МАХН-ын дарга Н.Энхбаярыг шүүх шүүх хурлын тов гарчээ. Түүнийг энэ сарын 24-нд буюу ирэх пүрэв гаригт Сүхбаатар дүүргийн шүүхэд шүүнэ. Түүний хэргийг Нийслэлийн прокурорын газраас яллах дүгнэлт үйлдэж, харьяалал тогтоолгохоор Улсын дээд шүүхэд энэ сарын 10-нд шилжүүлсэн. Харин Улсын дээд шүүхээс харьяалал тогтоон, энэ сарын 14-нд буюу өнгөрсөн даваа гаригт Сүхбаатар дүүргийн шүүх рүү шилжүүлсэн билээ. Түүнийг Эрүүгийн хуулийн тусгай ангийн 150 дугаар зүйлийн 150.3, 263 дугаар зүйлийн 263.2 дахь хэсэгт зааснаар буруутгаж буй. Тэрээр одоо батлан даалтад байгаа бөгөөд эмчилгээ хийлгэсэн ч бие дээрдэхгүй муу байгаа аж. Учир нь арав хоногийн турш хуурай өлсгөлөн зарласан учир зарим эд эрхтэн нь эмчилгээ авахгүй байгаа талаар эмчилж буй эмч нь мэдэгдэж байсан юм.
Б.Чимэг