Тагнуулын ерөнхий газрын дарга асан хошууч генерал Б.Хурц, Б.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт холбогдох эрүүгийн хэргийн шүүх хуралдаан Төв аймаг дахь сум дундын эрүүгийн хэргийн анхан шатны шүүхэд тав хоног үргэлжилж шийдвэрээ гаргалаа.

Улмаар тэд ял оноох шийдвэрийг шүүхээс гаргасан юм. Тодруулбал, Ж.Мөнхгал, С.Баярт, Б.Хурц нарт 3 жилийн хорих ял, Э.Өлзийбаярт 1 жилийн хорих ял, Г.Эрдэнэбатад 3 жилийн хорих ял, О.Бямбажавд 2 жилийн хорих ял, Ү.Отгонбаярт 2 жилийн хорих ял оноож, О.Бархасбадь, С.Эрдэнэбат нарыг цагаатгахаар Төв аймгийн сум дундын эрүүгийн хэргийн анхан шатны шүүхээс шийдвэрлэлээ.

Хэргийг сануулахад, Эрүүгийн 830142 дугаартай уг хэрэгт Б.Содномдаржаа, Т.Чимгээ нарыг төр, нийгмийн нэрт зүтгэлтэн С.Зориг агсны амь насыг онц хэрцгийгээр хөнөөсөн гэмт хэрэгт холбогдуулан анхан шатны шүүхийн 2016 оны арванхоёрдугаар сарын 27-ны өдрийн 03 дугаартай шийтгэх тогтоол, Давж заалдах шатны шүүхийн 2017 оны гуравдугаар сарын 14-ний өдрийн 171 дугаартай магадлал, Хяналтын шатны шүүхийн 2017 оны наймдугаар сарын 04-ний өдрийн 185 дугаартай тогтоолоор тус бүрийг гэм буруутайд тооцож, хорих ял оногдуулж шийдвэрлэсэн байдаг.

Гурван шатны шүүхийн хүчин төгөлдөр шийдвэрийн дагуу Б.Содномдаржаа, Т.Чимгээ нарт ногдуулсан ялын хүрээнд тэд тус тусын хорих ялаа эдэлж байгаа юм. Гэвч шүүгчийн алх дуугарч, шүүхээс ял ногдуулсан Б.Содномдаржаа, Т.Чимгээ нарыг эрүүдэн шүүсэн гэх хэргээр тагнуулын дарга асан, хошууч генерал  Б.Хурц тэргүүтэй хуулийн байгууллагын есөн  ажилтныг шалгаж эхлээд жил гаруйн хугацаа өнгөрч байгаа юм.

Ингэхдээ өнгөрсөн  2019 оны наймдугаар сард Төв аймаг дахь Эрүүгийн хэргийн анхан шатны шүүх Б.Хурц, УЕП-ын орлогчоор ажиллаж байсан Г.Эрдэнэбат нарын эрүүдэн шүүсэн хэргийг хэлэлцээд хэргийн нотлох баримт хангалтгүй хэмээн үзэж нэмэлт мөрдөн байцаалтад буцаасан.

Улмаар Б.Хурц, О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт холбогдох шүүх хурал Төв аймаг дахь сум дундын эрүүгийн хэргийн анхан шатны шүүх хурал өнгөрсөн тавдугаар сард болсон ч дахин хойшлогдсоор өнөөдрийг хүрч байна.

Б.Хурц нарт Нийслэлийн Прокурорын газраас 2015 оны Эрүүгийн хуулийн ерөнхий ангийн 1.8 дугаар зүйлийн 1 дэх хэсэг, 1.9 дүгээр зүйлийн 2 дахь хэсэг, 2002 оны Эрүүгийн хуулийн ерөнхий ангийн 34 дүгээр зүйлийн 34.1, 35 дугаар зүйлийн 35.3, 36 дугаар зүйлийн 36.3 дахь хэсэгт заасныг тус тус журамлан Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар яллах дүгнэлт үйлдсэн байдаг.

Эрүүгийн хуульд зааснаар Б.Хурц нарт төлөвлөсөн дээрх зүйл анги нь 3-5 жилийн хорих ялтай байсан юм.

Шүүх дээр энэ хэргийг сунжруулах хуйвалдаан явагдаж байна. Шүүгч нар арьсаа хамгаалахын тулд хугацаа хожиж, яргалсан хүмүүст боломж олгох хуйвалдаан зохион байгуулж байна. Хуультай улсад Б.Содномдаржаа, Т.Чимгээ хоёрыг нэг ч цаг алдалгүй суллах ёстой.

С.Зоригийг хөнөөсөн хэргийн сэжигтнүүдийг эрүүдэн шүүж буй бичлэгийг нууцын зэрэглэлээс гаргаж, олон нийтэд үзүүлсэн. Энэ хэрэгт холбогдсон Б.Хурц нарын 9 хүний шүүх хурал Төв аймгийн шүүхэд болох юм. Шүүх хуралд миний бие оролцоно. Эрүү шүүлтийн улмаас хэрэг хүлээж, ял авсан Б.Содномдаржаа, Т.Чимгээ нарыг яаралтай суллах хэрэгтэй гэсэн байр сууриндаа Түр хороо хатуу зогсож байгаа. Олон Улсын парламентын холбоо, тус холбооны гишүүд ч санал нэг байгаа. Мөн УИХ-ын таван гишүүн нэгдэж, томоохон 23 хэргийг шалгуулахаар УЕП-т хүсэлт хүргүүлсэн. Үүнээс 13 нь шүүхэд шилжсэн байна. Монголын шүүх, хараат бусаар, шударга ажиллаж чадах эсэхийг харах үлдлээ. 

С.Зоригийг хөнөөсөн хэргийн сэжигтнүүдийг эрүүдэн шүүж буй бичлэгийг нууцын зэрэглэлээс гаргаж, олон нийтэд үзүүлсэн. Энэ хэрэгт холбогдсон Б.Хурц нарын 9 хүний шүүх хурал Төв аймгийн шүүхэд болох юм. Шүүх хуралд миний бие оролцоно. Эрүү шүүлтийн улмаас хэрэг хүлээж, ял авсан Б.Содномдаржаа, Т.Чимгээ нарыг яаралтай суллах хэрэгтэй гэсэн байр сууриндаа Түр хороо хатуу зогсож байгаа. Олон Улсын парламентын холбоо, тус холбооны гишүүд ч санал нэг байгаа. Мөн УИХ-ын таван гишүүн нэгдэж, томоохон 23 хэргийг шалгуулахаар УЕП-т хүсэлт хүргүүлсэн. Үүнээс 13 нь шүүхэд шилжсэн байна. Монголын шүүх, хараат бусаар, шударга ажиллаж чадах эсэхийг харах үлдлээ. 

Гүйцэтгэгчийн хэрэг илэрсэн. Цагдаа, тагнуул, прокуророос ажлын хэсэг гарч шалгасан. Энэ хэрэгт оролцсон хоёр хүн хэргээ хүлээсэн. Гэхдээ тэдний үгээр биш хөндлөнгийн нотлох баримтаар энэ хэрэг шүүх рүү явсан. C.Зоригийн хэрэг Эрдэнэтээс гаралтай. Наад хүүхдүүд чинь Эрдэнэтэд амьдарч байсан шүү дээ.

Сэжигтэй хүмүүсээс гадаадад очиж тайлбар мэдүүлэг авсан гээд олон ажиллагаа хийгдсэн. 1998 оноос өгөгдсөн мэдээлэл болгоны араас явж шалгасан. 65 хавтаст хэргийг ямар зүйлээр дүүргэсэн байх вэ. Энэ болгоныг нарийвчилж шалгасан. Сэжиг бүхий нэг хүний мэдээлэл нотлогдсон. Эндээс хэргийн зангилаа тайлагдаж, баримт болгон нь нотлогдсоор хэргийн гүйцэтгэгчдийн үйлдсэн хэрэг илэрсэн.

С.Сүлд