Улаанбаатар
Өнөөдөр / 2026.11.18
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
5006 5007 5008 5009 5010 5011 5012
  • “Насны хишиг”-ийн санхүүжилтийг шилжүүлжээ
    2017 оны 2 сарын 20
    Ахмад настны нийгмийн хамгааллын тухай хуулийг энэ оны эхний өдрөөс хэрэгжүүлж эхэлсэн. Хуульд тусгаснаар 121 мянган ахмадад жилд хоёр удаа ”Насны хишиг”-ийг олгохоор болсон.
  • Аюулгүй байдал, гадаад бодлогын байнгын хороо долоон хуулийг хэлэлцүүлж батлуулжээ
    2017 оны 2 сарын 20
    -УЛСЫН ИХ ХУРЛЫН 2017 ОНЫ НАМРЫН ЭЭЛЖИТ ЧУУЛГАНЫ ХУГАЦААНД АЮУЛГҮЙ БАЙДАЛ, ГАДААД БОДЛОГЫН БАЙНГЫН ХОРООНООС ГҮЙЦЭТГЭСЭН АЖЛЫН ТОВЧ ТАЙЛАН-






    2017.02.20


    Улсын Их Хурлын Аюулгүй байдал, гадаад бодлогын байнгын хороо намрын ээлжит чуулганы хугацаанд 21 удаа хуралдаж, хуулийн төсөл 16, Улсын Их Хурлын тогтоолын төсөл 3, олон улсын гэрээ, конвенцийг зөвшилцөх асуудал 3, Байнгын хорооны тогтоол 12-ыг хэлэлцэн шийдвэрлэж, харьяа яам, байгууллагын тайлан, илтгэл, мэдээлэл 4 удаа сонссон бөгөөд тус Байнгын хороонд харьяалагддаг Тусгай хяналтын дэд хороо нийт 3 удаа хуралдсан байна.




    Чуулганы хугацаанд Төрийн болон албаны нууцын тухай, Гамшгаас хамгаалах тухай хуулийн шинэчилсэн найруулга, Олон улсын гэрээний тухай хуулийн шинэчилсэн найруулга, Дипломат албаны тухай хуульд нэмэлт, өөрчлөлт оруулах тухай, Монгол Улсын Засгийн газар, Дэлхийн банкны Олон улсын хөгжлийн ассоциаци хооронд байгуулсан “Экспортыг дэмжих төсөл”-ийн Санхүүжилтийн хэлэлцээрийг соёрхон батлах тухай, Монгол Улсын Засгийн газар, Бүгд Найрамдах Австри Улсын Засгийн газар хоорондын Санхүүгийн хамтын ажиллагааны хэлэлцээрийг соёрхон батлах тухай, Дэлхийн худалдааны байгууллага байгуулах тухай Марракешийн хэлэлцээрт нэмэлт, өөрчлөлт оруулах тухай протоколд нэгдэн орох тухай зэрэг 7 бие даасан хуулийг чуулганы нэгдсэн хуралдаанаар батлуулсан.

    Байнгын хорооны хуралдаанаас чиглэл, үүрэг өгсөн тэмдэглэл 16, санал, дүгнэлт 31, эцсийн хэлэлцүүлгийн танилцуулга 4-ийг гаргаж, зөвшилцсөн асуудлаархи 13 санал, дүгнэлт, хуралдааны тэмдэглэлийг Засгийн газарт хүргүүлсэн. Байнгын хорооны тогтоолоор байгуулагдсан 7 ажлын хэсэг нийт 13 удаа хуралдсан байна.




    Мөн тус Байнгын хорооны дарга, гишүүд болон ажлын албаны ажилтнууд Монгол Улсын хилийн тухай хуулийн шинэчилсэн найруулга, Цагдаагийн албаны тухай хуулийн шинэчилсэн найруулга, Дотоодын цэргийн тухай хуулийн төслүүдийн Хууль зүйн Байнгын хорооны ажлын хэсэг болон дэд ажлын хэсгүүдэд хамрагдан ажиллав.

    Түүнчлэн Байнгын хорооны тогтоолоор “Төрийн цэргийн байгуулалтыг хөгжүүлэх стратеги-2030” хөтөлбөрийг боловсруулах ажлын хэсэг байгуулж, төслийг боловсруулан батлуулахаар Засгийн газарт хүргүүлсэн болно.




    Байнгын хорооны дарга болон ажлын албаны ажилтнууд “Тусгаар тогтнол-Гадаад бодлого” сэдэвт эрдэм шинжилгээний хурал, Монгол Улс, АНУ-ын хооронд дипломат харилцаа тогтоосны 30 жилийн ойд зориулсан эрдэм шинжилгээний бага хурлын хэлэлцүүлэг, Монгол Улсын Ерөнхийлөгчийн Тамгын газар, Үндэсний батлан хамгаалах их сургуулиас зохион байгуулсан “Батлан хамгаалах бодлогыг хэрэгжүүлэх арга зам” онол-практикийн бага хуралд тус тус оролцсноос гадна “Монгол Улсын аюулгүй байдал-2016” судалгаа, шинжилгээний альманахын хамтран зохиогчоор оролцлоо.

    Чуулганы хугацаанд Байнгын хорооны дарга, гишүүд Батлан хамгаалах яам, Гадаад харилцааны яам, Зэвсэгт хүчний Жанжин штаб, Тагнуулын ерөнхий газрын үйл ажиллагаатай танилцаж, салбарын хэмжээнд тулгамдсан асуудлуудын талаар харилцан санал солилцов.

    Монгол Улсын Гадаад харилцааны тухай хуулийн төслийг өргөн мэдүүлсэнтэй холбогдуулан Монгол Улсын Их сургуулийн Олон улсын харилцаа, нийтийн удирдлагын сургуультай хамтран “Гадаад бодлогын шийдвэр гаргах механизмыг боловсронгуй болгох нь” сэдэвт хэлэлцүүлгийг амжилттай зохион байгуулсан.




    Байнгын хорооны дарга, гишүүд, ажлын албанаас тайлангийн хугацаанд нийт 12 удаа уулзалт, ярилцлага зохион байгуулав. Үүнд: Улсын Их Хурлын гишүүн, Аюулгүй байдал, гадаад бодлогын байнгын хорооны дарга Ж.Энхбаяр гишүүдийн хамтаар АНУ, Казахстан, Япон Улсаас Монгол Улсад суугаа Онц бөгөөд Бүрэн эрхт Элчин сайд нар, ХБНГУ-ын Холбооны аюулгүй байдлын бодлогын академийн ерөнхийлөгч Карл-Хайнц Камп, Зэвсэгт хүчинд ардчилсан хяналт тавих Женевийн төвийн дэд захирал Филипп Флюри, АНУ-ын Засгийн газрын гадаад тусламжийн агентлаг Мянганы сорилтын корпораци (MCК)-ийн Сонгон шалгаруулалт хариуцсан захирал Кристофер Мэлони, Европын аюулгүй байдал судлалын Жорж Маршалын төвийн дэд захирал Свен Гарейс, ОХУ, БНХАУ-ын цэргийн атташе болон бусад төлөөлөгчдийг хүлээн авч уулзсан байна гэж Байнгын хорооны Ажлын албанаас мэдээлэв.

  • Н.Амарзаяа: Бид чинь тус тусдаа завгүй, мундаг боловсролтой хүмүүс
    2017 оны 2 сарын 20
    УИХ-ын гишүүн С.Амарзаяагийн үйлдлүүд сүүлийн үед шүүмжлүүлэх болсон.
  • “Эх барихын тусламж үйлчилгээ-Хамтын ажиллагаа” сэдэвт өдөрлөг боллоо
    2017 оны 2 сарын 20
    Нийслэлийн эрүүл мэндийн газар, Хүрээ амаржих газраас хамтран “Эх барихын тусламж, үйлчилгээ-Хамтын ажиллагаа” сэдэвт өдөрлөгийг энэ сарын 14-нд зохион байгууллаа.

    Тус өдөрлөг нь амаржих газар, дүүргийн эрүүл мэндийн төв, өрхийн эрүүл мэндийн төвийн эх барихын тусламж, үйлчилгээ үзүүлэх явцад хамтын ажиллагаа, ажлын уялдаа холбоонд тохиолддог саад бэрхшээл болон тэдгээрийг хэрхэн даван туулах талаар эмч, мэргэжилтнүүдтэй зөвлөлдөх зорилготой юм.



    Энэхүү өдөрлөгт НЭМГ-ын орлогч дарга О.Баяр, эмнэлгийн тусламжийн хэлтсийн дарга М.Мөнхдэлгэр, эх барихын тусламж, үйлчилгээний асуудал хариуцсан мэргэжилтэн Р.Октябрь, эмнэлгийн тусламж, үйлчилгээний чанарын асуудал хариуцсан мэргэжилтэн Э.Энхжаргал болон нийслэлийн есөн дүүргийн эрүүл мэндийн төвийн дарга, нөхөн үржихүйн мэргэжилтэн, амаржих газрын дарга, эмчилгээ эрхэлсэн орлогч дарга, тасгийн эрхлэгч, өрхийн менежер зэрэг нийт 40 гаруй эмч, мэргэжилтнүүд оролцлоо.

    Өдөрлөгийн үеэр эмч мэргэжилтнүүд эх барихын тусламж, үйлчилгээнд тулгамдаж байгаа асуудал, гарч буй бэрхшээл, хамтын ажиллагааг бэхжүүлэх талаар санал бодлоо илэрхийлж, амаржих газрын эх барихын тусламж, үйлчилгээнд шинээр нэвтрүүлсэн бүтээлч санаачлага, тэргүүн туршлага болон байгууллагын үйл ажиллагаатай танилцсан юм. Мөн цаашид эх барих, эмэгтэйчүүдийн жирэмсний хяналтыг хэрхэн явуулж буй талаар туршлага солилцох уулзалтыг дүүрэг, өрхийн эрүүл мэндийн төв дээр зохион байгуулахаар төлөвлөсөн байна.

    Дашрамд сонирхуулахад, тус өдөрлөгийг өнгөрсөн нэгдүгээр 05-нд Өргөө амаржих газарт зохион байгуулагдсан “Эх барихын тусламж-Хамтын ажиллагаа” зөвлөлдөх уулзалтын үргэлжлэл болгон зохион байгуулж буйгаараа онцлогтой юм.
  • Солонгост байгаа монголчууд малчдад тусламж илгээлээ
    2017 оны 2 сарын 20
    БНСУ-д суралцагч Монгол Оюутны Холбоо/СМОХ/-оос зудтай аймаг, сумдад туслах зорилгоор “Дулаан өвөлжье” хандивын аяныг зохион байгуулжээ. Тус аян өнгөрсөн оны 11 дүгээр сараас энэ оны 1 дүгээр сарын дунд хүртэл үргэлжилсэн байна. Аянд БНСУ-д сурч, ажиллаж, амьдарч байгаа Монгол иргэд маань нэгдэж, 2,7 сая төгрөг цуглуулжээ. Тус хандивын мөнгийг БНСУ-д суралцагч Монгол Оюутны Холбооны Удирдах зөвлөлийн гишүүд болох Д.Таяа, М.Жаргалсайхан, Г.Өлзий-Орших нар ОБЕГ-ын Улсын нөөц, хүмүүнлэгийн тусламжийн газарт хүлээлгэн өглөө гэж ОБЕГ-аас мэдээллээ.
  • Шүүгчидтэй холбоотой гомдол өсчээ
    2017 оны 2 сарын 20
    Шүүхийн ерөнхий зөвлөлийн дэргэдэх Шүүхийн ёс зүйн хороонд шүүгчтэй холбоотой гомдол өнгөрсөн онд нэмэгджээ.
  • Таван жилийн дотор 1500 гаруй хүүхэд хурдан морины уралдааны үеэр гэмтжээ
    2017 оны 2 сарын 20
    Монгол Улсад хүүхдийн эрхийн чиглэлээр үйл ажиллагаа явуулж буй Үндэсний төрийн бус байгууллагуудын төлөөлөл өнөөдөр мэдээлэл хийлээ.
  • Хяналт, шалгалтад 36 обьект хамруулж, 225 зөрчил илрүүлэв
    2017 оны 2 сарын 20
    Сар шинийн баярын өдрүүдэд монголчууд сүм хийдийн байгууллагуудад олноор цуглаж идээний дээдийг өргөж, зул хүжээ бадамлуулдаг уламжлалтай. Сар шинийн баярын арга хэмжээтэй холбогдуулан нийслэлийн Онцгой байдлын газраас Сүм хийд, шашны байгууллагуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт бус шалгалтыг хоёрдугаар сарын 13-наас эхлэн зохион байгуулж байна.

    Шалгалтын явцад 36 объект хамрагдаж, галын аюулгүйн норм дүрэм, стандартын заалтыг хэрэгжүүлээгүй 225 зөрчил илрүүлж, 97 зөрчил буюу 43.1 хувийг газар дээр нь арилгуулсан байна. Түүнчлэн бусад зөрчлүүдийг арилгуулахаар гал түймрийн улсын хяналтын байцаагчийн заавал биелүүлэх албан шаардлага, мэдэгдлийг хүргүүллээ гэж нийслэлийн Онцгой байдлын газраас мэдээллээ.
  • “Жи Тайм”-ын Ж.Марат мөнгөө Казакстан улс руу шилжүүлжээ
    2017 оны 2 сарын 20
    Казакстан улсаас Монголд орж ирсэн “Жи Тайм” корпорацийн Монгол дахь албан ёсны салбарын ерөнхий захирал Ж.Марат тэргүүтэй найман иргэнийг Улсын мөрдөн байцаах газарт эрүүгийн хэрэг үүсгэн шалгаж байгаа билээ.
  • Т.Цогтыг дахин хорьжээ
    2017 оны 2 сарын 20
    Өнгөрсөн онд дөрвөн настай охиныг зодож, биед нь хүнд гэмтэл учруулан, амь насыг нь хохироосон харамсалтай хэрэг гарсан билээ.

  • Монгол, Хятад эрдэмтдийн хамтарсан төсөл зарлагдлаа
    2017 оны 2 сарын 20
    БСШУСЯ болон БНХАУ-ын Шинжлэх ухаан технологийн яам (ШУТЯ) хооронд байгуулсан хамтарсан судалгааны хөтөлбөрийн хүрээнд төслийн уралдаан зарлажээ. Энэхүү хамтарсан судалгааны төсөл нь хоёр талын сонирхолд нийцсэн Монгол-Хятадын эрдэмтдийн хамтран гүйцэтгэх ажлууд байх ёстой юм байна. Төслийн саналыг талууд дээрх яамд дээр хүлээн авна. Мөн эрдэмтэд төслийн агуулгыг урьдчилан тохиролцож, талуудын оролцоог тодорхой болгосон байх шаардлагатай аж.
  • Явган зорчигчид дараах зүйлсийг хориглоно
    2017 оны 2 сарын 20
    2017 оны 1-р сард улсын хэмжээнд зам тээврийн ослын улмаас 36 хүний амь нас хохирсоны 10 нь явган зорчигч хэлбэрээр замын хөдөлгөөнд оролцсон байна. Замын хөдөлгөөний дүрэм бол зөвхөн жолооч нарт хамааралтай зүйл биш юм. Монгол улсын Замын хөдөлгөний дүрэмд:



    “Явган зорчигчид дор дурдсан зүйлийг хориглоно

    а/ явган хүний гарцтай ба гарамтай (үзэгдэххүрээнд) хэсгийн гарцгүй, гарамгүй хэсгээр зам хөндлөн гарах;

    б/ аюулгүй байдлыг хангахаас бусад шалтгаанаар зорчих хэсэг дээр зогсох, саатах, тээврийн хэрэгслийн хөдөлгөөнд санаатайгаар саад хийх;

    в/ ойртон ирж яваа тээврийн хэрэгслийн урдуур гэнэт гүйх;

    г/ өөрийгөө хянаж, жолоодох чадваргүй үедээ зорчих хэсгээр явах.” гэж заасан байдаг боловч иргэд гарцгүй газраар зам хөндлөн гарах, зам хөндлөн гарахдаа хоорондоо хэлхэлдэх, гарах гэж гүйснээ гэнэт зогсох, зогсож байснаа гэнэт гүйх, чихэвч зүүгээд гарцгүй газраар гарах, замын зорчих хэсэг дээр зогсох, такси барих, согтууруулах ундааны зүйл хэрэглэсэн, биеэ авч явах чадваргүй үедээ хөдөлгөөнд оролцох зэрэг анхаарал, болгоомжгүй үйлдлээс болж эрүүл мэнд, амь насаараа хохирч байна.

    Замын хөдөлгөөний аюулгүй байдлын тухай хуулийн 54.4 дэх хэсэгт зааснаар

    явган зорчигч Замын хөдөлгөөний дүрэм зөрчсөн бол нэг сарын хөдөлмөрийн хөлсний доод хэмжээний арван хувьтай тэнцэххэмжээнийбуюу 24,000 төгрөгөөрторгох, хэрэвЯвганзорчигчсогтуугаарЗамынхөдөлгөөнийдүрэмзөрчсөнболнэгсарынхөдөлмөрийнхөлснийдоодхэмжээнийхоринтаванхувьтайтэнцэххэмжээнийбуюу 60,000 төгрөгөөрторгохшийтгэлоногдуулна.гэж хүлээлгэх хариуцлагыг тус тус заасан байна.
  • ҮЭХ-оос Ерөнхий сайдад мэдэгдэл хүргүүллээ
    2017 оны 2 сарын 20
    ҮЭХ-оос Ерөнхий сайдад мэдэгдэл хүргүүллээ
  • Ким Жөн Намын үхэл Малайз, БНАСАУ-ын харилцаанд сэв суулгаж эхэллээ
    2017 оны 2 сарын 20
    Умард Солонгосын удирдагч Ким Жөн Уны эцэг нэгтэй ах Ким Жөн Намын үхэл Малайз, БНАСАУ-ын харилцаанд сэв суулгаад байна. Малайз улс Пхеньянаас Элчин сайдаа эгүүлэн татлаа.
  • Согтууруулах ундаа хэрэглэсэн 71 жолоочийг илрүүллээ
    2017 оны 2 сарын 20
    2017 оны 02 дугаар сарын 18,19-ний буюу амралтын өдрүүдэд Замын цагдаагийн албаны ЖШУХ дээр нийт 552 дуудлага, мэдээ мэдээлэл хүлээн авснаас, зам тээврийн ослын 422 дуудлага бүртгэгдлээ.
  • Дональд Трампын цуваанд халджээ
    2017 оны 2 сарын 20
    АНУ-ын Ерөнхийлөгч Дональд Трампын цуваанд халджээ. Түүнийг Флорида муж улсын Палм-Бич нисэх онгоцны буудлаас хувийн эдлэн болох
  • ”Монгол шуудан”301.9 сая төгрөгийн ногдол ашиг тараана
    2017 оны 2 сарын 20
    ”Монгол шуудан” ХК-ийн ТУЗ-ийн №17/05 тоот тогтоолоор нэгж хувьцаандаа 3.03 төгрөг буюу 2016 оны нийт цэвэр ашгийн 30 хувь болох 301.9 сая төгрөгийг ногдол ашиг болгон хувьцаа эзэмшигчдэдээ тараахаар болжээ.
  • Нийслэлд 2017 онд хэрэгжүүлэх ажлуудыг танилцуулж байна
    2017 оны 2 сарын 20
    “Улаанбаатар-Хөрөнгө оруулалт 2017” бизнес уулзалт үргэлжилж байна. Яг одоо нэгдэн хуралдааны хүрээнд хавсралт илтгэлүүдийг холбогдох албан тушаалтнууд хийж байгаа юм. Энэ хүрээнд нийслэлийн газар, агентлагийн дарга нар 2017 онд хэрэгжүүлэх төсөл хөтөлбөрүүдийг таницууллаа. Жишээлбэл, “Улаанбаатар хотын хөгжлийн корпорац”-ийн гүйцэтгэх захирлын үүргийн түр орлон гүйцэтгэгч С.Сод-Эрдэнэ Улаанбаатар хотын хөгжлийн төслүүдэд хувийн хэвшлийн оролцоог бий болгох чиглэлд илтгэл тавьсан. Мөн Гэр хорооллын дэд бүтцийн газрын дарга М.Ганбаатар Гэр хорооллын хөгжлийн шинэ үзэл баримтлалыг танилцууллаа. Гэр хорооллын хөгжлийн үзэл баримтлалын хүрээнд хийгдэх гол ажил нь “Сервис центр” аж. “Сервис центр” олон улсад хэрэгжүүлдэг хамгийн оновчтой шийдэл бөгөөд цэвэр, бохир, дулаан цахилгаан зэргийг бүхэлд багтааж, зохицуулдаг систем юм. Тиймээс эхний ээлжит нийслэлийн гэр хорооллын төв хэсэг буюу дундын бүсд байгуулах боломжтой гэсэн судалгаа хийсэн байна. Ингэснээр гэр хорооллын дулаан, цахилгаан, цэвэр , бохирын асуудлыг нэг дор шийдэх боломжтой аж.

    Гэр хорооллын дэд бүтцийн газрын дарга М.Ганбаатарын хэлснээр уг “Сервис центр”-ийг ойролцоогоор 6-8 сарын хугацаанд барих боломжтой бөгөөд 192 м2 газарт багтаах боломжтой юм байна. 2020 он гэхэд нийт 100 ширхэг “Сервис центр”-ийг барих боломжтой бөгөөд энэ нь 20 мянган айлын хэрэгцээг хангах боломжтой аж.

    Түүний дараа инноваци, шинэ технологи суурилсан үйлдвэрлэл технологийн парк барих асуудлаар Нийслэлийн үйлдвэрлэл, инновацийн газрын дарга Б.Бат-Эрдэнэ илтгэл тавьсан. Түүний хэлснээр Багануур, Эмээлтэд баригдах технологийн паркуудыг барих ажил нэлээд эрчимтэй явагдаж байгаа бөгөөд дунд, богино, урт хугацаанд хэрэгжүүлэх ажлыг эхлүүлсэн байна.

    Нийслэлийн худалдан авах ажиллагааны газрын дарга Э.Болормаа Худалдан авах ажиллагааны ил тод байдлын талаар мэдээлэл хийлээ. Түүний хэлснээр Нийслэлийн Засаг даргын Тамгын газар, холбогдох газар агентлагийн танилцуулсан 2017 онд хэрэгжих төсөл хөтөлбөрүүдийн тендерийн шалгаруулалт гуравдугаар сараас явагдах бөгөөд, бүх үйл ажиллагаа цахим хэлбэрээр үргэлжлэх аж.

    Бизнес уулзалт үргэлжилж байна.
  • Ким Жон Намыг хордуулж буй бичлэг
    2017 оны 2 сарын 20
    Хойд Солонгосын удирдагч Ким Чен Уны ах Ким Чен Намыг Малайзын KLIA2 нисэх буудалд хөнөөсөн халдлагыг бичлэг дэлгэгджээ.
  • Хот байгуулалтын салбарт 353.1 тэрбум төгрөг зарцуулна
    2017 оны 2 сарын 20
    “Улаанбаатар хөрөнгө оруулалт-2017” бизнес уулзалтад Нийслэлийн Засаг дарга бөгөөд Улаанбаатар хотын Захирагч С.Батболдын тавьсан илтгэлийг бүрэн эхээр нь хүргэж байна.



    “Улаанбаатар хөрөнгө оруулалт-2017” бизнес уулзалтад хүрэлцэн ирсэн Эрхэм хүндэт УИХ-ын гишүүд, Элчин сайдууд, хөрөнгө оруулагчид, бизнес эрхлэгчид Та бүхэнд энэ өдрийн мэнд хүргэе.

    Миний бие, энэ удаагийн эдийн засгийн уулзалтаар УИХ-аас 2010 онд баталсан “Шинэ бүтээн байгуулалт” дунд хугацааны зорилт хөтөлбөрийн хүрээнд нийслэл Улаанбаатар хотын хөгжлийн бодлого, 2017 онд хэрэгжүүлэх хөрөнгө оруулалт, төсөл арга хэмжээг танилцуулж, хотын хөгжлийн бодлоготой гадаад, дотоодын хөрөнгө оруулалтыг нягт уялдуулж, хөрөнгө оруулалтын үр өгөөжийг дээшлүүлж, хамтран ажиллах, түншлэх өргөн боломжийг нээхээр зорьж байна.

    Мөн хотын хөгжлийг эрчимжүүлэх, эдийн засгийн хувьд тогтвортой, бие даан хөгжих гарц болох төр хувийн хэвшлийн түншлэлийг дэмжих хөгжлийн томоохон төслүүдээ гадаад дотоодын хөрөнгө оруулагч, олон улсын банк, санхүүгийн байгууллага, бизнес эрхлэгчдэд өөрсдөө санаачлан танилцуулдаг шинэлэг арга барилаар ажиллах болно.

    Нийслэлд 2017 онд Улсын төсвийн хөрөнгөөр 69,6 тэрбум, нийслэлийн төсвийн хөрөнгөөр 174,4 тэрбум, Хөгжлийн банкны эх үүсвэрээр 64,3 тэрбум, Орон нутгийн хөгжлийн сангийн хөрөнгөөр 12,1 тэрбум, гадаадын зээл, тусламжийн хөрөнгөөр 356,9 тэрбум төгрөгийн нийт 677,5 тэрбум төгрөгийн хөрөнгө оруулалт хэрэгжүүлнэ.

    Эдгээр хөрөнгө оруулалтын хэмжээг салбараар авч үзвэл хамгийн их хөрөнгө оруулалтыг хот байгуулалтын салбарт 353.1 тэрбум төгрөг, авто зам, нийтийн тээврийн салбарт 193,2 тэрбум төгрөг, нийгмийн салбарт 96.8 тэрбум, хот тохижилтын салбарт 20.3 тэрбум, байгаль орчны салбарт 9,3 тэрбум төгрөг, төрийн үйлчилгээг сайжруулахад 4,8 тэрбум төгрөгийг тус тус зарцуулна.

    Эдгээр хөрөнгө оруулалт, төсөл, арга хэмжээг салбар бүрээр нь товч танилцуулъя.

    ХОТ БАЙГУУЛАЛТ

    Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагын дагуу Улаанбаатар бүсийн түвшинд хэт төвлөрлийг сааруулж үйлдвэр, худалдаа үйлчилгээ тэнцвэртэй хөгжсөн, дагуул хот, тосгон, шинэ суурьшлын бүсийн 683,3 га газар бүхий Налайх, Багануур, Багахангай, Эмээлтэд өндөр технологи бүхий 150 гаруй үйлдвэрүүдийг барих 15,0 мянган ажлын байр шинээр бий болгоход нийт 4 их наяд 946 тэрбум төгрөгийн хөрөнгө оруулалт шаардлагатай байна.

    Улаанбаатар хотын төвлөрлийг сааруулж, нэг төвт хотоос олон төвт хот болохоор зорьж байна. Азийн хөгжлийн банкны хөнгөлөлттэй зээлийн 320,0 сая ам.долларын хөрөнгөөр Сэлбэ, Баянхошуу, Дамбадаржаа, Дэнжийн 1000 зэрэг 6 дэд төвийг 3 үе шаттайгаар барьж байгуулна.

    Шинэ суурьшлын бүс болох Морингийн даваа, Био, Сонгино, Улиастайн ам, Яармагийн спорт цогцолбор орчмын ТЭЗҮ, Хэсэгчилсэн ерөнхий төлөвлөгөөг нийслэлийн төсвийн хөрөнгөөр хийж гүйцэтгэсэн бөгөөд энэ бүсэд 18 мянга гаруй айлын орон сууц, 14,0 мянган ажлын байр, худалдаа үйлчилгээний барилга байгууламжийг барихад нийт 2,1 их наяд төгрөг шаардлагатай байна.

    Дагуул, хаяа хот, тосгон, дэд төвүүдэд орлогод нийцсэн орон сууц, түрээсийн орон сууц барьж, залуучууд, залуу гэр бүлийг орон сууцжуулах ажлыг үе шаттай хэрэгжүүлнэ.

    Гэр хорооллыг төлөвлөлтийн төв, дунд, захын 3 бүсээр хөгжүүлнэ. Үүнд:

    Төвийн бүсэд инженерийн шугам сүлжээний угсралтын ажлын гүйцэтгэлтэй уялдуулан төсөл хэрэгжүүлэгчийг нэмэгдүүлэн богино хугацаанд орон сууцжуулах нээлттэй төлөвлөлтийг хэрэгжүүлнэ. Газраа чөлөөлсөн айлуудыг түр суурьшуулах орон сууцаар хангана.

    Дундын бүсэд иргэдийн оролцоотой дахин төлөвлөлтийг хэрэгжүүлж, 200 орчим өрхийн дунд сервис центр байгуулан, инженерийн дэд бүтцийн асуудлыг шийдвэрлэнэ. Энэхүү дундын бүс нь бидний гэр хорооллын дахин төлөвлөлтийн гол шинэ концепци болно.

    Захын бүсийн гэр хороололд сэргээгдэх эрчим хүчийг ашиглах, цахилгаан эрчим хүчний найдвартай ажиллагааг хангах, орчны бохирдлыг бууруулах нөхцөлийг бүрдүүлнэ.

    2017 онд гэр хорооллын инженерийн шугам сүлжээний угсралтын ажилд нийслэлийн төсвөөс 16,8 тэрбум, Хөгжлийн банкны хөрөнгө оруулалтаар 10,2 тэрбум нийт 26,8 тэрбум төгрөгийг зарцуулна.

    Цахилгааны “Их тойруу-110” сүлжээг ашиглалтад оруулж, цахилгаан эрчим хүчээр хангагдаагүй нэг ч өрхгүй болно. 2017 онд Улсын төсвийн 7,3 тэрбум төгрөгийн хөрөнгө оруулалтаар гэр хорооллын цахилгаан эрчим хүчгүй 5800 айл өрхийг цахилгаан эрчим хүчээр хангана.

    348 МВт-ын хүчин чадалтай Амгалан дулааны станцын үр ашгийг дээшлүүлж хотын зүүн, зүүн хойд хэсгийн дулаан хангамжийг сайжруулна.

    Улсын төсөв, Хөгжлийн банкны 5,2 тэрбум төгрөгийн хөрөнгө оруулалтаар Дулааны 8д, 12а магистралын 1,8 км хос шугамыг өргөтгөн шинэчилнэ.

    Төв цэвэрлэх байгууламжид технологийн шинэчлэлийг хийж, 250 мянган м3 хүчин чадалтай цэвэрлэх байгууламж болон Туул усан сан цогцолборыг шинээр барьж, саарал усыг цахилгаан станцад хэрэглэж, хотын усан хангамжийн эх үүсвэрийг нэмэгдүүлнэ. Энэ ажилд АНУ-ын Мянганы сорилтын сангийн 295 сая ам долларын хөрөнгө оруулалтыг оруулахаар яриа хэлцлийн шатанд явж байна.

    Мөн Хан-Уул дүүргийн Морин даваанд 25 мянган метр кубын хүчин чадалтай цэвэрлэх байгууламжийг ашиглалтад оруулснаар Буянт-Ухаа, Яармагийн орон сууцны бохир усыг татан зайлуулах боломж бүрдэнэ.

    Азийн хөгжлийн банкны 13,7 тэрбум төгрөгийн санхүүжилтээр Зүүн хойд бүсийн усан сангаас Баруун бүсийн насос станц хүртэлх 600-900мм 7,2 км цэвэр, 8,6 км бохир усны шугамыг барьж ашиглалтад оруулна.

    Дулааны алдагдал бүхий 1,077 угсармал орон сууцны барилгад дулаан техникийн шинэчлэлтийг төр хувийн хэвшлийн түншлэлээр хийхээр төлөвлөж байна.

    АВТО ЗАМ

    Хөнгөлөлттэй зээлийн хүрээнд хурдны зам, баруун, зүүн дөрвөн замын уулзварт олон түвшний огтлолцол бүхий зам барих, төмөр замтай огтлолцсон замын уулзварт гүүрэн гарцуудыг барина. Гадна тойруугийн авто замын сүлжээг барих ажлыг эхлүүлнэ. Энэ төслүүдийг өнөөдрийн уулзалт дээр манай төслийн багийнхан та бүхэнд танилцуулах болно.

    Мөн гадаадын хөнгөлөлттэй зээл, Хөгжлийн банк, нийслэлийн төсөв, нийслэлийн замын сангийн хөрөнгөөр нийт 43,5 км авто зам, 3,050 урт метр гүүрийг барих буюу засварлан, өргөтгөн шинэчилнэ.

    2017 онд БНХАУ-ын 132,2 сая ам долларын хөнгөлөлттэй зээлээр Яармагийн шинэ гүүр барьж, хуучин гүүрийг засварлаж, Замын Цагдаагийн газрын уулзварт гүүрэн гарц, Туул гол дээгүүрх Баянзүрхийн 288 у/м болон Сонсголонгийн 289,4 у/м төмөр бетон гүүрнүүд шинээр барьж Гачууртын уулзвараас Налайх-Чойрын замын уулзвар хүртэлх 20.9 км авто замыг өргөтгөж шинэчлэх ажлууд эхэлнэ.

    Яармагийн товчооноос Хөшгийн хөндийн нисэх онгоцны шинэ буудал хүртэлх хурдны авто зам барих төслийг үргэлжлүүлнэ.

    ТЭЭВЭР

    Тээврийн салбарын олон улсын хамтын ажиллагааг хөгжүүлж, бүс нутгийн дэд бүтэц, тээврийн интеграцид нэгдэх замаар Улаанбаатар хотын ачаа тээврийн нэгдсэн ложистик төвүүдийг баруун, зүүн хэсэгт байгуулна.

    Авто замын хөдөлгөөний түгжрэлийг багасгах, нийтийн тээврийн үйлчилгээний чанар хүртээмжийг сайжруулах, иргэдийн аюулгүй, тав тухтай зорчих нөхцөлийг бүрдүүлэхийн тулд Азийн хөгжлийн банкны 274,4 сая ам долларын хөнгөлөлттэй зээлээр Нийтийн тээврийн үйлчилгээнд тусгай замын автобусыг Энхтайваны өргөн чөлөө, III, IV хороолол – Их тойруу, 7 буудал – Нисэх чиглэлд нэвтрүүлэх BRT буюу тусгай замын автобусны төслийг энэ хавраас эхлүүлнэ.

    БОЛОВСРОЛ

    Боловсролын салбарт 2017 онд улсын төсвөөс 42,7 тэрбум төгрөгийн хөрөнгө оруулалтаар 11 сургууль, БНХАУ-ын 39,0 тэрбум төгрөгийн буцалтгүй тусламжаар 7 сургууль, БСШУС-ын яам, төр хувийн түншлэлээр 29 сургууль барьж эхэлнэ.

    2017 онд улсын төсвийн хөрөнгөөр 3, нийслэлийн төсвийн хөрөнгөөр 10, төр, хувийн хэвшлийн түншлэлийн хүрээнд 5 цэцэрлэг барина.

    Боловсролыг салбарт 2017-2020 онд хөрөнгө оруулалт, төсөл арга хэмжээг хэрэгжүүлснээр 31 сургуулийн 222 бүлгийн 3 ээлжээр хичээллэдэг 8,706 хүүхдийг 2 ээлжид бүрэн шилжүүлж хороо бүрийг сургууль цэцэрлэгтэй болгох зорилт 2019 онд хэрэгжиж дуусна.

    ЭРҮҮЛ МЭНД

    Эрүүл мэндийн салбарт 2017 онд нийслэлийн төсвөөс 3,6 тэрбум төгрөгийн хөрөнгө оруулалтыг хийж Чингэлтэй дүүргийн түргэн тусламжийн төв, Багахангай дүүргийн 40 ор бүхий эмнэлэг, Хан-Уул, Чингэлтэй, Баянгол дүүргийн нэгдсэн эмнэлгүүдэд Мэс заслын тасаг шинээр байгуулан, эмнэлгүүдийн хүчин чадлыг нэмэгдүүлж орчин үеийн техник, технологийн нэвтрүүлэн эрүүл мэндийн тусламж үйлчилгээг жигд хүртээмжтэй болгоно.

    Азийн хөгжлийн банкны “Эрүүл мэндийн салбар хөгжил хөтөлбөр–4”-ийн хүрээнд 37,2 сая ам.долларын санхүүжилтээр Сонгинохайрхан дүүрэгт 200 ортой, нэгдсэн эмнэлэг, 10 өрхийн эмнэлгийг иж бүрэн тоног төхөөрөмжийн хамт барих ажлыг эхэлнэ.

    Мөн шүд, эрүү нүүрний төв, хүүхдийн эмнэлгийн барилгын асуудлыг шийдвэрлэнэ.

    2017 онд улсын төсвийн 5,8 тэрбум төгрөгийн хөрөнгө оруулалтаар 5 дүүргийн спорт цогцолборыг барьж дуусгана.

    Улаанбаатарын соёлын өв, түүхт дурсгалт барилга, байгууламжийг сэргээн засварлахад шаардлагатай хөрөнгө оруулалтыг хийнэ.

    Нийгмийн халамжийн салбарт 3,7 тэрбум төгрөгийг зарцуулж халамжийн 132 айлын орон сууцыг ашиглалтад оруулна.

    БАЙГАЛЬ ОРЧИН, ХОТ ТОХИЖИЛТ

    Улаанбаатар хотын агаар орчны бохирдлыг бууруулах “Утаагүй хот-2030”, “Ногоон Улаанбаатар-2030” хөтөлбөрийг хэрэгжүүлж, нэг хүнд ногдох ногоон байгууламжийг 2 дахин нэмэгдүүлж, Богд уул, Сэлбэ, Дунд, Туул голын дагуу аялал жуулчлал амралтын бүс байгуулна.

    Хэвтээ болон босоо чиглэлд тус бүр 12-14 км-ын урттай дугуйн зам барихад 3,6 тэрбум төгрөг шаардлагатай байна. 2017 онд нийслэлийн төсвийн хөрөнгө оруулалтаар 1,0 тэрбум төгрөгөөр дугуйн замыг барих ажлыг эхлүүлнэ.

    2017 онд хот тохижилтын тусгай зориулалтын техник, тоног төхөөрөмжид 2,3 тэрбум, гудамж талбайн гэрэлтүүлэгт 2,0 тэрбум, гэрэлтүүлгийн нэгдсэн удирдлагын системд 1,0 тэрбум төгрөгийг тус тус зарцуулна.

    2017 оныг “Иргэдийн оролцоотой эрх зүйн шинэтгэлийн жил” болгон, нийслэлийн эрх зүйн орчинг шинэчлэн, өөрийгөө тэтгэх эдийн засагтай, санхүүгийн хувьд бие даасан тусгай статус бүхий Засаг захиргааны нэгж байхаар Нийслэлийн эрх зүйн байдлын тухай хуулийн шинэчилсэн найруулгыг төслийн Засгийн газарт өргөн бариад байна.

    Эдийн засгийн хөгжлийг дэмжих, тодорхой хөтөлбөрийг хэрэгжүүлэх Төр, хувийн хэвшилд адил тэгш боломж олгох, харилцан ашигтай хамтын ажиллагааг өрнүүлэх талаар хэд хэдэн арга хэмжээг авлаа. Үүнд:

    Өнгөрсөн жилүүдэд концессын гэрээгээр олон ажил хийсэн. Эдгээр нь хотод зайлшгүй шаардлагатай ажил байсан уу гэвэл зарим нэг эргэлзээтэй байна. Гэсэн хэдий ч бид 2016 онд ашиглалтад хүлээн авсан болон 2017 онд хүлээж авах ажлуудын концессын эргэн төлөлтийг 2017 оны төсөвт тусган хэрэгжүүлж эхлээд байна. Гэрээгээр хүлээсэн үүргээ хот биелүүлнэ.
    Концессын тухай хуульд өөрчлөлт орж “барих-шилжүүлэх” төрлийг Аймаг, Нийслэлийн иргэдийн Төлөөлөгчдийн хурал батлахыг хориглосон. Иймд концессыг хэрэгжүүлэхэд Улсын Их Хурал, Засгийн газартай хамтран ажиллаж байна. Хотын бүтээн байгуулалтыг хийхэд төр, хувийн хэвшлийн түншлэл, концессын олон төрөлгүйгээр юуг ч шийдэж чадахгүй билээ.
    Нийслэлийн Засаг даргын дэргэд Хөрөнгө оруулалтыг дэмжих зөвлөл байгуулан, хөрөнгө оруулалтад ямар саад тулгарч байна, түүнийг яаж шийдвэрлэх вэ гэдгийг тухай бүр нь хэлэлцэн ажиллаж байна. Хөрөнгө оруулалтын дэмжих зөвлөлд бизнесийн өргөн төлөөлөл орсон болно.
    Газар эзэмших хугацааг сунгаж, 15 жил болгосноор газар эзэмшигч иргэн, хуулийн этгээдэд уг газартаа хөрөнгө оруулалт, бүтээн байгуулалт хийх боломж нөхцөлийг олголоо. Энэхүү шийдвэр олон хүний сэтгэлд нийцсэн шийдвэр болсон гэдэгт би эргэлзэхгүй байгаа болно.
    Худалдан авах ажиллагааг цаасгүй зохион байгуулж, тендерийн урилгаас гүйцэтгэгчийг сонгон шалгаруулах хүртэлх бүх үйл явц цахим хэлбэрээр явагдах эрх зүй, зохион байгуулалтын ажлыг хийж эхлэсэн болно.
    Улс орны эдийн засгийн хүндрэл, бэрхшээлийг даван туулахын тулд Монгол Улсын Засгийн газар, Олон улсын валютын сангийн хооронд байгуулсан ЭКСТЕНДЕД фанд фасилити буюу Өргөтгөсөн санхүүжилтийн хөтөлбөрт хамруулахаар болсон ч Улаанбаатар хот бид өөрсдөө бүтээгч, үйлдвэрлэгч байж хөрөнгө оруулалт, төсөл арга хэмжээг хэрэгжүүлэх болно.

    Дэвшүүлсэн зорилтоо хэрэгжүүлэх, Улаанбаатар хотыг дэлхийн хөгжиж буй орны хотын жишигт хүрсэн хот болгохын тулд бүгдийг улс, нийслэлийн төсвийн хөрөнгө оруулалтаар шийдвэрлэх боломжгүй бөгөөд гадаад, дотоодын хөрөнгө оруулагч, бизнес эрхлэгч та бүхнийг нийслэлийн эдийн засгийн хөгжлийг дэмжих, төр хувийн хэвшлийн түншлэлийг бэхжүүлэхэд бидэнтэй хамтран ажиллахыг уриалж байна.



    Та бүхэнд ажлын амжилтыг хүсэн ерөөе.



    АНХААРАЛ ХАНДУУЛСАНД БАЯРЛАЛАА
5006 5007 5008 5009 5010 5011 5012
  • Шинэ
  • Их уншсан
  • Их сэтгэгдэлтэй
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
    10 цаг 26 мин
  • Улс хоорондын шуудан илгээмжийн нийт бараа эргэлт 40.5 хувиар өсжээ
    10 цаг 34 мин
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
    10 цаг 43 мин
  • Их зохиолч Д.Нацагдоржийн мэндэлсний 120 жилийн ой өнөөдөр тохиож байна
    11 цаг 31 мин
  • Эрдэнэбүрэнгийн усан цахилгаан станцын бүсээс эртний чулуун хайрцагтай булш илэрчээ
    11 цаг 36 мин
  • Өвөрхангай аймгийн Засаг даргаар Т.Жамбалцэрэнг томилжээ
    11 цаг 47 мин
  • О.Батжаргал: Төрөө дээдэлдэг ард түмний хувьд төрийн тэргүүний ажил ариун байх ёстой, сэвтээж таарахгүй
    12 цаг 40 мин
  • Азийн Испорт болон оюуны анхдугаар наадам 2027 оны арваннэгдүгээр сард болно
    13 цаг 2 мин
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
    13 цаг 5 мин
  • Өнөөдөр "Олон улсын оюутны эрхийг хамгаалах өдөр"
    13 цаг 19 мин
  • Ц.Ганзориг: Ерөнхийлөгч гүжир гүтгэлэгт нэр төрөө сэргээлгэх хуулиар олгогдсон бүрэн эрхийнхээ хүрээнд өөрөө шийдвэрээ гаргасан
    13 цаг 29 мин
  • Н.Учрал: Эх хэл бол үндэстний оюун санааны дархлаа, тусгаар тогтнолын баталгаа юм
    13 цаг 31 мин
  • “Pizza Hut” сүлжээ рестораныг үүсгэн байгуулагч Дэн Карни таалал төгслөө
    13 цаг 36 мин
  • Улаанбурхан өвчний дэгдэлтийг таслан зогсоолоо
    13 цаг 48 мин
  • Grammy Awards 2027: Нэр дэвшигчдийн БҮРЭН жагсаалт
    13 цаг 49 мин
  • Роберт Паттинсон дараагийн Жеймс Бондын дүрийг бүтээнэ
    14 цаг 4 мин
  • Л.Мөнхбаясгалан: У.Хүрэлсүхийг яс шалгаж ард түмэнд мэдээлэх хэрэгтэй
    14 цаг 8 мин
  • Х.Нямбаатар: Тайвширч, хууртаж болохгүй. Түүнд маш олон арга заль бий
    14 цаг 8 мин
  • Дархан аваргыг гурвантаа хаясан Сумын заан П.Нямжав
    14 цаг 21 мин
  • Н.Алтанхуяг: Монголын төр шударга, ариун байх ёстой. Огцорлоо гээд асуудлыг орхиж болохгүй
    14 цаг 25 мин
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Өнөөдөр төв болон зүүн аймгуудын нутгаар нойтон цас орж, шуурна
  • Этгээд хоригтой 24 улс
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • FIBA 3x3 AmeriCup 2026 тэмцээний тойм
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Дохио!!! Цаг агаарын аюултай үзэгдлээс сэрэмжлүүлж байна
  • Жүдо бөхийн залуучуудын ДАШТ энэ сарын 19-нд эхэлнэ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Өвөлжилтийн бэлтгэл, отор нүүдлийн зохион байгуулалтыг эрчимжүүлэх чиглэл өглөө
  • Экспорт өмнөх оны мөн үеэс 45.3 хувиар өсжээ
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Б.Хурцын эхлүүлсэн шинэ зам буюу “Их эвсэл”
  • МУГТ Э.Цэндбаатар энэ бямба гарагт Мухаммад Якубовтой тулалдана
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • З.Мэндсайхан: 2027 оны төсөв иргэдийнхээ орлогыг хамгаална
  • FIBA 3x3 AmeriCup 2026 тэмцээний тойм
  • Экспорт өмнөх оны мөн үеэс 45.3 хувиар өсжээ
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Дональд Трампын илгээсэн тусгай илч нар В.Путинтай уулзахаар Москвад ирлээ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • ПСЖ клубийн алтан эрин үе
  • П.Бат-амгалан дэлхийн аварга болж, дэлхийн дээд амжилтыг шинэчиллээ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Этгээд хоригтой 24 улс
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
24 баримт
  • Хайрын дууч С.Сэрчмаагийн тухай 24 баримт
  • З.Мэндсайхан: 2027 оны төсөв иргэдийнхээ орлогыг хамгаална
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Этгээд хоригтой 24 улс
  • 24 БАРИМТ: Дэлхий дээрх бидний анзаардаггүй "этгээд" баримтууд
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК