Баянгол дүүргийн Засаг дарга Ө.Сумъяабаатар болон ЗДТГ-ын холбогдох хэлтсийн дарга мэргэжилтнүүд дүүрэгт 2025 онд хийгдсэн хөрөнгө оруулалтын ажлын тайлан, 2026 онд хийх ажлын саналыг сонсох уулзалтыг 2025 оны 11 дүгээр сарын 04-ний өдөр эхлүүлсэн. Энэ хүрээнд хоёр дахь өдрийн уулзалтаа дүүргийн 20, 29, 25, 28-р хорооны Ажлын албаныхантай хийлээ.
Дээрх хороодод 2025 онд улс, нийслэл, дүүргийн төсвийн хөрөнгө оруулалтаар төсөл арга хэмжээ хэрэгжүүлэхдээ оршин суугчдад тулгамддаг олон асуудлыг шат дараатай шийдвэрлэхээр төлөвлөж ажилласан бөгөөд энэ хүрээнд хийгдсэн ЗАРИМ АЖЛЫГ ОНЦЛОН хүргэе. Үүнд:
20-Р ХОРООНД:
- Эрчим хүчний гудамжны авто болон явган замын өргөтгөл шинэчлэл,
- 34-р цэцэрлэг болон БХН 48-р байрны урд тоглоомын болон 3х3 сагсан бөмбөгийн талбай,
Москвагийн гудамж дагуу явган хүний болон дугуйн зам,
29-Р ХОРООНД:
- “Эрин эверест интернэшнл” сургуулийг төрийн өмчид авснаар 2000 орчим хүүхэд хотхон дотроо хичээллэх боломж бүрдэв.
- Яармагийн уулзвараас дүүргийн ЗЦГ хүртэлх 2 км авто замыг өргөтгөн шинэчлэв.
- 46/1 байрнаас Гурвалжингийн гүүр хүртэлх 0,7 км автозамыг шинээр тавив. Мөн тус гүүрний тохижилтын ажлыг эхлүүлэв.
28-Р ХОРООНД:
- Энхтайваны өргөн чөлөө дагуух инженерийн шугам сүлжээний ажлыг бүрэн дуусгаж, хоёр урсгалтай авто зам, явган хүний зам, 80 гаруй авто машины зогсоол шинээр хийв.
- ДТХО-аар 150 хүүхдийн цэцэрлэгийн барилгыг барих ажлыг эхлүүлэв.
- “Түвшин өргөө” хотхон руу орох орц гарц, авто замыг шинээр тавьсан бол “Голдден парк-2” хотхоны 303-р байрны цахилгаан шатыг шинэчлэх ажил 80 хувьтай байна.
25 ДУГААР ХОРООНД:
- Энхтайваны өргөн чөлөө дагуух явган хүний замын ажил,
- “Голден парк-1” хотхоны 103, 106-р байрны цахилгаан шат шинэчлэх ажил,
- Авзага10а байрны 345м2 гадна фасадыг нөхөх, өнгөлөх ажлыг тус тус хийсэн байна.
Мөн уулзалтын үеэр дээрх хороодод тулгамддаг буюу 2026 онд хийх хөрөнгө оруулалтын ажлын төлөвлөгөөнд тусгахаар төлөвлөсөн саналуудыг сонсож, ярилцлаа.
