“Иргэний нисэхийн үндэсний төв” ТӨХХК-ийн Захиргаа, санхүү удирдлагын газрын Захиргаа, хууль эрх зүйн хэлтсээс зохион байгуулдаг ээлжит “Мэдээллийн цаг” 2025 оны 10 дугаар сарын 16-ны өдөр “Гамшгаас хамгаалах төлөвлөгөө, ерөнхий ойлголт, бэлэн байдал, яаралтай тусламж үзүүлэх” сэдвээр зохион байгуулагдлаа. БЗД-ийн Онцгой байдлын хэлтсийн орлогч, дэд хурандаа Э.Энхбаяр, АШУИС-ын төв эмнэлгийн яаралтай тусламжийн эмч М.Цолмонсүрэн нар мэдээлэл өгсөн юм.
Энэ удаагийн “Мэдээллийн цаг” арга хэмжээг хоёр сэдвээр зохион байгуулж, ажилтнуудад нэгдсэн цогц мэдээлэл олгохыг зорьсон юм. Мэдээллийн цагийн эхэнд ХАБЭАХ-ийн дарга С.Батхуяг Монгол Улсын Засгийн газрын тухай хуулийн 24 дүгээр зүйлийн 2 дахь хэсэг, Гамшгаас хамгаалах тухай хуулийн 28 дугаар зүйлийн 28.1.5, 33 дугаар зүйлийн 33.1.4-т заасны дагуу гамшгаас хамгаалах Зам, тээврийн яаманд болох бэлэн байдлын үзлэгийн талаар мэдээлэл өгч, ажилтнуудад гамшгийн үеийн бэлэн байдлын дадлага, сургуулилтад хэрхэн оролцох талаар танилцууллаа.
Тус “мэдээллийн цаг”-ийн үеэр яаралтай тусламж үзүүлэх сэдвээр мэдээлэл өгөхдөө ажилтнуудын оролцоог ханган, анхан шатны тусламж хэрхэн үзүүлэх талаар дадлага сургуулилт хийлээ. Мөн гамшгаас хамгаалах төлөвлөгөөг хэрхэн боловсруулах, төлөвлөгөөнд ямар ажлуудыг заавал тусгах шаардлагатай талаар өргөн хүрээний мэдээлэл өгч, гамшгийн үед бэлэн байдлаа хэрхэн хангах талаар мэдээлэл өгч ажиллав.
