Улаанбаатар хот орчмоор, өдөртөө үүл багасна. Цас орохгүй. Шөнөдөө үүлшинэ.  Салхи шөнөдөө баруун хойноос, өдөртөө баруунаас секундэд 5-10 метр. Шөнөдөө Яармаг-Сонгины орчмоор -11-13 хэм, бусад хэсгээр -7-9 хэм хүйтэн, өдөртөө +3+5 хэм дулаан байна. Харин өнөөдөр Багануур орчмоор үүлшинэ. Цас орохгүй. Салхи баруун хойноос секундэд 6-11 метр. Шөнөдөө -9-11 хэм хүйтэн, өдөртөө +3+5 хэм дулаан байх бол Тэрэлж орчмоор үүлшинэ. Цас орохгүй. Салхи баруун хойноос секундэд 5-10 метр. Шөнөдөө -12-14 хэм хүйтэн, өдөртөө +3+5 хэм дулаан байна.

Хур тунадас: Нутгийн зүүн хэсгээр солигдмол үүлтэй. Шөнөдөө Дархадын хотгор, Хэнтийн уулархаг нутгаар, өдөртөө Хэрлэн, Онон, Улз, Халх голын хөндийгөөр ялимгүй цас орно. Бусад нутгаар багавтар үүлтэй, цас орохгүй.

Салхи: Ихэнх нутгаар баруун хойноос секундэд 5-10 метр, говь, тал хээрийн нутгаар секундэд 12-14 метр хүрч ширүүснэ.

Агаарын температур: Шөнөдөө Дархадын хотгор болон Хангай, Хөвсгөлийн уулархаг нутаг, Хүрэнбэлчир орчмоор -17-22 хэм, Алтай, Хэнтийн уулархаг нутаг, Завхан голын эх, Идэр, Тэс, Эг, Үүр, Ерөө, Туул, Тэрэлж голын хөндийгөөр -9-14 хэм хүйтэн, говийн бүс нутгийн өмнөд хэсгээр -4+1 хэм дулаан, бусад нутгаар -4-9 хэм хүйтэн, өдөртөө Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Туул, Тэрэлж голын хөндийгөөр 0+5 хэм, говийн бүс нутгийн өмнөд хэсгээр +11+16 хэм, бусад нутгаар +4+9 хэм дулаан байна.

Малчид, иргэд, тээвэрчдэд зориулсан мэдээ: Ойрын хоногуудад ихэнх нутгаар өдөртөө дулаарна.