Өнөөдөр болох үйл явдлын тоймыг хүргэж байна.

09:00 цагт: "Монголын угсаатан судлал: Дэг, өв, чиг хандлага” эрдэм шинжилгээний хурал ШУА-ийн Тэргүүлэгчдийн газрын Их чуулганы танхимд болно.

09:00 цагт: “Gem mall3 худалдааны төвд эхнэрээ хөнөөсөн ноцтой хэргийн шүүх хурал Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд болно.

10:00 цагт: Монгол-Хятадын хэвлэл, мэдээллийн 15 дугаар форум "Туушин" зочид буудалд болно.

10:00 цагт: “Өвөр Монголын соёлын өдрүүд”-ийн хүрээнд “100 жил-100 бүтээл”-ийн номын зохиогчийн эрх шилжүүлэх ёслол, Хятад, Монголын хэвлэлийн солилцоо, ном хандивлах үйл ажиллагаа, “Амин гол” номын нээлт Уран зургийн галерейд болно.

11:00 цагт: Монгол Улсын нийгэм, эдийн засгийн үзүүлэлтийг танилцуулах хэвлэлийн хурал Үндэсний статистикийн хорооны байранд болно.

11:00 цагт: Монгол-Японы Утга зохиолын нийгэмлэгээс Японы алдарт зохиолч Шиба Рёотарогийн намтар, уран бүтээлийг эрдэм шинжилгээний эргэлтэд оруулах зорилгоор “Шиба Рёотаро ба Монгол” сэдэвт эрдэм шинжилгээний хурлыг МУИС-ийн хичээлийн I байр, “Эрдмийн танхим”-д зохион байгуулна.

11:30 цагт: “Albion Art Jewelry Institute” үүсгэн байгуулагч Казүми Арикава нь “Урлагийн бүтээлийн үнэ цэнэ ба нийгэмд үзүүлэх нөлөө” сэдвээр “Чингис хаан” үндэсний музейн хурлын танхимд олон нийтэд зориулан илтгэл тавина.

13:00 цагт: “Zone X” хөгжмийн фестивалийн хэвлэлийн хурал Төв цэнгэлдэх хүрээлэнд болно.

16:00 цагт: БНТУ-ын Засгийн газрын тэтгэлэгт хөтөлбөрт тэнцсэн оюутнуудад зориулан Туркийн Элчин сайдын яам болон Туркэд Төгсөгчдийн Хамтын Ажиллагааны Нийгэмлэг (АТА)-ийн зүгээс хамтран мэдээлэл хийх уулзалтыг ЭСЯ-ны байранд зохион байгуулна.

16:00 цагт: 16 болон 32 настай эмэгтэйг онц хэрцгийгээр хөнөөсөн хэргийн шүүх хурал Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд болно.