-
2015 оны 11 сарын 30
Ирэх онд нийслэлийн болон улсын төсвийн хөрөнгө оруулалтаар Улаанбаатар хотод 319 тэрбум төгрөгийн хөрөнгө оруулалтын ажил хийгдэхээр болов.
-
2015 оны 11 сарын 30
”Сутайн буянт” ХХК-ийн автобус дахин ноцтой осол гаргажээ.
-
2015 оны 11 сарын 30
Улаанбаатар хотын Ерөнхий менежерийн тушаалаар золбин нохой муур устгалын ажлыг эрчимжүүлэх нохой устгалын 12 бригадыг хороодод 2-4 өдөр ажиллуулж байна. Мөн нохой муур тооллогын ажлыг хоёр үе шаттай зохион байгуулах ажил хийж байгаа юм. Сонгинохайрхан дүүрэг 11 дүгээр сарын 24-27-ны өдрүүдэд 5366, Баянзүрх дүүрэг 11 дүгээр сарын 28, 29-ний өдрүүдэд 2481 золбин нохой, муур устгасан. Нэг сард устгадаг байсан 7847 нохой муурыг эхний 6 өдрийн байдлаар устгаад байна. Уг ажил 2015 оны 12 дугаар сарын 15-ны өдөр хүртэл үргэлжилнэ гэж Улаанбаатар хотын Захирагчийн ажлын албанаас мэдээллээ.
-
2015 оны 11 сарын 30
лноо “Хас”-ын хэмээн нэрлэгдсэн “Ард Санхүүгийн Нэгдэл”-ийн Гүйцэтгэх захирал Ч.Ганхуяг тус үйлдвэрийн барилгыг иргэдтэй хамтраад авах санал гаргасан.
-
2015 оны 11 сарын 30
Хэвлэх үйлдвэрийн барилгыг 24 тэрбум төгрөгөөр Монгол Улсын иргэн Абдул Карим худалдаж авав.
-
2015 оны 11 сарын 30
Долоон сартай хүү галд өртөж нас барсан хэрэг өнгөрөгч ням гаригт Багануур дүүрэгт гарчээ.
Тус дүүргийн тавдугаар хорооны ”Нарийны гудамж”-нд А монгол гэр шатаж, галд долоон сартай хүү өртөж нас барсан хэргийг Багануур дүүргийн цагдаагийн хэлтэст шалгаж байна.
Түймрийн дуудлага ирсэн даруй дүүргийн Онцгой байдлын хэлтсийн 64 дүгээр ангийн алба хаагчид очиж галыг унтраасан ч хүүг аврахад оройтсон байжээ.
-
2015 оны 11 сарын 30
ЦЕГ-ын харьяа Түр хамгаалах байраар 580 орчим иргэн үйлчлүүлжээ.
-
2015 оны 11 сарын 30
ХБНГУ-ын “VITRONIC” Групп Компанийн үйлдвэрийн хурдны зөрчил илрүүлэх зөөврийн төхөөрөмж авчран туршилт хийж, нэвтрүүлэхэд бэлэн болжээ. Замын хөдөлгөөний хяналтын VITRONIC-ийн системүүд нь лазер сканерийн хэмжилтийн техник дээр тулгуурладаг хурд хэмжих техникийн шинэ үеийн төхөөрөмж юм. Тус систем нь олон эгнээгээр яваа олон машины хурдыг нэг дор хэмжинэ.
Зам барилгын ажлын үед, тойруу, түннел болон үзэгдэх орчин хязгаарлагдмал нөхцөлд ч хурдны хэмжилт хийнэ. Хурдны зөрчил бүртгэгч зөөврийн төхөөрөмжийг хяналтгүй байсан авто замууд болох Нисэхийн, Зуслангийн, Баянхошуу Хөтөл зэрэг хурд ихээр хэтрүүлдэг аюултай байршилуудад аюулгүй байдлыг хангуулахаар байрлуулжээ. Иймд жолооч нарыг Монгол улсын Замын хөдөлгөөний аюулгүй байдлын хууль, Замын хөдөлгөөний дүрэмд заагдсан хотын дотор явах хөдөлгөөний хурдаа баримтлахыг замын хөдөлгөөний удирдлагын төвөөс мэдээлж байна.
-
2015 оны 11 сарын 30
2015 оны 11 дүгээр сарын 23-ны өдөр Баянгол дүүргийн прокурорын газрын туслах ажилтнууд тус дүүрэг дэх цагдаагийн 1, 2 дугаар хэлтсийн албан хаагчидтай хамтран өөрсдийн санаачлагаар “Тээврийн дээд сургууль” болон “Монголын Үндэсний Их сургууль”-ийн 2 дугаар курсийн оюутнуудад Эрүүгийн хуулийн тусгай ангийн 181 дүгээр зүйлд заасан Танхайрах гэмт хэргийн талаар, мөн энэ төрлийн гэмт хэргээс урьдчилан сэргийлэх сургалт зохион байгуулсан байна.
-
2015 оны 11 сарын 30
Өмнөговь аймгийн Ханбогд суман дахь сум дундын нэгдүгээр прокурорын газрын шинэ конторын барилгыг ашиглалтанд хүлээн авах ажиллагаа 2015 оны 11 дүгээр сарын 27-ны өдөр боллоо. Ханбогд суман дахь сум дундын нэгдүгээр прокурорын газар нь Өмнөговь аймгийн Цогтцэций, Цагаан-Овоо, Манлай, Ханбогд суманд гарсан гэмт хэрэг, зөрчлийн хэрэг бүртгэлт, мөрдөн байцаалтын ажиллагаанд нутаг дэвсгэрийн зарчмаар хяналт тавьж, тус суман дахь Сум дундын шүүхээр хэрэг хянан хэлэлцэж шийдвэрлэх ажиллагаанд оролцож ажиллах үүрэгтэй юм.
Тус барилга нь нийт 432 м2 талбай бүхий, хоёр давхар прокурор, ажилтнуудын ажиллах нөхцөл боломж, тав тухыг бүрэн хангасан өрөө тасалгаатай, мөн 2 айлын орон сууцтай баригдсан бөгөөд гүйцэтгэлийн ажлыг Ц.Амарсайхан захиралтай “Билэгт багана“ ХХК чанарын сайн үнэлгээтэйгээр, 3 сарын хугацаанд барьж, улсын комисст хүлээлгэж өгсөн байна.
Тус прокурорын газрын конторын шинэ барилгыг ашиглалтанд хүлээж авах ажиллагаанд Улсын Ерөнхий Прокурорын туслах , Тамгын Газрын дарга Ц.Арвинбуудай, УЕПГ-ын ХМОНХАлбаны дарга Т.Сүхбаатар, Өмнөговь аймгийн прокурор Доной, Ханбогд сумын ИТХ-ын дарга, Ханбогд сумын засаг дарга нар болон тус суман дахь Сум дундын шүүхийн ерөнхий шүүгч н. Баттулга, шүүгч Г.Солонго, Цогтцэций суман дахь цагдаагийн хэлтсийн дарга, цагдаагийн хурандаа Баттогтох, цагдаагийн хошууч Батбаяр нарын зэрэг хүмүүс оролцож, тус прокурорын газрын хамт олонд ажлын өндөр амжилт гаргаж ажиллахыг хүсэн ерөөлөө.
-
2015 оны 11 сарын 30
Өнөөдөр болох Нийслэлийн ИТХ-ын ээлжит 32 дугаар хуралдаанаар нийслэлийн 2016 оны төсвийг хэлэлцэх юм. НИТХ-ын дэгийн дагуу нэгдсэн хуралдаанаар хэлэлцэх асуудлыг намын бүлгүүд болон НИТХ-ын хороодоор хэлэлцүүлэн санал, дүгнэлт гаргадаг.
НИТХ-ын Санхүү эдийн засгийн хороо бямба гарагт энэхүү асуудлаар хуралдсан ч тодорхой шийдэлд хүрээгүй учраас өнөөдөр 10:30 цагаас дахин хуралдахаар боллоо. Тиймээс НИТХ-ын ээлжит хуралдаан өнөөдрийн 12:30 цаг хүртэл түр хойшлогдлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 30
Ирэх долоо хоногт ихэнх нутгаар цас орно
-
2015 оны 11 сарын 30
ЦЭРГИЙН АНГИЙН АЛБАНЫ ДАРГЫГ АВЛИГЫН ХЭРГЭЭР ШАПГАЖ ЭХЭЛЖЭЭ
Завхан аймаг дахь Зэвсэгт хүчний 325 дугаар ангийн санхүүгийн албаны дарга хошууч Б.Шинэбатыг албан тушаалын байдпаа урвуулан ашигласан гэсэн үндэслэлээр АТГ-аас шалгаж эхэлжээ. Сэжигтэнг 128 сая төгрөг завшсан гэдэг үндэслэлээр дотоод хяналтынхан нь АТГ-т ханджээ. Мөн түүнийг цэргийн жинхэнэ албанаас нь хассан байна.
Үүнээс гадна Гаалийн ерөнхий газрын Санхүү, хөренгө оруулалтын хэлтсийн даргаар ажиллаж байсан Ч.Насанбат бусдаас их хэмжээний авлига авч, гаалийн бүрдүүлэлт хуурамчаар үйлдсэн хэрэгт шалгагдаж байгаа юм. Тэрбээр гурван сарын өмнө Замын-Үүд дэх Гаалийн газрын ахлах байцаагчаар ажиллаж эхэлсэн юм. Энэ албан тушаалаа урвуулан ашигласан хэрэгт холбогджээ. Ч.Насанбаттай хамт түүний удирдпагад ажиллаж байсан дөрвен байцаагчийг шалгаж байгаа аж. Тэд БНХАУ-аас оруулж ирсэн их хэмжээний тавилгад гаалийн хуурамч бүрдүүлэлт хийсэн бололтой. Энэ үйлдлийг нь Гаалийн ерөнхий газрый дотоод хяналтынхан илрүүлж АТГ-т хандсан аж.
-
2015 оны 11 сарын 30
Улаанбаатарт зээрийн сүрэг орж иржээ. Тодруулбал өнөөдөр өглөө үүрээр 22-ын товчоо орчимд сүрэг зээр орж ирсэн болохыг эх сурвалж мэдээлж байна.
-
2015 оны 11 сарын 30
Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Ажлын хэсэг байгуулах тухай” А/907 дугаар захирамж гаргалаа. Захирамжаар Ази, Европын дээд түвшний арван нэгдүгээр уулзалтын бэлтгэл ажлыг хангах зорилгоор “Хот тохижилт, засвар, арчлалт, ашиглалтыг сайжруулах нэгдсэн төлөвлөгөө”-ний төсөл боловсруулах Ажлын хэсгийг байгууллаа. Ажлын хэсгийн даргаар Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал ажиллана.
“Хот тохижилт, засвар, арчлалт, ашиглалтыг сайжруулах нэгдсэн төлөвлөгөө”-ний төслийг 2015 оны 12 дугаар сарын 03-ны өдрийн дотор нийслэлийн Удирдлагын зөвлөлийн хуралд танилцуулахыг Ажлын хэсэгт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 30
Нийслэлийн орлогч Ц.Буяндалай ажлаасаа чөлөөлөгдөх өргөдлөө өгчээ
Нийслэлийн Засаг дарга Э.Бат-Үүл тодорхой салбар хариуцсан зургаан орлогчтой ажилладаг. Харин саяхны үйл явдлаас болоод нэг орлогчоо явуулахаар болсон тухай хотын захиргаа хавиар ид шуугиж байна. Тодруулж хэлбэл, Нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалай өнгөрсөн баасан гарагт ажлаасаа чөлөө- лөгдөх өргөдлөө өгчээ. Учир шалтгааны хувьд янз бүрийн тайлбар, таамаг хөвөрч байгаа хэдий ч нийслэлийн төсөвт дарамт учруу- лахуйц үйлдлийг дур мэдэн хийсэн гэдэг шүүмжлэл Ц.Буяндалай орлогчийг өргөдлөө өгөхөд хүргэсэн бололтой. Нийслэлийн ИТХ дахь АН-ын бүлгийн өнгөрсөн долоо хоногт болсон хурал дээр энэ талаар цухасхан яриад өнгөрчээ. Ц.Буяндалай чөлөөлөгдөх хусэлтийг хүлээн авбал түүний оронд өөр хүнийг нөхөн томилох эсэх нь одоогоор тодорхойгүй байгаа юм байна. Зарим эх сур- валжийн мэдээлснээр шинэ хүн нөхөн томилолгүй нөгөө таван орлогчийн гогд давхар хариуцуулах байдлаар зохицуулах хувилбар байгаа аж.
-
2015 оны 11 сарын 30
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Цэргийн бүртгэл явуулах тухай” А/910 дугаар захирамж гаргалаа. Захирамжийн дагуу нийслэлийн хэмжээнд цэргийн үүрэгтэн, бэлтгэл офицеруудын бүртгэлийг 2016 оны 01 дүгээр сарын 06-ны өдрөөс 24-ний өдөр хүртэлх хугацаанд зохион байгуулна.
Цэргийн үүрэгтэн, бэлтгэл офицеруудын 2016 оны бүртгэлийн ажлыг удирдан зохион байгуулах ажлын хэсгийн даргаар нийслэлийн Засаг даргын Тамгын газрын дарга Ё.Гэрэлчулуун ажиллах юм.
Нийслэлийн Ажлын хэсэг, дүүргүүдийн Засаг дарга нарт дараахь ажлыг үүрэг болгов. Үүнд:
Дүүрэг, хороодод цэргийн бүртгэлийн ажлыг хүн амын тоо бүртгэлтэй нягт уялдуулан зохион байгуулж, гишүүдийн ажил үүргийн хуваарийг тогтоон, бүртгэл явуулахад шаардлагатай автомашин, ажлын байр, хүн хүчийг гарган ажиллуулах
Цэргийн үүрэгтэн, бэлтгэл офицеруудын бүртгэлийн ажлыг Засаг захиргааны анхан шатны нэгж, хороон дээр төвлөрүүлэн зохион байгуулж, албан тушаалтнуудад холбогдох хууль тогтоомж, цэргийн тоо бүртгэлийг зохион байгуулах журмын талаар сургалт, семинар зохион байгуулж, шаардлагатай гарын авлага, материалаар ханган, тоо бүртгэлийн ажилд хяналт тавин ажиллах
Цэргийн тоо бүртгэлийг зохион байгуулахтай холбогдуулан иргэд, цэргийн үүрэгтнүүдэд Монгол Улсын иргэний цэргийн үүргийн болонцэргийн албан хаагчийн эрх зүйн байдлын тухай хууль, бусад холбогдох хууль, эрх зүйн баримт бичгүүдийг хэвлэл мэдээллийн хэрэгслээр сурталчлах, тайлбарлан таниулах ажлыг шуурхай зохион байгуулах
Тоо бүртгэлээс зайлсхийгчид, завсардагчдыг эрэн сурвалжилж, бүртгэлд хамруулах ажилд цагдаагийн байгууллага, иргэний бүртгэл мэдээллийн ажилтнууд болон холбогдох албан тушаалтнуудыг татан оролцуулж, тоо бүртгэлийн журам зөрчигчдөд хуулийн дагуу хариуцлага тооцон ажиллах
Дүүргүүд цэргийн үүрэгтэн, бэлтгэл офицеруудын бүртгэлийг явуулсан тухай мэдээ, тайлан, судалгааг 2016 оны 01 дүгээр сарын 27-ны өдрийн дотор Цэргийн үүрэгтэн, бэлтгэл офицеруудын 2016 оны бүртгэлийн ажлыг удирдан зохион байгуулах нийслэлийн Ажлын хэсэгт ирүүлэх
Цэргийн тоо бүртгэлийн явц, чанар, цэргийн үүрэгтнүүдийн хамралтад хяналт тавин ажиллаж, 2016 оны 02 дугаар сарын 01-ний өдрийн дотор мэдээ, судалгаа, тайланг нэгтгэн танилцуулж, Батлан хамгаалах яам болон Зэвсэгт хүчний Жанжин штабт хүргүүлэхийг Нийслэлийн Засаг даргын Тамгын газрын Цэргийн штабт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 30
Хангарди ордны 14 давхарт
09:00 цагт НИТХ-ын ээлжит хуралдаан эхэлнэ. Хуралдаанаар нийслэлийн 2016 оны төсөв болон 2016 оны газар зохион байгуулалтын төлөвлөгөөг хэлэлцэнэ. Дэлгэрэнгүй мэдээллийг 325044 88781218
Монгол цэргийн музейн хажууд 4 блок барилга
11:30 цагт 2011 оноос хойш сунжирч байгаа цэргийн алба хаагчдын 300 айлын орон сууцны нээлт болно. Барилга гүйцэтгэгч компанийн зүгээс хамааран зогсонги байдалд орсон учраас манай барилга, инженерийн цэргийн ангиуд ”царцсан” барилгаа өөрсдийн хүч, хөдөлмөрөөр барьж ашиглалтад оруулж байна. Харилцах утас: 99121715
Шүүхийн ерөнхий зөвлөлийн байранд
11:00 цагт ”Шүүгчдийн сонгон шалгаруулалт, шүүгчдийн сургалт, шүүхийн хүний нөөцийн шинэтгэл” сэдвээр болон шүүхийн төсөв, эдийн засгийн баталгааны талаар болон бусад асуудлаар хэвлэлийн бага хуралтай. Утас: 70008028 91912312
ШУТИС-ийн төв байранд
11:00 цагт БСШУ-ны сайд Л.Гантөмөрийг дээд боловсролын салбарт оруулсан хувь нэмэрийг нь үнэлэн МУШУТИС-ийн ”Хүндэт доктор”-оор өргөмжлөх ёслол болно. Утас: 91913865, 98119897
Байгаль орчны яамны ”Говь” танхимд
12:00 цагт ”Хөвсгөл далайн эзэд” төрийн бус байгууллага ”Байгальд ээлтэй гишүүн”-ээр хэнийг ямар шалгуураар тодруулснаа олон нийтэд зарлана. Мөн халтай шийдвэр гаргасан нөхдийг ч үлдээгээгүй байна. Энэ удаа ”Байгальд ээлтэй гишүүн”-ээр Хөдөлмөрийн сайд Г.Баярсайхан, Хууль зүйн байнгын хорооны дарга Д.Ганбат, гишүүн С.Одонтуяа, Л.Энх-Амгалан нар тодорчээ. Асуух зүйл гарвал 91915340, 99017930, 88843030
Урчуудын эвлэлийн 2 давхарт ”The best Art Gallery”-д
17:30 цагт ”Монгол-Энэтхэгийн харилцаа, хамтын ажиллагааны нэгэн жаран” үзэсгэлэн нээлтээ хийх гэж байна.
-
2015 оны 11 сарын 30
Тухайн өдөр нохой, хонь жилтнээ аливаа үйлийг хийхэд эерэг сайн. Эл өдөр усан балин гаргах, газар лус тахих, эм найруулах, бурханд залбирах, чимэг зүүх, мод тарих, байшингийн суурь тавих, мал адгуус муулах үйл, янаг амрагтайгаа учрахуй хийгээд абшиг авахуй, ус гатлахуй угаал үйлдэхүй тэргүүтэнд сайн. Газар ухах, мод огтлох, цөөрөм, худаг малтах, мод таслах, тангаргалах, хурал цуглаан хийхэд муу. Өвдвөл арав хоногт аньюу. Замд гарвал идээ, ундаа, хувцас чимэг олдоно. Баруун нүд татвал садан төрөл ирэх, зүүн нүд татвал баясгалангийн хурим болно. Баруун чих хангинавал гаслан болох ба зүүн чих хангинавал алдаж бүрэлгэснийг үзэх болно. Нохой уливал хэрүүл тэмцэл маргаан болох ба хэрээ дуугарвал жуулчин ирнэ. Тагнай эрвэгнэвэл аймшиг гарах болно. Бие татвал хэрүүл маргаан хийгээд уйтгарлахуй үг дуулна. Өдрийн сайн цаг нь могой, бич, тахиа, гахай, бар, луу болой. Үс шинээр үргээлгэх буюу засуулбал өлсөж ундаасна.
-
2015 оны 11 сарын 30
2015 оны 11 дүгээр сарын 30-ны 08 цагаас 20 цаг хүртэлх цаг
агаарын урьдчилсан мэдээ:
Баруун болон төвийн нутгаар үүлэрхэг. Бусад нутгаар үүлшинэ. Баруун болон төвийн ихэнх нутаг, говийн нутгийн хойд хэсгээр цас орж, цасан шуурга шуурна. Салхи нутгийн зүүн хэсгээр зүүн өмнөөс, бусад нутгаар баруун хойноос секундэд 6-11 метр, зарим газраар түр зуур секундэд 16-18 метр хүрч ширүүснэ. Дархадын хотгор, Хүрэн бэлчир, Идэр, Тэс голын сав газраар 13-18 градус, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын сав газраар 6-11 градус хүйтэн, Говийн бүс нутгийн өмнөд хэсгээр 3 градус дулаанаас 2 градус хүйтэн, бусад нутгаар 2-7 градус хүйтэн байна.
УЛААНБААТАР ХОТ: Үүлэрхэг. Цас орж, зөөлөн цасан шуурга шуурна. Салхи баруун өмнөөс хойш эргэж секундэд 7-12 метр. 5-7 градус хүйтэн байна.
