Дуучин СТА Т.Дэлгэрмөрөнг танихгүй хүн үгүй. Тэгвэл тэрбээр хорт хавдарын эсрэг хүчтэй дуугарч эхэллээ. Залуусаа нэгнээ хайрлаж, нэгэндээ сэтгэлийн дэм хайрлацгаая. Эрүүл биетэй, эрч хүчтэй байж үр удамдаа эрүүл саруул ген ээ үлдээцгээе.

Ингээд та бүхэнд СТА Т.Дэлгэрмөрөнгийн уриалга, сошиал ертөнцөд дэлгэсэн сэтгэгдлүүдээс сонирхуулж байна.

"Хорт хавдар гэж балиар өвчин одоо бүүр залуужлаа шүү.Хэлж биш хийсэн ирэх энэ зовлон шанлалтай эртхэн тэмцэхгүй бол ирсэн хойно нь амаа барих нь хайран шүү.Улирал бүр бие эрхтэн болгоноо үзүүлж харуулж хамгаалж бай.Үхсэн хойноо босоод ирэх биш үлдэж хоцрох хэн нэгэндээ ядаж ураг удмын ген ээ цэвэр эрүүл үлдээцгээ хүмүүсээ.Энэ өвчин юун дох,манай орны иргэдийг аалзны тор мэт бүрхэж 10 хүний 3 н өвдөж,өдөр тутам яг энэ өвчнөөр ихэнх нь тэнгэрт хальж байна.Ах дүүсээ бусдад буян хүргэж чадахгүй бол бүгдэд хэрэгтэй хүн болж амьдраарай.Би үнэн зүрхнээсээ ийм муухайтай тэмцэж дармаар байна нэгдэцгээ ах дүүсээ цааш нь share хийцгээ.Бидэнд улс төрчид биш,ухаан саруул Монгол хүн хэрэгтэй байна" хэмээн хэдхэн хоногийн өмнө цахим хуудаснаа нийтэлж байсан билээ.

Тэгвэл "Амин хайртай эхийг минь хорт хавдар залгихад би бурхантай 3 жил өгж авалцаж тэмцээд амирлан энэрэх болгож байлаа.Одооч бараг ийм зовлон амсаагүй өрх айл,хамаатан садан алга.Гэтэл орчлонгоос олж авсан ганцхан үнлэж боломгүй үнэнг минь үзэн яддаг сүүдэр нөмрөн авлаа.Би түүнд дийлдэхгүй нам дарнаа,нулимсаараа нүүрээ угааж ханлаа.Ах дүүс минь мэддэг бүх маань мэгзэмээ үнэн хүнээрээ бусдын төлөө ерөөж хайрлаач бидэнд хүч хайрлаач би тулалдья тэмцье.Бидний итгэл зориг үнэн сэтгэл ,нэгдэн бадарч чадвал тиймээ бид өөрсдөө бурхад аа" гэж нийтлэв.

Түүнд Монголын ард түмэн, залуу хойч үе эхнээсээ урам хайрлаж, хамтдаа тэмцэнэ гэдгээ илэрхийлж байна.

24tsag.mn