-
2017 оны 8 сарын 28
2017 оны 08 дугаар сарын 29-нөөс 09 дүгээр сарын 02-ныг хүртэлх цаг агаарын урьдчилсан төлөв:
-
2017 оны 8 сарын 28
Үс засуулбал: Өнгө зүс сайжирна
Наран ургах, шингэх: 06.07-19.42
Барилдлага: Хүчин төгсөх
Шүтэн барилдлага: Мунхрахуй
Суудал: Төмөр
-
2017 оны 8 сарын 28
Монгол улсад үйл ажиллагаа явуулж буй Ротари ТББ байгууллагын санаачилгаар Олон Улсын Ротари 3450 дүүрэг, Олон Улсын Ротари 3080 дүүрэг хамтран Олон Улсын Ротари байгууллагын санхүүжилтээр хэрэгжүүлэх глобал грант төслийн хүрээнд БНЭУ-аас 16 хүний бүрэлдэхүүнтэй мэс заслын эмч нарын мэргэжлийн профессорын баг 2017 оны 8 дугаар сарын 28-наас 9 дүгээр сарын 8-ны хооронд ирж ажиллах гэж байна.
Эмч нар П.Н.Шастины нэрэмжит Улсын гуравдугаар эмнэлэгт мэдрэлийн мэс засал, дурангийн мэс засал, мэдээгүйжүүлэлт, Эх, хүүхдийн эрүүл мэндийн үндэсний төвд чих, хамар, хоолойн чиглэлээр, Гэмтэл согог судлалын үндэсний төвд гар сарвуу болон түлэнхий мэс заслын тасагт, Амгалан амаржих газарт эмэгтэйчүүдийн нээлттэй болон дурангийн мэс заслыг үнэ төлбөргүйгээр хийх, сургалт зохион байгуулах гэж байна. Хавдар судлалын үндэсний төвд өвчтөний асаргаа, сувилгаа, эмчилгээний чиглэлээ танхимын болон ажлын байрны багц цагийн сургалтуудыг зохион байгуулах байна.
Төслийн үйл ажиллагаанд Монголын Туул, Хүрээ, Нийслэл, Улаанбаатар, Сэлбэ, Улаанбаатар Централ, Хангарьд Ротари клубийн Ротаричууд сайн дураар оролцож тусалж байна.
Нээлтийн арга хэмжээ маргааш 28-ны Даваа гаригт 3 дугаар эмнэлэг дээр болох тул сонирхсон сэтгүүлч, сурвалжлагч нарыг урьж байна.
-
2017 оны 8 сарын 28
2017 оны 08 дугаар сарын 27-ны 20 цагаас 08 дугаар сарын 28-ны 20 цаг хүртэлх цаг агаарын урьдчилсан мэдээ:
-
2017 оны 8 сарын 27
Увс аймгийн Тариалан сумын Тарвагатай багийн “Оорог” гэдэг газарт хүчтэй газар хөдөлжээ.
-
2017 оны 8 сарын 27
Хичээлийн шинэ жил эхлэхийн өмнөх амралтын өдрүүдэд автомашиныг улсын дугаарын тэгш, сондгойгоор ангилж, замын хөдөлгөөнд оролцуулах Хотын даргын захирамж гараад байгаа билээ.
-
2017 оны 8 сарын 27
Үндэсний статистикийн хорооноос гол нэрийн барааны үнийн судалгааныг гаргажээ. Наймдугаар сарын 23-ны өдрийн байдлаар гол нэрийн барааны үнийг өмнөх сартай харьцуулахад 2.2 хувиар өсчээ.
-
2017 оны 8 сарын 27
2017.8.27, Ням гараг / Билгийн тооллын: 6
Намрын эхэн шар бич сар
Зургаан цагаан мэнгэтэй Улаан нохой өдөр
-
2017 оны 8 сарын 27
УЛААНБААТАР ХОТ: Үүлшинэ. Бороо орохгүй. Салхи баруун өмнөөс хойш эргэж секундэд 5-10 метр, өдөртөө зарим үед секундэд
-
2017 оны 8 сарын 26
Шүлхий өвчнөөс урьдчилан сэргийлье
-
2017 оны 8 сарын 26
Нийгмийн даатгалын үндэсний зөвлөлийн тогтоолоор элэгний вирусийн эмийг хайрцаг тутамд нь 210 000 төгрөгөөр хөнгөлөхөөр шийдвэрлэсэн.
Иргэдийн иргэний үнэмлэх, эрүүл мэндийн даатгалын гэрчилгээ, эм худалдан авсан баримт зэргийг үндэслэн эм худалдан авсан байгууллагаасаа өөрийн нэрэн дээрх банкны дансаар дамжуулан хөнгөлөлтөө авах юм.
Өнөөдрийн байдлаар Монгол улсын эмийн бүртгэлд элэгний С вирүсийг эмчлэх дараах таван нэрийн эмийг бүртгэсэн байна.
АНУ-ын Mylan компанийн бүтээгдэхүүн “Ледвир” эмийг Монгол эм импекс ХХК
АНУ-ын “Gilead Sciense” компаниас гаргасан “Харвони” эмийг Омбол ХХК
Энэтхэг улсын “Hetero Drugs Limited” эмийн үйлдвэрийн “Ледифос” эмийг “Ази фарм” компани
Энэтхэг улсын “Натко” компанийн бүтээгдэхүүн “Хепсинат-ЛП” эмийг Омбол ХХК
2016 оны 10 сараас Энэтхэгийн “Strides Shasun” компанийн үйлдвэрлэсэн “Вирпас” Монос ХХК тус тус нийлүүлж байна.
Элэгний С вирусын эмийг худалдан авахдаа Олон улсын нэршлээр бичсэн эмчийн жороор, эмийн сангуудаас худалдааны нэршлээр нь өөртөө тохирсон эмийг сонгон авах боломжтой.
Эмийн хөнгөлөлтөд Эрүүл мэндийн даатгалын сангаас эм ханган нийлүүлэх байгууллагуудаар дамжуулан 1.4 тэрбум төгрөгийг нөхөн олгохоор болсон юм.
Эрүүл мэнд, Нийгмийн даатгалын ерөнхий газраас Элэгний С вирусын эмийг хөнгөлөлттэй олгох эрх бүхий эмийн сангийн жагсаалтыг дараах байдлаар гаргажээ. Нийт 50 орчим эрх бүхий эмийн сангаас та эмийн хөнгөлөлтийг эдэлж болно.
ЭЛЭГНИЙ С ВИРУСЫН ЭСРЭГ ЭМИЙГ ХӨНГӨЛӨЛТТЭЙ ҮНЭЭР ОЛГОХ ЭРХ БҮХИЙ ЭМИЙН САНГИЙН ЖАГСААЛТ
1 Сүхбаатар Маго фарм /Омбол/ 1-р хороо Далай цамхаг 1 давхар
2 Энх үйлс 2 / Омбол/ 7 хороо Нуурын 7-65
3 МЭИК Эмийн сан 1 Нарны зам 39
4 Ази фарм Фарммаркет 4 хороо 50 мянгат 22 байр
5 Ази фарм 8 8 хороо Оюутны гудамж 10/1 байр
6 Монос-Метромолл 6-р хороо 1 Метромолл худалдааны төвийн байр
7 Монос 11 8-р хороо 11-р хороолол 1-184 тоот
8 Баянгол Оранж /Омбол/ 3-р хороо Нарны хороолол7-124
9 Магофарм / Омбол/ 19 хороо 4 хороолол 51 байр
10 МЭИК Эмийн сан 3 Капитал таун 1-р давхарт
11 МЭИК Фарммаркет-5 10-р хороолол шинэ дэлхий хотхон
12 Ази фарм БГД -4 4 хороо 2 хороолол
13 Ази фарм БГД -12 12 хороо бичил хороолол
14 Монос-25 2-р хороо Чингүнжавын гудамж 9
15 Монос-Магда 18-р хороо 4-р хороолол Магда худалдааны төвийн байр
16 Баянзүрх Календула/ Омбол/ 18 хороо Дархан детект эмнэлэг
17 Еврофарм Эрдэнэтолгой /Омбол/ 8 хороо Шархад 40 -248 байр
18 МЭИК Фарммаркет-2 Офицеруудын ордон, Wellmart худалдааны төвийн 1-р давхар
19 МЭИК Фарммаркет-3 Цайз,16-р хороолол, Wellmart худалдааны төвийн 1-р давхар
20 Ази фарм БЗД 16 хороо 16 хороолол 45 байр
21 Саргун асархуй /Ази фарм/ 1-р хороо Токуо гудамж 26 байр 1 давхар
22 Монос- Энканто 26-р хороо Оргил худалдааны төв
23 Монос-13 18-р хороо 13-р хороолол Намьанжүгийн гудамж
24 Чингэлтэй Нони /Омбол/ 3 хороо Капитал центр
25 Төхөм фарм /Омбол/ 1 хороо 35 -р байр
26 МЭИК Фарммаркет-1 Бишрэлт Худалдааны төв 1-р давхар
27 МЭИК Эмийн сан 2 Улсын их дэлгүүр 1-р давхар
28 Ази фарм ЧД 3 хороо 50 мянгат
29 Монос-Төв 4-р хороо 50 мянгат 15-р байр 2 тоот
30 Монос-37 2-р хороо 2-р 40 мянгат 25-р байр
31 Хан-Уул Цэгэма /Омбол/ 19 хороолол Үйлчилгээний төв
32 Энх үйлс 1/ Омбол/ 16 хороо Буянт ухаа 1
33 МЭИК Эмийн сан-4 Нисэхийн 58-р байрны 1-р давхар
34 Ази фарм Нисэх 16 хороо морингийн зам 57 байр
35 Монос -Оргил 1-р хороо Оргил шилтгээний байр
36 Сонгинохайрхан Еврофарм Цамбагарав /Омбол/ 14 хороо 13 байр
37 Еврофарм Хархорин / Омбол/ 15 хороо 19 байр
38 МЭИК Фарммаркет-4 Хархорин захын хойно, Пирамид үйлчилгээний төв
39 МЭИК Фарммаркет-6 5 шар, Капитал банкны 1-р давхар
40 Медивико 2 /Ази/ 17 хороо 1 хороолол 32 байр
41 Монос-Хархорин 17-р хороо 1-р хороолол Москвагийн гудамж 13а байр
42 Монос-5 шар 18-р хороо Таван шар 153/07-р байрны 1 давхарт
43 Налайх Түвшин тун /Омбол+Монос/ Нэгдсэн эмнэлгийн хашаанд
44 Согоон бор /МЭИК/ 2-р хороо 20р байр 175 тоот
45 Эмийн бамбай /Ази/ 2р хороо 21байр 3 тоот
46 Багануур Ухаа булаг /Омбол +МЭИК +Монос/ 1-р хороо 13-р байр 2 тоот
47 Тайн ам /Ази/ 1-р хороо 12-р байр 2 тоот
48 Багахангай Хэнз хонгор /Ази/ 2р хороо Өртөөний 33 тоот49
-
2017 оны 8 сарын 26
Дэлхийн зөн Монгол” олон улсын байгууллагаас “Гамшигт тэсвэртэй Улаанбаатар” төслийн хүрээнд зорилтот хороод болон нийслэлийн төр захиргааны дөрвөн байгууллагын гадна талд “Гамшгийн үед түр цугларах цэг”-ийн тэмдгийг байрлуулж эхэллээ.
Түр цугларах цэгийн тэмдгийг Хан-Уул дүүргийн 12 дугаар, Сонгинохайрхан дүүргийн 2 дугаар, Чингэлтэй дүүргийн 7 дугаар хорооны байрны гадна байрлуулаад байна.
Мөн Баянгол дүүргийн 20 дугаар хороо, Сүхбаатар дүүргийн 17 дугаар, Баянзүрх дүүргийн 19 дүгээр, Налайх дүүргийн 5 дугаар, Багахангай дүүргийн 2 дугаар, Багануур дүүргийн 5 дугаар хороод болон нийслэлийн Эрүүл мэндийн газар, Боловсрол соёлын газар, Хүүхэд гэр бүл, хөгжлийн газар, Нийслэлийн Онцгой байдлын газрын байрны гадна аюулгүй талбайд байрлуулах юм.
“Дэлхийн зөн Монгол” ОУБ-аас олон улсын стандартад нийцүүлэн гаргасан зургаар “Алтан бэрх” ХХК уг тэмдгийг үйлдвэрлэсэн байна гэж нийслэлийн Онцгой байдлын газраас мэдээллээ.
-
2017 оны 8 сарын 26
Жолооны үнэмлэхэд агуулагдах мэдээлэл 2014 оноос хойш төрийн нууцад хамаарагдахгүй болсноор бараа, материалыг шууд худалдан авалт хийгдэж байсан ажил зогсон билээ.
-
2017 оны 8 сарын 26
Хүүхэд өсвөр насанд хүрэхэд тэдний бие физиологи, сэтгэл санаа, нийгэмшил, бие хүний төлөвшил зан үйлд олон өөрчлөлтүүд бий болж, зарим нь өөртөө сэтгэл хангалуун байхад, зарим нь сэтгэл дундуур, өөрчлөлтөө хүлээн зөвшөөрөхгүй байх нь элбэг тохиолддог нь “түр зуурын хямрал” юм.
-
2017 оны 8 сарын 26
Тарваган тахал өвчний идэвхжил эхэлж байгаатай холбогдуулан иргэд, олон нийтийг мэрэгчийн үхсэн сэг зэмд хүрэхгүй байх, мэргэжлийн байгууллагад хандах, тарваганы түүхий эдийг эмчилгээний зорилгоор хэрэглэхгүй байх, мэрэгчийн бөөс, бүүрэгт хазуулахаас урьдчилан сэргийлэхийг нийслэлийн Эрүүл мэндийн газар, Зоонозын өвчин судлалын үндэсний төвөөс сэрэмжлүүлж байна. Сүүлийн жилүүдэд Хөвсгөл, Баян-өлгий, Ховд, Завхан, Өвөрхангай аймагт тарваган тахлын өсгөвөр илэрч хүний өвчлөл гарсан, идэвхтэй голомттой байгаа юм. Иймд эдгээр нутагт ажиллаж, амьдарч байгаа болон аялж, зорчиж буй иргэдийг тарваган тахал өвчнөөс урьдчилан сэргийлж, эрүүл мэнддээ анхаарахыг зөвлөе гэж нийслэлийн Эрүүл мэндийн газраас мэдээллээ.
-
2017 оны 8 сарын 26
Амралт, аялал зугаалгын цаг дуусах дөхөж хичээл сургуулийн бэлтгэл ажлын үе эхэлж хөдөө, орон нутгаас нийслэл хотыг зорих хүн, тээврийн хэрэгслийн хөдөлгөөний эрчим нэмэгдэж байна. Олон хоног үргэлжилсэн бороо орж зам, замын зорчих хэсэг, хөвөөнд эвдрэл үүсч хөдөлгөөний аюулгүй байдалд сөргөөр нөлөөлж байна. Зарим газраараа ус тогтсон, хальтиргаа гулгаа ихтэй байгаа тул Жолооч та замын хөдөлгөөнд оролцохдоо:
Цаг агаар, зам орчны нөхцөл байдал, тээж яваа ачаа зэрэгт хурдаа зөв тохируулан өөрийнхөө болон бусдын аюулгүй байдлыг хангах,
Тээврийн хэрэгслийнхээ техникийн бүрэн бүтэн байдлыг сайтар шалгаж илэрсэн эвдрэл гэмтлээ засах,
Өөрөө болон зорчигч нартаа хамгаалалтын бүсийг нь зүүлгэх, хүүхдэдээ хамгаалалтын суудлыг зөв хэрэглэх,
Хэт ядарсан, олон цагаар тасралтгүй жолоо барихгүй байх
Зорчигчийг зориулалт бүхий хэсэгт дүрэм, стандартаар тогтоосны дагуу тээвэрлэх
Архи согтууруулах ундаа хэрэглэсэн үедээ тээврийн хэрэгсэл жолоодохоос татгалзаж бусдадаа хүндэтгэлтэй хандаж замын хөдөлгөөний дүрмийн дагуу оролцохыг Цагдаагийн ерөнхий газрын Урьдчилан сэргийлэх хэлтсээс зөвлөж байна.
-
2017 оны 8 сарын 26
Оройжин толины өмнө зогсож буржийлгасан үс үдэш өндөрлөх яагаа ч үгүй байхад сулраад хэлбэргүй болчих үе гардаг. Харин долгиолсон үсээ үдшийн турш сайхан хэвээр хадгалахыг хүсвэл дараах зөвлөгөөг уншаарай.
Бэлтгэл: Үсээ дөнгөж угаасан бол сэнсээр хатаагаарай. Дараа нь үсэндээ багахан хэмжээний спрей цацаад, толгойгоо тонгойлгоод үсний ар хэсэгтээ мөн цацна. Харин үсний дотор хэсэгт цацах хэрэггүй шүү.
photo 448_zps45311dd1.jpg
Үс буржийлгагчаа босоогоор нь барьж хэсэг үс авч үзүүрийг нь хавчаад, буржийлгагчаа гадагш эргүүлж үсээ уг хүртлээ орооно. 5 секунд бариад суллаарай.
Дөнгөж ороосон үсээ хуруугаараа дахин ороогоод нарийхан хавчаараар үсний угандаа тогтооно.
photo 447_zpsc523b05e.jpg
Дахин нэг хэсэг үс аваад үзүүрээр нь хавчина. Харин энэ удаад дотогш эргүүлж орооно. Гадагш, дотогш ээлжлэн эргүүлэн ороох нь ороосон үсийг хоорондоо нийлэхээс сэргийлнэ.
photo 446_zpsbe4e583e.jpg
Бүх үсээ ороож дуусаад дахин спрейэ цацна.
photo 445_zpsa5ddab4c.jpg
Таван минутын дараа бүх хавчаараа аваад хуруугаараа үсээ болгоомжтой самнаарай Үсээ хүссэн хэлбэртээ оруулсныхаа дараа дахин спрей цацаж өгөөрэй.
photo 444_zpsf04a9232.jpg
Ингээд л долгиолсон буржгар үстэй өдрийн турш сэтгэл тэнүүн, өөртөө итгэлтэй алхаж болохоор боллоо.
-
2017 оны 8 сарын 26
Амттанд дургүй хүн байна уу? Зөвхөн хүүхдүүд төдийгүй, насанд хүрэгчид, тэдний дотор эмэгтэйчүүд амттанд дуртай байдаг. Гэхдээ та жин нэмэхгүй байхаар шийдсэн бол амттан болгоныг хэрэглээд байж болохгүйг санах хэрэгтэй. Хоол судлаачид хүний биеийн жинд хамгийн аюулгүй таван амттаныг нэрлэжээ.
Зөгийн бал
Зөгийн бал ашигтай гэдэг нь маргаангүй. Илчлэгээрээ энэ идээ элсэн чихэртэй бараг адилхан байна. Нэг цайны халбага зөгийн бал 35 ккал бол нэг халбага элсэн чихэр 30 ккал байдаг ажээ. Гэхдээ элсэн чихрээс ялгаатай нь зөгийн баланд 70 төрлийн ашигтай бодис, тэдгээрийн дотор, В2, РР, С, В6, В5, Н амин дэм, фолийн хүчил, К болон Е амин дэм, кальци, натри, магни, төмөр, йод агуулдаг байна. Тэрчлэн зөгийн баланд агуулагддаг бодисууд хооллох дуршлыг нэмэгдүүлж, хоол боловсруулах эрхтний ажиллагааг сайжруулж, хоолны шингэцийг сайжруулдаг ажээ. Мөн зөгийн бал нь ханиад томуу туссан үед хамгийн сайн эм болдог байна. Хоол судлаачийн хэлснээр, өдөрт хоолны хоёр халбага зөгийн бал идэх нь биеийн эрүүл мэндэд тустай. Үүнээс илүү гарвал хүний биеийн жин нэмэгдэх ажээ.
- Хатаасан жимс
Зөгийн бал их харшил өгдөг, тийм болохоор зарим хүнд хэрэглэхийг хориглодог. Ийм тохиолдолд зөгийн балны оронд хатаасан жимс, жишээлбэл, үзэм, чангаанз, хар чавга зэргийг идэж болно. Хатаасан жимсэнд кальци, магни, натри, төмөр зэрэг хэд хэдэн эрдэс бодис агуулагддаг, тиймээс зүрхэнд тустай ажээ.Тэгээд ч хатаасан жимсээр өлөө дарахад амархан. Харин хэтрүүлэн идвэл хотдогоос илүү илчлэгтэй болохыг анхаараарай. Нэг өдөрт ердөө 30 грамм хатаасан жимс идвэл амттайн дээр биед тустай.
-Бүржмэл чихэр /мармелад/
Marmelada буюу цэвэр жимсний чанамал гэсэн Португал үгнээс гаралтай үг. Бүржмэл чихрэнд жимсэнд агуулагддаг пектинүүд буюу ашигтай бодисууд байдаг. Пектинүүд нь цусан дахь холестерины хэмжээг бууруулж, ходоодны ажиллагааг сайжруулж, бие махбодиос хорт бодисыг гадагшлуулдаг. Үүний сацуу Британийн Хүнсний бүтээгдэхүүн судлалын хүрээлэнгийн мэргэжилтнүүдийн нотолж буйгаар, пектин нь хорт хавдрын эсийн өсөлтийг зогсоодог байна. Алим, чавга, тоор, нэрсэнд пектин хамгийн ихээр агуулагддаг. Тиймээс чухам эдгээр жимсээр хийсэн бүржмэл чихэр хүний эрүүл мэндэд хамгийн тустай. Гэхдээ бүржмэл чихэр болгон ашигтай биш гэнэ. Тэгэхээр бүржмэл чихэр худалдаж авахдаа түүний орцонд пектиний нэгдэл орсон эсэхийг харах хэрэгтэй. Хүн өдөрт бүржмэл чихрийг 20-30 граммаас хэтрүүлэхгүй идвэл эрүүл мэндэд сайнаар нөлөөлнө.
- Пастила ба зефир
Пастила болон зефир нь пектинүүд агуулсан байдаг. Пектингүйгаэр эдгээр жимс хоосон илчлэг өгч, ямар ч ашиггүй. Тиймээс пастила эсвэл зефирийг сонгохдоо доторх орцыг нь анхаарах хэрэгтэй.Мөн өөрсдөө хийж идсэн нь дээр. Үүний сацуу пастила болон зефир нь ходоодны салстын цочролыг дардаг учраас ходоод гэдэсний замын өвчин, тухайлбал, ходоодны шархтай хүмүүст тустай. Гэхдээ өдөрт 30 граммаас ихийг идэх хэрэггүй.
- Шоколад
Ашиг тустай амттануудын тавдугаарт шоколад оржээ. Гэхдээ зөвхөн хар шоколад шүү. Хар шоколад гашуун ч гэсэн амттанд тооцож болно. Шоколад гэдэг үг өөрөө тархинд ”амттай байна” гэсэн мэдээлэл өгдөг. Энэ амттан даралт ихсэх үед артерын даралт хэвийн хэмжээнд очиход тус болж, зүрх болон судсыг бэхжүүлж, сэтгэлийн хямралаас гарахад тусалж, улирлын чанартай хямралд орохгүй байлгаж чаддаг. Өдөрт 30 грамм шоколад идэж болно. Энэ хэмжээ бие махбодын ачаалал ихтэй үед тохиромжтой. Ер нь бол өдөрт 10-15 грамм шоколад идэх нь биеийн жингээ хэвийн байлгахад тустай ажээ.
Амттаныг хэзээ идвэл дээр вэ?
Үдээс өмнө амттанаа идсэн нь дээр. Ялангуяа та хоолны дэглэм барьж байгаа бол шүү дээ. Өглөөгүүр идвэл таны жинд нөлөөлөх магадлал нь бага байх юм. Гэвч үдээс хойш ч амттан идмээр санагддаг. Өдрийн 16.00-18.00 цагийн хооронд биеийн цусан дахь глюкозын хэмжээ буурдаг. Та эрүүл аж төрөх хэв маягийг баримталдаг бол биедээ шаардлагатай хүнс тэжээлийг бүрэн авдаг, биеийн зохих ачаалал үүрдэг байж таарна. Тийм бол үдээс хойш амттан идэхэд гэмгүй.
-
2017 оны 8 сарын 26
Хөхний сүүг саах, хадгалах заавар
-
2017 оны 8 сарын 26
Улсын Онцгой комиссын хуралдаан өнөөдөр /2017.08.03/ болж, цаг үеийн нөхцөл байдал, өвөлжилтийн бэлтгэл ажлын хүрээнд хэрэгжүүлж буй арга хэмжээний талаар мэдээлэл сонсч, Монгол Улсын Шадар сайд, Улсын онцгой комиссын дарга У.Хүрэлсүх үүрэг даалгавар өглөө.
Хүнс хөдөө аж ахуй хөнгөн үйлдвэрийн сайдын мэдээллээр улсын хэмжээнд 150 сум гантай, 50 сум гандуу байна. Ихэнх аймаг хадлан тэжээл бэлтгэх бололцоо тааруу болсон учраас ОХУ-аас 400 мянган тонн хадлан, тэжээл бэлтгэх гарц хайж буй аж.
Энэ жил 517.4 мянган га-д тариалалт хийснээс үр тариа 391.6 мянган га-д, үүнээс улаанбуудай 367.2 мянган га-д, төмс 14.6 мянган га-д, хүнсний ногоо 7.2 мянган га-д, тосны ургамал 75.9 мянган га-д, тэжээлийн ургамал 25.7 мянган га-д, эмийн ургамал 1.9 мянган га-д, жимс, жимсгэнэ 287.1 га-д тус тус тариалсан.
Нарны хэт их халалт, хур тундасны дутагдлын улмаас бүх бүс нутагт тариалсан таримлын өсөлт саарч удааширснаар үр тариа, улаанбуудайн бутлалт байхгүй, намхан давжаа, жижиг товчин түрүү гарч улмаар нэгжээс хураан авах ургацын хэмжээ эрс буурах магадлалтай. Төмс, хүнсний ногоо, тэжээлийн таримлын ургац ч мөн ганд өртөж хураан авах ургацын хэмжээ төлөвлөснөөс 20 орчим хувиар буурахаар байна гэж ХХААХҮ-ийн сайд хэллээ.
Хатуу өвөл болохыг анхааруулав
Цаг уур орчны шинжилгээний газрын дэд дарга мэдээлэл хийх үеэрээ хамгийн хатуу өвөл болохоор тооцож, хадлан тэжээлээ хангалттай бэлтгэж, нөөцөлж өвлийн бэлтгэлээ хангах шаардлага байна гэдгийг анхаарууллаа.
Наймдугаар сарын байдлаар цаг агаар эхний арав хоног, дунд арав хоногийн сүүл, сүүлийн арав хоногийн дунд үеэр бороотой байх урьдчилсан төлөв гарчээ.
Түүнчлэн 8 дугаар сарын 1,2 дугаар арав хоногуудын сүүлчээр 2-3 хоногоор ихэнх нутгаар бага зэрэг халах ч гуравдугаар арав хоногийн эхээр уулархаг нутгаар шөнөдөө хөрсөн дээр 0-5 градус хүрч цочир хүйтэрч болзошгүй аж. Иймээс тариаланчид цаг агаарын төлөв байдалд анхааралтай хандаж ажиллах шаардлагатайг санууллаа.
Хот хоорондын хөдөлгөөнийг зогсоожээ
Арвайхээр- Баянхонгор чиглэлийн улсын чанартай авто замд өнгөрсөн шөнө хүчтэй адар бороо орсны улмаас төмөр бетон гүүрний далан сэтэрчээ. Иймээс дээрх чиглэлийн тээврийн хөдөлгөөнийг зогсоосон байна. Төмөр бетон гүүрний даланг сэргээн засварлахаар Өвөрхангай аймгийн зам арчлалтын компани ажиллаж байна гэж Зам тээвэр, хөгжлийн сайд Д.Ганбат хэллээ.
Хүчтэй аадар борооны улмаас эвдэрсэн зам, гүүр цөөнгүй байна. Тухайлбал, Хяргас нуур Сонгино чиглэлийн хатуу хучилттай авто зам үерт автаж, засах шаардлагатай болсон.
Тээврийн хөдөлгөөнийг хаагаад байсныг саяхнаас нээжээ. Тус авто замыг Увс аймгийн АЗЗА компани ажиллаж, нэг эгнээг нь зассан. Үргэлжлүүлэн дахин нэг эгнээг засаж буй юм.
Увс аймгаас 7 км газарт ширүүн аадар борооны улмаас мөн улсын чанартай авто зам эвдэрсэн. Энэ мэтчилэн байгаль цаг уурын давагдашгүй хүчин зүйлтэй холбоотойгоор гарч байгаа эвдрэл гэмтлийн улмаас хот хоорондын зорчигч тээврийн зарим үйлчилгээ саатаж байгаа гэдгийг тодотголоо.
Үүнээс гадна Элсэн тасархайн гүүр мөн суулт өгч хаахаас аргагүй болсон аж. Одоо 400 орчим км замыг түр нээснээр хөдөлгөөн хэвийн үргэлжлэх боломжоор хангасан.
Тус яамнаас гаргасан тооцоогоор авто замын эвдрэл гэмтлийг засахад 4.7 тэрбум төгрөг шаардлагатай.
Улсын төсөвт суулгасан байсан хөрөнгийг тус яам наадмаас өмнө авто замуудаа сэргээн засахад зориулж, зарцуулсаар дууссан. Одоо ямар ч хөрөнгө, мөнгөгүй болсон. Тиймээс энэ асуудалд Улсын Онцгой комисс анхааралдаа авахыг хүсэв.
Хурлын төгсгөлд Улсын Онцгой комиссын дарга, Монгол Улсын Шадар сайд У.Хүрэлсүх
-Ургацын урьдчилсан балансыг энэ сарын 18-ны дотор таримлын төрөл тус бүрээр нарийвчлан гаргах,
-Засгийн газрын 186 дугаар тогтоолоор батлагдсан энэ онд бүрдүүлэх аймаг, сумын өвс, тэжээлийн аюулгүйн нөөцийг бүрдүүлэхэд хяналт тавьж, үр дүнг Улсын онцгой комиссын хуралдаанд танилцуулах,
-Багануур, Шивээ-Овоогийн нүүрсний уурхайн өвөлжилтийн бэлтгэл хангуулах ажлыг төлөвлөсөн хугацаанд чанартай хийж гүйцэтгүүлэх, санхүүгийн хүндрэлтэй байдлыг шийдвэрлэх, дулааны цахилгаан болон дулааны станцуудыг 20-иос доошгүй хоногийн нүүрсний нөөц бүрдүүлэхэд анхаарч, нүүрс татан авалтын ажилд хяналт тавьж, нэгдсэн удирдлагаар хангаж ажиллах,
-2017-2018 оны өвөлжилт, хаваржилтыг хохирол багатай даван туулах ажлын хүрээнд алслагдмал айл өрх, жирэмсэн эхчүүд, өндөр настан, хөгжлийн бэрхшээлтэй иргэд, бага насны хүүхдүүдийн судалгааг эртнээс гаргаж, төв, орон нутгийн эмнэлгүүдийн машин, техник, эм, эмнэлгийн хэрэгслийн нөөц бүрдүүлэх, эрүүл мэндийн салбарын барилга байгууламжийн засварын ажлыг дуусгах,
-Цаг агаарт зориудаар нөлөөлж, хур тундас оруулах үйл ажиллагааны явцыг ард иргэдэд сурталчилан таниулах, нэгдсэн ойлголт өгөх зорилгоор телевизийн нэвтрүүлэг хийж мэдээллийн хэрэгслээр олон удаагийн давтамжтайгаар нэвтрүүлэх,
-2017 оны эхний хагас жилд улсын хэмжээнд тохиолдсон ой, хээрийн гал түймэр, үер, мал, амьтны гоц халдварт өвчин, цаг агаарын аюулт үзэгдлийн улмаас учирсан хохирлыг арилгах, гамшгийн голомтод үүрэг гүйцэтгэсэн алба хаагчид, дайчлагдсан иргэдийн томилолт, урамшууллын зардлыг Засгийн газрын хуралдаанаар хэлэлцүүлэн шийдвэрлүүлэхийг холбогдох сайд, дарга нарт үүрэг болгож, биелэлтийг Улсын онцгой комиссын дараагийн хуралдаанд танилцуулахыг даалгалаа гэж Онцгой байдлын ерөнхий газраас мэдээллээ.
