Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл Эерэг тэмүүлэл /Эртэч Монгол/ НҮТББ-тай хамтран "UB Debate 2025" сургагч багш бэлтгэх цогц хөтөлбөрийг нийслэлийн ерөнхий боловсролын 45 сургуулийн багш болон ахлах ангийн сурагчдын дунд хэрэгжүүллээ. Өнөөдөр тус хөтөлбөрийн финалын шат болж шилтгүүд тодорлоо.

Багш нарын дунд өрнөсөн мэтгэлцээний “ГРАНПРИ” шагналыг МУИС-ийн ЕБАС, 115-р сургууль, 141-р сургуулийн багш нараас бүрдсэн “Apex” баг тэргүүлж хүртлээ. Харин Нийслэлийн 111-р сургууль, “Номт наран”, “Уудам Монгол” сургуулийн багш нараас бүрдсэн “Femida” баг дэд байранд орж, 16-р сургууль, 18-р сургууль, “Тэмүүжин өрлөг” сургуулийн багш нараас бүрдсэн “Nemo” баг хоёрдугаар байр, Нийслэлийн 147-р сургууль, 21-р сургууль, 84-р сургуулийн багш нараас бүрдсэн “Logos-1” баг гуравдугаар байранд шалгарлаа.

Харин сурагчдын дунд өрнөсөн мэтгэлцээний “ГРАНПРИ” шагналыг Нийслэлийн 111-р сургуулийн “Шаркууд 111” баг хүртлээ. Мөн Нийслэлийн 155-р сургуулийн “Агора” баг дэд байрт, Нийслэлийн 147-р сургуулийн “Гэрэлтэх зам” гуравдугаар байрт, ШУТИС АС-ийн “Гэгээ” дөрөвдүгээр байрт, Нийслэлийн 12-р сургуулийн “Аpex”, “Шинэ эхлэл” сургуулийн “Kaizen” багууд тусгай байрт шалгарлаа.

Энэхүү хөтөлбөр нь олон төрлийн сургалт, арга хэмжээгээр дамжуулан мэтгэлцэх чадвартай, аливаа асуудалд нотолгоотой, шинжлэх ухаанчаар ханддаг шинэ үеийн төлөөллийг бий болгохоор зорилготой юм.

Эх сурвалж: НИТХ-ХМОНХА