Нийслэлийн 2018 оны төсвийн төсөл”, “Газар зохион байгуулалтын төлөвлөгөө”, “Нийслэлийн 2018 оны өмч хувьчлал”-ын асуудлыг хэлэлцлээ. Эхний хэлэлцүүлгээр төлөөлөгчид асуулт асууж, санал хэлсэн юм. Мөн намын бүлгүүд, ажлын хороод өнгөрсөн 7 хоногийн турш төсвийн талаар хэлэлцэж, өнөөдөр нэгдсэн дүгнэлтээ хуралдаанд танилцууллаа.
Ирэх 2018 онд Нийслэлийн төсөвт 800 тэрбум 356 сая төгрөгийн орлого төвлөрүүлэхээр тусгасан нь 2017 оны батлагдсан төлөвлөгөөнөөс 81.4 тэрбум төгрөгөөр буюу 11.3 хувиар, хүлээгдэж буй гүйцэтгэлээс 108.0 тэрбум төгрөгөөр буюу 15.6 хувиар, 2016 оны гүйцэтгэлээс 44.5 хувиар тус тус нэмэгдүүлсэн дүнтэй байна. Төсвийн урсгал зардлын талаар мэдээлэхэд, 100.5 мянган оюутан, ахмад настан, цагдаагийн албан хаагчид, хөгжлийн бэрхшээлтэй иргэд гээд нийтийн тээврийн хэрэгслээр үнэ төлбөргүй зорчих зардалд 35.9 тэрбум төгрөг, нийслэл, дүүргийн хот нийтийн аж ахуй, тохижилт үйлчилгээний зардалд 78.9, нийгмийн халамжийн сангийн зардалд 107,1 тэрбум төгрөг, гэмт хэргээс урьдчилан сэргийлэх зардалд 5.2 тэрбум, нийслэлийн эдийн засаг, нийгмийг 2018 онд хөгжүүлэх үндсэн чиглэлийн хүрээнд хэрэгжих хөтөлбөр арга хэмжээнд 16.1 тэрбум төгрөг, бичил бизнесийг дэмжих сангийн зардалд 14.4 тэрбум төгрөг, жижиг дунд үйлдвэрлэлийг дэмжих сангийн зардалд 1.5 тэрбум төгрөгийг тус тус төсөвлөөд байна. Дээрх зардлуудыг төсөвт тусгаснаар хотын шуудын урсгал зардлын нийт дүн 342 тэрбум төгрөг болж байгаа юм. Улсын төсөвт 208 тэрбум төгрөг төвлөрүүлэхээр тусгасан байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 04
Нийслэлийн прокурорын газраас 11 дүгээр сард Нийслэлийн ерөнхий прокурорын баталсан
-
2017 оны 12 сарын 04
Өнгөрсөн аравдугаар сарын 13-ны өдөр Засгийн газрын хэрэг эрхлэх газрын дэд дарга асан Г.Дэнзэнд холбогдох хэргийг Улсын дээд шүүхээс хэлэлцээд анхан шат болон нийслэлийн давж заалдах хоёр шатны шүүх хурлын шийдвэрийг хүчингүй болгож, улмаар хэргийг анхан шатанд буцаасан. Дээд шүүхээс гаргасан шийдвэрийн дараа иргэн Г.Дэнзэнг суллах ёстой байсан ч өнөөг хүртэл Майнтын хорих ангид хорьж буй. Уг нь хүндэвтэр хэрэгт сэжигтнээр татагдсан иргэнийг хуулийн дагуу 12 сар хүртэлх хугацаанд хорих ёстой. Гэтэл түүнийг 2016 оны тавдугаар сард саатуулснаас хойш нийтдээ 18 сар ийнхүү хорьсон нь хууль хяналтын байгууллагынхан өөрсдөө хууль зөрчсөн үйлдэл гаргаж буй явдал юм.
Дээд шүүхийн шийдвэр гарсаны дараа Г.Дэнзэнгийн өмгөөлөгч үйлчлүүлэгчээ гаргаж авах хүсэлт өгч уг хүсэлтийг хүлээн авах эсэх шүүх хурал Чингэлтэй дүүргийн шүүхэд болсон ч шүүгч Г.Буяннэмэх хүсэлтийг нь хүлээж авахгүй үргэлжлүүлэн хорих шийдвэр гаргасан байна. Харин Г.Дэнзэнгийн өмгөөлөгч шүүгч Г.Буяннэмэхийг ашиг сонирхолын зөрчилтэй шийдвэр гаргалаа хэмээн үзэж байна.
Шүүгч Г.Буяннэмэх яагаад ийм шийдвэр гаргав. Энэ оны нэгдүгээр сард давж заалдах анхан шатны шүүх хурал болохын өмнө шүүгч Буяннэмэх “Эрүүгийн хуулийн тусгай ангийн 265 дугаар зүйл ангиар (энэ нь өршөөлд хамрагдсан заалт байсан) зүйлчилсэн нь буруу. Харин 263 дүгээр зүйл ангиар зүйлчлэх ёстой” гэж ялыг хүндрүүлсэн захирамж гаргаж хэргийг мөрдөн байцаалтад буцаасан байна.
Ингэж захирамж гаргахдаа шүүгч Г.Буяннэмэх иргэн Г.Дэнзэнг прокуророос ялласан Эрүүгийн хуулийн тусгай ангийн 265 дугаар зүйл ангийг өөрчилж 263-аар зүйлчил гэсэн утга бүхий захирамж гаргасан нь хууль бус үйлдэл юм. Тиймээс Г.Дэнзэнгийн өмгөөлөгч шүүгч Г.Буяннэмэхийг Шүүхийн ёс зүйн хороонд өгч, Монгол улсын үндсэн хууль болон бусад хуулийг ноцтой зөрчсөн гэж үзэн огцруулах, сахилгын хариуцлага ногдуулах талаар гомдол гаргаад байгаа аж. Өөрөөр хэлбэл ашиг сонирхолын зөрчилтэй шүүгчийн үзэмжээр дахин хүний эрх, хууль зөрчигдөж дээд шүүхийн шийдвэр өнөөдрийг хүртэл биелэлээ олоогүй байна.
Эх сурвалж: “Үндэсний шуудан” сонин
-
2017 оны 12 сарын 04
Өнгөрсөн долоо хоногийн сүүлээр Дарханы төмөрлөгийн үйлдвэрийн ажилчид хордлогын шинжтэйгээр
-
2017 оны 12 сарын 04
Шинэ жилээр иргэд дөрөв хоног амрах нь. Учир нь арванхоёрдугаар сарын 29-ний баасан гарагт бүх нийтээр амардаг Үндэсний эрх чөлөө, тусгаар тогтнолоо сэргээсний баярын өдөр тохиож байна.
”Нийтээр тэмдэглэх баярын болон тэмдэглэлт өдрүүдийн тухай” хуульд зааснаар арванхоёрдугаар сарын 29 болон нэгдүгээр сарын 1-ний шинэ жилийн баяраар бүх нийтээр амрахыг хуульчилсан байдаг. Харин тэдгээр өдрүүдийн хоорондох арванхоёрдугаар сарын 30, 31-ний өдрүүд амралтын бямба, ням гарагуудад таарч байна.
4.1.Нийтээр тэмдэглэх баярын өдөр:
4.1.4.Шинэ жил: 1 дүгээр сарын 1;
4.1.7.Үндэсний эрх чөлөө, тусгаар тогтнолоо сэргээсний баярын өдөр: 12 дугаар сарын 29.
-
2017 оны 12 сарын 04
Нийслэлийн иргэдийн Төлөөлөгчдийн Хурлын ээлжит бус 2 дугаар хуралдаанаар “Нийслэлийн 2018 оны төсвийн төсөл”-ийг хэлэлцэж байна. Улаанбаатар хотын ирэх оны төсвийн эцсийн хэлэлцүүлгийг төлөөлөгчид хийж байгаа юм. Уг хуралд Нийслэлийн Засаг дарга бөгөөд Улаанбаатар хотын захирагч С.Батболдын тавьсан “Нийслэлийн 2018 оны төсвийн төсөл”-ийн онцлох мэдээллийг тоймлон хүргье.
Үүнд,
Нийслэлийн төсвийн орлого 2017 оны хүлээгдэж байгаа гүйцэтгэлээс 81.4 тэрбум төгрөгөөр нэмэгдэж, 800.3 тэрбум төгрөгт хүрлээ.
Нийслэлийн төсвөөс 208.5 тэрбум төгрөгийг “Монгол Улсын нэгдсэн төсөвт” төвлөрүүлэхээр төсөвлөсөн байна.
Нийслэлийн төсвийн хөрөнгөөр 111тэрбум 585 сая төгрөгийн хөрөнгө оруулалтын ажил хийхээр тусгасан.
Концессын өр төлбөргүй Улаанбаатар хот болно. Өрөө 2018 онд барагдуулж дуусна.
Нийгмийн салбарт 18 тэрбум 771.4 сая төгрөгийн хөрөнгө оруулалтын ажил хийнэ. Боловсролын салбарт 6 тэрбум 924 сая төгрөг, эрүүл мэндийн салбарт 8 тэрбум 373 сая төгрөг, нийгмийн халамжийн салбарт 3 тэрбум 474 сая төгрөгийн ажил хийнэ.
Боловсролын салбарт 1310 ор бүхий цэцэрлэгийн 7 барилгыг ашиглалтад оруулна. Улсын төсвөөр 50 сургууль, 30 цэцэрлэг баригдана.
Чингэлтэй дүүргийн түргэн тусламжийн төв, Багахангай дүүргийн 40 ор бүхий эмнэлгийг ашиглалтад оруулж, Туул тосгоны 32 ор бүхий эрүүл мэндийн төвийн барилгыг шинээр барьж эхлүүлнэ.
Хот байгуулалтын салбарт 72 тэрбум 823 сая төгрөгийн хөрөнгө оруулалт хийгдэнэ.
Нийслэлд 2018 онд шинээр баригдах барилга, байгууламжийн газар чөлөөлөх, нөхөх олговорт 15.0 тэрбум төгрөг зарцуулж, бүтээн байгуулалтыг хийнэ.
Гэр хороололын дахин төлөвлөлтийн хүрээнд төвийн бүсийн инженерийн шугам сүлжээ, барилга угсралтын ажилд 10.1 тэрбум төгрөг, дундын бүсийн гэр хороололд хэсэгчилсэн инженерийн хангамжийг нэвтрүүлэх “Дэд бүтцийн төв” байгуулах ажилд 5 .0 тэрбум төгрөгийн хөрөнгө оруулалт хийгдэнэ.
“Дугуйн зам “хөтөлбөрийг үргэлжүүлэн хэрэгжүүлнэ.
Гандан орчмын гэр хорооллын инженерийн шугам сүлжээний барих ажилд 500.0 сая төгрөгийг төсвийн төсөлд тусгаад байна.
Нийслэлийн замын сангийн хөрөнгөөр 36 тэрбум 862,9 сая төгрөгийг хөрөнгө оруулалтыг хэрэгжүүлнэ.
Байгаль орчны салбарт 3 тэрбум 950.0 сая төгрөгийн хөрөнгө оруулалтыг төлөвлөсөн байна.
Хот нийтийн аж ахуйн салбарт 8 тэрбум 2 сая төгрөг зарцуулна.
“Утаагүй Улаанбаатар хөтөлбөр”-ийн хүрээнд агаарын чанарыг сайжруулах арга хэмжээнд 3 тэрбум 0 сая төгрөг төсөвлөөд байна.
Улаанбаатар хотод концессын 80 гаруй тэрбум төгрөгийн өр төлбөр үүсээд байсан. Хотын дарга төрийн ажил хийгээд өр, авлагатай болсон компаниудын өрийг барагдуулж, төр хүлээсэн үүргээ биелүүлэх шийдвэр гаргасан. 2018 онд концессын өрийг бүрэн барагдуулж дууссанаар хот өрийн нэг дарамтнаас салж байна.
-
2017 оны 12 сарын 04
Одоогийн байдлаар хордлогын шинж илэрсэн 51 хүнээс 31 нь аймгийн НЭ-т хэвтэн эмчлэгдэж, 20 хүн өрхийн эмчийн хяналтад байна. 3 өвчтний биеийн байдал хүндэвтэр, эмнэлгийн тусламж үйлчилгээ хэвийн явагдаж байгаа талаар тус аймгийн ЭМГ-ын дарга Б.Батцэнгэл мэдээллээ. Холбогдох албаныхан урьдчилсан байдлаар шалтгаан тодорхойгүй, химийн хордлого, цутгуурын халууралт гэж үзэн голомтыг цомхотгох хариу арга хэмжээг авч ажиллаж байна. Тархвар судлал, лабораторийн шинжилгээг үндэслэн нян, вирүсийн гаралтай халдварт өвчин байх магадлалыг үгүйсгээд байна.
-
2017 оны 12 сарын 04
Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсийн алба хаагчид их хэмжээний
-
2017 оны 12 сарын 04
НҮБ-ын Хойд Солонгосын эсрэг хориг тавиад байгаа билээ. Тэгвэл тус хоригийн хүрээнд БНАСАУ-аас манай
-
2017 оны 12 сарын 04
Залуу Манлайлагч эмэгтэйчүүдийн чуулганд 21 аймаг 9 дүүргийн салбар салбарын төлөөлөл болсон манлайлагч 100 орчим эмэгтэйчүүд оролцлоо. Чуулганаа зорин хамгийн холоос Ховд, Увс, Баян-Өлгий аймгийн төлөөлөгчид хүрэлцэн ирсэн байлаа. Мөн төрийн болон төрийн бус байгууллага, аж ахуй нэгж байгууллага, олон улсын байгууллага болон хувиараа бизнес эрхэлдэг салбар салбарын манлайлагч бүсгүйчүүд чуулганд идэвхтэй оролцлоо.
Залуу манлайлагч эмэгтэйчүүдийн чуулгандСангийн яамны дэд сайдХ. Булгантуяа Шийдвэр гаргах төвшинд эмэгтэйчүүдийн оролцоо,Жендэрийн үндэсний шинжээчЖ.Занаа ”Шийдвэр гаргах түвшинд эмэгтэйчүүдийн оролцоо хангах нөлөөл”,Залуучуудын хөгжлийн ”Полиси” төвийн захиралБ.Цэвэлмаа ”Залуу эмэгтэйчүүд нийгмийн оролцоо, манлайллыг бэхжүүлэх туршлага арга зүй”,lhamourбрендийн үүсгэн байгуулагчД. Хулан -”Бизнесийн салбарт эмэгтэйчүүдийн оролцоо”,Их Монгол Язгууртан ТББ-ын ерөнхийлөгчГ. Оюун ”Их монгол төрийн ирээдүйн тулах багана”,Хөөрхөн зүрхнүүдийн аян ТББ-ын зохицуулагчБ.Оюундарь Хөгжлийн бэрхшээлтэй эмэгтэйчүүдийн нийгмийн оролцоог нэмэгдүүлэх боломжзэрэг сэдвээр илтгэл тавьж, өөрийн туршлагаасаа хуваалцсан юм. Илтгэгч нарын илтгэлээс голлох санааг нь товчлон хүргэе.
Сангийн дэд сайд Х.Булгантуяа: Эмэгтэйчүүдийн оролцоог хангахгүйгээр Монгол Улс хөгжинө гэж байхгүй
”Эмэгтэйчүүд бид маш эерэг хүмүүс байдаг. Эмэгтэйчүүдийн оролцоог хангахгүйгээр Монгол Улс хөгжинө гэж байхгүй. Монгол Улс эмэгтэйчүүдийнхээ эрхийнхээ асуудлаар харьцангуй гайгүй байдаг ч, бидэнд манлайллаа нэмэгдүүлэхэд бас л их ажил байна. эмэгтэйчүүд бидэнд нийгэмд ажиллах, амьдрах боломжийг нээж өгөөчээ гэдгийг л хүсээд байгаа юм. Эмэгтэйчүүддээ би өөртөө итгэлтэй бай, өөрчлөлтөөс бүү ай, сониуч зангаа хэзээ ч битгий алдаарай, бусдаас үргэлж суралцдаг байгаасай, өөрийнхөө одоо байгаа байдалдаа сэтгэл хангалуун байх хэрэгтэй. Дэлхийг өөрчилж чадна гэж итгэсэн хүн л өөрчилж чаддаг” гэдгийг илтгэлдээ онцолсон юм.
Lhamourбрэндийн үүсгэн байгуулагч Д.Хулан: Хүн өөрийгөө олно гэдэг хамгийн чухал
”Би 3 жилийн өмнө өөрийн бизнесээ эхлүүлж байсан. Гэрээсээ буюу ариун цэврийн өрөөнөөсөө эхэлсэн. 11 сарын байдлаар 26000 бүтээгдэхүүнийг үйлдвэрлэсэн байгаа. Одоогийн байдлаар долоон улс руу бүтээгдэхүүнээ экспортолж байна. Би өдөр болгон өөрийгөө хөгжүүлэхийг хичээдэг. Таван зүйлийг л та бүхэнтэй хуваалцахыг хүслээ. Хүн өөрийгөө олох нь хамгийн чухал, үнэ цэнээ мэдрэх, энгийн зүйлийг ч тууштай хийвэл агуу байдаг, хайрцагнаас гадуур сэтгэх, тууштай байх хэрэгтэй юм байна лээ гэдгийг та нартайгаа хуваалцахыг хүссэн юм”.
Их Монгол Язгууртан ТББ-ын ерөнхийлөгч Г. Оюун: Биенээ хайрла, нэгнийгээ хүндэл, бусдыгаа сонс
”Эмэгтэй хүн гэдэг зөвхөн хүйсийн ялгаатай хүн бишээ. Эмэгтэй хүн үр удмаа үлдээж, үндэс угсаагаа бүтээх биологийн үүрэгтэй. Үр удамдаа элбэрэлт эх, үүх түүхэндээ өрлөг эх, өв соёлдоо оюунт эх байх эрхэм үүргээр тодорхойлогдоно. Монгол эмэгтэйн хатан ухаан, хатан зориг, хатан тэвчээр нь эрхэм нандин чанар мөн. Энэхүү эрхэм чанарыг Монгол эмэгтэй бүр өөрийн итгэл үнэмшил, үйлс зоригоо болгож, эрхэмлэн дээдэлвээс өрх гэр маань өнөд жаргалтай, айл гэр маань ашид жаргалтай, улс гэр маань мөнхөд жаргалтай байж Их Монгол төр амар амгаланг олно”. Гэдгийг онцлон илтгэлдээ дурьдсан юм.
Монголын тэргэнцэртэй иргэдийн үндэсний холбооны тэргүүн Б.Чулуундолгор:Өрөвдөж, хайрласан хандлага хөгжлийн бэрхшээлийг улам нэмэгдүүлж байдаг
”Хүн угаас заяамал эрхтэй байдаг. Хүн төрөхдөө л өөрийн салшгүй эрхтэй төрдөг. Нийгмийн үйлчилгээ нь ялгаатай хүмүүсийн хэрэгцээнд нийцсэн байх ёстой байдаг. Тэгж байж хүний эрх, оролцоо хангагддаг. Хөгжлийн бэрхшээлтэй дээр нь эмэгтэй байх нь нийгмийн давхар алагчлалд өртдөг. Өрөвдөж, хайрласан хандлага хөгжлийн бэрхшээлийг улам нэмэгдүүлж байдаг. Эрх тэгш хандлага маш чухал”.
Жэндерийн үндэсний шинжээч Ж.Занаа, МЗХ-ны Залуучуудын Хөгжлийн ”Полиси” төвийн захирал Б.Цэвэлмаа нар ” Хэрхэн манлайллаа нэмэгдүүлэх, нийгэмд шийдвэр гаргах төвшинд оролцоогоо нэмэгдүүлэх” сэдвээр илтгэл тавьж, багийн сургалтуудыг явуулсан юм. Мөн чуулганы танхимд чөлөөт уран бүтээлч Х.Ариунзаяагийн ”Нүдээ Нээ: Нүцгэн Үнэн” уран бүтээлийн үзэсгэлэнгээсээ толилууллаа.
Чуулганы үр дүнд салбар салбарын төлөөллүүд нэгдэн залуу эмэгтэйчүүдийг дэмжих,тэднийг өөрсдийнх нь оролцоотойгоор хөгжүүлэхзорилгоор ”Залуу эмэгтэйчүүдийн хөгжлийн төв”-ийг байгуулсан юм. Тус төв нь МЗХ-ны 21 аймгийн залуучуудын холбооны дэмжлэгтэйгээр залуу эмэгтэйчүүдэд хүрч ажиллах юм.
-
2017 оны 12 сарын 04
Хоёр жилийн өмнө гэртээ ганцаараа амьдардаг 70 настай эмэгтэйг хөнөөсөн хэрэг гарч байсан билээ.
-
2017 оны 12 сарын 04
Нийслэлийн Иргэдийн Төлөөлөгчдийн хурлын ээлжит 12-р хуралдаанаар “Нийслэлийн 2018 оны төсвийн төсөл”-ийн эцсийн хэлэлцүүлгийг хийж эхэллээ. Хуулиараа арванхоёрдугаар сарын 5- ны дотор “Нийслэлийн 2018 оны төсөв” “Газар зохион байгуулалтын төлөвлөгөө” “Нийслэлийн өмчөөс 2018 онд хувьчлах эд хөрөнгийн жагсаалт”-ыг цогцоор нь хэлэлцэн батална. Тиймээс Нийслэлийн Иргэдийн Төлөөлөгчдийн хурлын намын бүлэг, ажлын хороодоор өнгөрсөн долоо хоногт дээрх төслүүдийг хэлэлцэж, санал дүгнэлтээ өгсөн байна. Өнөө өглөө эхэлсэн Нийслэлийн Иргэдийн төлөөлөгчдийн хурлын эхэнд МАН, АН-ын бүлгээс ирэх оны төсвийн талаарх санал дүгнэлтээ танилцууллаа. Нийслэлийн 2018 оны төсвийг МАН-ын бүлэг бүхэлд нь дэмжиж байгааг бүлгийн дарга С.Мөнхчулуун танилцуулж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 04
Өнгөрсөн долоо хоногийн онцлох үйл явдлын нэг нь С.Зоригийн амь насыг хөнөөсөн хэргийн тодорхой хэсгийг ил болгосон явдал байв. Уг хэрэгтэй холбоотой 15 мянган хуудас материал байдгаас 74 хуудсыг нууцад хэвээр үлдээж, бусдыг нь ил болгосноор 19 жилийн турш монголчуудын дунд асуулт хэвээр байсан хэргийн учиг нийтэд бага багаар ил болох нь. Гэхдээ хэргийн материалыг ил болгосноор шийтгүүлсэн гурван хүний хэрэг эргэн сөхөгдөх үү гэдэг тодорхойгүй байна.
-
2017 оны 12 сарын 04
Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.
Нийслэлийн цагдаагийн газрын дарга, цагдаагийн хурандаа Д.Ядамдорж “Өнгөрсөн 14 хоногийн хугацаанд гэмт хэрэг, зөрчил, зам тээврийн ослын шинжтэй 25422 дуудлага, мэдээлэл хүлээн авсан нь өмнөх 14 хоногтой харьцуулахад 152 нэгж буюу 0.6 хувиар буурсан, гэмт хэргийн шинжтэй 1183 үйлдэл бүртгэгдсэн нь 183 нэгж буюу 18.3 хувиар өссөн үзүүлэлттэй байна. Давхардсан тоогоор цагдаагийн 4834 алба хаагч, 206 сонсогч эргүүлд үүрэг гүйцэтгэн архи согтууруулах ундаа хэтрүүлэн хэрэглэж бусдын амгалан тайван байдлыг алдагдуулсан 1076 иргэнийг саатуулан, биеэ авч явах чадваргүй 389 иргэнийг ар гэр асран хамгаалагчид нь хүлээлгэн өгч, 49 гэмт хэргийг үйлдэл дээр нь илрүүлж, таслан зогсоож ажилласан” гэж танилцуулав.
“Замын цагдаагийн албаны Мэдээлэл шуурхай удирдлагын хэлтэст 3402 дуудлага мэдээлэл ирснээс хүн гэмтсэн хэргийн шинжтэй 105, зөрчлийн шинжтэй 2223 дуудлагад очиж хойшлуулшгүй ажиллагаа явуулан, 95 ослыг материалжуулан шалгаж байна. Гудамж замд хийсэн шалгалтаар илэрсэн зөрчил өмнөх оны мөн үетэй харьцуулахад хоёр дахин нэмэгдэж, торгуулсан хүний тоо болон торгуулийн мөнгөн дүн тус тус өссөн үзүүлэлттэй байна. Замын цагдаагийн албаны даргын баталсан “Нийтийн тээвэр-Аюулгүй зорчигч” сэдэвт арга хэмжээний удирдамж, төлөвлөгөөний дагуу нийтийн тээврийн үйлчилгээ эрхлэгч аж ахуйн нэгж байгууллагын үйл ажиллагаанд шалгалт хийлээ. Нийтийн тээврийн 18 байгууллагын 825 автобус байгаагаас 565 автобусыг шалгаж 176 автобус зөрчилтэй байлаа. Том оврын нийтийн тээврийн хэрэгслийн насжилтийн хувьд 2005-2011 онд үйлдвэрлэгдсэн, тээврийн хэрэгслийн гэрчилгээгүй, цахилгааны засвартай зэрэг техникийн бүрэн бүтэн байдлыг хангаагүй ноцтой зөрчлүүд илэрсэн. Мөн техникийн үзлэг тооллогод хамрагдаагүй, мэргэшсэн жолооны үнэмлэхгүй, техникийн өнгө үзэмж байдлын хувьд муу, хаяг дутуу, дуут дохио ажиллахгүй, утаа ихтэй, улсын дугаарын гэрэл асахгүй буюу бүдгэрсэн, лед гэрэл тавьсан, суудлын бүрээсгүй, жолооч хамгаалах бүсээр тоноглогдоогүй зэрэг зөрчил нийтлэг ихээр илэрсэн. Шалгалтын хүрээнд зарим зөрчлийг газар дээр нь арилгуулан Зөрчлийн тухай хуулийн 14.7 дахь хэсгийг үндэслэн 2.600.000 төгрөгөөр торгож арга хэмжээ тооцон ажиллалаа” гэж Нийслэлийн цагдаагийн газрын Замын хөдөлгөөний хяналтын газрын дарга, дэд хурандаа Б.Эрдэнэбат мэдээллээ.
Нийслэлийн онцгой байдлын газрын дарга, хурандаа Ж.Чүлтэмсүрэн “Өнгөрсөн 14 хоногийн хугацаанд хүйтэрч зарим өдрүүдэд бага зэргийн цастай байлаа. Энэ хугацаанд аюулт үзэгдэл, техникийн холбогдолтой ослын 116 удаагийн дуудлагыг хүлээн авч Гал унтраах, аврах ангиуд объектын гал түймрийн 101, техникийн холбогдолтой осол, аврах ажиллагааны 15 удаагийн дуудлагаар үүрэг гүйцэтгэсэн. Сэлэнгэ аймгийн Мандал суманд 11 дүгээр сарын 18-ны өдөр мал, амьтны гоц халдварт шүлхий өвчин гарч, хорио цээрийн дэглэм тогтоон тухайн орон нутгийн авто замын хөдөлгөөнд хязгаарлалт хийсэнтэй холбогдуулан, СХД-ийн 22-р хороо Шижирийн даваа, ЧД-ийн 19-р хороо Ар гүнтийн даваагаар давж маршрутын бус замаар Улаанбаатар хотод ирэх авто тээврийн хөдөлгөөн ихэссэн тул дээрх газруудад мэргэжлийн байгууллагуудын хамтарсан хяналт шалгалтын постыг 2017 оны 11 дүгээр сарын 21-ний өдрөөс эхлэн 24 цагаар ажиллуулж байна. Нийт 1559 тээврийн хэрэгсэл нэвтэрснийг шалгаж, амьд мал, түүхий эд, бүтээгдэхүүн тээвэрлэсэн, гарал үүслийн бичиг баримтгүй 144 автомашиныг буцааж, 1415 автомашиныг ариутгал халдваргүйжүүлэлт хийж нэвтрүүлсэн” гэж танилцуулав.
“Зөрчлийн тухай хуулийн зөрчил шалган шийдвэрлэх ажиллагааны дагуу мэргэжлийн хяналтын улсын /ахлах/ байцаагчид 791 зүйл заалтаас 686 зүйл заалтын дагуу хяналт шалгалт хийж байна. Агаарын чанар сайжруулах 1-4 дүгээр бүсэд үйл ажиллагаа явуулж буй 8311 иргэн, аж ахуй нэгжид шалгалт хийж 3384 мэдэгдэх хуудас, 94 зөвлөмж, 294 албан шаардлага хүргүүлэв. Мөн 18 акт тавьж, 18.1 сая төгрөгийн шийтгэл ногдуулан барагдуулж, 397 объектод цахилгаан халаагуур тавиулж, 9 обьектын уламжлалт энгийн зуухыг бүрэн шаталтат сайжруулсан зуухаар солиуллаа” гэж Нийслэлийн Мэргэжлийн хяналтын газрын дарга Л.Эрдэнэчулуун ярилаа.
Зөвлөгөөний төгсгөлд Нийслэлийн Засаг дарга бөгөөд Улаанбаатар хотын захирагч С.Батболд “Төсвийн тухай хуулийн дагуу төсвийн жилд өр авлага үүсгэлгүй ажиллах, төсвийг зориулалтын зүйлд зарцуулах, төсвийн сахилга хариуцлагыг сайжруулахад анхаарч ажиллах нь зүйтэй” гээд “Нийслэлийн 2017 оны төсвийн тодотгосон төлөвлөгөөний дагуу үлдэж буй 1 сарын хугацаанд төсвийн орлого бүрдүүлэгч байгууллагууд орлого бүрдүүлэх ажлаа эрчимжүүлэн, төсвийн орлогын төлөвлөгөөг 12 дугаар сарын 25-ны өдрийн дотор нэр төрлөөр нь ханган биелүүлэх, Нийслэлийн Засаг даргын 2017 оны “Нийслэлийн нутгийн захиргааны байгууллагын удирдах албан тушаалтнуудын хороодод ажиллах хуваарийг батлах тухай” А/918 дугаар захирамжийн хэрэгжилтийг 2018 оноос эхлэн хангаж ажиллах, Татварын орлогын ногдол, өрийн дутууг барагдуулах ажлыг зохион байгуулахыг холбогдох албан тушаалтнуудад үүрэг болгов гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 12 сарын 04
Өмнөговь аймгийн Цогтцэций сумаас 8 км зайд, Бор толгой нэртэй газар өнгөрсөн бямба
-
2017 оны 12 сарын 04
Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсийн алба хаагчид их хэмжээний хохиролтой ноцтой гэмт хэргийг илрүүлэн, шалгалтын ажиллагаа явуулж байна.
Тодруулбал, Монгол Улсын иргэн Ц, Б нар нь гадаад улсын иргэдтэй бүлэглэн нэгэн арилжааны банкны карт уншигч /ПОС терминал/ төхөөрөмжийг хуурч мэхлэх замаар олж авч, үүнийгээ ашиглан их хэмжээний хохиролтой эдийн засгийн гэмт хэргийг үйлджээ. Гэмт этгээдүүд 2017 оны 11 дүгээр сарын 17-ны өдрөөс 30-ний өдрийн хугацаанд гадаад улсын арилжааны банкны төлбөрийн цахим картын мэдээллийг хууль бусаар олж аван уг төхөөрөмжөөр дамжуулан бусдад 170 гаруй сая төгрөгийн хохирол учруулсан болох нь урьдчилсан байдлаар тогтоогдоод байгаа аж.
Цагдаагийн байгууллагаас тухайн банктай хамтран ажилласан нь уг хэргийг шуурхай илрүүлэх нөхцөл бүрджээ. Хэргийн холбогдогч Монгол Улсын хоёр, гадаадын гурван иргэнд Монгол Улсын Эрүүгийн хуулийн тусгай ангийн 18.7 дугаар зүйлийн 3 дахь хэсэгт зааснаар эрүүгийн хэрэг үүсгэн, ШШГЕГ-ын харьяа Цагдан хорих 461 дүгээр ангид баривчлан шалгаж байгаа юм.
Иймд арилжааны банкууд аливаа байгууллага, хувь хүнд ПОС терминал машин гэрээгээр эзэмшүүлэх гэж байгаа тохиолдолд харилцагчийн мэдээллийг сайтар шалгаж, судлах, гүйлгээнд хяналт тавих, карт уншигч төхөөрөмжөөр дамжуулан богино хугацаанд их хэмжээний гүйлгээ хийгдсэн бол цагдаагийн байгууллагад мэдэгдэх зэргээр болзошгүй гэмт хэргийн хохирогч болохоос урьдчилан сэргийлэхийг цагдаагийн байгууллагаас анхааруулж байна.
Эрүүгийн хуулийн “18.7 дугаар зүйл. Мөнгөн тэмдэгт, үнэт цаас, төлбөр тооцооны хэрэгсэл хуурамчаар бэлтгэх, ашиглах
1. Үнэт цаас, цахим карт, төлбөрийн бусад хэрэгсэл, онцгой албан татварын тэмдэгт, санхүүгийн баримтыг хуурамчаар үйлдсэн, хуурамчаар үйлдсэнийг мэдсээр байж хадгалсан, ашигласан, зөөвөрлөсөн, тараасан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар хорих ял шийтгэнэ.
2. Монгол Улсад төлбөр тооцооны хэрэгсэл болгон ашиглаж байгаа үндэсний, гадаад улсын мөнгөн тэмдэгтийг хуурамчаар үйлдсэн, хуурамчаар үйлдсэнийг мэдсээр байж ашигласан, хадгалсан, зөөвөрлөсөн, тараасан бол хоёр жилээс найман жил хүртэл хугацаагаар хорих ял шийтгэнэ.
3. Энэ гэмт хэргийг зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ” гэж заасан байдаг.
-
2017 оны 12 сарын 04
2017 оны 12 дугаар сарын 05-наас 12 дугаар сарын 09-нийг хүртэлх цаг агаарын урьдчилсан төлөв:
-
2017 оны 12 сарын 04
2017 оны 12 дугаар сарын 03-ны 20 цагаас 12 дугаар сарын 04-ний 20 цаг хүртэлх цаг агаарын урьдчилсан мэдээ:
-
2017 оны 12 сарын 02
Цагдаагийн байгууллагад гэмт хэрэг зөрчилтэй дуудлагаас нэг өдрийн дотор нийтдээ дөрвөн хүн осгосон байдалтай нас барсан байжээ.
