БГД-ийн нутаг Энэбишийн өргөн чөлөө Өргөө кино театрын урд замд Нийслэлийн ОНӨААТҮГ-ын Daewoo BS-106 маркийн автобусны жолооч Б нь явган зорчигч 19 настай эмэгтэй Э-г мөргөж гэмтээсэн байна.
Мөн БГД-ийн нутаг хувьсгалчдын гудамж Сэлэнгэ хүнсний дэлгүүриийн урд замд Гуртын тавилан ХХк-ны Т. Раум маркийн авто машины жолооч Г нь согтууруулах ундааны зүйл хэрэглэсэн үедээ тээврийн хэрэгсэл жолоодож яваад явган зорчигч 30 настай эмэгтэй Г-г мөргөж гэмтээжээ.
Урин дулааны цаг ирсэнтэй холбоотойгоор унадаг дугуй, мотоцикльтой замын хөдөлгөөнд оролцох нь эрс нэмэгдэж үүнтэй холбоотой зам тээврийн осол гарч хүний амь нас эрүүл мэнд ихээхэн хохирдог. Монгол улсын ЗХДүрэмд 14 наснаас доош насны хүүхдүүд унадаг дугуйгаар замын хөдөлгөөнд оролцохыг хориглох ба зөвхөн тусгайлан бэлтгэсэн зам, хүүхдийн тоглоомын талбай дээр зорчихыг зөвшөөрсөн байдаг. Унадаг дугуйн зам байхгүйгээс хүүхдүүд авто замыг сонгож хөдөлгөөнд оролцдог тул эцэг эхчүүд та бүхэн онцгой анхаарах хэрэгтэй. Хэрэв таны хүүхэд зайлшгүй замын хөдөлгөөнд оролцох бол дараах зүйлийг анхаарна уу. Үүнд: Хамгаалалтын малгай өмсгөх, жолоог нь шалгаж чөлөөтөй хөдлөж байгаа эсэх, дугуй нь хийтэй , гар болон хөл тормос, хонх ажиллаж байгаа эсэх, орой үдшийн цагаар явахад урд талын гэрэл замыг гэрэлтүүлж чадах эсэх, ар талд улаан цацруулагч гэрэл асаж байгааг заавал шалгах, мотоцикльтой замын хөдөлгөөнд оролцох бол хамгаалалтын малгайг тогтмол өмсөж хэвших, хөдөлгөөний аюулгүй байдлыг сайтар хангаж анхаарал болгоожтой замын хөдөлгөөнп оролцохыг Улаанбаатар хотын Замын цагдаагийн газраас зөвлөж байна.
Д.Ундрах /24tsag.mn/