Авлигатай тэмцэх газрын 1800-1969 утсаар ирүүлсэн “Сургуулийн өмнөх боловсролын байгууллагууд нь эцэг эх, асран хамгаалагч нараас хууль бусаар хандив цуглуулж байна” гэх гомдол, мэдээллийн дагуу холбогдох шалгалтын ажиллагаа явуулахад Эрүүгийн хуульд заасан албан тушаалын гэмт хэрийн бүрэлдэхүүний шинжийг хангахгүй боловч холбогдох хууль тогтоомж зөрчсөн байна.

Нийслэлийн Сонгинохайрхан дүүргийн 156 дугаар цэцэрлэгийн эрхлэгч Ц.Сарантуяа нь Нийслэлийн Боловсролын газрын 2013-2014 оны хичээлийн жилд гаргасан журмын дагуу 2 настай хүүхдүүдийг 2014 онд бүртгэж авахдаа хүүхдүүдийн эцэг, эхэд цэцэрлэгийн нөхцөл байдал, архивын өрөө болон бусад засвар үйлчилгээний шаардлагыг танилцуулж, 100 мянган төгрөгийн хандив, тусламж үзүүлэх хүсэлтээ гаргаж, хандиваа өөрөө биечлэн зохион байгуулсан нь Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 17 дугаар зүйлд заасан хандив авахтай холбогдох хязгаарлалтыг зөрчсөн нь тогтоогдлоо.

Д.Ундрах /24tsag.mn/