МАХН-ын дарга Н.Энхбаярыг энэ сарын 24-нд буюу ирэх пүрэв гаригт 10.00 цагаас шүүнэ. Түүнтэй хамт Д.Дуламбүрэн, Ж.Мягмаржаргал, До.Чулуунбаатар нарыг мөн шүүх бөгөөд тэднийг Эрүүгийн хуулийн 150.3, 263.2-д зааснаар буруутгаж байгаа юм.
   МАХН-ын дарга Н.Энхбаярыг энэ сарын 24-нд буюу ирэх пүрэв гаригт 10.00 цагаас шүүнэ. Түүнтэй хамт Д.Дуламбүрэн, Ж.Мягмаржаргал, До.Чулуунбаатар нарыг мөн шүүх бөгөөд тэднийг Эрүүгийн хуулийн 150.3, 263.2-д зааснаар буруутгаж байгаа юм. Хурлыг даргалагч шүүгчээр Сүхбаатар дүүргийн ерөнхий шүүгч С.Соёмбо-Эрдэнэ, шүүгчээр С.Оюунчимэг, М.Алдар нар оролцохоор болжээ. Хэрвээ гэм буруутай нь тогтоогдвол 150.3-т эд хөрөнгийг хурааж, таваас дээш арван жил хүртэл хугацаагаар хорих ял шийтгэнэ хэмээн заажээ. Харин 263.2-д уг хэргийн улмаас их хэмжээний хохирол, хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг таван жил хүртэл хугацаагаар хасч хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, эсхүл таван жил хүртэл хугацаагаар хорих ял шийтгэнэ гэжээ.