Сүүлийн үед охид бүсгүйчүүд төдийгүй ахимаг насныхан, эрчүүдийн сонирхолыг яахын аргагүй татаад буй  “Aqua” усан фитнессийн талаарх уншигчдад хэрэгтэй мэдээллийг хүргэж байгаа билээ.
Энэ удаад ахимаг насныхан хийгээд хүчтэй хөдөлгөөн хийж болохгүй нуруу нугасны өвчтэй хүмүүст зориулсан ангийн танилцуулгыг хүргэж байна.

Учир нь суугаа ажилтай, ахимаг насны, хөдөлгөөний дутагдалд орсон, нуруу нугасны эмчилгээтэй хүмүүст усан эмчилгээ үр дүнтэй байдаг юм байна.

Энэ эмчилгээний анги 60-аас дээш насны ахмадуудад зориулагдсан байдаг. Иймэрхүү хүмүүс зааланд дасгал хийх, фитнессээр хичээллэхээс жийрхдэг.  Магадгүй тэд хөдөлгөөний эвсэл, цуг хичээллэж байгаа хүмүүсээсээ санаа зовох, хөдөлгөөнөөс болж шантрах асуудал байдаг. Цаашлаад үе мөч, зүрх судас, бөөрний өвчтэй хүмүүст фитнессээр хичээллэхэд эмчийн хориг байдаг. Өөрөөр хэлбэл, хамаагүй үсэрч доргиж болохгүй, халууцаж хөлөрч ачаалал авч болохгүй зэрэг хоригууд байгаа. Тэгвэл ийм төрлийн эмчилгээний хүмүүст зориулж тусдаа эмчилгээний анги гэж нээсэн байна. Энэ ангид сунгалтын дасгал болоод хөнгөвчилсөн дасгалууд ордог.

Таягтай, өвдөгний бэхэлгээтэй, физик эмчилгээтэй байгаа, хагалгааны дараах хүндрэлүүдтэй хүмүүс эмчилгээний ангид явж хөдөлгөөнөө эрс сайжруулдаг аж. Ингэснээр таягаа хаяж, хөдөлгөөнгүй байсан хөл, нуруу нь сайжирдаг байна. Мөн 60-аас дээш насны жин ихтэй хүмүүс усанд бага багаар дассанаар хөдөлгөөний дутагдал нь арилж чаддаг гэдгийг фитнесснийхний зүгээс онцоллоо.

Дашрамд хэлэхэд, даралт ихтэй, зүрх судасны өвчтэй хүмүүсээс сөрөг тал ажиглагдахгүй байгаа аж.
Эмчилгээний ангиа нээх болсон шалтгаан нь эмчийн зөвлөгөөгөөр ирж байгаа хүмүүсээс болсон гэдгийг энд дурдах нь зүйтэй биз ээ.

24tsag.mn