“Шар гэгээ” уран сайхны киног үзэгчдэд хүргэсэн баг, уран бүтээлчид дараагийн уран бүтээлээ толилуулахад бэлэн болжээ. Энэ удаад тус багийнхан Хөдөлмөрийн баатар, Ардын уран зохиолч Бавуугийн Лхагвасүрэнгийн “Дутуу хээтэй тооно” жүжгийн зохиолоос сэдэвлэн “Задлаагүй захиа” уран сайхны кино бүтээжээ.

Тус уран бүтээлийг “Аранжин пикчерс”, “Promix sound”, “Red point media”, “SO media” хамтран бүтээсэн бөгөөд 2026 оны эхний сард үзэгчдийн хүртээл болгохоор төлөвлөсөн байна.

Тэгвэл энэхүү “Задлаагүй захиа” кино багийнхан “Аавдаа бичих захидал” уралдаан зарлаж байна.

Аавдаа байнга хэлж чаддаггүй ч зүрхэндээ тээж явдаг талархал, уучлал, дурсамж, хайр, гуниг, бахархал зэрэг сэтгэлийн үгсийг захидал хэлбэрээр бичнэ.

Уралдааны зорилго:

Эцэг хүний үнэ цэнэ, хайр, хариуцлагыг сануулж, хүмүүсийн зүрхэнд хадгалагдаж үлдсэн аавдаа хэлж амжаагүй үгсийг цаасан дээр буулгах, гэр бүлийн дотно харилцааг дэмжихэд оршино.

Хамрах хүрээ:

• 16 нас хүртэл
• 17-аас дээш насны гэсэн хоёр ангиллаар захидлыг шалгаруулна

Уралдааны тавигдах шаардлага:

• Захидал нь монгол хэлээр бичигдсэн байна. Өмнө нь хаана ч нийтлэгдээгүй, бусдын бүтээлийг хуулбарлаагүй, өөрийн бүтээл байна. Үгийн тоонд хязгаар тавихгүй.
• Захидлын эхэнд эсвэл төгсгөлд оролцогчийн овог, нэр, нас, холбоо барих утас заавал бичигдсэн байна.

Уралдаан дүгнэх журам:

Шүүгчдийн баг захидлуудыг нэр нууцлан үнэлж, эцсийн шийдвэрийг гаргана.

Шагналын сан: 

• 1.000.000 төгрөг
• Хэвлэн нийтлэх

Тус шалгарсан захидалыг “Задлаагүй захиа” цахим хуудасанд нийтэлнэ.

Захидал хүлээн авах хугацаа: 2026 оны нэгдүгээр сарын 30-ныг хүртэл.

Зохион байгуулагч: Aranjin Pictures – Аранжин Пикчерс

Захидал хүлээн авах шуудангийн хаяг: ХУД 19-р хороо, Богдын гудамж, Тайж групп, 12-р байр 5 тоот

И-мэйл хаяг: marketing@somedia.mn