Улаанбаатар
Өнөөдөр / 2026.11.18
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
5015 5016 5017 5018 5019 5020 5021
  • “Баянзүрх”, “Хархорин” захуудад махны үнэ хамгийн хямд байна
    2017 оны 2 сарын 15
    Махны дундаж үнэ

    2017 оны 2-р сарын 3-р долоо хоногт хонины ястай нэг килограмм мах дунджаар 6070 төгрөг, үхрийн ястай мах нэг килограмм нь дунджаар 7550 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 1.1 хувиар буюу 80 төгрөгөөр өсч, харин үхрийн цул махны үнэ тогтвортой байв. Энэ 7 хоногийн ажиглалтаар үхрийн мах “Баянзүрх”, “Хархорин” хүнсний захуудад хамгийн хямд буюу 7300 төгрөг, харин “Бөмбөгөр”, “Меркури”, “Таван-Эрдэнэ” хүнсний захуудад хамгийн өндөр үнэтэй буюу 8000 төгрөг байна. Хонины ястай махны үнэ өмнөх долоо хоногтой харьцуулахад 0.9 хувиар буюу 55 төгрөгөөр нэмэгдэж, харин хонины цул махны үнэ тогтвортой байлаа. Энэ долоо хоногийн ажиглалтаар хонины мах “Баянзүрх”, “Хүчит Шонхор”, “Хархорин” хүнсний захуудад хамгийн хямд буюу 5200 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна.

    Гурилын үнэ

    2017 оны 2-р сарын 3-р долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1200-1500 төгрөг, 1-р зэргийнх 1000-1300 төгрөг, 2-р зэргийнх 800-900 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1150-аас 1300 төгрөгийн үнэ ханштай байна. Харин “Барс” хүнсний захад дээд зэргийн “Алтан тариа” гурил 1100 төгрөг, 1-р зэргийн гурил 950 төгрөгөөр тус тус зарагдаж байна. “Атар” талх хүнсний зах, дэлгүүрт 1100-1210 төгрөгийн үнэтэй байна. “Бөмбөгөр”, “Барс”, “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Сансар” супермаркетад хамгийн өндөр үнээр буюу 1210 төгрөгөөр худалдаалж байна.

    Төмс, хүнсний ногоо

    2017 оны 2-р сарын 3-р долоо хоногт өмнөх долоо хоногтой харьцуулахад монгол лууван 7.6 хувиар буюу 80 төгрөгөөр буурсан байна.
  • Өвөлжилт хүндэрсэн 137 суманд өвс, малын тэжээл хүргэнэ
    2017 оны 2 сарын 15
    Өвөлжилт хүндэрсэн зарим аймагт 5000 тонн өвсийг үнэгүй, мөн 5218 тонн малын тэжээлийг 50 хувийн хямдралтай үнээр олгохоор боллоо. Мөн отроор өвөлжиж байгаа малчдад дулаан хувцас, цахилгаан үүсгүүр зэрэг нэн шаардлагатай бараа, материалыг хүргэхээр болов. Эдгээр ажилд шаардлагатай санхүүжилтийг Засгийн газрын нөөц сангаас гаргахыг Сангийн сайд Б.Чойжилсүрэнд зөвшөөрөв.

    Өнөөдрийн байдлаар манай орны нийт нутгийн 70 хувьд цасан бүрхүүлтэй, 15 аймгийн 137 сум, нийслэлийн нэг дүүрэгт өвөлжилт хүндрээд байна.
  • Улсын нөөц, онцгой байдлын салбарт үүссэн өр төлбөрийг бүрэн шийдлээ
    2017 оны 2 сарын 15
    Улсын нөөц, онцгой байдлын салбарт үүссэн өр төлбөрийг нэгтгэн Засгийн газрын хуралдаанаар бүрэн шийдлээ. Үүнд улсын нөөцөөс гаргах бараа, тэдгээрийг буцааж нөхөн бүрдүүлэх зардал, гамшгийн голомтод ажилласан онцгой байдал, тусгай чиг үүрэг бүхий байгууллагын алба хаагчид болон иргэдийн томилолт, урамшуулал, учирсан хохирлыг арилгах, хойшлуулшгүй сэргээн босгох арга хэмжээнд шаардагдах зардлууд багтаж байгаа юм.

    Энэ хүрээнд нийт 1,708 ,118,520 /нэг тэрбум долоон зуун найман сая нэг зуун арван найман мянга таван зуун хорин/ төгрөгийг Засгийн газрын нөөц сангаас гаргахыг Сангийн сайдад, энэхүү тогтоолд заасан барааг 2017 оны III улиралд нөхөн бүрдүүлэх арга хэмжээ авахыг Монгол Улсын Шадар сайдад даалгалаа.

    Тогтоолын хүрээнд Завхан аймгийн Тосонцэнгэл сумын Аврах, гал унтраах ангид шуурхай албаны “УАЗ-31519” маркийн автомашин, Хөвсгөл аймгийн Зооноз өвчин судлалын төв, Увс аймгийн Наранбулаг сумын Эрүүл мэндийн төв, Өндөрхангай сумын Сум дундын эмнэлэгт шуурхай албаны “УАЗ-22069” маркийн автомашин, Сүхбаатар аймгийн Хүнс, хөдөө аж ахуйн газарт ариутгал, халдваргүйжүүлэлтийн 2 тонны “Потон” маркийн автомашин зэрэг бусад зардлыг улсын нөөцөөс гаргаж, энэ оны гуравдугаар улиралд буцааж нөхөн бүрдүүлэх юм.
  • Хүн амын амьжиргааны 2017 оны доод түвшинг тогтоов
    2017 оны 2 сарын 15
    Үндэсний статистикийн хороо хүн амын амьжиргааны доод түвшний 2017 онд мөрдөх хэмжээг баталж 02 дугаар сарын 06-ны өдрөөс мөрдөж эхэлсэн байна. Монгол Улсын сайд, Засгийн газрын Хэрэг эрхлэх газрын дарга Ж.Мөнхбат энэ талаар Засгийн газрын хуралдаанд танилцуулав.

    Энэ онд мөрдөх амьжиргааны доод түвшин баруун бүсэд 166 500, хангайн бүсэд 173 500, төвийн бүсэд 166 200, зүүн бүсэд 165 700, Улаанбаатар хотод 185 300 төгрөг байх юм.

    Шинэчилсэн түвшинг өмнөх онд мөрдөж ирсэнтэй харьцуулахад төвийн бүсэд 3200, хангайн бүсэд 2700, зүүн бүсэд 2000, баруун бүсэд 1700, Улаанбаатар хотод 1600 төгрөгөөр нэмэгджээ.

    Хүн амын амьжиргааны доод түвшинг иргэдэд эд, мөнгөний тусламж үзүүлэх, нийгмийн даатгалын болон нийгмийн халамжийн тэтгэвэр, тэтгэмжийн хэмжээг өөрчлөх, суралцагчдад дэмжлэг, туслалцаа үзүүлэхэд жишиг болгон хэрэглэдэг.

    “Хүн амын амьжиргааны доод түвшин” гэдэг нь хэрэглээний доод хэмжээг мөнгөн хэлбэрээр илэрхийлснийг хэлнэ” гэж хуулинд заасан байдаг. Хэрэглээний доод хэмжээ нь хүний нэн тэргүүний, зайлшгүй хэрэгцээг хангах хүнсний болон хүнсний бус хэрэглээний сагсаар тодорхойлсон бараа, үйлчилгээний тоо хэмжээ юм.
  • Тэнэмэл 64 иргэнийг бүртгэлжүүлэв
    2017 оны 2 сарын 15
    Улаанбаатар хотын Цагдаагийн газрын даргын 2017 оны 02 дугаар сарын 13-нд баталсан “Тэнэмэл” арга хэмжээг хэрэгжүүлэх ажлын хүрээнд Баянзүрх дүүргийн 8 дугаар хорооны нутаг дэвсгэрт тэнүүчлэн амьдардаг гэр оронгүй, тэнэмэл амьдралтай иргэдийг бүртгэлжүүлэн, нөхцөл байдлын үнэлгээ хийх ажлыг тус дүүргийн Цагдаагийн Нэгдүгээр хэлтэс зохион байгууллаа. Өнөөдрийн байдлаар Цагдаагийн нэгдүгээр хэлтсийн алба хаагчид 63 иргэнийг бүртгэлд хамруулж, Цагдаагийн байгууллагын нэгдсэн санд бүртгэсэн байна.
  • Тэрхийн цагаан нууранд осолдсон автомашиныг татан гаргажээ
    2017 оны 2 сарын 15
    Архангай аймгийн Тэрхийн цагаан нууранд живсэн суудлын автомашиныг Онцгой байдлын газрын ЭХАС-ын 12 албан хаагч 3 хоног ажиллаж байж гаргаж ар гэрт нь хүлээлгэн өгчээ.

    Архангай аймгийн Тариат сумын Тэрхийн цагаан нуурын мөсөн дээгүүр Grand- Mark-2 автомашинтай 3 иргэн явж байгаад мөс цөмөрч, хоёр нь амиа алдсан хэрэг 2016 оны 12 дугаар сарын 17-нд гарсан. Тухайн үед хоёр иргэний цогцсыг Онцгой байдлын газрын Эрэн хайх аврах салбарын албан хаагчид нуурын усанд шумбалт хийн түргэн шуурхай гаргаж хууль хяналтын байгууллага болон ар гэрт нь хүлээлгэн өгсөн.

    Харин нууранд живсэн автомашин нь нуурын эргээс 1000 метрийн зайд, 6 метрийн гүнд, мөн нуурын мөс нимгэн, сайтар хөлдөөгүй байсан учраас автомашиныг гаргаж авч чадаагүй байсан юм.
  • Цагдаагаар мануулсан МАН-ынхан хорооны Засаг дарга нарыг халж байна
    2017 оны 2 сарын 15
    Хан-Уул дүүргийн МАН-ынхан долоо хоногийн өмнө Хорооны Засаг даргыг өрөөндөө хүмүүстэй уулзаад сууж байхад гаднаас нь лацдаж буй бичлэг цахимаар түгсэн билээ. Бичлэгийг харсан хүмүүс “Энэ монголын хамгийн тэнэг хүмүүс байна.
  • Жолооч та аль ч дүүргийн татварын хэлтэст татвараа төлөх боломжтой
    2017 оны 2 сарын 15
    Авто машины татвар хураалт эхэлсэнтэй холбогдуулан нийслэлийн нэг цэгийн үйлчилгээ Мишээл төвд явуулын оношлогоо, үзлэгийн төв ажиллаж байна. Явуулын оношлогоо нь тавдугаар сарыг дуустал ажиллах бөгөөд жолооч та Улаанбаатар банкны салбарт мөнгөө тушаан татвараа төлөөд, авто машинаа оношлуулах боломж нээлттэй юм.

    Жолооч та өөрт ойр байрлах оношлогоо үзлэг хийж байгаа болон татвар хурааж буй салбарууд дээр дүүрэг харьяалал харгалзахгүйгээр тушаах боломжтой. Тухайлбал, Нийслэлийн үйлчилгээний нэгдсэн төв “Мишээл экспо”, “Драгон”, “Дүнжингарав” салбарууд болон дүүргүүдийн татварын хэлтэс, техникийн үзлэг хяналтын Баянгол, Баянзүрх, Сонгинохайрхан төвөөр үйлчлүүлэх боломжтой юм байна.

    Татварын улсын байцаагч О.Золбаяр “Нийслэлийн үйлчилгээний нэгдсэн төвүүд дээр тээврийн хэрэгслийн албан татвар, авто зам ашигласны төлбөр, агаарын бохирдлын төлбөрийг хураан авч байна. Иргэд харьяа дүүрэг хороо харгалзахгүйгээр аль ч салбар, төв дээр очиж үйлчлүүлж болно” хэмээлээ.
  • Ирэх амралтын өдрүүдэд “Нарантуул” руу нэмэлт автобус үйлчилнэ
    2017 оны 2 сарын 15
    Сар шинийн баяртай холбогдуулан нийслэлийн Засаг дарга А/51 тоот захирамж гаргасан билээ. Захирамжийн хүрээнд нийслэлийн автозамын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу 2017 оны хоёрдугаар сарын 18-ны бямба, 19-ний ням гаригт тодорхой суурьшлын цэгүүдээс “Нарантуул” худалдааны төв рүү их багтаамжийн автобус 10.00, 12.30, 15.00 цагт иргэдэд үйлчилнэ.

    №

    Чиглэлийн нэр

    Үйлчлэх цаг

    Үйлчлэх ААНБ

    1

    Орбит-Нарантуул зах

    10:00

    12:30

    15:00

    Тэнүүн-Огоо ХХК

    2

    Нарангийн гол-Нарантуул зах

    Зорчигч тээврийн нэгтгэл ОНӨААТҮГ

    3

    ХМК-Нарантуул зах

    Сутайн буянт ХХК

    4

    Баянхошуу-Нарантуул зах

    Зорчигч тээврийн нэгтгэл ОНӨААТҮГ

    5

    Нисэх-Нарантуул зах

    Автотерминал трейд ХХК

    6

    Яармаг-Нарантуул зах

    Эрдэмтранс ХХК

    7

    Дэнжийн 1000-Нарантуул зах

    Монкара ХХК

    8

    Чингэлтэй-Нарантуул зах

    Эрдэмтранс ХХК

    9

    Бэлх-Нарантуул зах

    Зорчигч тээврийн нэгтгэл ОНӨААТҮГ

    10

    Шархад-Нарантуул зах

    Тэнүүн-Огоо ХХК

    11

    Улаанхуаран-Нарантуул зах

    БлюбусХХК

    Дүн





    Түүнчлэн иргэдийн “Хүчит шонхор” худалдааны төвийг зорих эрэлтийг хангах зорилгоор Дэнжийн мянгын автозамын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төв /хуучнаар/-ийн уулзвар хүртлэх авто замын хөдөлгөөнийг баруунаас зүүн чиглэлд 08.00-17.00 цагийн хооронд тус тус нэг чигийн хөдөлгөөнд оруулах зохион байгуулалтын арга хэмжээ авч байгаатай холбогдуулан нийтийн тээврийн 4 чиглэлийн хөдөлгөөнийг нэг чигт оруулж явуулах зохицуулалтыг хийнэ гэж нийслэлийн Тээврийн газраас мэдээллээ.

  • УБТЗ-ын төв эмнэлэг зүрхний нарийн мэс заслыг хийдэг боллоо
    2017 оны 2 сарын 15



    УБТЗ-ЫН ТӨВ ЭМНЭЛЭГ ОРЧИН ҮЕИЙН ЭМНЭЛГИЙН ТУСЛАМЖ ҮЙЛЧИЛГЭЭГ ШУУРХАЙ ХҮРГЭХ ТҮВШИНД ХҮРЧЭЭ
    1951 онд үүсэн байгуулагдсан Улаанбаатар төмөр замын төв эмнэлэг нь 15 мянга шахам төмөр замчид, тэдний гэр бүл үр хүүхэд гээд нийт 54 мянга шахам хүнд үйлчилдэг. Мөн БГД-ийн 1-4-р хорооны иргэдэд эмнэлгийн тусламж үйлчилгээ үзүүлдэг.
    Монгол Улсын Засгийн газрын тогтоолыг үндэслэн төмөр зам дагуу байрлалтай орон нутгийн нэгдсэн эмнэлгүүдийг орон нутгийн харьяалалд нь шилжүүлснээр Төмөр замын ажиллагсад орон нутгийн эмнэлгийн үйлчилгээг хангалттай авах боломжгүй болж Төмөр замын төв эмнэлгийн хэвтүүлэн эмчлэх тасгуудын ачаалал 3 дахин нэмэгджээ.. Өнөөдрийн байдлаар Төв эмнэлгийн хэвтүүлэн эмчлэх тасгуудын ачаалал, хүлээгдэл их, ялангуяа дотрын тасагт хэвтэн эмчлүүлэгчдийн дараалал 7-21 хоногийн өмнө бичигдэж байгаагаас орны хүлээгдэл, чирэгдэл их болсон байна. Түүнчлэн үйлчлэх хүрээний хүн амын дунд халдварт бус өвчлөл түүний дотор бөөр, шээсний замын өвчлөл тууштай буурахгүй жин дарсаар байна.
    УБТЗ-ын шинэ удирдлага дээрх асуудалд анхаарч тус эмнэлгээр үйлчлүүлэгчдэд орчин үеийн эмнэлгийн төрөлжсөн нарийн мэргэжлийн тусламж үйлчилгээг шуурхай, чанартай, тэгш хүртээмжтэй үзүүлж, эмнэлгийн ачаалал, хүлээгдлийг бууруулах зорилгоор хэвтэн эмчлүүлэх “Дотрын 3 дугаар тасаг”-ийг шинээр нээн, бөөрний цочмог гэмтэл буюу архаг дутагдлыг эмчлэх гемодиализийн 5 аппарат ажиллуулж эхэллээ. Энэхүү дотрын шинэ тасаг нь шугам замын ажилчдад дагнан үйлчлэх зорилготой юм.
    Тэрчлэн тус эмнэлэг нь 2017 оноос тодосгогчтой компютер томограф болон бүдүүн гэдэсний дурангийн шинжилгээг шинээр оношлогоо шинжилгээндээ нэвтрүүлж эхэлжээ..
    Мөн тус эмнэлэг нь зүрхний нарийн төвөгтэй мэс заслыг хийдэг болж, хэвлийн хөндийн болон урологийн хагалгааг 100 хувь дурангаар хийх нөхцөлийг бүрдүүлж.


  • Зам тээврийн ослоор бэртсэн хүүхдүүдийн дийлэнх нь 0-14 насныхан байна
    2017 оны 2 сарын 15
    2017 оны 1-р сарын байдлаар Хүүхэд өртсөн зам тээврийн осол 27 бүртгэгдэж, 34 хүүхэд хүнд, хөнгөн гэмтсэн байна. Зам тээврийн ослын улмаас гэмтэж бэртсэн хүүхдүүдийг насны байдлаар нь авч үзвэл 0-14 насны хүүхэд дийлэнх хувийг эзлэх бөгөөд 67 хувь нь явган зорчигч хэлбэрээр замын хөдөлгөөнд оролцож байсан байна.
    Замын хөдөлгөөний дүрмийн анхан шатны мэдлэгийг хүүхдэд олгох, замын хөдөлгөөнд соёл, дэг журамтай оролцуулах дадлага эзэмшүүлэх, осол хэрэгт өртөхөөс урьдчилан сэргийлэх асуудал нь төрийн болон төрийн бус байгууллага, аж ахуй нэгж байгууллага, насанд хүрсэн иргэн бүрийн эрхэм үүрэг юм.
    Замын хөдөлгөөний дүрмийн 3 дугаар хэсэгт. “Сургуулийн өмнөх насны хүүхдийг харгалзах хүнгүйгээр замын хөдөлгөөнд оролцуулахыг хориглох бөгөөд харгалзаж яваа хүн хүүхдийг хөтөлж (тэвэрч) явна.” гэж заасан байдаг. Гэтэл тэднийг хараа хяналтаасаа гаргаж, замд орхиж байгаа нь хүүхдийнхээ амь насыг хайхрахгүй байгаатай утга нэг юм.
    Мөн Замын хөдөлгөөний аюулгүй байдлын тухай хуулийн 13.2.7 дах хэсэгт “Эцэг эх, асран хамгаалагч, бүх шатны боловсролын байгууллагын холбогдох албан тушаалтан 10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх үүрэгтэй”, 54.6 дах хэсэгт “Энэ хуулийн 13.2.7-д заасныг зөрчсөн нь замын хөдөлгөөний аюулгүй байдлын зөрчилд хүргэсэн бол эцэг эх, асран хамгаалагч, бүх шатны боловсролын байгууллагын холбогдох албан тушаалтныг нэг сарын хөдөлмөрийн хөлсний доод хэмжээтэй тэнцэх хэмжээний төгрөгөөр торгох шийтгэл оногдуулна.” гэж тус тус заасан байдаг.
    Сургуулийн өмнөх болон бага насны хүүхдүүд явж байгаа автомашины зай болон хурдыг баримжаалах чадвар муутай байдгийн дээр гэрлэн болон дуут дохионы утгыг тэр болгон ойлгодоггүй сэтгэл зүйн онцлогтой байдаг. Явж байгаа тээврийн хэрэгслийг тэр дороо л шууд зогсчих мэтээр хүүхдүүд ойлгодог.
    Иймд эцэг, эх, багш, сурган хүмүүжүүлэгч, асран хамгаалагч та хүүхэддээ замын хөдөлгөөнд сахилга, соёлтой оролцуулах хүмүүжлийг бий болгож, замын хөдөлгөөний наад захын мэдлэг, дадал олгож замын хөдөлгөөнд соёлтой оролцогч ирээдүйн иргэнийг төлөвшүүлэх, хүүхдийн зориулалтын хамгаалалтын суудал, хамгаалах бүсийг тогтмол хэрэглэж хэвшихийг Замын цагдаагийн албанаас зөвлөж байна.
  • Засгийн газар хуралдаж байна
    2017 оны 2 сарын 15
    Засгийн газрын ээлжит хуралдаан өнөөдөр 15.00 цагаас эхэлнэ. Энэ өдрийн хуралдаанаар өвөлжилтийн талаар авах арга хэмжээг хэлэлцэж, санхүүжилтийг шийдэх юм байна.


    Хэлэлцэх асуудал

    Засгийн газрын гишүүн
    1. Хөрөнгө гаргах тухай
    У.ХҮРЭЛСҮХ
    2. Хөрөнгө гаргах тухай* (өвс тэжээл)
    У.ХҮРЭЛСҮХ
    3. Журам батлах тухай
    Ц.МӨНХ-ОРГИЛ
    4. Эрчим хүчний салбарт хамтран ажиллах тухай Монгол Улсын Засгийн газар, Оросын Холбооны Улсын Засгийн газар хоорондын хэлэлцээрийн төслийн тухай*
    П.ГАНХҮҮ
    5. Бусад асуудал*
    Ж.ЭРДЭНЭБАТ

    Танилцуулах асуудал

    6. Хүн амын амьжиргааны 2017 оны доод хэмжээг тогтоосон талаарх танилцуулга
    Ж.МӨНХБАТ
    7. Гадаад харилцааны сайдын НҮБ-ын Ерөнхий Ассамблейн чуулганд оролцсон талаар
    Ц.МӨНХ-ОРГИЛ
    8. Гадаад харилцааны сайдын НҮБ-ын Хүний эрхийн зөвлөлийн чуулганд оролцох талаар
    Ц.МӨНХ-ОРГИЛ
    9. Монгол Улсын Ерөнхийлөгч Дэлхийн эдийн засгийн чуулга уулзалтад оролцсон дүнгийн талаар
    Ц.МӨНХ-ОРГИЛ
  • Органик хүнсний тухай хуулийн журмыг хэлэлцэж байна
    2017 оны 2 сарын 15
    Монгол Улсын Их хурлаас “Органик хүнсний тухай” хуулийг 2016 оны дөрөвдүгээр сард баталсан бөгөөд 2017 оны нэгдүгээр сарын 1-ний өдрөөс мөрдөж эхэлсэн. Органик хүнсний тухай хуулийг хэрэгжүүлэх, Монгол Улсын Засгийн газрын болон нийслэлийн Засаг даргын 2016-2020 оны үйл ажиллагааны хөтөлбөрт тусгагдсан “ЭРҮҮЛ ХҮНС - ЭРҮҮЛ МОНГОЛ ХҮН” арга хэмжээг хэрэгжүүлэх зорилтын хүрээнд Хүнс хөдөө, аж ахуй, хөнгөн үйлдвэрийн яам, нийслэлийн Хүнс, хөдөө аж ахуйн газар хамтран “Органик хүнсний тухай хуулийг дагалдан гарах журам, аргачлалын төслийн танхимын цуврал хэлэлцүүлэг”-ийг зохион байгуулж байна.

    Энэхүү хэлэлцүүлэг нь органик газар тариалан, мал аж ахуй, зөгийн аж ахуй, органик хүнс боловсруулах үйлдвэрийн төлөөлөл, шинжлэх ухаан, сургалт, судалгааны байгууллагын эрдэмтэн судлаачид, хэрэглэгчид, төрийн болон төрийн бус байгууллага, олон улсын байгууллагын нийт 450 орчим төлөөлөгчдийн оролцоог хангах замаар органик салбарын эрхзүйн бичиг баримтыг олон улсын чиг хандлага болон Монгол улсын хүнс, хөдөө аж ахуйн салбарын онцлог, Захиргааны ерөнхий хуулийн шаардлагад нийцүүлэн боловсруулахад чиглэгдэж байгаа юм.

    Дэлхийн улс орнуудын хүнс, хөдөө аж ахуйн салбарын хөгжлийн 2030 он хүртэлх төлөвлөлтөд органик хүнсний асуудал чухал байр суурь эзэлж байна. Тухайлбал, АНУ-д органик хүнсний үйлдвэр жилд дунджаар 10.8% өсч, хэрэглэгчид жилд 43 тэрбум америк долларыг органик хүнс худалдан авахад зарцуулж байгаа билээ. Мөн органик үйлдвэрлэлд шилжсэн өрхүүдийн ядуурлын индекс 1.35%-иар буурч, органик газар тариаланд шилжсэн газрын бичил биетийн агууламж, хөрсний үржил шим 30-70% -иар сайжирсан үзүүлэлт гарчээ. Иймд органик хүнс, хөдөө аж ахуйн салбарын хөгжлийг дэмжиж эрхзүйн таатай орчин бүрдүүлснээр нэг талаас, үндэсний үйлдвэрлэгчид өөрийн үйл ажиллагаагаа органик зарчимд нийцүүлэн сайжруулж, орон нутгийн болон экспортын зах зээлд бүтээгдэхүүнээрээ өрсөлдөх, орлогоо нэмэгдүүлэх, байгаль орчинд ээлтэй үйлдвэрлэл явуулж, нийгмийн хариуцлагатай бизнес эрхлэх боломж бүрдэх юм. Нөгөө талаас, хэрэглэгчид баталгаажсан жинхэнэ органик хүнсний бүтээгдэхүүнийг сонгож хэрэглэх, эрүүл мэнддээ хөрөнгө оруулалт хийх боломж бүрдэнэ. Хэлэлцүүлэг ирэх сарын 20-ыг хүртэл үргэлжилнэ
  • Татварын тайлан авах хугацааг нэг өдрөөр сунгалаа
    2017 оны 2 сарын 15
    2016 оны жилийн эцсийн татварын тайлангуудыг хүлээн авах хугацааг энэ сарын 16-ны өдрийг дуустал сунгалаа.
  • Хүн дайраад зугтсан жолоочийг эргүүлийн цагдаа нар хөөж баривчилжээ
    2017 оны 2 сарын 15
    Баянзүрх дүүргийн нутаг, Чулуун овооны замд “Баянзүрх-Нэг зүрх” төвийн урд зам дээр явган зорчигчийг дайраад зугтсан жолоочийг цагдаа нар хөөж саатуулжээ.
  • Улсын төсөв 25.3 тэрбум төгрөгийн алдагдалтай гарчээ
    2017 оны 2 сарын 15
    Үндэсний статистикийн хорооноос 2017 оны нэгдүгээр сарын Монгол Улсын нийгэм, эдийн засгийн байдлыг танилцууллаа.


  • Алба хаагчийн үүргээ нэр төртэй биелүүлсэн цагдаа нарыг шагналаа
    2017 оны 2 сарын 15
    Улаанбаатар хотын Цагдаагийн газрын Гэмт хэрэгтэй тэмцэх газрын IV хэлтсийн эрүүгийн төлөөлөгч цагдаагийн ахлах дэслэгч Б.Бүрэнтэгш, цагдаагийн ахлах дэслэгч Х.Ариунбат нарын гавьяаг үнэлж “Цагдаагийн алдар” тэмдгээр шагналаа.
  • БНСУ-руу 90 хоног визгүй зорчдог байсныг цуцална
    2017 оны 2 сарын 15
    БНСУ руу 90 хоног визгүй зорьчдог байсныг болиулж
  • ЦЕГ-ын даргын тушаалаар хугацааны өмнө цагдаагийн ахмад цолоор шагналаа
    2017 оны 2 сарын 15
    Галын аюулаас нэгэн гэр бүлийн гурван хүний амь насыг аварсан Улаанбаатар хотын Цагдаагийн газрын Гэмт хэрэгтэй тэмцэх газрын IV хэлтсийн эрүүгийн төлөөлөгч цагдаагийн ахлах дэслэгч Б.Бүрэнтэгш, цагдаагийн ахлах
  • Тэтгэвэр, тэтгэмж авах итгэмжлэлийг нэг жилээс илүүгүй хугацаагаар олгоно
    2017 оны 2 сарын 15
    Монголын нотариатчийн танхимтай зөвшилцөн тэтгэвэр, тэтгэмж авах эрхийн итгэмжлэлийг нэг жилээс илүүгүй хугацаагаар олгож байхаар Эрүүл мэнд, нийгмийн даатгалын ерөнхий газраас шийдвэрлэлээ.

    Нийгмийн даатгалын сангаас олгох тэтгэвэр, тэтгэмжийн тухай хуульд заасны дагуу иргэдийн тэтгэвэр, тэтгэмжийг итгэмжлэгдсэн хүнд нь олгохдоо нотариатчийн олгосон итгэмжлэлийг үндэслэдэг. Өөрөөр хэлбэл Иргэний тухай хуулиар итгэмжлэлийг гурван жилийн хугацаатайгаар олгодог байсан юм. Нотариатчийн олгосон итгэмжлэлийн хугацаа урт байгаагаас тэтгэвэр, тэтгэмж нь олговол зохих эзэндээ хүрч буй эсэх нь тодорхойгүй болох, тэтгэвэр, тэтгэмжийн даатгалын сангийн зарцуулалтад хяналт тавихад хүндрэл учрах зэрэг сөрөг үр дагавар гардаг байна.

    Ийнхүү нотариатчийн олгосон итгэмжлэлийн хугацаанд хяналт тавьж, нэг жилээс илүү хугацаагаар олгосон тохиолдолд тэтгэвэр, тэтгэмжийг олгохгүй болсон талаар нийслэлийн Эрүүл мэнд, нийгмийн даатгалын газраас мэдээллээ.

5015 5016 5017 5018 5019 5020 5021
  • Шинэ
  • Их уншсан
  • Их сэтгэгдэлтэй
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
    10 цаг 56 мин
  • Улс хоорондын шуудан илгээмжийн нийт бараа эргэлт 40.5 хувиар өсжээ
    11 цаг 4 мин
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
    11 цаг 13 мин
  • Их зохиолч Д.Нацагдоржийн мэндэлсний 120 жилийн ой өнөөдөр тохиож байна
    12 цаг 1 мин
  • Эрдэнэбүрэнгийн усан цахилгаан станцын бүсээс эртний чулуун хайрцагтай булш илэрчээ
    12 цаг 7 мин
  • Өвөрхангай аймгийн Засаг даргаар Т.Жамбалцэрэнг томилжээ
    12 цаг 18 мин
  • О.Батжаргал: Төрөө дээдэлдэг ард түмний хувьд төрийн тэргүүний ажил ариун байх ёстой, сэвтээж таарахгүй
    13 цаг 10 мин
  • Азийн Испорт болон оюуны анхдугаар наадам 2027 оны арваннэгдүгээр сард болно
    13 цаг 32 мин
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
    13 цаг 35 мин
  • Өнөөдөр "Олон улсын оюутны эрхийг хамгаалах өдөр"
    13 цаг 49 мин
  • Ц.Ганзориг: Ерөнхийлөгч гүжир гүтгэлэгт нэр төрөө сэргээлгэх хуулиар олгогдсон бүрэн эрхийнхээ хүрээнд өөрөө шийдвэрээ гаргасан
    13 цаг 59 мин
  • Н.Учрал: Эх хэл бол үндэстний оюун санааны дархлаа, тусгаар тогтнолын баталгаа юм
    14 цаг 1 мин
  • “Pizza Hut” сүлжээ рестораныг үүсгэн байгуулагч Дэн Карни таалал төгслөө
    14 цаг 7 мин
  • Улаанбурхан өвчний дэгдэлтийг таслан зогсоолоо
    14 цаг 18 мин
  • Grammy Awards 2027: Нэр дэвшигчдийн БҮРЭН жагсаалт
    14 цаг 19 мин
  • Роберт Паттинсон дараагийн Жеймс Бондын дүрийг бүтээнэ
    14 цаг 35 мин
  • Л.Мөнхбаясгалан: У.Хүрэлсүхийг яс шалгаж ард түмэнд мэдээлэх хэрэгтэй
    14 цаг 38 мин
  • Х.Нямбаатар: Тайвширч, хууртаж болохгүй. Түүнд маш олон арга заль бий
    14 цаг 38 мин
  • Дархан аваргыг гурвантаа хаясан Сумын заан П.Нямжав
    14 цаг 51 мин
  • Н.Алтанхуяг: Монголын төр шударга, ариун байх ёстой. Огцорлоо гээд асуудлыг орхиж болохгүй
    14 цаг 55 мин
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Өнөөдөр төв болон зүүн аймгуудын нутгаар нойтон цас орж, шуурна
  • Этгээд хоригтой 24 улс
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • FIBA 3x3 AmeriCup 2026 тэмцээний тойм
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Дохио!!! Цаг агаарын аюултай үзэгдлээс сэрэмжлүүлж байна
  • Жүдо бөхийн залуучуудын ДАШТ энэ сарын 19-нд эхэлнэ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Өвөлжилтийн бэлтгэл, отор нүүдлийн зохион байгуулалтыг эрчимжүүлэх чиглэл өглөө
  • Экспорт өмнөх оны мөн үеэс 45.3 хувиар өсжээ
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Б.Хурцын эхлүүлсэн шинэ зам буюу “Их эвсэл”
  • МУГТ Э.Цэндбаатар энэ бямба гарагт Мухаммад Якубовтой тулалдана
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • З.Мэндсайхан: 2027 оны төсөв иргэдийнхээ орлогыг хамгаална
  • FIBA 3x3 AmeriCup 2026 тэмцээний тойм
  • Экспорт өмнөх оны мөн үеэс 45.3 хувиар өсжээ
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Дональд Трампын илгээсэн тусгай илч нар В.Путинтай уулзахаар Москвад ирлээ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • ПСЖ клубийн алтан эрин үе
  • П.Бат-амгалан дэлхийн аварга болж, дэлхийн дээд амжилтыг шинэчиллээ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Этгээд хоригтой 24 улс
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
24 баримт
  • Хайрын дууч С.Сэрчмаагийн тухай 24 баримт
  • З.Мэндсайхан: 2027 оны төсөв иргэдийнхээ орлогыг хамгаална
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Этгээд хоригтой 24 улс
  • 24 БАРИМТ: Дэлхий дээрх бидний анзаардаггүй "этгээд" баримтууд
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК