Г.Маралмаа, Т.Цогт нарыг шүүх хурал ШШГЕГ-ын харьяа цагдан хорих 461 дүгээр ангид нилээн ширүүн уур амьсгалтайгаар үргэлжилж байна.

Шүүгдэгч Т.Цогт, Г.Маралмаа нар бие, биенийгээ буруутгасан мэдүүлгийг өгч эхэллээ.

Г.Маралмаагийн хувьд "Т.Цогт охиныг нас бардаг өдрөөс хоёр хоногийн өмнө зодож, тэлээгээр ороолгосон. Мөн охин хоёр удаа шатнаас унасан. Энэ нь үхэлд хүргэх шалтгаан болсон. Миний зодсон охиныг үхэлд хүргээгүй" гэв.

Харин Т.Цогт "Г.Маралмаа бөөгийн зан үйл хийж,  миний охиныг байнга зоддог байсан" гэж хэлж байна.

Шүүх хуралд талийгаач охины ээж болон "Ээж бүхний дуу хоолой" ТББ-ынхан оролцож байгаа юм. Мөн хэргийн гэрчээр насанд хүрээгүй охин оролцож байна. Гэрч охины хувьд Т.Цогтын төрсөн эгчийнх нь хүүхэд аж. Тэрбээр Т.Цогтыг шөнө жижүүрт гарах үеэр гэрт нь очиж хонодог байжээ. Охин хэргийн талаар өгсөн мэдүүлэгтээ талийгаач охиныг Г.Маралмаа эгч байнга зоддог байсан нь үнэн гэж мэдүүлжээ. Тэрбээр үүнээс ч ноцтой мэдүүлгийг өгсөн гэнэ.

Охины төрсөн ээжийн хувьд охиныг Архангайд амьдардаг өөрийн эгч Т.Болормаа гэх эмэгтэйд үрчлүүлэхээр хөөцөлдөж байсан гэнэ. Шүүх хуралдаан үргэлжилж байгаа бөгөөд удахгүй шийдвэр нь гарна.

Улсын яллагчийн зүгээс шүүгдэгч Г.Маралмаад 23 жил харин Т.Цогтод 5 жилийн ял оноох саналтайгаа хэллээ. Үүнийг сонссон Г.Маралмаа шүүх танхимд ухаан алдаж унасан ч удалгүй сэргэж шүүх хуралдааныг үргэлжлүүлж байна.

Д.Ундрах