-
2017 оны 5 сарын 06
Монголын цагдаагийн байгууллагын анхны дарга нарын нэг, Зүүн хязгаарыг тохинуулах сайд, нийгэм, соёлын нэрт зүтгэлтэн Магсаржавын Дугаржавын тухай эрдэм шинжилгээний болон “Эр бор харцага” баримтат кино хэлэлцүүлэг өнөөдөр Хууль сахиулахын их сургуульд боллоо.
-
2017 оны 5 сарын 06
Малчид, тээвэрчид, иргэдэд зориулсан мэдээ:
Өнөө маргаашдаа цаг агаар тогтуун дулаахан байна.
-
2017 оны 5 сарын 05
П.Н.Шастины нэрэмжит Улсын Гуравдугаар Төв Эмнэлгийнүүдний өмнөх хэсгийн 818 м.квталбайн тохижилтын ажил дуусч, холбогдох албаныхан өнөөдөр албан ёсоор хүлээн авлаа. Тус арга хэмжээнд нийслэлийн Засаг дарга бөгөөд Улаанбаатар хотын Захирагч С.Батболд, Улаанбаатар хотын ЕрөнхийменежерТ.Гантөмөр, БГД болон УГТЭ-ийн удирдлагууд, эмч ажилчид мөн эмчлүүлэгч, иргэд үйлчлүүлэгчдийн төлөөллүүд оролцлоо.
Энэүеэр УБ хотын дарга С.Батболд “Тус эмнэлгийн хамт олны санал санаачилгыг хүлээн авч энэхүү тохижилтын ажлыг богино хугацаанд гүйцэтгэн өнөөдөр хүлээлгэн өгч байна. Бид14 хоногийн өмнө энэ хэсгийн тохижилтын ажилтай танилцаад явсан. Өнөөдөр бэлэн болоод нээлтийг хийж байгаадаа баяртай байна. Шастины нэрэмжит улсынУлсын Гуравдугаар Төв эмнэлэг бол нийслэлчүүд төдийгүй Монгол Улсын өнцөг булан бүрээс иргэд ирж үйлчлүүлдэг үндэсний хэмжээний лавлагаа төв эмнэлэг юм.
Өнгөрсөноны аравдугаарсард бид тус эмнэлгийн олон жил шат шатны байгууллагад асуудлаа тавьж шийдвэрлүүлж чадаагүй байсан автомашины зогсоолын асуудлыг бүрэн шийдвэрлэж, өнөөдөртусэмнэлгээрүйлчлүүлж буй иргэдийн зогсоолтой холбоотой бухимдал, хүндрэл,чирэгдэл бүрэн арилсан байна. Өнөөдрийн энэ тохижилтын ажил Улаанбаатар хотын 2017 оныхаврынхоттохижилтынажлын хамгийнэхнийхнь учраас бид ийнхүү ач холбогдол өгч 10 хоногийн хугацаанд үндэсний төв эмнэлгийн нүүр царайг илэрхийлэхүйц тохижилттой ногоон байгууламж, явган хүний зорчих хэсэг, гэрэлтүүлэг, үйлчлүүлэгчдийн амрах хэсэг бүхий иж бүрэн тохижилттой бүтээн байгуулалтын ажлыг гүйцэтгээд байна.
Бид 2017 ондэмнэлэг болон сургууль, цэцэрлэгийн гаднах тохижилтод анхаарч ажиллана. Бидний дараагийн тохижуулах газар бол Гэмтэл согог судлалын үндэсний төв, Сонгино хайрхан дүүргийн нэгдсэн эмнэлэг байх болно” гэв.
Улсын Гуравдугаар Төв Эмнэлгийн захиргаа, хамт олон тус эмнэлгээр үйлчлүүлж буй мянга, мянган эмчлүүлэгч, иргэд үйлчлүүлэгчдийн өмнөөс УБ хотын нийт удирдлагууд болон Нийслэлийн ЗАА-ны хамт олон, гүйцэтгэгч байгууллагын хамт олонд ажлын амжилт хүсч, гүн талархал илэрхийлж байна.
-
2017 оны 5 сарын 05
Нийслэлийн Соёл, урлагийн газар Д.Нацагдоржийн нэрэмжит Улаанбаатар хотын нийтийн төв номын сантай хамтран “Номоо солилцъё” өдөрлөгийг өнгөрсөн 1 дүгээр сараас эхлэн амжилттай зохион байгуулж байгаа бөгөөд номонд дурлагч, хүндэт уншигчдын хүндэтгэлийг хүлээсэн үйл ажиллагаа болон тогтмолжоод байгаа билээ.
Нийслэлийн иргэд цуглаж өөрт байгаа номоо сарын хугацаатай бусадтайгаа солилцож уншихаар эхлүүлсэн тус өдөрлөг сар бүрийн эхний долоо хоногийн Бямба гаригт уламжлал болон зохион байгуулагдахаар товлогдсон нь ийнхүү 5-р сарын 6-ны Бямба гаригийн 12:00-14:00 цагийн хооронд Д.Сүхбаатарын талбайд зохион байгуулагдах гэж байна. Ингээд эрхэм уншигч та бүхнийг 5-р сарын 6-ны Бямба гаригийн 12:00-14:00 цагийн хооронд Д.Сүхбаатарын талбайд зохион байгуулагдах “Номоо солилцъё” өдөрлөгт хүрэлцэн ирж, өөрт байгаа уншсан номоо өөр сонирхсон номоороо солилцохыг урьж байна.
-
2017 оны 5 сарын 05
Ойн тухай хууль, Монгол Улсын Ерөнхийлөгчийн “Мод тарих үндэсний өдөр зарлах тухай” зарлигийн дагуу 2017 оны хаврын бүх нийтээр мод тарих өдрийг энэ сарын 13, 14-нд тэмдэглэн өнгөрүүлнэ. Бүх нийтээр мод тарих өдрийн хүрээнд “Тарьц суулгацын үзэсгэлэн худалдаа 2017” арга хэмжээг өнөөдрөөс эхлүүллээ. 3 хоногийн турш Үйлдвэрчний эвлэлийн соёлын төв ордонд болох уг арга хэмжээг Байгаль орчин, аялал жуулчлалын яамнаас санаачлан Ойн судалгаа, хөгжлийн төв, нийслэлийн Байгаль орчны газар, аж ахуйн нэгжүүдтэй хамтран зохион байгуулж байгаа юм. Үзэсгэлэнгийн үеэр мод тарих газар сонгох, хөрс бэлтгэх, арчлах талаар зөвлөгөө өгөх мэдээллийн булан ажиллаж байна. Үзэсгэлэнд төрөл бүрийн мод, цэцэг, жимс, жимсгэнийн тарьц, суулгац, үр зэргээс гадна тэдгээрийг арчлах багаж, хэрэгсэл, бордоо гэх мэт олон нэр төрлийн бүтээгдэхүүнийг танилцуулж байна гэж нийслэлийн Байгаль орчны газраас мэдээлэв.
-
2017 оны 5 сарын 05
Нийслэлийн иргэдийн Төлөөлөгчдийн Хурлын Тэргүүлэгчдийн ээлжит хуралдаан өнөөдөр нийслэлийн ЗДТГ-ын А зааланд боллоо. Хуралдаанаар “Нийслэлийн хотын шуудын 2016 оны төсвийн гүйцэтгэл”, “Нийслэлийн 2017 оны төсөвт нэмэлт өөрчлөлт оруулах тухай”, “Хуралдаан зарлах тухай”, “Хурлын ажлын албаны хөдөлмөрийн дотоод журам шинэчлэн батлах тухай” болон бусад асуудлыг хэлэлцсэн юм. НИТХ-ын ээлжит X хуралдаан энэ сарын 18-нд болох бөгөөд Хуралдаанаар “Нийслэлийн хотын шуудын 2016 оны төсвийн гүйцэтгэл”, “Нийслэлийн 2017 оны төсөвт нэмэлт өөрчлөлт оруулах тухай” асуудлыг хэлэлцэхээс гадна ирэх саруудад агаарын бохирдлыг бууруулах чиглэлээр хийх ажлын талаар хэлэлцэнэ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 5 сарын 05
МАХН-ын дэмжигчид Эрх чөлөөний талбайд жагсаал хийж байна. МАХН-ын Бага чуулган өнөөдөр хаалттай хуралдаж, гишүүд МАХН-ын дарга Н.Энхбаярыг 2017 оны ерөнхийлөгчийн сонгуульд нэр дэвшүүлэх шийдвэр гаргасан.
-
2017 оны 5 сарын 05
НМХГ-ын даргын баталсан 02-01/261 дугаартай удирдамжийн дагуу эрх бүхий байгууллагын зөвшөөрөлгүй эзэмшил газрынхаа хэмжээнээс хэтрүүлсэн газар эзэмшиж, ашиглаж буй иргэн, аж ахуйн нэгж, байгууллагад урьдчилан сэргийлэх хяналт шалгалтыг хийж байна.
Шалгалтаар Баянзүрх дүүргийн 12-р хороо М-Ойл групп ХХК нь улсын байцаагчаас өгсөн албан шаардлагын дагуу эрх бүхий байгууллагын зөвшөөрөлгүй барьсан хашааг буулгаж, зөрчлөө арилгалаа.
-
2017 оны 5 сарын 05
Нийслэлийн иргэдийн Төлөөлөгчдийн хурал, нийслэлийн Засаг даргын Тамгын газар болон Шинжлэх ухааны академи, Удирдлагын академи, МУИС, “Монголын хотуудын холбоо” ТББ хамтран зохион байгуулсан “Хотын хөгжил-Шинжлэх ухаан, технологи” сэдэвт олон улсын бага хурал хоёр өдөр үргэлжилж, өнөөдөр өндөрлөлөө. Бага хуралд Монгол Улсад суугаа 17 улсын элчин сайд, гадаадын найман улсаас 15 зочин, төлөөлөгч, нийслэл хоттой харилцаат 10 гаруй хотын дарга оролцлоо. Энэхүү бага хуралд нийт 20 гаруй илтгэл тавигдаж, хэлэлцсэний эцэст зөвлөмж гарган баталлаа.
НИТХ-ын дарга, Монголын Хотуудын холбооны ерөнхийлөгч Ц.Сандуй хурлыг хааж хэлсэн үгэндээ “Энэ зөвлөмж гарснаар шийдвэр гаргах төвшинд байгаа хотын удирдлагуудад маш чухал юм. Улаанбаатар хотод тулгамдаад байгаа олон асуудал бий. Үүнийг нэг нэгээр нь сугалж авч ярих биш цогцоор нь шинжлэх ухаанд суурилсан шийдвэрийг гаргах хэрэгтэй. Бусад том хотууд тулгамдаад байгаа асуудлуудаа шийдвэрлэхийн тулд шинжлэх ухаанд суурилсан зөв бодлогыг гаргаж чадсанд байгаа. Бид хотын хөгжлийг шинэ шатанд гаргах онцлог бага хурал боллоо” хэмээн онцоллоо гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
-
2017 оны 5 сарын 05
Монгол Улсад Хүүхдийн хөдөлгөөн, байгууллага үүсч хөгжсөний 92 жилийн ой тавдугаар сарын 8-ны өдөр тохиож байгаа юм. Энэхүү өдөр хүүхдийн байгууллагыг үндэслэгч, их зохиолч Д.Нацагдоржийн хөшөөнд хүндэтгэлийн цэцэг өргөх ёслолын үйл ажиллагааг 11:00 цагт зохион байгуулна.
Хүндэтгэлийн арга хэмжээнд Улсын их хурал, Засгийн газар, Нийслэлийн удирдлагууд, Гэр бүл, хүүхэд, залуучуудын хөгжлийн газар, Нийслэлийн хүүхэд гэр бүлийн хөгжлийн газар, Дүүргүүдийн гэр бүл, хүүхэд залуучуудын хөгжлийн хэлтсийн дарга, мэргэжилтэн ажилтанууд, хүүхдийн байгууллагын үе үеийн ахмадууд, хүүхдийн хөгжил оролцооны байгууллагууд, хүүхдийн төлөөлөл оролцоно.
Хүүхдийн байгууллага нь Монгол Улс тусгаар тогтнолоо олсон цаг мөчийн дараахан буюу 1925 онд санаа зориг нийлсэн хэсэг залуучуудын санаачилгаар “Хойчийг залгамжлагч багачуудын холбоо” нэртэйгээр анх байгуулагдсан түүхтэй юм.
Энэхүү холбоо нь шинэ үеийн зохиолч Д.Нацагдоржоор удирдуулж, “Бүхний олон багачууд” дууг эгшиглүүлэн мянга мянган хүүхэд залуучуудын зүрх сэтгэлийг нэгэн зүгт хандуулахад ихэд анхааран ажилладаг байжээ.
Монголын хүүхдийн байгууллага нь,
- 1925-1940 онуудад Монголын пионерийн байгууллагын төв товчоо
- 1940-1949 онд МХЗЭ-ийн төв хорооны сургууль-пионерийн байгууллагын төв зөвлөл
- 1991 оноос Монголын Хүүхдийн төлөө Үндэсний газар
- 2016 оноос Гэр бүл, хүүхэд, залуучуудын хөгжлийн газар нэртэйгээр хүүхдийн байгууллага өргөжин тэлсэн түүхтэй гэж нийслэлийн Гэр бүл, хүүхэд, залуучуудын хөгжлийн газраас мэдээллээ.
-
2017 оны 5 сарын 05
Монгол Улсын Сонгуулийн Ерөнхий хороо өчигдөр хуралдаж, Ерөнхийлөгчийн сонгуулийн бэлтгэл ажилтай холбоотой зарим асуудлыг хэлэлцэж зохих шийдвэр гаргажээ.
-
2017 оны 5 сарын 05
Цэрэг татлага энэ сар 7-ны өдрийг хүртэл үргэлжилнэ
-
2017 оны 5 сарын 05
Онцгой байдлын ерөнхий газар, АНУ-ын Элчин сайдын яам, АНУ-ын Номхон далайн цэргийн командлалтай хамтран Өмнөговь аймагт энэ сарын 1-5-ны өдрүүдэд зохион байгуулсан “Говийн чоно-2017” гамшгийн хор уршгийг арилгах олон улсын сургалт, дадлага сургуулийн хаалтын ажиллагаа өнөөдөр боллоо.
-
2017 оны 5 сарын 05
Засгийн газраас баталсан ”Элэг бүтэн Монгол” үндэсний хөтөлбөрийн нээлтийн арга хэмжээ өнөөдөр Сүхбаатарын талбайд боллоо. Нээлтийн үйл ажиллагаанд Ерөнхий сайд Ж.Эрдэнэбат оролцож үг хэлсэн юм. Мөн тус арга хэмжээнд Засгийн газрын 2016-2020 оны үйл ажиллагааны хөтөлбөрт багтсан үндэсний хөтөлбөрийн хамтран хэрэгжүүлэгчээр ажиллаж буй Хөдөлмөр, нийгмийн хамгааллын яамыг төлөөлж дэд сайд С.Мөнгөнчимэг оролцлоо.
Тэрбээр нээлтийн арга хэмжээний үеэр ”Эрүүл мэндийн даатгалын тухай хуулиар Монгол хүн бүхэн эрүүл мэндийн даатгалд албан журмаар даатгуулах ёстой байдаг. Ингэснээр эрүүл мэндээ хамгаалах, өвдсөн тохиодолд үүсдэг санхүүгийн хүндрэлээ шийдэх нэг боломж бүрддэг. Өнгөрсөн оны байдлаар эрүүл мэндийн даатгалд нийт хүн амын 84 хувь нь хамрагджээ, Даатгалын санд 302 тэрбум төгрөг төвлөрч, эрүүл мэндийн тусламж, үйлчилгээ авсан иргэдэд 242 тэрбум төгрөг зарцуулсан байна.
Монгол Улсын Засгийн газрын 2020 он хүртэл хэрэгжүүлэх үйл ажиллагааны хөтөлбөрт “Элэг бүтэн Монгол” үндэсний хөтөлбөр хэрэгжүүлэхээр тусгасан. Энэ хүрээнд Хөдөлмөр, нийгмийн хамгааллын яамны хувьд элэгний өвчлөлийг бууруулах, иргэдээ эрүүл энх, элэг бүтэн байлгахын төлөө хэд хэдэн ажил хийж байгаа. Юун түрүүнд С вирусийн эсрэг үйлчилгээтэй Харвони болон бусад төрлийн 5 эмийн үнийг Эрүүл мэндийн даатгалын сангаас хайрцаг тус бүрт 210 мянган төгрөгөөр хямдруулсан. Мөн элэгний В, С вирусийг илрүүлэх шинжилгээнд, даатгалд хамрагдсан 40-65 насны бүх хүмүүс буюу 500 мянган хүнийг хамруулан, эрүүл мэндийн даатгалын сангаас 1.4 тэрбум төгрөг зарцуулахаар төлөвлөж байна. 2017 ондоо багтааж даатгуулагчийг урьдчилан сэргийлэх үзлэг шинжилгээнд хамруулах ажлыг хэрэгжүүлнэ. Тодруулбал 40-65 насны бүх даатгуулагчид 5 жил тутамд 1 удаа үнэ төлбөргүйгээр эрүүл мэндийн иж бүрэн шинжилгээнд хамрагдах зохицуулалтыг бий болгохоор ажиллаж байна.
Элэг бүтэн Монгол хөтөлбөрийн хүрээнд цаашид Эрүүл мэнд, нийгмийн даатгалын сангийн чөлөөт мөнгөн үлдэгдлийг клиник эмнэлэг байгуулахад зориулахаар судалгаа шинжилгээний ажил эхэлснийг энд дуулгая аа. Иргэд маань, та бүхэн цаашид дэлхийн стандартад нийцсэн, эмчилгээ оношилгоогоор эх орондоо бүрэн дүүрэн үйлчлүүлэх боломжийг бүрдүүлэхийн төлөө Монгол Улсын Засгийн газар, Хөдөлмөр, нийгмийн хамгааллын яам, Эрүүл мэндийн яам ажиллаж байгаа. Монголчууддаа элгээрээ энх амгалан, эрүүл, аз жаргалтай амьдралын ерөөлийг өргөе” гэж хэллээ.
Хөдөлмөр, нийгмийн хамгааллын яам болон Эрүүл мэнд, нийгмийн даатгалын ерөнхий газраас тус хөтөлбөрийн хүрээнд элэгний С вирусийн эмийн үнийг хайрцаг тутамд нь 210 мянган төгрөгөөр хөнгөлж, вирус тоолох лабораторийн шинжилгээний үнийн дүнд 80-120 мянган төгрөгийн хөнгөлөлт үзүүлэх шийдвэрүүдийг тус тус гаргаад байна. Мөн ойрын өдрүүдэд 40-65 насны даатгуулагчийн элэгний В, С вирусыг илрүүлэх оношилгоо, шинжилгээний зардлыг эрүүл мэндийн даатгалын сангаас төлбөрийг нь 100 хувь хариуцахаар болоод байна.
-
2017 оны 5 сарын 05
Дөрөвдүгээр сарын 14-ний өдөр Бөмбөгөр худалдааны төвд балчир хүүхэд эцэг эхээсээ төөрсөн тухай мэдээлэл Цагдаагийн байгууллагад иржээ.
-
2017 оны 5 сарын 05
Өнөөдөр олон улсын эх баригчдын өдөр. Олон улсын эх баригчдын өдрийг жил бүрийн 05 дугаар сарын 05–ны өдөр тэмдэглэн өнгөрүүлдэг уламжлалтай.
-
2017 оны 5 сарын 05
Жил бүрийн тавдугаар сарын 8-14-ны өдрүүдийг НҮБ-аас “Замын аюулгүй байдлыг хангах долоо хоног” болгон зарладаг. Энэхүү нэрэмжит аяны энэ жилийн уриа “Хурдаа хасч-амь насаа аваръя” бөгөөд манай улс энэхүү аянд нэгдэх юм байна.
-
2017 оны 5 сарын 05
Монголын үндэсний олимпийн хорооны /МҮОХ/ шинээр сонгогдсон Удирдах зөвлөл өнгөрсөн сарын 28-нд хуралдаж, хэд хэдэн асуудлаар шийдвэр гаргаж, цаашдыни ажлын төлөвлөгөөг гаргажээ. Энэ талаар өнөөдөр МҮОХ-ны Ерөнхий нарийн бичгийн дарга Э.Бадар-Ууган нар мэдээлэл хийлээ
МҮОХ-НЫ ЕРӨНХИЙ НАРИЙН БИЧГИЙН ДАРГА Э.БАДАР-УУГАН
-“МҮОХ-ны тэргүүн дэд ерөнхийлөгч Б.Баттүшиг “Токио 2020” Олимпийн багийн ахлагчаар сонгогдлоо. Мөн Хакухо М.Даваажаргал аварга Олимпийн элчээр томилогдсон. “Токио 2020” олимпийн наадамд спорт авиралт, дугуйт тэшүүр, бэйсбол, каратэ, серфинг гэсэн таван төрөл шинээр нэмэгдсэн байгаа. Үүнтэй холбоотойгоор бид шинэ төрлүүдийг олон нийтэд таниулж, сурталчлах зорилгоор сэтгүүлчдийн дунд спорт авиралтын төрлөөр тэмцээн зохион байгуулахаар болсон. Тэмцээн тавдугаар сарын 20-ндболно. МҮОХ ирэх олимпийн цикльд тамирчдыг илүү өрсөлдөөн гаргаж, бэлтгэл сургуулилтаа тогтмол хийдэг байх, идэвхи чармайлтыг дэмжих үүднээс сар бүрийн шилдэг тамирчин шалгаруулахаар ажиллаж байгаа”.
УУЛЧДЫН ҮНДЭСНИЙ ХОЛБООНЫ ТЭРГҮҮН Г.ЖАНГАР
“МҮОХ-оос зохион байгуулж байгаа “Авирагч сэтгүүлч-2017” гэсэн спорт авиралтын нээлттэй тэмцээн зохион байгуулахаар болсон. 2020 оны олимпод энэ төрөл албан ёсоор орсон. Энэхүү спортыг олон түмэнд түгээн дэлгэрүүлэх зорилгоор сэтгүүлчдийн дунд зохион байгуулж байгаа. Уг тэмцээнд оролцож бэлтгэлээ хангахын тулд сэтгүүлчдэдээ үнэгүй бэлтгэл хийх заалыг гаргаж өгсөн. Тухайлбал тавдугаар сарын 6, 13, 18-ны өдрүүдэд 16.00-20.00 цаг хүртэл “Ursa” спорт төвд бэлтгэл хийх боломжтой” гэлээ.
Г.ТҮШИГ
-
2017 оны 5 сарын 05
Монгол Улсаас БНХАУ-ын Эрээн хотод суугаа Консулын газраас консулын тойргийн нөхцөл байдалд үнэлэлт өгч, тус улсад хууль бусаар оршин суугаа иргэдийн эрх ашгийг хамгаалах ажил хийж,
-
2017 оны 5 сарын 05
Төв Аймгийн прокурорын газраас ”Хохирлоо барагдуулаад гэртээ харъя” сэдэвт 60 хоногийн аяныг Хорих 403, 415, 417 дугаар ангид зохион байгуулахаар болжээ.
