Улаанбаатар
Өнөөдөр / 2026.11.18
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ
5108 5109 5110 5111 5112 5113 5114
  • 24 баримт: Дурсамж үлдээж, сургамж хайрласан оны онцлох үйл явдал
    2016 оны 12 сарын 27
    Улиран одож буй 2016 онд нийгмийн салбарт онцлох үйл явдлаар дүүрэн өрнөлөө. Ардчилалын алтан хараацай С.Зориг агсны шүүх хурал анх удаа 18 жилийн дараа болж, вальют энэ онд түүхэнд байгаагүйгээр өсөв. Ингээд нийгэмд болж өрнөсөн онцлох үйл явдлыг 24 баримтаар дэлгэе.

    Баримт 1. 2016 оны долдугаар сарын 10-ны өдөр Баян-Өлгий аймагт их хэмжээний мөндөр, бороо орсны улмаас 361 өрхийн 1661 иргэн үерт автаж 2.3 тэрбум орчим төгрөгийн хохирол учирчээ.

    Баримт 2. Он гарсанаас хойш нийслэл болон суманд нийт 16 удаа үер болсон байна. Үүний тод жишээ нь, Нийслэлд 2016.07.28-ны өдөр буюу 19:00 цагийн орчимд Сансарын тунель орчимд үер бууж машины хамар давсан юм. Үүний улмаас жолооч нар хохирсон юм.

    Баримт 3. Энэ оны эхний гурван сарын байдлаар 0-5 хүртэлх насны нийт 491 хүүхэд эндсэн. Түүнээс улаан бурхан өвчнөөр 59 хүүхэд амь насаа алдсан байна. Энэ тухай ХӨСҮТ-д хүүхдээ сахиж буй ээж аав нар сошиалд мэдээлснээр олны анхааралд өртсөн юм. Эмнэлгийн гадаа ээжүүд хөхөөрөө хүүхдээ даллаж, сайн дурынхан эцэг эхчүүдэд туслах аян өрнүүлж байв.

    Баримьт 4. Өнгөрсөн аравдугаар сарын 9-10-нд шилжих шөнө Сүхбаатар дүүргийн I хорооны нэгэн орон сууцанд байсан 10 хүн рүү хэсэг бүлэг этгээд дайран орж, буу зэвсэгээр далайлган, их хэмжээний мөнгө болон бусад эд зүйлийг дээрэмдсэн хэрэг гарсан. Энэ нь олон нийтийн анхаарлын төвд байв. Хэргийг С.Галбадрах, Н.Билэгбаатар, нар үйлдсэн нь тогтоогдож баривчилсан байдаг.

    Баримт 5. Вальют энэ онд түүхэнд байгаагүйгээр өсч өнгөрсөн долдугаар сараас хойш тасралтгүй өссөөр ам.доллар 3000 төгрөгт тулсан нь оны онцлох үйл явдал боллоо.

    Баримт 6. Өнгөрсөн арваннэгдүгээр сард үргэлжилэн орсон цасны улмаас нийслэлээрээ “цас”-тай тэмцсэн. Машинтай залуус сайн дураараа аянд нэгдэж ТҮК-ийн ажилтнуудад тусалсан нь онцлох үйл явдлын нэг байв.

    Баримт 8. Хотын дарга С.Батболд “Нэг харьцуулалт хэлье. Өнгөрсөн онд нийт өвлийн турш 13 удаа цас орсон байхад энэ өвөл эхлээд нэг сар хүрэхгүй хугацаанд 13 удаа цас орчихоод байна. Сар хүрэхгүй хугацаанд өнгөрсөн жилийн давтамжаа давчихсан байгаа юм. Давтамжаасаа гадна хэмжээ нь их байна” гэснээр олны шүүмжлэлд өртсөн. Түүний хэлсэн үгийг олон нийт одоо ч мартаагүй.

    Баримт 9. Энэ сарын 6-ны өдөр Шадар сайд У.Хүрэлсүх “Сүлдэндээ залсан Монгол адуугаа хүний нутагт нүдийг нь сохлуулж, шөрмөсийг нь таслуулахыг тэвчихгүй. Тиймээс адууг амьдаар нь хил гаргаж буй асуудлыг бүрмөсөн таслан зогсоохыг Хүнс, Хөдөө аж ахуйн сайд П.Сэргэлэн, МХЕГ-ын дарга Н.Цагаанхүү нарт дахин үүрэг болгож байна” гэснээр бичигтийн боомтод 800 гаруй адуу 20-иод хоног өвс тэжээлгүй гацсан нь нийгэмд “хөндүүр” сэдвийн нэг байв.

    Баримт 10. “Энхтайван нэрийн дор зэвсгийн наймаа, залуусын боловсрол нэрийн дор тэдний тархи, оюун ухааныг хянадаг, багш нарыг боловсруулах нэрээр тархийг нь угаадаг, ариун гэр бүл нэрээр боловсон хүний наймаа хийдэг байгууллага бол МҮҮН” хэмээн иргэн Э.Цэрэндолгор мэдээлснээр нэг хэсэгтээ шуугиан тарьсан юм. Энэ үйл явдал өнгөрөгч гуравдугаар сард болсон. Тэрбээр мүүний хамгийн том төлөөлөл нь Ц.Элбэгдорж, С.Баярцогт, ерөнхийлөгчийн зөвлөхөөр ажиллаж байсан Ч.Сосормаа, БШУЯамны, Стратеги бодлого, төлөвлөлтийн газрын дарга Б.Насанбаяраас гээд дурдвал олон байна гэж хэлсэн удаатай. Ингэснээр МҮҮН-ий асуудал хурцаар яригдаж байв.


    Баримт 11. “Хар сарнай” хамтлагийн ахлагч С.Амармандах буюу дуучин Амараа Нийслэлийн Засаг даргын тамгын газраас арваннэгдүгээр сарын 23-ны өдөр “One Event Hall”-д зохион байгуулсан “Жаргалтай Улаанбаатар” цэнгүүний үеэр ОХУ-ын ЭСЯ-ны дипломатчид зодуулж хүндээр бэртсэн нь олны анхаарлын төвд байлаа. Энэ хэрэгт ОХУ-ын Ерөнхийлөгч Путин анхааралдаа авч гадны хэвлэлүүдийн хараанд өртсөн.

    Баримт 12. Б.Мөнгөнтуяа: Шинэчлэлийн Засгийн газраас хэрэгжүүлсэн “Нүүрс” хөтөлбөрөөс их хэмжээний мөнгө хувьдаа шамшигдуулсан хэрэгт холбогдон зургаан сарын турш хоригдсоны эцэст хэрэг нь хэрэгсэхгүй болсон юм. Тэрбээр Монголын төрийг шүүхэд өгсөн байдаг. Иргэн нь төр засагаа шүүхэд өгсөн үйлдэл Монголын түүхэнд анх удаа гарсан билээ.


    Баримт 13. Монголбанкны залуучуудын зөвлөл өнгөрсөн наймдугаар сарын 18-нд хуралдаж мөнгөний бодлогын хүүг 15 хувь болгон нэмэгдүүлсэн юм. Үүнийг хэт хатуу бодлого гэж дүгнэж шүүмжлэл дагуулж байв.

    Баримт 14. Өнгөрсөн арваннэгдүгээр сарын 02-ны өдөр сошиалаар @Bilguunovich хаягтай иргэн “Нялх хүүхдийг ганц шил архиар зарна гээд нимгэн даавуунд ороочихсон явж байна” гэх мэдээлэл цацсан нь “дуулиан” болсон. Тус мэдээлэл худал болох нь батлагдаж ЦЕГ-аас мэдээлэл хийж, хүүгийн эцэг эх гомдол гаргасан нь цахим ертөнцийн хэрэглэгчдэд сургамжит үйл явдал болов.

    Баримт 15. Гуравдугаар сарын 11-н Баянзүрх дүүрэг буюу Сансарын колонкийн ойролцоох 57 дугаар байрны дээвэр дээрээс нэгэн эмэгтэй амиа хорлохоор үсрэхээр завдаж Онцгой байдал, эмнэлгийнхэн ирсэн байдаг. Амиа хорлохоор завдсан эмэгтэй нь дунд сургуулийн сурагч байсан нь тогтоогдсон юм. Түүний найз хөвгүүн, ээж нь ирснээр эсэн мэнд үлдсэн билээ. Үүнд олонхийн зарим нь охиныг буруушааж байсан бол нөгөө хэсэг нь өмөөрч байв.

    Баримт 16. Засгийн газраас өрхийн амьжиргааг тогтоож, улмаар хүүхдийн мөнгийг ялгавартайгаар олгохоор шийдвэрлэсэн. Хүүхдийн мөнгөнд зарцуулах төсөв буурсантай холбогдуулан өрхийн амьжиргааны түвшний 20 бүлгийн 1-17 бүлгийн өрхийн 0-18 насны хүүхдэд олгохоор болсон нь олонхийн дургүйцлийг хүргэсэн юм.

    Баримт 17. Өнгөрсөн зургадугаар сард сайхан мэдээ дуулгасан “Сайн хувьцаа” хөтөлбөр хэдхэн хоногийн настай байлаа. Хувьцаа худалдах ажиллагаа сонгууль болохоос гурван долоо хоногийн өмнөөс эхэлж долоо хоногийн эхний өдөр бүр хувьцаагаа худалдсан иргэдийн дансанд 100, 100 мянгаар орж эхэлсэн. Хувьцаагаа худалдах гэсэн иргэд банкин дээр олон цагаар дугаарлаж байв. Сонгуулийн өмнөх өдөр иргэдийн дансанд 100 мянган төгрөг орсоноор “сайн хувьцаа” хөтөлбөр жаргасан юм. Сүүлд хувьцаагаа бүртгүүлсэн иргэд одоо болтол мөнгөө авч чадаагүй.

    Баримт 18. Дорнод аймгийн Халхгол сумын нутагт үйл ажиллагаа явуулдаг “Петрочайна Дачин Тамсаг” компанийн туслан гүйцэтгэгч “Зөв боломж” ХХК-ийн 21 ажилтан үл мэдэгдэх шингэнд хордсон хэрэг энэ сарын 24-ний өдөр гарсан. Тэд метилийн спирт хулгайлж уусан болох нь тогтоогдсон бөгөөд дөрөв нь газар дээрээ нас барсан харамсалтай хэрэг гарсан юм.

    Баримт 19. 18 жилийн дараа С.Зориг агсны шүүх хурал анх удаа энэ сарын 14-нд анх удаа болсон. Гэвч шүүгчдийн хүсэлтээр хурлыг долоо хоног хойшлуулснаар 21-нд хорих 461 дүгээр ангид хаалттай хуралдав. С.Зориг агсны шүүх хурал дөрвөн өдөр хаалттай үргэлжилсэн. С.Зориг агсны хэрэгт түүний гэргий Б.Булганы хэргийг хэрэгсэхгүй болгож С.Оюун шүүх хуралд оролцоогүй. Шүүх хуралд нийт 10 гаруй гэрч дуудагдсан.


    Баримт 20. Хотын захирагч С.Батболдын тушаалаар нийслэлд үйл ажиллагаа явуулж буй ТҮЦ-үүдийг албадан нүүлгэлээ.

    Баримт 21. Энэ онд Улаанбаатар хотын агаарын бохирдол гамшгийн хэмжээнд хүрлээ. Тодруулбал, Бээжингийн агаарын бохирдлоос дөрөв дахин их болов. Агаарын бохирдлын улмаас эмнэлгүүдийн ачаалал дээд цэгтээ хүрлээ. Тодруулбал, 0-5 насны хүүхдүүдийн өвчлөл онц байдал зарлаж 90 орчим хувь нь ханиад, хатгалгаа тусчээ.

    Баримт 22. Агаарын бохирдлын эсрэг анх удаа ээж аавуудын холбоо байгуулагдаж тайван жагсаал Сүхбаатарын талбайд зохион байгуулав. Нийт 20 гаруй мянган ээж аав нар хар масктай жагссан юм.

    Баримт 23. Засгийн газраас анх удаа цахилгааны шөнийн тарифыг төлбөргүй болголоо. Үүнийг олон нийт агаарын бохирдлы эсрэг хамгийн зөв алхам боллоо гэж иргэд сайшааж байна.

    Баримт 24. Энэ сарын эхээр Өмнөговь аймгийн Цогтцэций суманд нэг хоногийн дотор 40 удаа чичирхийлэл мэдэгдсэн тул өндөржүүлсэн бэлэн байдал зарлаж, 700 орчим хүнийг нүүлгэн шилжүүлсэн юм.












  • Нумын ордныхон дотны хүнээсээ гэнэтийн бэлэг хүлээн авч ч магадгүй
    2016 оны 12 сарын 27
    ​

    ХОНЬ - (3/21-4/19)



    Ангараг гараг нь Бумбын орд болон найз нөхөр, итгэл найдвар, хүслийн зам руу хөдөлж байгаа тул хүнлэг, энэрэнгүй зан тодоор илэрнэ. Өөрийн асуудалд санаа зовохоосоо илүүтэй гэр бүл, найз нөхөддөө халамж тавьж, туслахыг хүсэх байх. Хамт олны үйл ажиллагаа, хамтын хүчин чармайлтын ачаар зорилгоо биелүүлэхэд алхам урагшилна. Хүслийн жагсааптаа чухлаас нь эхлүүлэн ангилж, хамгийн хэрэгтэйг нь өөртөө сануулж бай.



    ҮХЭР - (4/20-5/20)



    Та дэлгүүрээс юм худалдан авахдаа чанарыг нь мэдэхгүй зүйл бүү ав. Санхүү эдийн засгийн асуудал нэлээд хүнд байдалд орно. Сонирхсон зүйл чинь баяр хөөр авч ирнэ. Магадгүй хэдхэн сарын дараа амьдралд тань өөрчлөлт авчирч магадгүй. Шинэ төслөө орчин тойрондоо хэрэгжүүлэхэд амжилттай байж чадна.



    ИХЭР - (5/21-6/21)



    Олон нийтийн үйл ажиллагаанд нэлээд идэвхгүй байх бололтой. Санаа зовох хэрэггүй. Өглөөг гэртээ өнгөрүүлснээр өөрт хэрэгтэй эрч хүчээ олж авах болно. Баярын хямдрал үргэлжилсээр байгаа тул мөнгөндөө захирагдалгүй зарим нэг хэрэггэй зүйл худалдан ав. Танай гэр зочдоор дүүрэн байх бөгөөд баярын бялуугаа бага зэрэг томруулахад гэмгүй. Хайр дурлалын харилцаа хүчтэй байх болно.



    МЭЛХИЙ - (6/22-7/22)



    Өдөр хоног өнгөрөхгүй амьдрал удааширсан юм шиг санагдана. Сүүлийн хоёр долоо хоногийн турш та шургуу ажиллаж, тун ч завгүй байсан бол одоо өөртөө диваажин бүтээ. Хос мэлхийнүүдэд сайхан мэдээ ирнэ. Буд гараг таны бэлгийн амьдрал, дотны харьцаа, хамтын хөрөнгө болон хайр дурлалын амьдрал чинь буцлах болно. Энэ эрчимтэй энергийг ашигла. Хайрттайгаа романтик удаан хугацааны амралтанд яв.



    АРСЛАН - (7/23-8/22)



    Багийн нэгэн хэсэг, бүрэлдэхүүн нь байх хэрэгтэй бөгөөд зорилгоосоо ухрах хэрэггүй. Таны хувьд ажил мэргэжил гэдэг маш чухал тул нөлөө бүхий найзтайгаа хамт уулзалт төлөвлөгөөний хамгийн эхэнд бичигдэх нь. Харин тэд өөр тийш явах санал тавибал, гэр бүлийнхэндээ хаана байгаагаа хэлэх нь чухал. Та өөрийгөө хэд хуваасан мэт санагдаж, хэзээ бүхэл болохоо мэдэхгүй гайхширч сууна.



    ОХИН - (8/23-9/22)



    Таны эрүүл мэнд болон ажил төрөлд гараг эрхэс эерэг нөлөө үзүүлэх болно. Дарга, хамт олон, үйлчлүүлэгчтэйгээ ямар нэг асуудлаар маргаж зөрчилдөх магадлал маш өндөр байна. Ажилдаа алдаа эндэгдэл гаргахаас сэргийл. Өнөөдөр таны удирдан зохион байгуулах чадвар маш сайн байгаа хэдий ч энэ чадвараа хэтрүүлэхээс сэргийл. Хүмүүсийг удирдаж, хэт их заавар зөвлөгөө өгөх нь бусдад тийм ч их таалагдахгүй л болов уу.



    ЖИНЛҮҮР - (9/23-10/22)



    Та ажлын ачаалал ихтэй байх нь. Санхүүгийн алдагдлаас зайлсхийхийн тулд мөнгөтэй холбоотой асуудалд болгоомжтой ханд. Таньд их олон зугаатай найз байгаа боловч заримдаа нам гүм байдал шаардлагатай байна. Гэр бүлийн харилцаанд өмнө гарсан зөрчилтэй байдлын улмаас зайлшгүй шийдвэрлэх асуудал гарна.



    ХИЛЭНЦ - (10/23-11/21)



    Ажил албаа гүйцэтгэж яваа Хилэнцийн ажил үүргийн гүйцэтгэл, анхаарлаа төвлөрүүлэх чадвар өндөр түвшинд байна. Хүсэл зорилго биелж, ажил хэрэгч Хилэнцүүдэд тэнгэрийн сахиус тусална. Дээд тушаалын хүмүүс таныг найдвартай, авсан ажлаа сайн хийдэг хүн гэж үнэлдэг боллоо. Шалихгүй асуудал, санал зөрөлдөөн, дундын мөнгөний асуудлаас болж бүү уурла. Гэхдээ эвтэй, найртай байдал бий болгох гэж хичээх хэрэггүй. Хэсэг хугацаанд уулзалдаагүй хуучин найзындаа одоо зочлоход яг таарна.



    НУМ - (11/22-12/21)



    Амьдралын эрч хүч, сексийн чадамж, өөдрөг байдал өсөн нэмэгдэх хандлага ажиглагдана. Эрэгтэй Нумуудыг гэнэтийн бэлэг, сайхан мэдээ хүлээж байна. Дотны хүнээсээ бэлэг хүлээн авч ч магадгүй. Түүнчлэн та өнөөдөр эсрэг хүйстнийхээ анхаарлын төвд байх бололтой. Харин эмэгтэй Нумуудыг ажил хэргийн тааламжтай санал хүлээж байна. Өнөөдөр таны өмнө мөнгө олох шинэ эх үүсвэр нээгдэх бололтой.



    МАТАР - (12/22-1/19)



    Баярын үеэр хэтэрхий их идэж уулгүй өөрийн хоолны дэглэм, фитнесийн хөтөлбөрт анхаарлаа хандуул. Таны анхаарлаа төвлөрүүлэх чадвар өндөр байх ч одоо та эргээд өдөр тутмын ажлаа хийнэ гэхээр бага зэрэг гутралд орно. Та нэгэнт л ажилдаа анхаарч, эргэцүүлж байгаа бол бэрхшээл учруулж болзошгүй шийдлүүдийг олж харна. Хуучин бичиг цааснуудаа ажлын орчноосоо зайлуул. Хамтран ажиллагч болон үйлчлүүлэгчтэй янаг амрагийн харилцаа үүсгэх хэрэггүй ч цаг хугацаа өнгөрөх тусам сэтгэл улам татагдана.



    БУМБА - (1/20-2/18)



    Өөрийгөө чөлөөтэй залж жолоодон, илэрхийлэх өдөр. Та ажил, амралтын аль алийг хослуулж, харилцааны ур чадвар ч сайн байх болно. Таны танилцуулж, хэлэлцсэн бусдын сонирхлыг татах санаа хүмүүсийг шуугиулна. Хос Хумх хайр дурлалдаа умбаж, бүтэн сарны дор романтикаар өнгөрөөх бололтой. Эцэг эхчүүд хүүхдүүдээ баясгах шинэ арга олж чадна.



    ЗАГАС - (2/19-3/20)



    Хэрвээ та энэ өдөр ажил болон бизнес хийхээсээ чөлөөлж сайн амарч чадвал нийгмийн үйл ажиллагаа тань таатай явагдана. Таны зан ааш, хандлага тань зөөлөрч эхлэх ба та урьдынхаасаа илүү нөхөрсөг, найрсаг байх болно. Энэ үдэш хайр дурлал, бүтээлч байдал, хүүхдүүддээ цаг гаргах хэрэггэй. Загаснуудын гэртээ болон ажил хэрэгтээ хандах хандлагыг өсгөх шинэ мэдрэмж төрнө. Асар их боломж тань дээр ирж байна.
  • Байнгын хороодын хуралдаанаар хэлэлцэх асуудлууд
    2016 оны 12 сарын 27
    Инновацийн тухай хуулийн хэрэгжилтийг шалгаж, санал, дүгнэлт, шийдвэрийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 10.30 цагаас 334 тоот өрөөнд;
    Төрөөс шинжлэх ухааны талаар баримталж байгаа бодлого, Шинжлэх ухаан технологийн тухай хуулийн хэрэгжилтийг шалгаж, санал, дүгнэлт, шийдвэрийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 12.00 цагаас 334 тоот өрөөнд;
    Ахмад настны тухай болон Алдар цолтон ахмад настанд төрөөс нэмэгдэл, хөнгөлөлт олгох тухай /шинэчилсэн найруулга/ хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 14.30 цагаас 334 тоот өрөөнд.
  • Үс засуулбал: Сүлд тэнэж одно
    2016 оны 12 сарын 27
    2016.12.27, МЯГМАР ГАРАГ / БИЛГИЙН ТООЛЛЫН: 29

    ӨВЛИЙН ДУНД ЦАГААН ХУЛГАНА САР
    ЗУРГААН ЦАГААН МЭНГЭТЭЙ ХАРАГЧИН ХОНЬ ӨДӨР

    Аргын тооллын: 2016.12.27, Мягмар гараг
    Наран ургах шингэх: 08.41-17.06
    Үс засуулбал: Сүлд тэнэж одно
    Барилдлага: Түлэх
    Шүтэн барилдлага: Авахуй
    Тухайн өдөр могой, морь, гахай, хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх болой. Өдрийн сайн цаг нь бар, туулай, могой, бич, нохой, гахай болой.
  • Улаанбаатарт 17 хэмийн хүйтэн байна
    2016 оны 12 сарын 27
    БАРУУН АЙМГУУДЫН НУТГААР: Үүлшинэ. Шөнөдөө нутгийн зүүн хэсгээр цас орж, зөөлөн цасан шуурга шуурна. Өдөртөө цас орохгүй. Салхи баруун хойноос секундэд 5-10 метр, шөнөдөө зарим газраар секундэд 12-14 метр хүрч ширүүснэ. Увс нуурын хотгор болон Идэр, Тэс голын хөндий, Хүрэн бэлчир орчмоор шөнөдөө 35-40 градус, өдөртөө 20-25 градус, Эхийн голын Баянбүрд орчмоор шөнөдөө 12-17 градус, өдөртөө 5-10 градус, бусад нутгаар шөнөдөө 23-28 градус, өдөртөө 11-16 градус хүйтэн байна.

    ТӨВИЙН АЙМГУУДЫН НУТГААР: Үүлшинэ. Шөнөдөө ихэнх нутгаар, өдөртөө нутгийн зүүн хэсгээр цас орж, цасан шуурга шуурна. Салхи баруун хойноос секундэд 5-10 метр, өдөртөө зарим газраар секундэд 12-14 метр хүрч ширүүснэ. Дархадын хотгор, Ерөө голын сав газраар шөнөдөө 32-37 градус, өдөртөө 24-29 градус, Хангай, Хөвсгөл, Хэнтийн уулархаг нутаг, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 25-30 градус, өдөртөө 15-20 градус, бусад нутгаар шөнөдөө 19-24 градус, өдөртөө 11-16 градус хүйтэн байна.

    ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. өдөртөө ихэнх нутгаар цас орж, цасан шуурга шуурна. Салхи баруун өмнөөс баруун хойш эргэж секундэд 5-10 метр, өдөртөө зарим газраар секундэд 12-14 метр хүрч ширүүснэ. Хэрлэн, Онон, Улз, Халх голын хөндийгөөр шөнөдөө 27-32 градус, өдөртөө 16-21 градус, бусад нутгаар шөнөдөө 23-28 градус, өдөртөө 12-17 градус хүйтэн байна.

    ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө цас орохгүй. Өдөртөө бага зэргийн цас орно. Салхи баруун хойноос секундэд 5-10 метр. Шөнөдөө 29-31 градус, өдөртөө 18-20 градус хүйтэн байна.

    ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруун өмнөөс баруун хойш эргэж секундэд 7-12 метр. Өмнөговийн нутгаар шөнөдөө 13-18 градус, өдөртөө 5-10 градус, бусад нутгаар шөнөдөө 18-23 градус, өдөртөө 9-14 градус хүйтэн байна.

    УЛААНБААТАР ХОТ: Үүлшинэ. Шөнөдөө цас орохгүй. Өдөртөө цас орж, зөөлөн цасан шуурга шуурна.. Салхи баруун хойноос секундэд 5-10 метр, өдөртөө зарим үед секундэд 12-14 метр хүрч ширүүснэ. Шөнөдөө Яармаг-Сонгины орчмоор 27-29 градус, бусад хэсгээр 22-24 градус, өдөртөө 16-18 градус хүйтэн байна.
  • Орон нутгийн замд болгоомжтой зорчихыг зөвлөлөө
    2016 оны 12 сарын 26
    Шинэ жилийн баяр болон амралтын өдрүүдээр зуслан болон хөдөө орон нутгийг зорих иргэдийн тоо нэмэгддэг. Иймд орон нутгийн замд анхаарал болгоомжтой зорчихыг Замын цагдаагийн албанаас санууллаа.

    Хөдөө орон нутгийг зорих гэж буй жолооч, зорчигчид найдвартай, албан ёсны гэрээтэй тээврийн хэрэгслээр зорчиж, өөрийн болон бусдын аюулгүй байдлыг ханган тухайн замын нөхцөлд хурдаа зөв тохируулан, зөвшөөрөгдсөн хурдны хязгаарыг хэтрүүлэхгүй, хамгаалах бүсийг тогтмол хэрэглэж хэвшихийг Замын цагдаагийн албанаас зөвлөж байна.

    Олон улсын болон улсын чанартай хатуу хучилттай авто замд албан ёсны гэрээгүй тээвэрлэлт хийж буй жолооч нар нь ачаа, зорчигч тээвэрлэх дүрэм зөрчихгүй байх, зөвшөөрөгдсөн даацын хэмжээг хэтрүүлэх, хурд хэтрүүлэх, техникийн хяналтын үзлэгт ороогүй, техникийн бүрэн бүтэн байдал хангаагүй, хамгаалах бүс хэрэглэдэггүй зэрэг зөрчил гаргадаг нь зам тээврийн осол, хэрэг гарах нөхцлийг бүрдүүлдэг аж.
  • МУГЖ Г.Ариунбаатар эмгэнэл илэрхийллээ
    2016 оны 12 сарын 26
    ОХУ-ын Батлан хамгаалах яамны “ТУ-154” онгоц өчигдөр Сочи хотоос холгүй осолджээ. Онгоцонд ОХУ-ын Зэвсэгт хүчний алдарт Александровын чуулгын 64 найрал дуучин, хөгжимчин, нэгдүгээр сувгийн есөн сэтгүүлч, багийн найман гишүүн зорчиж явсан аж. Тэд Сирийн Латакиа мужид очиж, Зул сарын баярт зориулсан урлагийн тоглолт үзүүлэхээр явжээ.



    Уг үйл явдалд МУГЖ, дуучин Г.Ариунбаатар эмгэнэл илэрхийлэв. Тэрбээр “Бурхан Александрын цэргийн чуулгийг бүрэн бүрэлдэхүүнээр нь тоглуулахаар авч оджээ. Юутай их уй гашуув дээ. ОХУ-ын Батлан хамгаалахын сайд Сергей Шойгу-ын урилгаар Москва хотод очиж энэ чуулгийнхантай өнгөрсөн оны наймдугаар сард хамтарч концерт тоглож байжээ. Би өөрөө мөрдөстэйг хэлэх үү, удирдаач нь надад их сайн хандаж цаашид хийх уран бүтээлээ яриад салсан юмсан. Харамсалтай байнаа. Эх ОРОС гүрнийхээ хөрсөнд амгалан нойрс доо” хэмээн цахим хуудсандаа нийтэлжээ.



    Онгоцонд 92 зорчигч явснаас 65 нь Александровын нэрэмжит ансамблийн дуучид байжээ. Үүнтэй холбогдуулан Орос даяар бүх нийтийн гашуудал зарласан байна.

  • Баярын өдрүүдэд хариуцлагатай жижүүр ажиллана
    2016 оны 12 сарын 26
    Энэ оны төгсгөлд бүх нийтийн амралтын өдрүүд, баярын өдрүүд үргэлжлэн тохиож байна. Өөрөөр хэлбэл 12 дугаар сарын 29-ний өдрөөс 1 дүгээр сарын 2 хүртэл бүх нийтээр амарна. Эдгээр өдрүүдэд нийслэлийн харьяа газар, агентлагийн дарга, удирдлагууд Улаанбаатар хотын шуурхай удирдлага, зохицуулалтын төвд хариуцлагатай жижүүрээр ажиллах юм.

    Нийслэлийн газрын алба, Нийслэлийн тээврийн газар, Улаанбаатар зам засвар, арчлалтын газар, Нийслэлийн соёл урлагийн газар, Нийслэлийн аялал жуулчлалын газар, Геодези усны барилга байгууламжийн газар, Улаанбаатар цахилгаан түгээх сүлжээ ТӨХК, Улаанбаатар дулааны сүлжээ ТӨХК, Хот тохижилтын газар, Нийслэлийн мэдээллийн технологийн газар, Нийслэлийн эрүүл мэндийн газар, Хэсэгчилсэн инженерийн хангамжийн удирдах газрын дарга нар 12 дугаар сарын 29-нөөс 1 дүгээр сарын 2-ны өдрүүдэд хуваарийн дагуу хариуцлагатай жижүүрээр ажиллана. Иргэд хэрэгцээт мэдээллээ Улаанбаатар хотын шуурхай удирдлага, зохицуулалтын төвийн 310005, 76111005 дугаарын утсаар авах боломжтой байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
  • Зарим халдварт өвчний вакцины зардлыг малчин өөрөө төлдөг болно
    2016 оны 12 сарын 26
    Мал, амьтны эрүүл мэндийн тухай хуулийн төсөл, түүнтэй нийцүүлэн холбогдох зарим хуульд нэмэлт өөрчлөлт оруулах тухай асуудлыг хэлэлцэн дэмжиж Засгийн газрын гишүүдээс гаргасан саналыг тусган УИХ-д өргөн мэдүүлэхээр тогтов. Төсөлд, одоо мөрдөж байгаа хүчин төгөлдөр хуульд зохицуулалтгүй байгаа асуудлуудыг шинээр тусгах, мөн бүх төрлийн халдварт өвчнөөс сэргийлэх вакцины үнийг улсын төсвөөс санхүүжүүлж байсныг өөрчилж, зарим халдварт өвчнөөс сэргийлэх вакцины үнэ, үйлчилгээний хөлсийг орон нутгийн төсвөөс болон мал, амьтны эзнээс гаргах зэрэг харилцааг шинэчлэн зохицуулжээ.
  • Зарим салбарын аж ахуйн нэгжийн орлогын албан татварыг нэг хувь болгоно
    2016 оны 12 сарын 26
    Зарим салбарын аж ахуйн нэгжийн орлогын албан татварыг нэг хувь болгоно

    Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төслийг УИХ-аас эгүүлэн татах саналаасаа Засгийн газар татгалзлаа. Ингэснээр УИХ уг хуулийн төслийг Засгийн газраас анх өргөн барьсан төслөөр нь дахин хэлэлцэхээр болж байгаа юм. Төсөлд, жилийн борлуулалтын орлого нь 1.5 тэрбум төгрөгөөс ихгүй:

    -хүнсний үйлдвэрлэл,

    -хувцас болон нэхмэлийн үйлдвэрлэл,

    -барилгын материалын үйлдвэрлэл,

    -газар тариалан, мал аж ахуйн чиглэлээр үйл ажиллагаа явуулж байгаа аж ахуйн нэгжүүдэд 1 хувиар орлогын албан татвар ногдуулахаар тусгалаа. Уг хуулийг баталснаар жижиг, дунд бизнес эрхлэгчдийн хувьд татварын дарамт буурах, эдгээр салбарт хөдөлмөр эрхлэлт болон ажлын байр нэмэгдэх зэрэг ач холбогдолтой гэж Засгийн газар үзэж байна. Уг хуулийг 2017 оны нэгдүгээр сарын 1-нээс дагаж мөрдөхөөр Засгийн газраас боловсруулсан төсөлд тусгажээ.
  • Олон хүүхэдтэй өрх толгойлсон эцэг, эхэд тэтгэмж олгоно
    2016 оны 12 сарын 26
    Олон хүүхэдтэй өрх толгойлсон эцэг, эхэд тэтгэмж олгох тухай хуулийн төслийг хэлэлцээд Засгийн газрын гишүүдийн саналыг тусган УИХ-д өргөн мэдүүлэхээр тогтов. Төсөлд, 4 хүртэлх насны ихэр хүүхдэд нэг удаа тэтгэмж олгох, жирэмсний 5 сартайгаас нь эхлэн 5 сарын турш эхэд тэтгэмж олгох, 0-3 насны хүүхдээ асарч байгаа эхэд сар бүр тэтгэмж олгох, 3 ба түүнээс олон хүүхэдтэй өрх толгойлсон эх, /эцэг/ -т улирал бүр тэтгэмж олгохоор тусгасан байна. Эдгээр арга хэмжээнд нийтдээ жилд 72.4 тэрбум төгрөг зарцуулахаар төсөлд тусгажээ.

    Монгол Улсад нийт хүүхэдтэй 531,1 мянган өрх байгаагийн 16 орчим хувийг өрх толгойлсон ганц бие эх /эцэг/-тэй өрх эзэлдэг байна.
  • Эрчим хүч хэмнэвэл жилд 120 тэрбум хэмнэх боломжтой
    2016 оны 12 сарын 26
    Улаанбаатар төмөр зам, МҮОНРТВ, Эрдэнэт, Оюу толгой, Номин холдинг, Мобиком зэрэг аж ахуй нэгжийн удирдлагуудыг хүлээн авч уулзлаа. А.Тлейхан дарга ”Эрчим хүч хэмнэх үүрэг хүлээж ажиллана гэдэг ямар нэг дарамт биш. Харин та бүхэн өөрсдийн байгууллагын зардлыг бууруулах, эдийн засгийн үр ашиг олох, байгаль орчинд ээлтэй байх үүргээ биелүүлж ажиллахыг хүсье” гэв.
  • МОНЦАМЭ агентлаг ЗДТГ-тай хамтран ажиллана
    2016 оны 12 сарын 26
    Нийслэлийн Засаг дарга бөгөөд Улаанбаатар хотын захирагч С.Батболд Үндэсний мэдээллийн МОНЦАМЭ агентлагийн дарга Соёлын гавьяат зүтгэлтэн Б.Ганчимэг нар өнөөдөр хамтран ажиллах санамж бичигт гарын үсэг зурлаа. Уг санамж бичгийн хүрээнд нийслэлийн өдөр тутмын мэдээ мэдээлэл, түүх, соёлыг олон улсад түгээн дэлгэрүүлэх чиглэлээр Үндэсний мэдээллийн МОНЦАМЭ агентлаг Монгол, Орос, Англи, Хятад, Япон хэлээр гардаг www.montsame.mn цахим хуудсаар дамжуулан дотоод болон олон улсад мэдээлнэ. Мөн англи хэл дээрх ”The Mongol Messenger” сонин, ”Mongolia Today” сэтгүүл, ”Новости Монголии”, ”Монголын мэдээ”, ”Монгорү цүүшин”, “Хүмүүн бичиг” зэрэг долоо хоног тутмын сонингоор дамжуулан мэдээлэх юм байна.

    Санамж бичигт гарын үсэг зурсныхаа дараагаар нийслэлийн Засаг дарга “95 жилийн түүхтэй, монголчуудын сэтгэл зүрхэнд хоногшсон мэдээллийн ууган байгууллагад зочилж байгаадаа баяртай байна. МОНЦАМЭ агентлаг бол зөвхөн улс, нийслэлийн хэмжээнд ажиллах бус Монгол үндэстнийг дэлхий нийтэд таниулах дуу хоолой, гүүр болж ирсэн байгууллага. Нөгөөтэйгүүр Монгол Улсын бүхий л статистик үзүүлэлтийн 50-70 хувь нь Улаанбаатар хоттой шууд холбоотой байдаг. Өөрөөр хэлбэл, Улаанбаатар хотын тухай мэдээллийг дэлхий нийтэд хүргэх нь Монгол Улсыг танилцуулахтай агаар нэг юм. Тиймээс нийслэлийн ЗДТГ болон МОНЦАМЭ агентлаг хамтран ажиллах нь зүй ёсны асуудал билээ. Мөн энэ байгууллагад чадварлаг, мэргэшсэн боловсон хүчин ажилладаг тул хотын өмнө тулгамдсан, хийж бүтээж буй ажлуудыг дотоодын төдийгүй дэлхийн сонорт хүргэх боломжтой. Нийслэлийн өмнө тулгамдсан асуудлыг шийдвэрлэх чиглэлээр олон улстай хамтран ажиллахад МОНЦАМЭ агентлаг гол гүүр нь болно гэдэгт итгэж байна” хэмээн онцлон хэлэв
  • Ерөнхийлөгч Ц.Элбэгдорж ОХУ-д эмгэнэлийн цахилгаан утас илгээлээ
    2016 оны 12 сарын 26
    Монгол Улсын Ерөнхийлөгч Ц.Элбэгдорж ОХУ-ын Ерөнхийлөгч В.В.Путинд өнөөдөр эмгэнэл илэрхийлж, эмгэнэлийн цахилгаан утас илгээлээ.

  • Жижиглэн худалдаа эрхлэгчдэд хямд түрээсийн лангуу санал болгоно
    2016 оны 12 сарын 26
    Орхон худалдааны төв, Батсервис ХХК-ийн захирал Б.Батжаргал
    “Нийслэлийн Засаг даргын зүгээс нийслэлийн хүн амын хүнсний хангамжийг сайжруулах, эрүүл ахуйн нөхцөл байдлыг дээшлүүлэх үүднээс лангуу талбайн түрээсийг тодорхой хэмжээгээр бууруулах уриалга гаргаж байна.

    Худалдааны төв бүр өөрийн гэсэн онцлогтой, нөхцөл байдлын хувьд харилцан адилгүй юм. Манай төвийн хувьд л гэхэд хүнсний бүтээгдэхүүнийг бөөний үнээр борлуулдаг учраас хоосон лангуу тэр бүр гардаггүй, хоёрдугаар давхарт аж ахуйн чиглэлээр лангуу гаргаж өгөх боломжтой. Мөн цаашдаа хэрхэн хамтарч ажиллах өөр гарц боломжууд байгаа талаар хотын даргатай зөвлөлдөхөөр ирээд байна” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
  • Д.Хаянхярваа: Тавантолгойн 49 хувийг 400 сая амдоллараар зарах гээд байгаа зүйл байхгүй гэсэн
    2016 оны 12 сарын 26
    МАН-ын бүлэг өнөөдөр хуралдаж, хуралдсан асуудлын хүрээнд яригдсан Хөгжлийн банкны хуулийн шинэчилсэн найруулгын хуулийн төсөл болон шалгалтын дүнтэй холбогдсон асуудал, Тавантолгойн төсөлтэй холбоотой асуудлаар мэдээлэл хийв.
  • Агаарын бохирдлын талаар хэлэлцлээ
    2016 оны 12 сарын 26
    УИХ-ын өргөдлийн байнгын хорооны хуралдаанаар өнөөдөр “Агаарын бохирдол ба Улаанбаатарын утаа” сэдэвт хэлэлцүүлгийг хийж байна. БОАЖ-ын сайд Д.Оюунхорол уг хуралдаанд мэдээлэл хийлээ.

    Тэрбээр цаг үеэ олсон хэлэлцүүлэг зохион байгуулж буй Өргөдлийн байнгын хорооныхонд талархал илэрхийлэв. Салбарын сайдын мэдээлснээр агаар бохирдуулагч гол бодис PM10 тоосонцрыг 2016 оны 11 дүгээр сарын байдлаар нийт 11 цэгт 312 удаа тодорхойлоход 220 удаад нь буюу 71 хувьд нь стандартаас давсан байна.

    Харин РМ2.5 тоосонцрыг 11 дүгээр сард нийт зургаан цэгт 167 удаа тодорхойлоход 147 удаад нь буюу 88 хувьд нь стандартаас давжээ. Азотын давхар исэл, хүхэрлэг хийн агууламж ч өндөр гарч байна.

    Улаанбаатар хотын агаарын бохирдлын эх үүсвэр болох түүхий нүүрсний хэрэглээ жилд 5.9 сая тонн бөгөөд үүнээс гэр хороололд 10 хувийг нь хэрэглэж байгаа боловч агаарт ялгаруулж байгаа бохирдлын 80 хувийг эзэлж байгааг сайд илтгэлдээ өгүүллээ.

    Харин цахилгаан станцад түүхий нүүрсний 85 хувийг нь хэрэглэж байгаа ч агаарт ялгаруулж байгаа бохирдлын хувь хэмжээний зургаан хувийг эзэлж байгаа нь өндөр яндантай, утаа хол хаягддагтай холбоотой гэв.

    Улаанбаатар хотод 2016 онд 439 мянга гаруй тээврийн хэрэгсэл тоологдсон ба эдгээр автомашин агаарын бохирдлын хувь хэмжээний 10 хувийг эзэлж байна. Ялангуяа түгжрэлд зогсож байгаа автомашин тормос гишгэх үедээ агаар бохирдуулагч хүнд металыг ихээр ялгаруулдаг гэдгийг салбарын сайд мэдээлэлдээ дурдлаа.

    2011 оноос өнөөдрийг хүртэл олон улсын хамтын ажиллагааны төслүүдийн үнийн хөнгөлөлт, “Цэвэр агаар сан”-гийн татаастай үнээр Улаанбаатар хотод 175 мянга 618 сайжруулсан зуух тараасан тухай БОАЖ-ын сайд мэдээлэлдээ дурдав.

    “Агаарын бохирдлын эх үүсвэрийн улсын 2015 оны нэгдсэн тоо, бүртгэл”-ийн дүнгээр нийслэлийн төвийн 6 дүүрэгт 161 мянган зуух бүртгэгджээ. Үүнээс 38 хувь буюу 61 мянга нь энгийн зуух, 62 хувь буюу 100 мянга өрх нь сайжруулсан зуух ашиглаж байна. Энэ тооллогын дүнгээс харахад Улаанбаатар хотод тараагдсан сайжруулсан зуухны бараг 50 хувь нь ашиглагдахгүй байгаа аж.

    Түүнчлэн өнөөдөр Улаанбаатар хотын гэр хороололд амьдарч буй 198,000 өрхийн 30 хувь нь амьдралын нөхцөл боломж муугаас хуучин дугуй шатаах, ашигласан тээврийн хэрэгслийн тосонд тоосго дүрч шатаах, хог хаягдал түлж байгаа судалгааг гаргасан байна. Иймд дээрх түүхий нүүрсээ авч түлж чадахгүй байгаа иргэдийг халамжийн бодлогоор хяналттай зөв механизмаар сайжруулсан зуух болон түлшээр хангах ажлыг зохион байгуулах шаардлагатай байгааг сайд өгүүллээ.

    2015 оны төсвийн тодотголыг УИХ 2015 оны 11 дүгээр сард хэлэлцэж баталсан бөгөөд “Цэвэр агаарын сангийн төсвийг нийт 11 тэрбум төгрөгөөр бууруулсан. Гэвч тус сангийн төсвийг бууруулж баталснаас 2015 онд гэрээ байгуулсан ажлын гүйцэтгэл нь бүрэн дууссан гүйцэтгэгч 11 аж ахуйн нэгжид нийт 2,108.5 сая төгрөгийн гүйцэтгэлийг санхүүжүүлж чадалгүй татан буугдсан байна.

    “Цэвэр агаар сан”-гийн чиг үүрэг БОАЖЯ-ны харьяанд шилжиж ирсэн ба дээрх өрийг өнгөрсөн 11 дүгээр сард Агаарын бохирдлыг бууруулах хөтөлбөрийн бусдаар гүйцэтгүүлсэн ажил үйлчилгээний төлбөр хураамжийн зардлаас барагдуулсан тухай Д.Оюунхорол сайд мэдээллээ.

    Агаарын бохирдлыг бууруулахад тулгарч байгаа сорилт, бэрхшээл:

    Агаарын бохирдлын төлбөрийн тухай хуульд зааснаар:

    олборлосон нүүрсний 1 кг тутамд 1 төг,
    импортлосон, үйлдвэрлэсэн органик уусгагчийн 1 кг тутамд 10 төг,
    автомашины ангиллаас хамаарч жилд 1,800-9,500 төгрөг татвар хураах зохицуулалттай.

    Дээрх төлбөрөөс жилдээ 30 орчим тэрбум төгрөг улсын төсөвт төвлөрдөг.

    Гэвч агаарын бохирдлын төлбөр улсын төсөвт орж, зориулалтаараа зарцуулагдахгүй байгаа нь хуулийн амин сүнс болсон хэрэгжүүлэх механизм хангалтгүй байгааг харуулж байна гэв. Байгаль орчны хяналтын тогтолцоо нь Байгаль орчны яамнаас тусдаа мэргэжлийн хяналтын байгууллагаар хэрэгжиж байгаа нь тогтолцооны хувьд буруу байгааг ч сайд шүүмжиллээ. Үүнийг бодлого, хяналт хоёр уялдахгүй байгаагийн илрэл гэсэн юм.

    УИХ, Засгийн газар агаарын бохирдлыг бууруулах асуудалд анхаарлаа хандуулан ажиллаж олон арга хэмжээнүүдийг авч хэрэгжүүлсээр байгааг ч БОАЖ-ын сайд Д.Оюунхорол онцоллоо. Тухайлбал, УИХ-ын Агаарын бохирдлыг бууруулах асуудлын дэд хороо 2016 оны 11 дүгээр сарын 15-ны өдөр аж ахуйн нэгж, эрдэмтэн судлаачдыг оролцуулан хэлэлцүүлэг зохион байгуулж агаарын бохирдлыг бууруулах чиглэл, зөвлөмжийг гаргасан.

    Мөн НҮБ-ийн Хүүхдийн сан болон Нийгмийн эрүүл мэндийн хүрээлэнгээс “Хүүхдийн Эрүүл мэндэд агаарын бохирдлын үзүүлэх нөлөө, шийдвэрлэх арга зам” судалгааны тайланг хүлээн авах ажлыг зохион байгуулж холбогдох төрийн байгууллага аж ахуй нэгжүүдэд чиглэсэн санал зөвлөмжийг гаргасан. Монгол Улсын Ерөнхий сайдаар ахлуулсан Агаарын бохирдлыг бууруулах үндэсний хороо 2016 оны анхдугаар хуралдаанаа зохион байгуулж тодорхой шийдвэрүүдийг гарган хэрэгжүүлэхээр ажиллаж байгааг мөн өгүүллээ.

    Дээрх хурал зөвөлгөөнөөс гарсан шийдвэрүүдийг үндэслэн ойрын хугацаанд хийх ажлын стратегийг салбарын сайд хэллээ.
    Үүнд:

    Гэр хорооллын дахин төлөвлөлтийг хийнэ.
    Орон сууцжуулах хөтөлбөрийг зайлшгүй хэрэгжүүлэх ёстой. Хятадын 50 сая юанийн буцалтгүй тусламжийг энэ хөтөлбөрт зарцуулахаар шийдвэрлэсэн.
    Агаарын бохирдлыг бууруулах үндэсний хөтөлбөрийг боловсруулж салбар хоорондын уялдаа холбоог сайжруулах,
    Холбогдох хуулиудад нэмэлт өөрчлөлт оруулж “Цэвэр агаар сан”-г сэргээх,
    Түүхий нүүрсний хэрэглээг үе шаттайгаар бууруулах,
    Сэргээгдэх эрчим хүчийг нэвтрүүлэх,
    Хог хаягдал боловсруулан, эрчим хүч үйлдвэрлэх төслийг дэмжин ажиллах,
    Тавдугаар цахилгааны станц барих ажлыг эрчимжүүлэх, эрчим хүчний нөөцийг нэмэгдүүлэх талаар төсөл боловсруулах,
    Гэр хорооллын айл өрхийн цахилгааны шөнийн тарифыг хөнгөлөх,
    Улаанбаатар хотын зорилтот бүлгийн айл өрхийг сайжруулсан зуух, боловсруулсан түлшээр хангах,
    Нүүрс олборлогчийг газар дээр нь нүүрсээ угаах, боловсруулалт хийхэд нь дэмжлэг үзүүлэх
    Олон улсын хамтын ажиллагааны хүрээнд нүүрс шингэрүүлэн хий гаргах үйлдвэрийг дэмжих
    Элэгдэж, эвдэрсэн газрын доройтлыг бууруулах, авто замаас үүсэх тоосжилтыг багасгах зорилгоор нийслэл хот, төв суурин газрын ногоон байгууламжийг нэмэгдүүлэх, замын ус зайлуулах эко системийг иж бүрнээр төлөвлөх,
    Автомашины улсын үзлэгийн оношлогооны чанарыг сайжруулах
    Авто тээврийн хэрэгслээс үүдэлтэй агаарын бохирдлыг бууруулах хүрээнд Евро 4, 5 стандартад нийцсэн сайн чанарын шатахууны импорт, хэрэглээг дэмжих, 7-оос дээш насжилттай автомашины импортыг үе шаттай хязгаарлах арга хэмжээ авах,
    Нийтийн тээврийн үйлчилгээг боловсронгуй, хүртээмжтэй болгох, автобусыг хийн түлшинд үе шаттай шилжүүлэх зорилтыг тавин ажиллаж байна.

    “Агаарын бохирдлыг бууруулахад - Иргэн таны оролцоо” аяныг ирэх оны нэгдүгээр сарын 1-нээс эхлүүлнэ

    Агаар бохирдлыг бууруулах чиглэлээр “Цэвэр агаар сан”-гаас 2011-2015 онд 135 тэрбум төгрөг зарцуулсан ч бодитой үр дүн гараагүй байгааг БОАЖ-ын сайд Д.Оюунхорол тэмдэглэв. Буруу төлөвлөлт, алдаатай бодлого, салбар хоорондын уялдаагүй байдлын улмаас гэр хорооллын дахин төлөвлөлт, орон сууцжуулах хөтөлбөрүүд ч бодитой хэрэгжээгүй гэв.

    Н.Алтанхуягийн тэргүүлсэн Засгийн газраас “Нүүрс” хөтөлбөрийг хэрэгжүүлж эхэлсэн нь мөн л асуудал дагуулж сайжруулсан болон шахмал түлшний үйлдвэрүүдийн хаалгыг барихад хүргэсэн. Цаашид өнгөрсөн алдаагаа давтахгүй, салбар хоорондын бодлогын уялдааг хангаж ажиллах шаардлагатайг БОАЖ-ын сайд онцлов.

    Өнөөгийн хөрөнгө санхүүгийнхээ нөхцөлд түшиглэсэн зөв бодлого шийдвэрүүдийг хэрэгжүүлэхийг зорьж байгаагаа ч тэмдэглэлээ. Хамгийн хүчтэй Засгийн газар ч агаарыг бохирдлыг дангаараа шийдвэрлэж чадахгүй бөгөөд иргэдийн ухамсар, оролцоо, хариуцлага чухал гэдгийг БОАЖ-ын сайд Д.Оюунхорол онцолсон юм.
    БОАЖЯ-наас агаарын бохирдлыг бууруулахад иргэдийн оролцоо, мэдлэг мэдээллийг нь нэмэгдүүлэх зорилгоор “Агаарын бохирдлыг бууруулахад - Иргэн таны оролцоо” аяныг ирэх оны нэгдүгээр сарын 1-нээс эхлүүлж байна. Агаарын бохирдлыг бууруулах асуудал нь төсөв хөрөнгө, ард иргэдийн амьжиргааны төвшинтэй шууд уялдаатай учир шат дараалсан шийдвэртэй арга хэмжээнүүдийг хэрэгжүүлэх шаардлагатайг ч онцоллоо.

    Агаарын бохирдолтой тэмцэх чиглэлээр иргэн, байгууллага, аж ахуйн нэгж бүр өөрчлөлтийг хийх хүсэл эрмэлзлэл байвал асуудал шийдэгдэнэ гэж БОАЖ-ын сайд Д.Оюунхорол мэдээллийнхээ төгсгөлд онцлов.



    Эх сурвалж: БОАЖЯ-ны Хэвлэл мэдээллийн алба
  • Замын тэмдэглэгээг сайжруулж байна
    2016 оны 12 сарын 26
    Замын цагдаагийн алба, “Улаанбаатар Зам засвар арчилалтын газар” ОНӨААТҮГ-тай хамтран Улаанбаатар хотын хэмжээнд хазайж муруйсан шонтой, тэмдэг нугарсан, унжсан, өнгө үзэмж алдсан, засч сайжруулах ажлыг эхлүүлжээ.



    Ажлын хүрээнд засвар шаардлагатай нийт 414 тэмдэгийг засч, сэргээх аж. Одоогийн байдлаар Баянгол, Сонгинохайрхан, Чингэлтэй дүүргүүдийн нутаг дэвсгэрт байрлах 220 тэмдэгийг сэргээн ажиллаж байна.
  • Оюутнууд сэтгэлзүйн төвтэй боллоо
    2016 оны 12 сарын 26
    Энэ талаар тус тэнхимийн багш, Анагаах ухааны докторо Д.Оюунсүрэн “Шинэ оюутнууд дасан зохицолтын өөрчлөлтөө шийдэж чадаагүйн улмаас нойргүйдэх зэрэг сэтгэцийн анхан шатны өөрчлөлтөд орох явдал байдаг. Мөн түр зуурын сэтгэцийн хямралд өртөх нь бий. Улмаар богино хугацаанд хямралаа өөрчилж чадахгүй явсаар илүү том асуудалд ордог. Энэ мэтчилэн асуудал тулгамдсан оюутан энэхүү төвөөр үйлчлүүлж зөвлөгөө авах боломжтой. Одоогоор орон тооны сэтгэлзүйч ажиллахгүй. Манай тэнхимийн залуу багш н.Энхтүвшин хариуцаж ажиллана” хэмээв.



    Цаашид энэхүү төвийн үйл ажиллагааг өргөжүүлж, ЕБС-ийн сурагчдад мэргэжлээ сонгоход болон үе тэнгийхний нөхөрлөлийн асуудлаар зөвлөгөө, тусламж үзүүлэх аж.
  • Ц.Мөнх-Оргил: Засгийн газар Хятадын талаас уучлал гуйгаагүй
    2016 оны 12 сарын 26
    Гадаад хэргийн сайд Ц.Мөнх-Оргил Далай ламын айлчлал болон уг асуудлын талаарх Засгийн газрын байр суурь, Давхар харъяалалын асуудал, Дипломат төлөөлөгчийн дөрвөн газрыг татан буулгах болсон үндэслэл гэх мэт асуудлаар мэдээлэл хийлээ.
5108 5109 5110 5111 5112 5113 5114
  • Шинэ
  • Их уншсан
  • Их сэтгэгдэлтэй
  • 2026 оны өвлийн монгол хэл бичгийн болон элсэлтийн шалгалтын бүртгэл энэ сарын 23-нд дуусна
    15 цаг 3 мин
  • Улс хоорондын шуудан илгээмжийн нийт бараа эргэлт 40.5 хувиар өсжээ
    15 цаг 11 мин
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
    15 цаг 20 мин
  • Их зохиолч Д.Нацагдоржийн мэндэлсний 120 жилийн ой өнөөдөр тохиож байна
    16 цаг 8 мин
  • Эрдэнэбүрэнгийн усан цахилгаан станцын бүсээс эртний чулуун хайрцагтай булш илэрчээ
    16 цаг 13 мин
  • Өвөрхангай аймгийн Засаг даргаар Т.Жамбалцэрэнг томилжээ
    16 цаг 25 мин
  • О.Батжаргал: Төрөө дээдэлдэг ард түмний хувьд төрийн тэргүүний ажил ариун байх ёстой, сэвтээж таарахгүй
    17 цаг 17 мин
  • Азийн Испорт болон оюуны анхдугаар наадам 2027 оны арваннэгдүгээр сард болно
    17 цаг 39 мин
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
    17 цаг 42 мин
  • Өнөөдөр "Олон улсын оюутны эрхийг хамгаалах өдөр"
    17 цаг 56 мин
  • Ц.Ганзориг: Ерөнхийлөгч гүжир гүтгэлэгт нэр төрөө сэргээлгэх хуулиар олгогдсон бүрэн эрхийнхээ хүрээнд өөрөө шийдвэрээ гаргасан
    18 цаг 6 мин
  • Н.Учрал: Эх хэл бол үндэстний оюун санааны дархлаа, тусгаар тогтнолын баталгаа юм
    18 цаг 8 мин
  • “Pizza Hut” сүлжээ рестораныг үүсгэн байгуулагч Дэн Карни таалал төгслөө
    18 цаг 14 мин
  • Улаанбурхан өвчний дэгдэлтийг таслан зогсоолоо
    18 цаг 25 мин
  • Grammy Awards 2027: Нэр дэвшигчдийн БҮРЭН жагсаалт
    18 цаг 26 мин
  • Роберт Паттинсон дараагийн Жеймс Бондын дүрийг бүтээнэ
    18 цаг 41 мин
  • Л.Мөнхбаясгалан: У.Хүрэлсүхийг яс шалгаж ард түмэнд мэдээлэх хэрэгтэй
    18 цаг 45 мин
  • Х.Нямбаатар: Тайвширч, хууртаж болохгүй. Түүнд маш олон арга заль бий
    18 цаг 45 мин
  • Дархан аваргыг гурвантаа хаясан Сумын заан П.Нямжав
    18 цаг 58 мин
  • Н.Алтанхуяг: Монголын төр шударга, ариун байх ёстой. Огцорлоо гээд асуудлыг орхиж болохгүй
    19 цаг 2 мин
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Хайрын дууч С.Сэрчмаагийн тухай 24 баримт
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Өнөөдөр төв болон зүүн аймгуудын нутгаар нойтон цас орж, шуурна
  • Этгээд хоригтой 24 улс
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • FIBA 3x3 AmeriCup 2026 тэмцээний тойм
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Дохио!!! Цаг агаарын аюултай үзэгдлээс сэрэмжлүүлж байна
  • Жүдо бөхийн залуучуудын ДАШТ энэ сарын 19-нд эхэлнэ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Өвөлжилтийн бэлтгэл, отор нүүдлийн зохион байгуулалтыг эрчимжүүлэх чиглэл өглөө
  • Экспорт өмнөх оны мөн үеэс 45.3 хувиар өсжээ
  • Яруугийн уугуул Яруухан гарьд М.Лхагвагэрэлийн тухай сонирхолтой 24 баримт
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Г.Тэмүүлэн: Хүний эрх, эрх чөлөөг хамгаалахад төсөв мөнгө харамлах шаардлаггүй
  • Б.Хурцын эхлүүлсэн шинэ зам буюу “Их эвсэл”
  • МУГТ Э.Цэндбаатар энэ бямба гарагт Мухаммад Якубовтой тулалдана
  • ОХУ-ын АНУ-д суугаа Элчин сайд Александр Дарчиев гэнэт нас баржээ
  • З.Мэндсайхан: 2027 оны төсөв иргэдийнхээ орлогыг хамгаална
  • FIBA 3x3 AmeriCup 2026 тэмцээний тойм
  • Экспорт өмнөх оны мөн үеэс 45.3 хувиар өсжээ
  • 24 БАРИМТ: Дэлхий дээрх бидний анзаардаггүй "этгээд" баримтууд
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Дональд Трампын илгээсэн тусгай илч нар В.Путинтай уулзахаар Москвад ирлээ
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • ПСЖ клубийн алтан эрин үе
  • П.Бат-амгалан дэлхийн аварга болж, дэлхийн дээд амжилтыг шинэчиллээ
  • ОХУ-ын талд тагнуул хийсэн гэх сэжгээр АНУ-ын армийн алба хаагчийг Их Британид баривчилжээ
  • Этгээд хоригтой 24 улс
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
24 баримт
  • Хайрын дууч С.Сэрчмаагийн тухай 24 баримт
  • З.Мэндсайхан: 2027 оны төсөв иргэдийнхээ орлогыг хамгаална
  • Б.Баяраа: Хүчин төгөлдөр бус хуулийг шүүх хэрэгжүүлсээр байна
  • Этгээд хоригтой 24 улс
  • 24 БАРИМТ: Дэлхий дээрх бидний анзаардаггүй "этгээд" баримтууд
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК